www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, January 31, 2017

ဘ၀အောင်မြင် တိုးတက်စေကြောင်း


ဘ၀အောင်မြင် တိုးတက်စေကြောင်း

အလုပ်တစ်ခု ပြောဆိုလုပ်ကိုင် ရာတွင် အောင်မြင်ရာ အောင်မြင်ကြောင်း နည်းလမ်းကောင်း များစွာရှိသည်။ ထိုနည်းလမ်းကောင်း များကို ကောင်းစွာ အသုံးချ၍ မိမိတို့၏ လုပ်ငန်းဆောင်တာ အဖြာဖြာတို့သည် အောင်မြင် တိုးတက်မှုများ ရှိသကဲ့သို့ နည်းလမ်းကောင်း များနှင့် အကျိုးရှိစွာ အသုံးချနိုင်မှု အားနည်း၍ အခွင့်အလမ်းများနှင့် လွဲချော်မှုများလည်း ရှိတတ်သည်။

ထိုနည်းလမ်းကောင်း များစွာအနက် တစ်ခုသော နည်းလမ်းမှာ စကားပြောဆိုရာတွင် ချိုချိုသာသာ ပြောဆိုပြီး အလုပ်လုပ်ရာတွင် မှန်မှန်ကန်ကန် မြန်မြန်ဆန်ဆန် လုပ်ဆောင်ခြင်း ဖြစ်သည်။ မှန်မှန်ကန်ကန် မြန်မြန်ဆန်ဆန် လုပ်ဆိုသည်မှာ ရိုးရိုးသားသား ပွင့်ပွင့်လင်းလင်း လျင်လျင်မြန်မြန် လုပ်ဆောင်ခြင်း ကိုဆိုသည်။

မှန်ကန်၍ ချိုသာသော စကားကို လူတိုင်းနှစ်သက် ကြသည်။ နှုတ်ချိုလျှင် သျှိုတစ်ပါးပြီးသည်ဟု ဆိုကြသည်။ ဘုရားရှင်ဟော တော်မူသော မဂ္ဂင်ရှစ်ပါးတွင် သမ္မာဝါစာ ကောင်းမွန် မှန်ကန်သော စကားကို ဆိုခြင်းနှင့် သမ္မာကမ္မန္တော မှန်ကန်ရိုးသားစွာ လုပ်ကိုင်ခြင်းတို့ ပါဝင်သည်။ ချိုသာယဉ်ကျေးသော စကားကို လူတိုင်းနှစ်သက်၍ ဆက်ဆံရေး ကောင်းမွန် စေသည်။

သို့သော် မျက်နှာပေါ်တွင် ပြုံးပြီး နှလုံးသားတွင် အပြုံးမပါသော ဆက်ဆံရေးသည် ချိုသာယဉ် ကျေးမှုရှိသော်လည်း ခိုင်မာသော ဆက်ဆံရေး ဖြစ်လာမည် မဟုတ်ပေ။ အပြောကောင်း သလောက် အလုပ်မလုပ် နိုင်လျှင်လည်း အပြောနှင့် အလုပ်မညီ၍ လူအများ၏ ယုံကြည်မှု၊ လေးစားချစ်ခင်မှုကို ရရှိမည် မဟုတ်ပေ။

ဤတွင် အချို့သော ပုဂ္ဂိုလ်များသည် အပြော မကောင်းကြပါ။ အပြောအဆို မပြေပြစ်သော်လည်း အလုပ်လုပ်ရာတွင် စေတနာပါပါ လုပ်တတ်ကြ ပါသည်။ ထိုသူမျိုးသည် အပြောချို၍ အလုပ် မလုပ်သူထက် ဘဝအောင်မြင်မှု ရနိုင်သည်။ ထိုထက် အပြောလည်းကောင်း၊ အလုပ်လည်းကောင်း မည်ဆိုပါက အကောင်းဆုံး၊ အတော်ဆုံးပုဂ္ဂိုလ်ဟု ဆိုရမည်သာ ဖြစ်သည်။

လူတိုင်းကြီးပွား ချမ်းသာလို ကြသည်။ အောင်မြင်ကျော်ကြား သူများ ဖြစ်လိုကြသည်။ အောင်မြင်စေသော နည်းလမ်းကောင်းများ လည်းရှိနေပါသည်။ ကောင်းစွာ အသုံးချနိုင်လျှင် တစ်ခုသော ဘဝ အဆင့်အတန်းသို့ 

တက်လှမ်းနိုင်မည် ဖြစ်သည်။ အပြောကောင်း၊ အလုပ်ကောင်း ခြင်းသည် ဘဝ အောင်မြင်စေသော နည်းလမ်း ဖြစ်သည်။ သို့သော် လူအများမှာ အပြောနှင့်အလုပ် ညီညွတ်အောင် လုပ်ဆောင်ရန် အားထုတ်မှု နည်းပါးသည်ကို တွေ့ရသည်။ လူမှုဘ၀တွင် တစ်ဦးနှင့်တစ်ဦး ဆက်ဆံရေးသည် အရေးကြီးသည်။

ချိုသာယဉ်ကျေးစွာ ပြောဆိုခြင်းသည် ကောင်းမွန်သော ဆက်ဆံရေးကို ဖြစ်ပေါ်စေသည်။ ရိုးသား ပွင့်လင်းစွာ လျင်မြန်စွာ လုပ်ကိုင်ခြင်းသည် လူအများ၏ နှစ်သက်ယုံကြည်မှု၊ အားကိုးမှု တို့ကို တိုးပွားစေသည်။ သို့ဖြစ်ရာ ပြောဆိုဆက်ဆံ ရာတွင် ချိုသာစွာ ပြောဆိုပြီး အလုပ်ကို ရိုးသားပွင့်လင်း လျင်မြန်စွာ လုပ်ကိုင်ကြမည် ဆိုလျှင် လူတိုင်းဘဝ၏ အောင်မြင်ကြီးပွား တိုးတက်စေမည် ဖြစ်ပါကြောင်း ရေးသားတင်ပြ လိုက်ရပေသည်။

( အယ်ဒီတာ့အာဘော် )

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger