www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, December 31, 2015

မျက်လုံးနှင့် ကျန်းမာရေး


မျက်လုံးနှင့် ကျန်းမာရေး

( အန်တီစိမ့် )

လူ့ခန္ဓာကိုယ် တစ်ခုလုံးမှာ အသုံးအ၀င်ဆုံး နဲ့ မရှိမဖြစ် အရာတွေထဲမှာတော့ မျက်လုံးက အရေးကြီးလှ ပါတယ်။ နံနက် အိပ်ယာနိုးသည်မှ ညအိပ်ယာဝင် သည်အထိ ပင်ပန်းစွာ အလုပ်လုပ်ရသူ ကလည်း မျက်လုံးပင် ဖြစ်သည်။ ဒါကြောင့် ခန္ဓာကိုယ်အတွက် မရှိမဖြစ် လိုအပ်လှတဲ့ မျက်လုံးတွေကို ဘယ်လိုမျိုး ကာကွယ် စောင့်ရှောက်နိုင် သလဲဆိုတာကို လက်လှမ်းမီသလောက် စုစည်း တင်ပြလိုက်ရ ပါတယ်။




အစားအစာ

မျက်စိ အားကောင်းမယ့် ဆေးတွေ သောက်တာထက် သဘာဝ အစားအစာတွေကို စားသုံးပေးခြင်း က မျက်စိအား ပိုမိုကောင်းမွန် ဖို့နဲ့ အမြင်အာရုံ ကြည်လင်စေဖို့ အတွက် အကောင်းဆုံး နဲ့ အသင့်တော်ဆုံး ဆေးဝါးတွေပဲ ဖြစ်ပါတယ်။ အစိမ်းရောင် အရွက်တွေထဲမှာတော့ မျက်စိအတွက် အလွန်အကျိုး ဖြစ်စေမယ့် Lutein ဓာတ်ပမာဏတွေ အများကြီး ပါဝင်ပါတယ်။ အဲဒီဓာတ်ဟာ မျက်စိထဲက Cell တွေရဲ့ ပျက်စီးခြင်းကို ကာကွယ်ပေးနိုင် ပါတယ်။

ငါးစားခြင်း ဟာလည်း မျက်စိကို အားကောင်းစေ ပါတယ်။ DHA လို့ခေါ်တဲ့ ( Docosahexaenoic Acid ) ပါဝင်ပြီး ၄င်းတို့က မျက်စိအားကို ပိုမိုကောင်းမွန် စေပါတယ်။ အဆီဓာတ်တွေ ပြည့်ဝနေတဲ့ သစ်ကြားသီး ဟာ အရသာ ဆိမ့်ဆိမ့်လေး ဖြစ်ပေမယ့် မျက်စိအတွက် ကောင်းကျိုးတွေ အများကြီး ပေးစွမ်းတာမို့ စားပေးသင့် ပါတယ်။ ကျန်းမာရေး အတွက် အံ့သြစရာ ကောင်းလောက်အောင် အကျိုးပြုတဲ့ အသီးတစ်မျိုး ဖြစ်ပါတယ်။ အလွန် မြင့်မားနေတဲ့ သွေးဖိအားတွေကို လျော့ကျသွားအောင် ပြုလုပ်ပေးနိုင်ပြီး ခန္ဓာကိုယ်ထဲက သွေးစီးဆင်းမှု တွေကို ပိုမိုကောင်းမွန်စေ ပါတယ်။ အဲဒါကြောင့် စပျစ်သီး စားသုံးခြင်းဟာ မျက်လုံးရဲ့ တစ်စိတ်တစ်ပိုင်း ဖြစ်တဲ့ Retina ဆီသို့ လိုအပ်တဲ့ အောက်ဆီဂျင် ပမာဏကို နှောင့်နှေး ကြန့်ကြာခြင်း မရှိဘဲ ရောက်ရှိစေမှာ ဖြစ်ပါတယ်။

မျက်လုံးကို ကာကွယ်မှုတွေ ပေးနိုင်တဲ့ Lutein နဲ့ Zeaxanthin ဆိုတဲ့ ဓာတ်နှစ်မျိုးဟာ လိမ္မော်ရောင် ပန်းငရုပ်ပွ မှာပေါများစွာ ပါဝင်ပါတယ်။ ဒါ့အပြင် သူ့မှာ ပါဝင်တဲ့ ဗီတာမင် A ဟာ ကြက်မျက်သင့်ခြင်း (ညဘက် မျက်စိ မမြင်ဖြစ်ခြင်း ) ကာကွယ်ပေး နိုင်ပါတယ်။ မျက်လုံးတိမ်စွဲခြင်း တွေ မဖြစ်စေဖို့ ၊ မျက်လုံးထဲမှာ လည်ပတ်နေတဲ့ သွေးကြောလေးတွေ အစဉ် ဖွံ့ဖြိုး နေစေဖို့ စတာတွေကို ကူပေးဖို့အတွက် လက်ဖက်ရည် မှာ အားဖြစ်စေမယ့် ဓာတ်တွေ အများကြီး ပါဝင်ပါတယ်။

ပဲပိစပ်မှာ ပါဝင်တဲ့ ဓာတ်တစ်မျိုးဟာ မျက်ရည်အိတ် တွေကို သိမ်းဆည်း ထားနိုင်ပြီးတော့ မျက်လုံးကို ခြောက်သွေ့ မနေအောင် ကူညီပေးနိုင် ပါတယ်။ ဥ အမျိုးမျိုးဟာ အိုမီဂါ -၃ လို့ခေါ်တဲ့ အဆီဓာတ်တွေ အများကြီး ပါဝင်တဲ့ အစားအစာ ဖြစ်ပါတယ်။ ကြက်ဥ ၊ ဘဲဥ ၊ ငုံးဥ စသည်တို့ကို စားသုံးခြင်းဖြင့် မျက်လုံးအတွက် နာကျင်စရာ ဒဏ်ရာတွေကိုလည်း တွန်းလှန်နိုင် စေပါတယ်။

သဘာဝ အားဖြည့် အစားအစာထဲ မှာတော့ မျက်လုံးအတွက် အကောင်းဆုံး အစားအစာတွေ ဖြစ်ပါတယ်။ တစ်ခုချင်းစီ အလိုက် ပါဝင်တဲ့ အားဖြည့်စာတွေ မတူညီတာမို့ အထက်ပါ အစားအစာတွေ ကလည်း မျက်လုံး ကျန်းမာရေး အတွက် များစွာ အထောက်အကူ ဖြစ်စေပါတယ်။

အနေအထိုင်

နေပူထဲ သွားတဲ့အခါ နေကာမျက်မှန် တပ်ပါ။ အလွန်အကျွံ ဂိမ်းကစားခြင်း ၊ တီဗွီကြည့်ခြင်း နဲ့ ကွန်ပျူတာ အသုံးများခြင်း တို့ကလည်း မျက်စိကို အနည်းနဲ့ အများ ထိခိုက်စေနိုင် ပါတယ်။

စောင့်ရှောက်မှု

မနက်အိပ်ယာနိုး တာနဲပ မျက်နှာမသစ်ခင် ဒူးခေါင်း အထက်ကနေ ရေလောင်းချ တာမျိုး ၊ သွားမတိုက်ခင် မျက်နှာ အရင်သစ်တာမျိုး တွေ လုပ်ပေးပါ။ မျက်စိနဲ့ လုပ်ဆောင်ရတဲ့ အလုပ်တွေ ( ဥပမာ- ကွန်ပျူတာ ကို အသုံးပြုခြင်း ) ပြီးတိုင်းမှာ အစိမ်းရောင် လိုမျိုး အရာမျိုးကို ၅ မိနစ် ၊ ၁၀ မိနစ် ခန့် ကြည့်ပေးတာမျိုး တွေ လုပ်ပေးသင့် ပါတယ်။ ရှေးလူကြီးတွေ အယူအဆ အရ ဆိုရင်တော့ ဆားပေါ့ရည် လေးတွေ ၊ စံပါယ်ပန်းပွင့် လေးတွေ စိမ်ထားတဲ့ ရေကိုလည်း ညအိပ်ယာ မ၀င်ခင် မျက်စဉ်းခပ် ပေးနိုင်ပါတယ်။ မျက်လုံး နှစ်ဖက်စလုံးကို ကွမ်းရွက် ကပ်ပေးခြင်း ဟာလည်း မျက်လုံးထဲက အပူတွေကို စုပ်ပေး၊နိုင်တယ် လို့ ဆိုကြပါတယ်။

ဒီလို အပြုအမူမျိုး တွေကို စနစ်တကျ ပြုလုပ်မယ် ၊ နေထိုင် စားသောက်မှု တွေကိုလည်း ပြောင်းလဲမယ် ဆိုရင်တော့ တောက်ပပြီး ရွှန်းစိုနေတဲ့ မျက်လုံးလေး တွေဟာ ကျန်းကျန်းမာမာ နဲ့ အချိန်ကြာမြင့်စွာ အလုပ်လုပ်ေ ဆာင်နိုင်မှာ ဖြစ်ပါတယ်။

Health Guide (Dec-2015)

အားကစားမြင်ကွင်းဂျာနယ် အတွဲ(၄) အမှတ်(၅၂)



အားကစားမြင်ကွင်းဂျာနယ် အတွဲ(၄) အမှတ်(၅၂)
Download Links




မင်းလှခံတပ်သို့ ပြည်တွင်းပြည်ပ ခရီးသွားဧည့်သည်များ ဝင်ရောက်လေ့လာမှု များပြား





မင်းလှ ၊ ၃၁-၁၂-၂ဝ၁၅

မကွေးတိုင်းဒေသကြီး သရက်ခရိုင် မင်းလှမြို့ရှိ ရှေးဟောင်း မင်းလှခံတပ်သို့ ပြည်တွင်း ပြည်ပခရီးသွား ဧည့်သည်များ ဝင်ရောက်လေ့လာမှု များပြားလျက် ရှိကြောင်း သိရသည်။ မင်းလှမြို့ ဧရာဝတီ ကမ်းပါးထိပ်တွင် တည်ဆောက် ထားသော မင်းလှခံတပ်သည် တတိယ အင်္ဂလိပ်-မြန်မာ စစ်ပွဲဖြင့် အထူးထင်ရှားသော ရှေးဟောင်းနယ်မြေ ဖြစ်ပြီး အပြင်းထန်ဆုံး တိုက်ပွဲဝင်ခဲ့သော နေရာဖြစ်သည်။

မင်းလှခံတပ်ကို ခရစ်နှစ် ၁၈၆ဝ-၁၈၆၁ ခုနှစ်တွင် ကနောင်မင်းသားကြီး ဦးစီး၍ ပြင်သစ်နှင့် အီတလီနိုင်ငံ တို့မှ အင်ဂျင်နီယာများ၊ နိုင်ငံခြား ပညာတော်သင်ပြန် မြန်မာလူငယ် အင်ဂျင်နီယာများ ပူးပေါင်း၍ ဧရာဝတီမြစ်မှ ဆန်တက်လာမည့် အင်္ဂလိပ်သင်္ဘော များကို တိုက်ခိုက်နိုင်ရန် ကြီးမားခိုင်ခံ့စွာ တည်ဆောက် ခဲ့သည်။ ခံတပ်ကြီးသည် အရှေ့၊အနောက် အလျား ၁၈၄ ပေနှင့် တောင်၊မြောက် အလျား ၁၇၁ ပေ၊ အမြင့် ၂၆ ပေရှိပြီး နံရံများတွင် စစ်သည်တော်များ နေထိုင်ရန်နှင့် ပစ္စည်းရိက္ခာ သိုလှောင်ရန် အခန်းပေါင်း ၂၁ ခန်း ပါဝင်ဖွဲ့စည်း ထားသည်။ ခံတပ်အတွင်းပိုင်း မှ အပေါ်တက်ရန် တောင်ဘက်နှင့် မြောက်ဘက်တွင် လှေကားနှစ်စင်းစီ စုစုပေါင်း လှေကားလေးစင်း တပ်ဆင်ထားကာ အနောက်ဘက် အဝင်ပေါက်ဝဲ/ ယာမှ ခံတပ်ပေါ်သို့ အမြောက်များတင်ရန် ဆင်ခြေလျှော လမ်းများလည်း ပြုလုပ်ထားသည်။ အမြောက်ဒဏ်နှင့် ကျည်ဆန် မဖောက်ဝင်စေရန် နံရံထူကြီး နှစ်ခုကြား၌ မြေသားများဖို့၍ တည်ဆောက် ထားသည်။ 

၁၈၈၅ ခုနှစ်တွင် အင်္ဂလိပ်များ ဝင်ရောက် တိုက်ခိုက်စဉ် မင်းလှခံတပ်မှ ''မင်းထင်မင်းလှ ရဲခေါင်သူရိန်'' နှင့် တပ်သား ၅ဝဝ ကျော်တို့က အမြောက်ကြီး ၃၅ လက်၊ ဓား၊ သေနတ်၊ မီးပေါက်စသည် တို့ဖြင့် ကြံ့ကြံ့ခံကာ ခုခံတိုက်ခိုက် ခဲ့ကြသည်။

''မင်းလှခံတပ်ကို မြန်မာ့ရှေးဟောင်း သမိုင်းဝင် ယဉ်ကျေးမှု အဆောက်အအုံကြီး အဖြစ် သတ်မှတ်ပြီး ရှေးဟောင်း သုတေသန နှင့် စာကြည့်တိုက် ဦးစီးဌာနက ၁၉၅၇ ခုနှစ်က နေ အခုချိန်အထိ ပြုပြင် ထိန်းသိမ်းထား ပါတယ်။ ခံတပ်အတွင်းမှာ ပလတ်စတစ် နှင့် အမှိုက်ကင်းမဲ့ဇုန် အဖြစ် အမှိုက်ခြင်းတွေ ထားရှိပြီး ဝန်ထမ်းလေးဦးနဲ့ နေ့စဉ် သန့်ရှင်းရေး၊ ပတ်ဝန်းကျင် ထိန်းသိမ်းရေး လုပ်ငန်းတွေ ဆောင်ရွက် ပါတယ်။ ကျွဲ၊ နွား၊ တိရစ္ဆာန် တွေ ဝင်ရောက်မှု၊ ခံတပ်အတွင်း အရက်သေစာ သောက်စားမှုနဲ့ မဖွယ်မရာမှုတွေ မပြုလုပ်ဖို့လည်း အထူးတားမြစ် ထားပါတယ်။ ပြည်တွင်း ခရီးသွားတွေ အပြင် နိုင်ငံခြားခရီးသွား ဝင်ရောက်မှု ကလည်း တစ်လလျှင် ပျမ်းမျှဦးရေ ၁ဝဝ ကျော်ကနေ ၃ဝဝ အထိရှိပါ တယ်'' ဟု ရှေးဟောင်းသု တေသနနှင့် အမျိုးသားပြတိုက် မင်းလှ ဌာနစိတ် ဒုတိယဦးစီးမှူး က ပြောပြသည်။

ကျော်စွာ (မကွေး)

မြ၀တီနေ့စဉ် ၊ စာ(၁၃)

အော်ဂဲနစ်သီးနှံများ အရောင်အဆင်း အားနည်း၍ ဈေးကွက်ထိုးဖောက်မှုတွင် စိန်ခေါ်မှုတစ်ရပ် ဖြစ်နေ



မန္တလေး ၊ ၃၁-၁၂-၂၀၁၅

အော်ဂဲနစ်သီးနှံ များကို စိုက်ပျိုး ထုတ်လုပ်ရောင်းချ မှုတွင် ဓာတုဆေးဝါးများ အသုံးပြုထားခြင်း မရှိခြင်းကြောင့် အရောင်အဆင်း အားဖြင့် ဝင်းဝါမှု လျော့နည်း၍ စားသုံးသူ အများစုကို ဆွဲဆောင်နိုင်မှု အားနည်းခြင်းကြောင့် ဈေးကွက် ထိုးဖောက်မှုတွင် စိန်ခေါ်မှု တစ်ရပ် ဖြစ်နေသည်ဟု မန္တလေးတိုင်း ဒေသကြီး ပုသိမ်ကြီး မြို့နယ်ရှိ ရိတ်သိမ်းချိန်လွန် နည်းပညာ သင်တန်းကျောင်း မှ တာဝန်ရှိသူ တစ်ဦးက ပြောပြသည်။

စားသုံးသူ အများစုမှာ ဓာတု ဆေးဝါးများ၊ ဟော်မုန်း ဆေးဝါးများ ပက်ဖျန်း ထားခြင်းကြောင့် ဝင်းဝါ၊ လတ်ဆတ်နေသော ဟင်းသီးဟင်းရွက် နှင့်သစ်သီးဝလံများ ကိုသာ စိတ်ဝင်စားမှု ပိုများကြောင်း၊ ကျန်းမာရေး၊ အသိပညာ ရှိ၍ ဓာတုဆေးဝါး များ၏ ဆိုးကျိုးကို နားလည် သဘောပေါက် သူများသာ အဓိကဝယ်ယူမှု ရှိသဖြင့် စီးပွားရေးအရ တွက်ခြေ ကိုက်မှုတွင်လည်း အားနည်းကြောင်း သိရသည်။

အော်ဂဲနစ် ဈေးဆိုင်များမှာ မန္တလေးမြို့နှင့် အနီးတစ်ဝိုက် တွင် မရှိသလောက် နည်းပါးနေ သေးပြီး စိတ်ဝင်စားမှုလည်း မရှိသေးကြောင်း၊ သို့သော် ကျန်းမာရေး အသိရှိမှုနှင့် နောက်ဆက်တွဲ ကျန်းမာရေး ဆိုးကျိုးများ လျော့နည်းစေရန် အတွက် အော်ဂဲနစ် ဈေးဆိုင် အမြောက်အမြား ဖွင့်လှစ် သင့်ကြောင်း ၄င်းက ဆက်လက် ပြောပြသည်။

လတ်တလောတွင် သရက်၊ သင်္ဘော၊ နာနတ်၊ သခွား၊ ကျွဲကော၊ တရုတ်ဆီးသီး၊ သံပရာ၊ နဂါးမောက် စသည့်သီးနှံများကို အော်ဂဲနစ် သီးနှံအဖြစ် ရောင်းချနိုင်ပြီ ဖြစ်သည်။ ထုိ့ပြင် အော်ဂဲနစ် သီးနှံများ ပြန်လည် စိုက်ပျိုးနိုင် သော ကိုင်းကူးကိုင်းဆက် မျိုးကောင်း မျိုးသန့်များ ကိုလည်း အရောင်းဆိုင်တွင် ဝယ်ယူနိုင်ပြီး အဆိုပါ ကိုင်းကူးကိုင်းဆက် မျိုးများ၏ ထူးခြားချက်မှာ သာမန်မျိုးစေ့ စိုက်ပျိုးမှုတွင် ကုန်ဆုံးသော အချိန်ကာလ ထက်ပို၍ စောစွာ အသီးအပွင့်များ ခံစားနိုင်ကြောင်း သိရသည်။ (၁၇၂)

ရတနာပုံနေ့စဉ်

နှစ်သစ်သို့ ကူးပြောင်းချိန် အကြောင်းကောင်း အကျိုးလှစေရေး စင်ကြယ်စွာ အသက်မွေး


ယနေ့ ဒီဇင်ဘာ ၃၁ ရက်သည် ၂ဝ၁၅ ခုနှစ် ကုန်ဆုံးသောနေ့ ဖြစ်သည်။ ပြက္ခဒိန်နှစ် တစ်နှစ်ကုန်၍ တစ်နှစ်ဆန်းတိုင်း နှစ်ဟောင်းက ဖြစ်ပျက်ခဲ့သမျှ အခြေအနေ အကောင်းအဆိုး အကြောင်းအကျိုး တို့ကို ပြန်လည်သုံးသပ် ၍ နှစ်သစ်အတွက် ဆက်လက် ဆောင်ရွက်ကြရမည့် အစီအစဉ်များကို အကောင်းဆုံး ဖြစ်အောင် ချမှတ်ကြလေ့ ရှိကြသည်။

ကမ္ဘာ့ပြည်သူများ၏ စားဝတ်နေရေးနှင့် လူမှုစီးပွားဖွံ့ဖြိုး တိုးတက်မှုအတွက် အဓိက လိုအပ်ချက်ဖြစ်သော စားနပ်ရိက္ခာ ဖူလုံရေးအတွက် နိုင်ငံတိုင်းက ကြိုးစားနေကြ ရသည်။ ၂ဝ၁၁ ခုနှစ် အောက်တိုဘာ လကုန်တွင် ကမ္ဘာ့လူဦးရေ သန်း ၇ဝဝဝ ပြည့်ခဲ့ပြီး ဖြစ်ရာ များပြားလှသော လူဦးရေအတွက် စားနပ်ရိက္ခာ ဖူလုံရေးသည် အဓိကဦးစားပေး လုပ်ငန်းတစ်ရပ် ဖြစ်သည်။

ရှေးယခင်က လူသားတို့သည် စိုက်ပျိုးမြေ ဧရိယာချဲ့ထွင်ခြင်း၊ မျိုးကောင်း မျိုးသန့်ရွေးချယ် စိုက်ပျိုးခြင်းနှင့် စိုက်ပျိုးနည်း စနစ်သစ်များ တီထွင်ခြင်း တို့ဖြင့် စားနပ်ရိက္ခာ ထုတ်လုပ်မှုကို မြှင့်တင် နိုင်ခဲ့ကြသည်။

ဤသို့ ဆောင်ရွက်နေစဉ် မှာပင် မြေဆီလွှာ ပျက်စီးခြင်းနှင့် ညစ်ညမ်းခြင်း၊ မြို့ပြများတိုးချဲ့ခြင်း၊ ဆည်ရေသောက် လယ်မြေများတွင် ဆားပေါက်ခြင်း တို့ကြောင့် စားနပ်ရိက္ခာ စိုက်ပျိုးထုတ်လုပ်မှု အဟန့်အတား ဖြစ်ခဲ့ရသည် များကို သင်ခန်းစာယူ၍ ပတ်ဝန်းကျင် ပျက်စီးမှုနည်းပါးပြီး ရေရှည် တည်တံ့သော စိုက်ပျိုးရေးစနစ် တီထွင်စိုက်ပျိုး လာကြစဉ်မှာပင် ကမ္ဘာကြီး ပူနွေးလာပြီး ရာသီဥတု ဖောက်ပြန်မှုကြောင့် ကြီးမားသော အခက်အခဲ ဖြစ်ကြရ ပြန်သည်။

ကမ္ဘာ့ပြည်သူများ အတွက် စားနပ်ရိက္ခာ ဖူလုံရေး ကြိုးပမ်းသူများက ကြိုးပမ်းနေကြ သကဲ့သို့ ကမ္ဘာကြီးကို ရွာကြီးတစ်ရွာ အလား ကူးလူး ယှက်နွှယ်၍ ပြည်သူအချင်းချင်း ဆက်သွယ်မှု လွယ်ကူစေရန် သိပ္ပံနှင့် နည်းပညာရှင် တို့ကလည်း တီထွင် ဆန်းသစ်မှုများ စဉ်ဆက်မပြတ် ဆောင်ရွက်နေကြ ရာတွင် ဗြိတိန်နိုင်ငံ လန်ဒန်မြို့မှ အမေရိကန် ပြည်ထောင်စု နယူးယောက်မြို့သို့ မိနစ် ၃ဝ အချိန်အတွင်း ရောက်အောင် ပျံသန်းနိုင်သည့် အသံထက် မြန်သော ဂျက်လေယာဉ်ကို တီထွင်ခဲ့ကြပြီး ဖြစ်သည်။

စားနပ်ရိက္ခာ ဖူလုံရေး ကြိုးပမ်းနေကြသော ပညာရှင်များက စိုက်ပျိုးမြေ ဧရိယာနှင့် ရေအရင်းအမြစ် တို့ကို ထိရောက်စွာ အသုံးချနိုင်ရေး အတွက် အစိမ်းရောင် အပင်များ၏ လိုအပ်ချက်နှင့် မြေဆီလွှာ၏ အရေးပါမှု တို့ကို ကမ္ဘာ့ပြည်သူများ သိရှိနားလည်ရန် လိုအပ်သည်ဟု ဆိုကြသည်။ ဖွံ့ဖြိုးမှု နောက်ကျနေသော နိုင်ငံများနှင့် ဖွံ့ဖြိုးဆဲနိုင်ငံများ ကလည်း နည်းပညာ ဖွံ့ဖြိုးရေးအတွက် လူ့စွမ်းအား အရင်းအမြစ် ဖွံ့ဖြိုးရေးကို ဆောလျင်စွာ ဆောင်ရွက်ကြရမည် ဟု ဆိုကြသည်။ စားနပ်ရိက္ခာ ဖူလုံရေးနှင့် နည်းပညာ ဖွံ့ဖြိုးရေးတို့ လိုအပ်သည်ကို အငြင်းပွားဖွယ် မရှိသော်လည်း လူ့အဖွဲ့အစည်း ၏ ကြီးမားသော မျှော်လင့်ချက်သည် လူပုဂ္ဂိုလ်တိုင်း၏ အကျင့်စာရိတ္တ ကောင်းမွန်မှု ရှိရေးကိုလည်း စဉ်ဆက်မပြတ် ကြိုးပမ်း ကြရမည်ဟု ဆိုထားကြသည်။

လူ့အဖွဲ့အစည်း ဆိုခြင်းကြောင့် လူအချင်းချင်း ဆက်ဆံရေး သည် အရေးပါသော ကဏ္ဍမှ ပါဝင်လျက်ရှိပေရာ မိမိကိုယ်မိမိ သိဖို့နှင့် မိမိနေရာမိမိ သိသူများ အတွက် ပေါင်းသင်း ဆက်ဆံရေးအတွက် အခက်အခဲ မရှိသော်လည်း မသိသူများ အတွက်မှာမူ အံဝင်ခွင်ကျ ရှိမည် မဟုတ်သည်ကို သတိပြုမိကြ ရပေမည်။ သံထည်မှ ဖြစ်လာသော သံချေးသည် ထိုသံကိုပင် ဖျက်ဆီး သကဲ့သို့ မိမိပြုသော မကောင်းမှု သည်လျှင် မကောင်းမှု ကျူးလွန်သူကို မကောင်းသော ဘဝသို့ ရောက်စေခြင်းကြောင့် သံကိုသံဖျက် သံချေးတက် ဟု ဆိုကြခြင်း ဖြစ်သည်။

သို့ဖြစ်၍ နှစ်ဟောင်းမှ နှစ်သစ်သို့ ကူးပြောင်းချိန်မှ စ၍ အကြောင်းကောင်း အကျိုးလှ စေရန် မိမိတို့၏ ကိုယ်၊ နှုတ်၊ နှလုံး သုံးပါးစလုံးကို စောင့်ထိန်း၍ စင်ကြယ်သော အသက်မွေးမှု ပြုနိုင်ကြ ပါစေကြောင်း မြဝတီ က တိုက်တွန်း နှိုးဆော်လိုက်ရ ပါသည်။

( အယ်ဒီတာ့အာဘော် )

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ)၊ ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုစစ်ရေးပြ အခမ်းအနားသို့ တက်ရောက်မိန့်ခွန်း ပြောကြား


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုစစ်ရေးပြ အခမ်းအနားတွင် ဗိုလ်လောင်းတပ်ခွဲများ၏ ချီတက်အလေးပြုခြင်းကို ခံယူစဉ်



နေပြည်တော် ၊ ၃၁-၁၂-၂၀၁၅

မိမိနိုင်ငံ သမိုင်းတွင် မြန်မာအမျိုးသမီး များသည် အမျိုးဂုဏ်၊ ဇာတိဂုဏ် မြင့်မားပြီး မျိုးချစ်စိတ်ဓာတ် နှင့်အတူ စစ်သွေးစစ်မာန်များ အစဉ်ထက်မြက် ခဲ့သည်ကို ဂုဏ်ယူဖွယ်ရာ တွေ့ရှိရမှာ ဖြစ်ကြောင်း၊ မိမိတို့ တိုင်းရင်းသား များသည် ယောင်္ကျား/ မိန်းမ မခွဲခြားဘဲ မျိုးချစ်စိတ်ဓာတ် နှင့် ဇာတိသွေး၊ ဇာတိမာန်များ အစဉ် ကိန်းအောင်းလျက် ရှိကြောင်း၊ ၁၉၅၄ ခုနှစ်တွင် နိုင်ငံတော် ကာကွယ်ရေး အတွက် အမျိုးသမီး စစ်ဝန်ထမ်း တပ်ဖွဲ့များကို ဖွဲ့စည်းခဲ့ရာ ထူးချွန် ပြောင်မြောက်သည့် အမျိုးသမီး စစ်မှုထမ်း များစွာလည်း ပေါ်ပေါက်ခဲ့ပြီး တပ်မတော် (ကြည်း၊ရေ၊လေ) တွင် အဆင့်၊ ရာထူး အမျိုးမျိုးနှင့် ကျရာတာဝန်များကို ကျေပွန်စွာ ထမ်းဆောင်နိုင်ခဲ့ ကြကြောင်း၊ ယခု သင်တန်းဆင်းများ အနေဖြင့်လည်း ပေးအပ်လာမည့် တာဝန်များကို ကျေပွန်အောင် ကြိုးပမ်း ထမ်းဆောင် သွားကြရန် တိုက်တွန်းပြောကြား လိုကြောင်းဖြင့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် က ယမန်နေ့ နံနက် ၈ နာရီတွင် ရန်ကုန်မြို့၊ တပ်မတော်(ကြည်း) ဗိုလ်သင်တန်းကျောင်း (မှော်ဘီ) စစ်ရေးပြကွင်း၌ ကျင်းပပြုလုပ်သော ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုစစ်ရေးပြ အခမ်းအနားတွင် မိန့်ခွန်း ပြောကြားရာ၌ ထည့်သွင်း ပြောကြားသည်။

အဆိုပါ အခမ်းအနားသို့ တပ်မတော် ကာကွယ်ရေး ဦးစီးချုပ်၏ ဇနီး ဒေါ်ကြူကြူလှ၊ ရန်ကုန်တိုင်း ဒေသကြီး ၀န်ကြီးချုပ် ဦးမြင့်ဆွေ၊ ညှိနှိုင်း ကွပ်ကဲရေးမှူး (ကြည်း၊ရေ၊လေ) ပူးတွဲတာဝန် ကာကွယ်ရေး ဦးစီးချုပ်(လေ) ဗိုလ်ချုပ်ကြီး ဇေယျကျော်ထင် ခင်အောင်မြင့် နှင့်ဇနီး၊ ကာကွယ်ရေး ဦးစီးချုပ်(ရေ) ဒုတိယဗိုလ်ချုပ်ကြီး တင်အောင်စန်း နှင့်ဇနီး၊ ကာကွယ်ရေး ဦးစီးချုပ်ရုံး(ကြည်း) မှ တပ်မတော် အရာရှိကြီးများ နှင့်ဇနီးများ၊ ရန်ကုန်တိုင်း စစ်ဌာနချုပ် တိုင်းမှူး၊ တပ်မတော်(ကြည်း) ဗိုလ်သင်တန်းကျောင်း (မှော်ဘီ) ကျောင်းအုပ်ကြီး နှင့် ရန်ကုန်တပ်နယ်မှ အရာရှိကြီးများ၊ ဖိတ်ကြားထားသည့် ဧည့်သည်တော် များနှင့် ဘွဲ့ရအမျိုးသမီး ဗိုလ်လောင်းများ၏ မိဘဆွေမျိုးများ တက်ရောက် ကြသည်။

ဦးစွာ အခမ်းအနားတွင် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် က ဗိုလ်လောင်းတပ်ခွဲ များ၏ အလေးပြုခြင်း ကိုခံယူပြီး ဗိုလ်လောင်းတပ်ခွဲ များကို စစ်ဆေးသည်။

ထို့နောက် တပ်မတော် ကာကွယ်ရေး ဦးစီးချုပ်အား ဗိုလ်လောင်း တပ်ခွဲများက အနှေးလျှောက်၊ အမြန်လျှောက် တို့ဖြင့် ချီတက်အလေးပြု ကြသည်။

ယင်းနောက် တပ်မတော် ကာကွယ်ရေးဦးစီးချုပ် က တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂)မှ အကောင်းဆုံး ဗိုလ်လောင်းဆု ရရှိသူ ဗိုလ်လောင်း အမှတ်၊ ၁၀၃ ဗိုလ်လောင်း သိမ့်သိမ့်နွယ်စိုး အား ဆုပေးအပ် ချီးမြှင့်သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် အကောင်းဆုံး ဗိုလ်လောင်းဆုရရှိသူ ဗိုလ်လောင်းအမှတ်၊ ၁၀၃ ဗိုလ်လောင်း သိမ့်သိမ့်နွယ်စိုး အား ဆုပေးအပ် ချီးမြှင့်စဉ်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုစစ်ရေးပြ အခမ်းအနားတွင် မိန့်ခွန်းပြောကြားစဉ်


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် ဗိုလ်လောင်းတပ်ခွဲများကို စစ်ဆေးစဉ်

ထို့နောက် တပ်မတော် ကာကွယ်ရေး ဦးစီးချုပ် က သင်တန်းဆင်း ဗိုလ်လောင်းများအား မိန့်ခွန်း ပြောကြားရာတွင် ကမ္ဘာ့နိုင်ငံများ၏ တပ်မတော် အများစုတွင် အမျိုးသမီးများကို စစ်မှုထမ်းဆောင်ခွင့် ပေးထားပြီး စစ်ဦးစီး၊ စစ်ရေး၊ စစ်ထောက် ဆိုသည့် အုပ်ချုပ်မှု တာဝန်များအပြင် စစ်မြေပြင်အထိ တိုက်ခိုက်ရေး တာဝန်ကိုပါ ထမ်းဆောင် စေလျက် ရှိကြောင်း၊ ဖွံ့ဖြိုးတိုးတက်သည့် နိုင်ငံများမှာ ဆိုလျင် အမျိုးသမီး လေသူရဲများအဖြစ်ပါ တာဝန် ထမ်းဆောင် နေကြကြောင်း၊ သင်တန်းတွင် စစ်ဦးစီး၊ စစ်ရေး၊ စစ်ထောက်ဆိုင်ရာ စစ်ပညာ၊ အုပ်ချုပ်မှုပညာများ၊ စစ်ဘက်ဥပဒေ၊ ခေါင်းဆောင်မှုနှင့် နိုင်ငံတကာ ဆက်ဆံရေး အစရှိသည့် စစ်အတတ်ပညာ များကို သင်ကြား လေ့ကျင့်ပေးခဲ့ပြီး ဖြစ်ကြောင်း၊ မကြာမီ ကာလအတွင်း လက်ရုံးတပ်ဖွဲ့ အသီးသီးတွင် တပ်မတော်၏ အဓိကကျသည့် အုပ်ချုပ်မှုဆိုင်ရာ တာဝန်များကို လက်တွေ့ကျကျ စတင်ထမ်းဆောင် ကြရမှာ ဖြစ်ကြောင်း၊ ရှေ့တန်း စစ်မြေပြင်တွင် အောင်ပွဲရရန် အတွက် စစ်အတတ်ပညာ အပြင် အုပ်ချုပ် ထောက်ပံ့မှု ကောင်းရန်လည်း လိုအပ်ကြောင်း၊ အုပ်ချုပ် ထောက်ပံ့မှု ကောင်းမှ စိတ်ဓာတ်လည်း မြင့်မားလာမည် ဖြစ်သလို ယုံကြည်မှု ပိုမိုခိုင်မာ လာမည် ဖြစ်ကြောင်း။

မိမိနိုင်ငံ၏ ဖွံ့ဖြိုး တိုးတက်မှုနှင့် ပထ၀ီ အနေအထား ပေါ် မူတည်ပြီး “ ပြည်သူ့စစ် မဟာဗျူဟာ ” ကို နိုင်ငံတော် ကာကွယ်ရေးမူဝါဒ အဖြစ် သတ်မှတ် ထားကြောင်း၊ ပြည်သူ့စစ် မဟာဗျူဟာ ဆိုသည်မှာ ပြည်သူကို ဗဟိုပြု ထားခြင်းဖြစ်၍ တပ်မတော်နှင့် ပြည်သူ တစ်သားတည်း ရှိရန် လိုအပ်ကြောင်း၊ ထိုသို့ တစ်သားတည်း ရှိနေရန် ဦးစွာ အုပ်ချုပ်မှုစွမ်းရည် ထက်မြက်ရမည်၊ အုပ်ချုပ်မှု စွမ်းရည် ထက်မြက် လာသည်နှင့် အညီ စစ်ရေးစွမ်းရည်၊ စည်းရုံးရေး စွမ်းရည် ဆိုသည်မှာ အလိုအလျှောက် မြင့်မားတိုးတက် လာမည်ဖြစ်ကြောင်း၊ အခြေခံအကျဆုံး နှင့် အဓိက လုပ်ငန်းတာဝန်ကြီး ဖြစ်သည့် နိုင်ငံတော် ကာကွယ်ရေး တာဝန်ကို အသက်ပေး ထမ်းဆောင် နေရသည့် တပ်မတော် အနေဖြင့် ပိုမိုကျစ်လျစ် ခိုင်မာနေရန် လိုအပ်ကြောင်း၊ နိုင်ငံ၏ သမိုင်းကြောင်း တစ်လျှောက်တွင် မိမိ၏ဆန္ဒကို ဦးစားပေးခဲ့ခြင်းကြောင့် သဘောထား ကွဲလွဲမှုများနှင့် အတူ ပြည်တွင်း လက်နက်ကိုင် ဆူပူ သောင်းကျန်းမှု များလည်း ဖြစ်ပွားခဲ့ရကြောင်း၊ ပြည်တွင်း သောင်းကျန်းမှု သမိုင်းကြောင်းကို ပြန်လည်လေ့လာ ကြည့်လျှင် နိုင်ငံရေးပါတီ များ၏ ပဋိပက္ခများ၊ သဘောထား ကွဲလွဲမှုများမှ တစ်ဆင့် နိုင်ငံရေးအသွင်မှ လက်နက်ကိုင် သောင်းကျန်းမှု အသွင်အဖြစ် ပြောင်းလဲ လာခဲ့ရကြောင်း၊ ယင်းအချိန်တွင် တပ်မတော်သာ စည်းလုံး ညီညွတ်မှု မရှိခဲ့လျင် ရရှိခဲ့ပြီးဖြစ်သည့် လွတ်လပ်ရေး သည်လည်း ခဏအတွင်း ကွယ်ပျောက် သွားခဲ့မှာပင် ဖြစ်ကြောင်း၊ တပ်မတော်၏ စည်းလုံးညီညွတ်မှု၊ ကိုယ်ကျိုးစွန့် အနစ်နာခံမှုများ ကြောင့်သာ ယနေ့တိုင် လွတ်လပ်ရေး အဓွန့်ရှည် နေခြင်းပင် ဖြစ်ကြောင်း၊ “ ဘယ်သူခွဲခွဲ ဒို့မကွဲ၊ အမြဲစည်းလုံးမည် ” ဆိုသည့် တပ်မတော်၏ ဆောင်ပုဒ်နှင့် အညီ တပ်တွင်းစည်းလုံး ညီညွတ်ရေးကို ပိုမိုကျစ်လျစ် ခိုင်မာလာအောင် တည်ဆောက်ကြ ရမှာဖြစ်ပြီး တစ်ဆက်တည်း တွင်လည်း တပ်ပြင် စည်းရုံးရေးကို ကြိုးပမ်းဆောင်ရွက် သွားကြရမှာ ဖြစ်ကြောင်း၊ ပြည်သူ့အကျိုးပြု လုပ်ငန်းတာဝန်များ ထမ်းဆောင်မှုနှင့် ပတ်သက်ပြီး နိုင်ငံတော်တွင် သဘာဝ ဘေးအန္တရာယ်များ ကျရောက်သည့် အချိန်တိုင်း တပ်မတော်သည် ရှေ့ဆုံးက သွားရောက်ကူညီ ခဲ့ကြောင်း၊ ထို့ပြင် နိုင်ငံ တနံတလျား သွားလာမှု ခက်ခဲသည့် နေရာများထိ သွားရောက်ပြီး ဆေးဝါးကုသပေးမှု များအပါအ၀င် ဒေသဖွံ့ဖြိုး တိုးတက်ရေး အတွက်လည်း ကူညီဆောင်ရွက် ပေးလျက် ရှိကြောင်း၊ ယင်းမှာ တပ်မတော်၏ အလွန် မွန်မြတ်သော ပြည်သူ့အကျိုးပြု လုပ်ငန်းများကို ထမ်းရွက် လုပ်ဆောင် နေခြင်းပင် ဖြစ်ကြောင်း။

နိုင်ငံတော် ဖွဲ့စည်းပုံအခြေခံ ဥပဒေ ပုဒ်မ(၂၀)တွင် “ တပ်မတော်သည် နိုင်ငံတော်ဖွဲ့စည်းပုံ အခြေခံဥပဒေကို ကာကွယ် စောင့်ရှောက်ရန် အဓိကတာဝန် ရှိသည် ” ဟု အတိအလင်း ဖော်ပြထားပြီး ဖြစ်ကြောင်း၊ တပ်မတော် အနေဖြင့် ဖွဲ့စည်းပုံ အခြေခံဥပဒေကို ကာကွယ်စောင့်ရှောက် ရမည်ဖြစ်သလို ပြဋ္ဌာန်းချက်များ ကိုလည်း လေးစားလိုက်နာ ရမည်ဖြစ်ကြောင်း၊ နိုင်ငံတော် ဖွဲ့စည်းပုံ အခြေခံဥပဒေ မည်သို့ပြည့်စုံ ကောင်းမွန် စေကာမူ နိုင်ငံတော်ကို ကာကွယ် စောင့်ရှောက်မည့် ခေတ်မီ တပ်မတော်တစ်ရပ် မရှိခဲ့လျင် ဖွဲ့စည်းပုံ အခြေခံဥပဒေ ဆိုသည်မှာလည်း အရှည်သဖြင့် မတည်တံ့ နိုင်သည်ကို သိရှိထားရန် လိုအပ်ကြောင်း။

မိမိတို့နိုင်ငံသည် လူဦးရေများပြားသည့် နိုင်ငံများကြားတွင် တည်ရှိပြီး ပထ၀ီနိုင်ငံရေး အနေအထားအရ အရေးပါသော မဟာဗျူဟာမြောက် တည်နေရာကို ပိုင်ဆိုင်ထားရှိသည့်အတွက် သမားရိုးကျ မဟုတ်သော ခြိမ်းခြောက်မှုများဖြစ်သည့် လူဦးရေစိမ့်ဝင် ထိုးဖောက်လာမှု၊ လူဦးရေမညီမျှမှု ပြဿနာများကို ရင်ဆိုင် ကျော်လွှားနိုင်ရန်လိုကြောင်း၊ တိုင်းရင်းသား အားလုံးသည် မိမိတို့၏ တိုင်းရင်းသား အဖြစ်တည်ရှိမှု၊ ပိုင်နက်နယ်မြေ တည်တံ့ခိုင်မြဲမှုများကို ပြည်ထောင်စုစိတ်ဓာတ်၊ မျိုးချစ်စိတ်ဓာတ်တို့ဖြင့် ထိန်းသိမ်းသွားရန် လိုအပ်ကြောင်း၊ တိုင်းရင်းသားများ၏ ဘ၀လုံခြုံရေး၊ ရှင်သန်ရပ်တည်ရေးများ အတွက်လည်း အာမခံချက်ရှိသည့် ဥပဒေများနှင့် အရှည်မျှော်တွေးပြီး ကာကွယ်စောင့်ရှောက် သွားရန် လိုအပ်ကြောင်း၊ ပထ၀ီ နိုင်ငံရေးအရ အရေးပါမှုကို လွှမ်းမိုးအသုံးချခြင်း မခံရအောင် သတိကြီးစွာထားရန်လည်း လိုအပ်ကြောင်း၊ ရရှိခဲ့ပြီးဖြစ်သည့် သင်ခန်းစာများ အပေါ်မူတည်ပြီး တပ်မတော်ကို စွမ်းရည်ပြည့်ဝသော တပ်မတော် ဖြစ်အောင် ဖွဲ့စည်း တည်ဆောက် သွားရမည် ဖြစ်ကြောင်း။

စည်းကမ်းကောင်းခြင်း၊ အမိန့်နာခံမှု ကောင်းခြင်းသည် တပ်၏စွမ်းရည်ကို များစွာ အထောက်အကူ ပြုကြောင်း၊ တပ်မတော်အစဉ်အလာ တွင်လည်း စည်းကမ်းကောင်း မွန်ခြင်းသည် ထိပ်ဆုံးက နေပါရှိနေပြီး ဆက်လက် ထိန်းသိမ်း ထားခြင်းဖြင့် ဂုဏ်ယူကြရမှာ ဖြစ်ကြောင်း၊ ဥပဒေနှင့် ပတ်သက်လာလျှင်လည်း ထုတ်ပြန်ထားသည့် အမိန့်ညွှန်ကြားချက်၊ စည်းမျဉ်း၊ စည်းကမ်း၊ ဥပဒေများကို လေးလေးစားစား လိုက်နာကြရန် မှာကြား လိုကြောင်း။

ခေတ်မီဖွံ့ဖြိုးတိုး တက်ပြီး စည်းကမ်းပြည့်ဝ သည့် ဒီမိုကရေစီ နိုင်ငံတော်အဖြစ် တည်ဆောက်ရာမှာ ငြိမ်းချမ်းရေးသည် အဓိက အခန်းကဏ္ဍတွင် ပါဝင်ကြောင်း၊ ငြိမ်းချမ်းမှု မရှိသည့်ဒေသတွင် ဖွံ့ဖြိုးတိုးတက်မှု ဆိုတာ အလှမ်းဝေး နေမည်ဖြစ်သလို ဒေသခံပြည်သူများ၏ စီးပွားရေး၊ လူမှုရေး၊ ကျန်းမာရေး စသည်များလည်း နိမ့်ကျနေမည် ဖြစ်ကြောင်း၊ တိုင်းရင်းသား ပေါင်းစုံနှင့် စုစည်းထားသည့် တပ်မတော် အနေဖြင့် လူမျိုးရေးခွဲခြားမှု လုံးဝမရှိဘဲ နိုင်ငံတော်ဖွံ့ဖြိုး တိုးတက်မှုနှင့် တိုင်းရင်းသားများ၏ လူမှုအကျိုးစီးပွား တိုးတက်မှုကိုသာ အဓိက လိုလားပါကြောင်း၊ သို့ဖြစ်၍ တပ်မတော်အနေဖြင့် ငြိမ်းချမ်းရေးရရှိရန် ငြိမ်းချမ်းရေး မူဝါဒ(၆)ရပ် ကိုချမှတ်ပြီး တိုင်းရင်းသား လက်နက်ကိုင် အဖွဲ့အစည်းများကို စစ်မှန်သည့် ပြည်ထောင်စု စိတ်ဓာတ် အရင်းခံနှင့်ငြိမ်းချမ်းရေး ဆောင်ရွက်နိုင်ရန် နိုင်ငံတော်အစိုးရ၊ ပြည်သူတို့နှင့်အတူ အားသွန်ခွန်စိုက် ကြိုးပမ်းနေကြောင်း၊ တပ်မတော်၏ ချမှတ်ထားသည့် ငြိမ်းချမ်းရေး မူဝါဒများသည် နိုင်ငံတော် တည်ငြိမ် အေးချမ်းရေးနှင့် ဖွံ့ဖြိုးတိုးတက်ရေးကို ရှေးရှုနေကြောင်း၊ ယခုဆိုလျှင် တိုင်းရင်းသား လက်နက်ကိုင်အဖွဲ့ ၈ ဖွဲ့နှင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA)ကို လက်မှတ်ရေးထိုး ခဲ့ပြီးဖြစ်၍ ယင်းဒေသက ပြည်သူများသည်လည်း ဒေသတွင်း ဖွံ့ဖြိုးမှုနှင့် လူမှုစီးပွားဘ၀ မြင့်မားလာခြင်း ဆိုသည့် ငြိမ်းချမ်းရေး၏ အနှစ်သာရကို စတင်ခံစား နေကြရပြီ ဖြစ်ကြောင်း၊ နိုင်ငံတော်၏ အနာဂတ်ဆိုသည်မှာ တိုင်းရင်းသား ညီအစ်ကိုအားလုံးတွင် တာဝန် ရှိကြောင်း၊ တိုင်းရင်းသား တစ်ဦးတစ်ယောက် ဆုံးရှုံးခြင်းသည် နိုင်ငံတော်အတွက် လူသား အရင်းအမြစ်တစ်ခု ဆုံးရှုံးခြင်းပင်ဖြစ်ကြောင်း၊ လက်မှတ်ရေးထိုးရန် ကျန်ရှိသည့် လက်နက်ကိုင် အဖွဲ့များအတွက်လည်း တပ်မတော် အနေဖြင့် အမြဲတမ်းတံခါး ဖွင့်ပေးထားပြီး ကြိုဆိုလျက် ရှိကြောင်း၊ မိမိတို့အနေဖြင့် ငြိမ်းချမ်းရေးကို ငြိစွန်းစေသော အပြုအမူ အပြောအဆိုများကို အထူးဂရုပြု ရှောင်ရှားကြရန် မှာကြားလိုကြောင်း။

အမျိုးသမီး စစ်မှုထမ်း အရာရှိများအဖြစ် တာဝန်ထမ်းဆောင် သွားကြမည့် သူများအနေဖြင့် တပ်မတော်၏ လူ့စွမ်းအား အရင်းအမြစ် ဖွံ့ဖြိုးတိုးတက်ရေး ဆောင်ရွက်မှုတွင် အထောက်အကူ ပေးနိုင်အောင် ကြိုးစား ဆောင်ရွက်သွားကြရန်၊ သမိုင်းကြောင်းနှင့် ယှဉ်လျက်ရှိသော မြန်မာ့တပ်မတော်၏ မွန်မြတ်သည့် အစဉ်အလာ ကောင်းများကို ဆက်လက်ထိန်းသိမ်း ကြိုးပမ်းဆောင်ရွက် သွားကြရန်၊ ခေါင်းဆောင်မှု အင်္ဂါရပ် ၁၆ ချက် နှင့်အညီ ကျင့်ကြံနေထိုင်ပြီး တပ်မတော်၏ ဂုဏ်ကို ဆောင်နိုင်သော အရာရှိများဖြစ်အောင် ကြိုးစားသွားကြရန်၊ ဒို့တာဝန်အရေး သုံးပါးကို အစဉ်ကာကွယ် ထိန်းသိမ်းပြီး နိုင်ငံတော်နှင့် တပ်မတော်အတွက် အားကိုးထိုက်သည့် ခေါင်းဆောင်များ ဖြစ်လာအောင် အစဉ်ကြိုးပမ်း ဆောင်ရွက်သွားကြရန် တိုက်တွန်းကြောင်းဖြင့် ပြောကြားသည်။

၎င်းနောက် တပ်မတော် ကာကွယ်ရေးဦးစီးချုပ် သည် ဗိုလ်လောင်းတပ်ခွဲများ၏ အလေးပြုခြင်းကို ခံယူပြီးနောက် စစ်ရေးပြ အခမ်းအနားမှ ပြန်လည် ထွက်ခွာခဲ့သည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) ရိပ်သာဧည့်ခန်းမ၌ အကောင်းဆုံးဗိုလ်လောင်းဆုရ ဗိုလ်လောင်း သိမ့်သိမ့်နွယ်စိုး ၊ သေနတ်ပစ် အကောင်းဆုံးဆုရ ဗိုလ်လောင်း သွယ်သွယ်အောင် တို့အား မိဘများနှင့်အတူ တွေ့ဆုံ၍ ဂုဏ်ပြုအမှာစကား ပြောကြားစဉ်


တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုစစ်ရေးပြ အခမ်းအနားသို့ တက်ရောက်လာကြသည့် ဧည့်သည်တော်များနှင့် သင်တန်းဆင်း ဗိုလ်လောင်းများ၏ မိဘဆွေမျိုးများအား တွေ့ရစဉ်

စစ်ရေးပြ အခမ်းအနား အပြီးတွင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး သရေစည်သူ မင်းအောင်လှိုင် သည် တပ်မတော် (ကြည်း) ဗိုလ်သင်တန်းကျောင်း (မှော်ဘီ) ရိပ်သာဧည့်ခန်းမ၌ အကောင်းဆုံး ဗိုလ်လောင်းဆုရ ဗိုလ်လောင်း သိမ့်သိမ့်နွယ်စိုး အဘ ဒုတိယအရာခံဗိုလ် ကြည်ဝင်း၊ အမိ ဒေါ်သန်းသန်းမြင့် (စစ်မြေပြင် ဆေးတပ်ရင်း၊ ပုသိမ်မြို့၊ ဧရာဝတီတိုင်းဒေသကြီး)၊ သေနတ်ပစ် အကောင်းဆုံးဆုရ ဗိုလ်လောင်း သွယ်သွယ်အောင် အဘ ဦးအောင်ညွန့်၊ အမိ ဒေါ်စန်းဝင်း (အမှတ်(၁) ကျောင်းရွာရပ်ကွက်၊ စကုမြို့၊ မကွေးတိုင်းဒေသကြီး) တို့အား မိဘ များနှင့်အတူ တွေ့ဆုံ၍ ဂုဏ်ပြု အမှာစကား ပြောကြားသည်။

ထိုသို့ပြောကြားရာတွင် တပ်မတော်အနေဖြင့် New Page သို့သွားသည့် အခန်းကဏ္ဍတွင် အမျိုးသမီးများ အနေဖြင့်လည်း ဦးဆောင် မှုအခန်းကဏ္ဍတွင် ပါဝင်လာပြီဖြစ်၍ ကြိုးစား အားထုတ်မှု၊ လုပ်ရည်ကိုင်ရည် ပြသမှုများနှင့် ရှေ့မှဦးဆောင်သွားကြ ရမည်ဖြစ်ကြောင်း၊ အားလုံးကလည်း New Page ကိုသွားသည့် အချိန်တွင် ဝမ်းမြောက်ဝမ်းသာဖြင့် ကြိုဆို နေသကဲ့သို့ ကိုယ်တိုင်လည်း အားပေးမှု၊ အသိအမှတ်ပြုမှုများ ရရှိအောင် ဆက်လက် ကြိုးပမ်း ဆောင်ရွက်ရမည် ဖြစ်ကြောင်း၊ မလျှော့သော ဇွဲ၊ လုံ့လဖြင့် တက္ကသိုလ်ဝင်တန်း အောင်မြင်၍ တက္ကသိုလ်ဘွဲ့ ရသည်အထိ ကြိုးစားအားထုတ် လာခဲ့ပြီး စစ်သားဘဝ တိုတောင်းသော ဗိုလ်သင်တန်းကာလ တွင်လည်း အားထုတ်မှုကြောင့် ထူးချွန်ဆု ရရှိခဲ့ခြင်းဖြစ်ကြောင်း၊ ယင်း အခြေခံကောင်း များကို မိမိဘဝတစ်လျှောက် ဆက်လက် ထိန်းသိမ်းပြီး ကြိုးစားဆောင်ရွက် ရမည်ဖြစ်ကြောင်း၊ တပ်မတော်တွင် သင့်တော်သည့်နေရာ၊ သင့်တော်သည့်တာဝန်များ ပေးအပ်ရန် အသင့်ရှိကြောင်း၊ မိမိ၏ မိဘ၊ တပ်မတော်နှင့် နိုင်ငံတော်အား ကျေးဇူးဆပ်ရန်လိုပြီး နိုင်ငံတော်နှင့် တပ်မတော်မှ မျှော်မှန်းထားသည့် အတိုင်းဖြစ်လာစေရန် ကြိုးစားအားထုတ် စေလိုကြောင်းဖြင့် မှာကြားခဲ့ကြောင်း သတင်းရရှိသည်။ (၁၀၀)

မြ၀တီနေ့စဉ် ၊ စာ(၁)

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုညစာစားပွဲ အခမ်းအနားသို့ တက်ရောက်ချီးမြှင့်


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) ကျောင်းဆင်းအရာရှိ များအား ရင်းရင်းနှီးနှီး လိုက်လံ နှုတ်ဆက်စဉ်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တပ်မတော်(ကြည်း) ဗိုလ်သင်တန်းကျောင်း (မှော်ဘီ) စစ်တီးဝိုင်းအား ဂုဏ်ပြုဆုငွေ ပေးအပ်ချီးမြှင့်စဉ်

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် အဖွဲ့ဝင်များ တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း 
ဂုဏ်ပြုညစာစားပွဲတွင် မြ၀တီအငြိမ့်အဖွဲ့၏ ဖျော်ဖြေတင်ဆက်မှုကို ကြည့်ရှုအားပေးစဉ်


နေပြည်တော် ၊ ၃၁-၁၂-၂၀၁၅

တပ်မတော်(ကြည်း) ဗိုလ်သင်တန်းကျောင်း (မှော်ဘီ) ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၂) သင်တန်းဆင်း ဂုဏ်ပြုညစာစားပွဲ အခမ်းအနားကို ယမန်နေ့ညနေ ၆ နာရီတွင် ရန်ကုန်မြို့၊ တပ်မတော်(ကြည်း) ဗိုလ်သင်တန်းကျောင်း၌ ကျင်းပပြုလုပ်ရာ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် ချီးမြှင့်သည်။

အဆိုပါ သင်တန်းဆင်း ဂုဏ်ပြုညစာစားပွဲ အခမ်းအနားသို့ တပ်မတော် ကာကွယ်ရေး ဦးစီးချုပ်၏ ဇနီး ဒေါ်ကြူကြူလှ၊ ညှိနှိုင်း ကွပ်ကဲရေးမှူး (ကြည်း၊ ရေ၊လေ) ပူးတွဲတာဝန် ကာကွယ်ရေး ဦးစီးချုပ်(လေ) ဗိုလ်ချုပ်ကြီး ခင်အောင်မြင့်နှင့် ဇနီး၊ ကာကွယ်ရေး ဦးစီးချုပ်(ရေ) ဒုတိယဗိုလ်ချုပ်ကြီး တင်အောင်စန်း နှင့်ဇနီး၊ ကာကွယ်ရေး ဦးစီးချုပ်ရုံး(ကြည်း)မှ တပ်မတော် အရာရှိကြီးများနှင့် ဇနီးများ၊ ရန်ကုန်တိုင်း စစ်ဌာနချုပ် တိုင်းမှူး၊ တပ်မတော်(ကြည်း) ဗိုလ်သင်တန်းကျောင်း (မှော်ဘီ) ကျောင်းအုပ်ကြီး နှင့် ဖိတ်ကြားထားသည့် ဧည့်သည်တော်များ၊ ကျောင်းဆင်းအရာရှိ များနှင့် ၎င်းတို့၏ မိဘဆွေမျိုးများ တက်ရောက်ကြသည်။

ဦးစွာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် က ကျောင်းဆင်းအရာရှိ များအား ရင်းရင်းနှီးနှီး လိုက်လံနှုတ်ဆက်သည်။

ထို့နောက် တပ်မတော် ကာကွယ်ရေးဦးစီးချုပ် နှင့် အဖွဲ့ဝင်များသည် ကျောင်းဆင်းအရာရှိများ၊ မိဘဆွေမျိုးများ နှင့်အတူ ညစာသုံးဆောင်ကြသည်။ ညစာသုံးဆောင် နေစဉ် မြ၀တီတေးဂီတ အဖွဲ့နှင့် တပ်မတော်(ကြည်း) ဗိုလ်သင်တန်းကျောင်း (မှော်ဘီ) စစ်တီးဝိုင်းအဖွဲ့တို့က တေးသီချင်းများဖြင့် သီဆိုတီးခတ် ဖျော်ဖြေကြပြီး တပ်မတော် ကာကွယ်ရေးဦးစီးချုပ် က ဂုဏ်ပြုဆုငွေ ပေးအပ်ချီးမြှင့်သည်။

ဂုဏ်ပြု ညစာစားပွဲအပြီးတွင် တပ်မတော် ကာကွယ်ရေးဦးစီးချုပ် နှင့်အဖွဲ့ဝင်များ၊ ကျောင်းဆင်းအရာရှိ များနှင့် မိဘဆွေမျိုးများသည် ဘွဲ့နှင်းသဘင် ခန်းမဆောင်၌ မြ၀တီ တေးဂီတအဖွဲ့နှင့် အငြိမ့်အဖွဲ့တို့၏ ဖျော်ဖြေ တင်ဆက်မှုများကို ကြည့်ရှုအားပေး ခဲ့ကြကြောင်း သတင်းရရှိသည်။ (၁၀၀)

မြ၀တီနေ့စဉ် ၊ စာ(၁၁)

မြ၀တီနေ့စဉ်သတင်းစာ (၃၁-၁၂-၂၀၁၅) ကြာသပတေးနေ့



မြ၀တီနေ့စဉ်သတင်းစာ (၃၁-၁၂-၂၀၁၅) ကြာသပတေးနေ့
Download Links




Wednesday, December 30, 2015

သစ်မွှေးပင်များမှ သစ်မွှေးဆီကို သစ်မွှေးဆီကုမ္ပဏီများနှင့် ပူးပေါင်း၍ ထုတ်လုပ်သွားမည်



လားရှိုး ၊ ၃၀-၁၂-၂၀၁၅

လားရှိုးမြို့နယ် အတွင်းရှိ သစ်မွှေး စိုက်သူများ အနေဖြင့် သစ်မွှေးဆီ ထုတ်လုပ်သည့် နည်းပညာ တတ်ကျွမ်းမှု မရှိသေး သောကြောင့် သစ်မွှေးကုမ္ပဏီ များနှင့် ပူးပေါင်း၍ သစ်မွှေးဆီ ထုတ်လုပ်ခြင်းကို ဆောင်ရွက်သွားမည် ဖြစ်ကြောင်း လားရှိုးမြို့နယ် နောင်ဖော့ ကျေးရွာရှိ သစ်မွှေး စိုက်ခြံတစ်ခြံမှ သိရသည်။

အဆိုပါ ကျေးရွာနှင့် အနီးတစ်ဝိုက် တွင် သစ်မွှေး စိုက်ပျိုးသူ သုံးဦးခန့်သာ ရှိပြီး သစ်မွှေး စိုက်သူများ အနေဖြင့် လွန်ခဲ့သည့် သုံး၊ လေးနှစ်ခန့်မှ စတင်ကာ သစ်မွှေး စိုက်ပျိုးခြင်းကို ဆောင်ရွက်ကြပြီး စိုက်ပျိုးခဲ့သည့် အပင်များမှာ ယခု အချိန်တွင် အပင်သက်တမ်း နှစ်နှစ်မှ လေးနှစ်ခန့် တွင်သာ ရှိနေကြသည်။

သစ်မွှေးဆီ ထုတ်လုပ်နိုင်ရေး အတွက် သစ်မွှေး စိုက်သူများသည် အပင်သက်တမ်း ငါးနှစ်တွင် သစ်မွှေးကုမ္ပဏီ များနှင့် ပူးပေါင်းကာ အဆီထည့် ဆေးထိုးပြီး နှစ်နှစ် အကြာတွင် အဆီ ထုတ်လုပ်ခြင်းကို စမ်းသပ်ကာ ထုတ်လုပ် နိုင်သည့်အဆင့် ရောက်ပါက အဆီထုတ်ခြင်းကို ဆောင်ရွက်သွားမည် ဖြစ်ကြောင်း သိရသည်။

ကုမ္ပဏီများက လာရောက် ဆေးထိုးရာတွင် ပင်စည် တစ်လက်မ အတွက် ငွေကျပ် ၆ဝဝဝ ကျသငြ့်ပီး သစ်မွှေး ပျိုးပင်ပေါက် များကို ယခင်က ရန်ကုန်မြို့တွင် ဝယ်ယူ ရသော်လည်း ယခုအခါ မြို့နယ် စိုက်ပျိုးရေး ဦးစီးဌာနတွင် တစ်ပင်လျှင် ငွေကျပ် ၁၅ဝဝ ဖြင့် ဝယ်ယူနိုင်ပြီ ဖြစ်သည်။ စတင် စိုက်ပျိုးရာတွင် မိုးဦးကာလ၌ စိုက်ပျိုးကြပြီး ပျိုးပင်၏ အရွယ် ပမာဏမှာ နှစ်ပေခန့် အရွယ်မှ စတင်စိုက်ပျိုး ကြကြောင်း သိရသည်။

သစ်မွှေးပင်သည် ရှမ်းပြည်နယ် (မြောက်ပိုင်း) ရာသီဥတုအတွက် ခံနိုင်ရည်ရှိသော အပင်တစ်မျိုး ဖြစ်သည်။ စတင် စိုက်ပျိုးခါစ တွင်သာ မြေသြဇာ ထည့်ပြီး မိုးများလာပါက ပေါင်းရှင်းခြင်း၊ မြေဆွခြင်းကိုသာ ဆောင်ရွက် ကြသည်။ ထို့ကြောင့် သက်တမ်း တစ်လျှောက် အထူးဂရုစိုက် စရာမလိုကြောင်း ၄င်းခြံလုပ်ငန်းမှ ခြံလုပ်သား တစ်ဦး၏ ပြောပြချက်အရ သိရသည်။ (၁၇၆)

ညောင်ဦးဒေသထွက် ထန်းလျက်နှင့် ထန်းထွက်ပစ္စည်းလုပ်ငန်း များကို နိုင်ငံခြားသား ကမ္ဘာ့လှည့်ခရီးသွားများ လာရောက်ကြည့်ရှုလေ့လာ



ညောင်ဦး ၊ ၃၀-၁၂-၂၀၁၅

မန္တလေးတိုင်း ဒေသကြီး ညောင်ဦး ဒေသထွက် ထန်းလျက်လုပ်ငန်း နှင့် ထန်းလျက်ထွက် ပစ္စည်းလုပ်ငန်း များကို နိုင်ငံခြားသား ကမ္ဘာလှည့် ခရီးသွားများ နေ့စဉ် လာရောက်ကြည့်ရှု လေ့လာလျက် ရှိကြောင်း ညောင်ဦးမြို့ နှင့် ကျောက်ပန်းတောင်း မြို့ကြား ရွှေလှိုင်းကျေးရွာ ရှိ ထန်းလျက် လုပ်ငန်း လုပ်ကိုင်သူ တစ်ဦးထံမှ သိရသည်။

မိုးဥတုမှလွဲ၍ ဆောင်းနှင့်နွေကာလ တို့တွင် ထန်းတက် လုပ်ငန်းသည် အဆင်ပြေ ဝင်ငွေကောင်းသည့် လုပ်ငန်းတစ်ခု ဖြစ်ပြီး ထန်းလျက်နှင့် ထန်းထွက် ပစ္စည်းများ ရောင်းချပေးခြင်း၊ နိုင်ငံခြားသား ကမ္ဘာလှည့် ခရီးသွားများကို ကိုယ်တိုင် ချက်လုပ်မှု ပြသပေးခြင်း နှင့် ထန်းထွက်ပစ္စည်း ဝယ်ယူသူ များကို ဧည့်ဝတ် ကျေပွန်စွာ ဧည့်ခံရှင်းလင်း ပြသပေးခြင်း တို့ကြောင့် ရွှေလှိုင်းကျေးရွာ အနီး ထန်းချက်လုပ်ငန်း လုပ်ကိုင်သည့် တဲများတွင် နိုင်ငံခြားသား ကမ္ဘာလှည့် ခရီးသွားများဖြင့် နေ့စဉ် စည်ကားလျက် ရှိကြောင်း သိရသည်။

ထန်းရည်မှ တစ်ဆင့် ထန်းလျက် ချက်လုပ်ပုံ အဆင့်ဆင့်ကို ပြသပေးနေ သကဲ့သို့ ထန်းရည်နှင့် ကောက်ညှင်းဆန် မှတစ်ဆင့် ဒေသထွက် သဘာဝ ကောက်ညှင်း အရက်ချက် လုပ်ငန်းများကို ပြသပေးလျက် ရှိသည်။

ညောင်ဦးဒေသသို့ ဝင်ရောက် လာကြသော နိုင်ငံခြားသား ကမ္ဘာလှည့် ခရီးသွား များသည် ဧည့်လမ်းညွှန် များ၏ ချိတ်ဆက်မှု များဖြင့် ဒေသတွင်းရှိ လုပ်ငန်းများကို လေ့လာလျက်ရှိရာ မြန်မာနိုင်ငံသား များ၏ ဖြူစင်ရိုးသားမှု၊ဧည့်ဝတ် ကျေပွန်မှုနှင့် ဒေသထွက် အရောအနှော ကင်းသည့် ထွက်ကုန်များကို အထူးနှစ်ခြိုက် လျက်ရှိကြောင်း ဧည့်လမ်းညွှန် များက ပြောပြ၍ သိရသည်။ (၁၅၆)

အသည်းရောင်အသားဝါ ဘီပိုးနှင့် စီပိုးရောဂါ



ဒေါက်တာလွင်သန့် (ဆေး-၂)

အသည်းရောင် အသားဝါ ဘီပိုးနှင့် စီပိုး ရောဂါသည် မြန်မာနိုင်ငံ၌ စောင့်ကြည့်ရသည့် ရောဂါနှစ်မျိုး ဖြစ်ပြီး ရောဂါပိုးရှိသူမှ တစ်ဆင့် တခြားသူများ ထံသို့ ကူးစက် တတ်ကြောင်း သိရသည်။

သွေးစစ်ကြည့် ပါက HBS Ag ပဋိပစ္စည်းဆိုလျှင် ဘီပိုးရှိပြီး Anti-HCV ပဋိလုံပစ္စည်း ဆိုလျှင် စီပိုးရှိသည်။ ဘီပိုး နာတာရှည် သူများမှာ ဘီ Positive တွေ့ပြီး ခြောက်လ အကြာတွင် Negative ဖြစ်သူများလည်း ရှိနိုင်သည်။ ပထမအကြိမ် Positive ရှိပြီး နောက်ခြောက်လ အကြာ သွေးစစ်ပါက Positive ဖြစ်လျှင် နာတာရှည် လူနာများ ဖြစ်သည်။ စီပိုးရောဂါရှိပြီး Anti-HCV ရှိနေလျှင် စီပိုး နာတာရှည် လူနာဖြစ်သည်။ ကမ္ဘာပေါ်တွင် စီပိုး ကူးစက်သူက ပိုမိုသက်တမ်း တိုသည်။

အသည်းရောင် အသားဝါ ဘီပိုးနှင့် စီပိုး ကူးစက်ခြင်းမှာ ရောဂါပိုး ပါရှိသည့် ဆေးထိုးအပ် မျှဝေသုံးစွဲခြင်း၊ သွေးဖောက်ခြင်း၊ နားဖောက်ခြင်း၊ အပ်စိုက်ခြင်း၊ ဆေးမင်ကြောင် ထိုးခြင်း၊ သွား ဆေးကုသခြင်း၊ ဓားတစ်ချောင်း တည်းဖြင့် ဆက်တိုက် ခေါင်းရိတ်ခြင်း၊ မုတ်ဆိတ် ရိတ်ခြင်း၊ ပိုးရှိသူ၏ သွားပွတ်တံ၊ လက်သည်းညှပ်၊ မုတ်ဆိတ်ရိတ်ဓား မျှဝေ သုံးစွဲခြင်း၊ ရောဂါပိုးရှိသူ နှင့် လိင်တူလိင်ကွဲ ဆက်ဆံခြင်း၊ ရောဂါပိုး ရှိသူထံမှ သွေးသွင်းခြင်း နှင့် ရောဂါရှိသော မိခင်မှ သန္ဓေသားသို့ ကူးစက်ခြင်း တို့ဖြစ်သည်။

နောက်ဆက်တွဲဆိုးကျိုးများ

နောက်ဆက်တွဲ ဆိုးကျိုးများမှာ တခြားသူများထံ ကူးစက်နိုင်ပြီး ဘီပိုးရှိသူမှာ ကုသရန် ဆေးမပေါ်သေး သော်လည်း သက်တမ်းစေ့ နေနိုင်သည်။ စီပိုးရောဂါ ကူးစက်သူမှာ နာတာရှည် အသည်းရောင် ရောဂါ၊ အသည်းမှ အမာရွတ် ဖြစ်စေခြင်း၊ အသည်းကျွတ်ဆက် ခြင်းနှင့် အသည်းကင်ဆာ တို့ ဖြစ်ပွားနိုင်သည်။

ကုသခြင်း

ဘီပိုးရှိသူများကို ဘီပိုး ကာကွယ်ဆေး ထိုးပေးဖို့ မလိုသလို ၈၅ ရာခိုင်နှုန်းသည် ဘီပိုး ကုသဆေး မလိုပါ။ ၁၅ ရာခိုင်နှုန်းသာ ဘီပိုးသေဆေးနှင့် ကုသဖို့ လိုသည်။ ဘီပိုးများ နေပြီး အသည်းထိခိုက် ပျက်စီးမှု ရှိသူများကို ကုသရမည်။ ဘီပိုးပွားများ၊ မများ စစ်ဆေးပါက ပိုးကောင်ရေ ရေတွက်နည်းဖြင့် သိရှိနိုင်သည်။ စီပိုးရှိသူကို စီပိုးသေ ဆေးဖြင့် ကုသနိုင်သည်။ နောက်ဆုံးပေါ် Direct Acting Antivirtal Drug (DAA) နှင့် ကုသပေးနိုင်သည်။  ၂ဝ၁၆ ခုနှစ် နှစ်ဆန်းပိုင်းမှ စ၍ စီပိုးကို အခမဲ့ ကုသပေးမည်။ ဘီပိုးသေဆေး အင်တာမရွန် ထိုးဆေးနှင့် လယ်မီဗျူဒင်း၊ အဒီဗိုဗာ၊ တယ်လ်ဘီဗျူဒင်း တို့ဖြင့် ဘီပိုး အရေအတွက် ကျသည်အထိ ကုရမည်။

ကြိုတင်ကာကွယ်မှု

ကြိုတင် ကာကွယ်မှုများ အနေဖြင့် ဘီပိုး၊ စီပိုးရှိသူနှင့် အစားအသောက်၊ အသုံးအဆောင် ပစ္စည်း သီးခြားထားသင့်ပြီး ရောဂါပိုးရှိသူ များ၏ အိမ်၌ နေထိုင်ပါက တတ်နိုင် သမျှ ကူးစက်နိုင်ခြေ နည်းပါးစေရန် ဂရုစိုက်သင့် ပါသည်။ အသည်းရောင် ဘီပိုး ကာကွယ်ဆေးကို လစဉ်ဆက်တိုက် သုံးကြိမ် ထိုးနှံပါက အသည်းရောင်ဘီ မှ ကာကွယ်နိုင် ပါသည်။ မွေးကင်းစ ကလေး ကာကွယ်ဆေး ငါးမျိုးစုံ (ဆုံဆို့၊ ကြက်ညှာ၊ မေးခိုင်၊ အသည်းရောင်ဘီ၊ ဦးနှောက်ရောင်) ရောဂါ ကာကွယ်ဆေးကို ကလေးနှစ်လ၊ လေးလနှင့် ခြောက်လသား တွေမှာ ထိုးနှံထားလျှင် ရောဂါမဖြစ်ပါ။

လူနာများလိုက်နာရန်

အရက်၊ ဆေးလိပ်၊ ကွမ်း၊ မူးယစ်ဆေးဝါး သုံးစွဲမှုအားလုံး ဖြတ်ရမည်။ အဆီအနှစ်၊ မလိုင်၊ ထောပတ်၊ နို့၊ ကြက်ဥအနှစ် နှင့် ဆီကြော်မုန့် စားသုံးခြင်း ရှောင်ရပါမည်။ ဆိုးဆေး၊ ဓာတု တာရှည်ခံ ဆေးပါတဲ့ အရည်၊ မုန့်၊ အစားအစာနှင့် သံဓာတ်ပါသည့် အားဆေး မသောက်ရပါ။ သံဓာတ်ပါသည့် အစားအစာ အသည်းအမြစ်၊ ကလီစာ၊ ဟင်းနုနယ် မစားရပါ။ အချဉ်ရည်၊ သံပရာသီး၊ ရှောက်သီး များများစားခြင်း ရှောင်သင့်သည်။ အငန်ပါသည့် ငါးပိ၊ ငါးခြောက်၊ ငံပြာရည်၊ ပုစွန်ခြောက် လျှော့စားသင့်ပါသည်။ အစာစားရာတွင် အမာမစားသင့်ပါ။

မြ၀တီနေ့စဉ် ၊ စာ(၈)

တောင်တမန်အင်းနှင့်တံတား ဥတုသုံးမျိုးအလှ ပေါ်လွင်စေရန် ငွေကျပ်သိန်းနှစ်ထောင်ကျော် အသုံးပြု၍ ပြုပြင်ရန်စီစဉ်



မန္တလေး ၊ ၃၀-၁၂-၂၀၁၅

မန္တလေးတိုင်း ဒေသကြီး မန္တလေး အမရပူရမြို့နယ်ရှိ တောင်သမန်အင်း နှင့် တောင်သမန်တံတား သည် ကမ္ဘာတွင် နာမည် ကျော်ကြားသည်။ တောင်သမန်အင်းနှင့် တံတားအလှသည် နွေ ၊ မိုး ၊ ဆောင်း ဥတုသုံးမျိုးလှ၍ သုံးပန်လှဟု တင်စားခေါ်ဝေါ် ကြသည်။

တောင်သမန်အင်း ကို ဖြတ်၍ တည်ဆောက်ထားသည့် တောင်သမန် တံတားသည် ကမ္ဘာပေါ်တွင် အရှည်လျားဆုံး သစ်သားတံတား များတွင် တစ်စင်း အပါအဝင်ဖြစ်ပြီး ရှေးဟောင်း သစ်သားတံတားကြီး ဖြစ်၍ နိုင်ငံတော်သမ္မတ ၏ ရန်ပုံငွေ ငွေကျပ် သိန်း ၂၂၇ဝ ကို အသုံးပြု၍ ရှေးမူမပျက် အကြီးစား ပြင်ဆင်မှုများကို ဖေဖော်ဝါရီလ မှစ၍ ပြုလုပ်ရန် စီစဉ်ဆောင် ရွက်လျက် ရှိကြောင်း သိရသည်။

အဆိုပါ တောင်သမန်တံတား ကို အမရပူရခေတ် ပုဂံမင်း လက်ထက် မြို့စာရေး ဦးပိန် က တည်ဆောက်ခဲ့၍ ဦးပိန်တံတား ဟု တွင်ခဲ့သော်လည်း တောင်သမန်အင်း အတွင်းမှာရှိ၍ တောင်သမန် တံတားဟူ၍ ထင်ရှားသည်။ 

ပုဂံမင်းလက်ထက် ၁၂၁၁ ခုနှစ်တွင် မြို့ဝန်ဘိုင်ဆပ် ၏ စီစဉ်မှုဖြင့် မြို့စာရေး ဦးပိန် က ကြီးကြပ် ဆောက်လုပ်ခဲ့သည်။

မြို့စာရေး ဦးပိန် သည် တောင်သမန် တံတား သာမက အခြားတံတား ဆယ်စင်းကိုလည်း တည်ဆောက်ခဲ့သည်။ ထိုတံတား များမှာ စကျင်ချောင်းကို ဖြတ်၍ တောင်ကြီးတံတား၊ ပန်းဘဲတံတား၊ မင်္ဂလာ အမြောက်ဘုံးအိုး ဗုံးထောင်တံတား၊ စကျင်တံတား၊ ရွှေလေးတံတား၊ တောင်မြင့်တံတား၊ ရွှေတောင်တံတား၊ ဂျင်းကုန်းတံတား၊ ရွှေတုံးတံတား၊ ကြက်မွေးတံတား တို့ဖြစ်ကြောင်း သိရသည်။

တောင်သမန် တံတားကို မြန်မာသက္ကရာဇ် ၁၂၁၁ ခုနှစ် ပုဂံမင်း လက်ထက်တွင် စတင်ဆောက် လုပ်ခဲ့ပြီး ၁၂၁၃ ခုနှစ်တွင် ပြီးစီးခဲ့သည်။ တိုင်များကို မြေဝင်ခုနစ်ပေ ထားကာ တည်ဆောက်ထားပြီး အခြေတွင် တိုင်တစ်လုံးနှင့် တစ်လုံးကို အသားများနှင့် ထိန်းချုပ်ထားသည်။ လေဒဏ်၊ မိုးဒဏ် ခံနိုင်ရန် တံတားကို အဖြောင့် မဆောက်လုပ်ဘဲ ကွေ့ကောက်၍ တည်ဆောက် ထားသည်။ တောင်သမန် တံတားကို တိုင်ပေါင်း ၉၈၄ တိုင်ဖြင့် မူလက ဆောက်လုပ် ခဲ့သော်လည်း နောက်ပိုင်း တိုးချဲ့မှုများ ကြောင့် ၁ဝ၈၆ တိုင်ထိ ရှိလာသည်။ တံတားအရှည်မှာ ၃၃၉ တာနှင့် နှစ်တောင် (၃၉၆၇ပေ) ရှိပြီး အခန်းပေါင်း ၄၇၇ ခန်းရှိသည်။ တံတားပေါ်တွင် အပန်းဖြေရန် အတွက် ဇရပ်လေးဆောင် ထည့်သွင်း တည်ဆောက် ထားကြောင်း သမိုင်းမှတ်တမ်း များအရ သိရသည်။

ယခုအခါ တောင်သမန် တံတားကို နိုင်ငံခြား ပညာရှင်များနှင့် ယဉ်ကျေးမှု ဝန်ကြီးဌာနမှ တာဝန်ရှိသူများ ပူးပေါင်း၍ ငွေကျပ်သိန်း ၂၂၇ဝ အသုံးပြု သွားမည် ဖြစ်ကြောင်း ၊ ဥတုသုံးမျိုးအလှ ပြန်လည် ဖြစ်ပေါ်စေရန် စီစဉ် ဆောင်ရွက်နေပြီး အင်းလေလံ ချထားမှုကို ရပ်ဆိုင်းသွားမည် ဖြစ်ကြောင်း မန္တလေးတိုင်း ဒေသကြီး ဘဏ္ဍာရေး ဝန်ကြီး ဒေါက်တာ မြင့်ကြူ က ပြောပြ၍ သိရသည်။

ရတနာပုံနေ့စဉ် ၊ စာ(၂)

မန္တလေးဆေးရုံကြီးတွင် Video Conference System တပ်ဆင်ထားသဖြင့် ကုသမှုအတွက် အထောက်အကူ များစွာရရှိ



မန္တလေး ၊ ၃၀-၁၂-၂၀၁၅

ကျန်းမာရေး ဝန်ကြီးဌာနမှ မန္တလေးဆေးရုံကြီး၊ မကွေးဆေးရုံကြီးနှင့် ရန်ကုန်ဆေးရုံကြီး တို့တွင် ကုသမှုပိုင်း ဆိုင်ရာ နှီးနှောဖလှယ် နိုင်ရန် Video Conference System တပ်ဆင်ပေးထား ခဲ့ရာ ကုသမှုအတွက် များစွာ အထောက်အကူ ဖြစ်ကြောင်း မန္တလေးတိုင်း ဒေသကြီး အစိုးရအဖွဲ့ရုံး သတင်းများအရ သိရသည်။

မန္တလေး အထွေထွေ ရောဂါကု ဆေးရုံကြီးတွင် ခေတ်မီရောဂါ ရှာဖွေရေး ကိရိယာများ တပ်ဆင် ထားသည့်အတွက် လူနာများကို ထိရောက်စွာ ကုသနိုင်ကြောင်း၊ အထက် မြန်မာပြည်တွင် အဓိက အားထားရသော ဆေးရုံကြီး တစ်ခုဖြစ်ပြီး အနီး ပတ်ဝန်းကျင် ဒေသများမှ လူနာများ လာရောက်ကုသ လျက်ရှိကြောင်း သိရသည်။

၂ဝ၁၅-၂ဝ၁၆ ဘဏ္ဍာနှစ် အတွင်း ထူးခြား ဆောင်ရွက်မှု အနေဖြင့် မန္တလေး အထွေထွေ ရောဂါကု ဆေးရုံကြီးတွင် ကျောက်ကပ် အစားထိုး ခွဲစိတ်ကုသမှု လုပ်ငန်းကို သုံးကြိမ်တိုင်တိုင် အောင်မြင်စွာ ခွဲစိတ်ကုသ ပေးနိုင်ခဲ့ကြောင်း သိရသည်။

ကုသမှု နည်းပညာ တိုးတက်ရေး အတွက် အထွေထွေ ရောဂါကု ဆေးရုံကြီးမှ အထူးကုဆရာဝန် ရှစ်ဦး၊ သွားဘက်ဆိုင်ရာ ဆရာဝန် တစ်ဦး၊ အထက်တန်း သူနာပြု ငါးဦးနှင့် လက်ထောက် ဆရာဝန် တစ်ဦး၊ ဆေးဘက် ကျွမ်းကျင် နှစ်ဦးတို့ကို ဖိလစ်ပိုင်၊ ကိုရီးယား၊ ဂျပန်၊ စင်ကာပူ၊ ထိုင်း၊ ပြင်သစ်နိုင်ငံ တို့သို့ ပညာသင် စေလွှတ်ခဲ့ကြောင်း သိရသည်။

ယခုအခါ မန္တလေး အထွေထွေ ရောဂါကု ဆေးရုံကြီး ကို ယခင် ခုတင် ၁ဝဝဝ ဆံ့ဆေးရုံမှ ၁၅ဝဝ ဆံ့ဆေးရုံကြီး အဖြစ် အဆင့်မြှင့်တင် လိုက်ပြီး မကွေးဆေးရုံကြီး၊ ရန်ကုန် အထွေထွေ ရောဂါကု ဆေးရုံကြီး တို့တွင် Video Conference System တပ်ဆင်၍ ကုသမှုပိုင်းတွင် နှီးနှောဖလှယ် မှုများ ဆောင်ရွက်လျက် ရှိသည်။

မန္တလေးအထွေထွေ ရောဂါကု ဆေးရုံကြီး အနေဖြင့် နိုင်ငံတော်မှ လူနာများ အခမဲ့ ဆေးဝါးကုသ နိုင်ရေး လိုအပ်သော အခြေခံဆေးနှင့် ဆေးပစ္စည်းများ ဝယ်ယူနိုင်ရန် ခွင့်ပြုရန်ပုံငွေကို ယခု ဘဏ္ဍာနှစ်တွင် ယခင် ဘဏ္ဍာနှစ်ထက် ပိုမိုချပေးခဲ့သည့် အပြင် ဓာတ်မှန် အခမဲ့၊ ဓာတ်ခွဲ အခမဲ့ စမ်းသပ်နိုင်ရန် အတွက် ငွေကျပ် ၆၆၂၅သိန်း၊ ကျောက်ကပ် အစားထိုးမှု အတွက် ငွေကျပ် ၄၅၈၁၁၇ဝကို သီးခြား ခွဲဝေချထား ပေးခဲ့သည်။

လူနာများ စိုက်ထုတ်ကုန်ကျမှု လျော့နည်းစေရန် အတွက် ဧပြီလမှစ၍ အောက်ဆီဂျင် အခမဲ့ ဆောင်ရွက်ပေးခြင်း၊ ပြင်ပလူနာ၊ အရေးပေါ်လူနာနှင့် အတွင်းလူနာများ အတွက် ဆေးကုသမှု ဆိုင်ရာ စာရွက်စာတမ်း များကို အခမဲ့ပြုလုပ် ပေးလျက်ရှိကြောင်း သိရသည်။ (၁၈ဝ)

ရတနာပုံနေ့စဉ် ၊ စာ(၅)

မြ၀တီနေ့စဉ်သတင်းစာ (၃၀-၁၂-၂၀၁၅) ဗုဒ္ဓဟူးနေ့



မြ၀တီနေ့စဉ်သတင်းစာ (၃၀-၁၂-၂၀၁၅) ဗုဒ္ဓဟူးနေ့
Download Links



Tuesday, December 29, 2015

အနောက်အုပ်စုကို ခြိမ်းခြောက်ရင်း အစ္စရေးကိုပါ ပစ်မှတ်ထားလာသည့် ISIS



( ရှိန်းထက် )

ဒီဇင်ဘာ ၂၆ ရက်တွင် လူရှေ့ထွက်ခဲသော အစ္စလာမ်မစ် နိုင်ငံ ISIS ၏ခေါင်းဆောင် အဘူဘာကာ အယ်လ်ဘတ်ဂ် ဒါဒီ က သူ၏ အသံဖိုင်  တစ်ခုကို အွန်လိုင်းတွင် လွှင့်တင်ခဲ့သည်။

အသံဖိုင်ထဲတွင် အနောက်အုပ်စု၏ ISIS အပေါ် တိုက်ခိုက်မှု များသည် အချည်းအနှီးသာ ဖြစ်ကြောင်းနှင့် ISIS ကို အမြစ်ဖြတ် ချေမှုန်းမည်ဟု ကြွေးကြော် နေခြင်းသည် အိပ်မက်တစ်ခု သာလျှင်ဖြစ်ကြောင်း လှောင်ပြောင် ပြောဆိုခဲ့ပြီး ယခု ၄င်းတို့သည် အနောက် ဥရောပ နိုင်ငံများနှင့် အစ္စရေး တို့ကို မကြာမီ တိုက်ခိုက်တော့မည် ဖြစ်ကြောင်း ခြိမ်းခြောက် ခဲ့သည်။ အမေရိကန် နှင့် အနောက်အုပ်စု သည် ၂ဝ၁၄ ခုနှစ်မှ စ၍ ISIS တို့ကို လေကြောင်း တိုက်ခိုက်မှုနှင့် မြေပြင် စစ်ဆင်ရေး အတွက် တစ်နေ့လျှင် အမေရိကန် ဒေါ်လာ သန်းနှင့်ချီ ကုန်ကျခဲ့သည်။ သို့သော်လည်း ISIS တို့ကို ထိရောက်သည့် စစ်ဆင်ရေးများ ယခုအချိန်ထိ ပြုလုပ်နိုင်ခြင်း မရှိသေးပေ။ 

ISIS တို့ကသာ တစ်နေရာပြီး တစ်နေရာ သိမ်းပိုက် နိုင်ခဲ့သည်။ ထို့ကြောင့် ISIS က အနောက်အုပ်စု ၏ ထိုးစစ် ဗျူဟာများကို လှောင်ပြောင် သရော် လိုက်ခြင်းဖြစ်သည်။

ထို့ပြင် အစ္စရေးသည် အစ္စလာမ် ဘာသာတို့၏ ထာဝရ ရန်သူတော်ကြီး ဖြစ်သောကြောင့် အစ္စရေးမြေတွင် မကြာမီ ဂျူးတို့ သွေးချောင်းစီး ရတော့မည်ဟု ISIS ခေါင်းဆောင်က ပြောသည်။ အစ္စရေးသည် ဟားမတ် စစ်သွေးကြွ များနှင့် ပါလက်စတိုင်း တို့ကို အစဉ်အမြဲ နှိပ်ကွပ်မှု ကလည်း ISIS တို့ကို ပြင်းထန်စွာ အမျက်ထွက် စေသည်။ ယခု ISIS က လူမျိုးတူ ပါလက်စတိုင်း တို့ဘက်မှ အစ္စရေးတို့ကို အပြတ်အသတ် တိုက်ခိုက် ပေးတော့မည် ဖြစ်သည်။

ဘတ်ဂ်ဒါဒီ ၏ ၂၄ မိနစ်ကြာ အသံဖိုင်တွင် အနောက်အုပ်စု နှင့်အစ္စရေးကို တိုက်ခိုက်နိုင်ဖို့သည် တစ်နေ့တခြား ရုပ်လုံး ပေါ်လာလျက် ရှိသည်။ မကြာမီ ရည်ရွယ်ချက် အတိုင်း ဖြစ်တော့မည်ဟု ဆိုသည့် ဘတ်ဂ်ဒါဒီ ၏ အပိုင် ခြိမ်းခြောက် စကားများက အနောက်အုပ်စုနှင့် အစ္စရေးတွင် သူတို့ ဘက်တော်သားများ အခြေချ နေနိုင်ပြီဟု ရည်ညွှန်း နေသလို ဖြစ်နေလေသည်။ ထို့ပြင် နှစ်သစ်ကူး အချိန်ကလည်း နီးလာနေပြီ ဖြစ်သည်။

ISIS တို့သည် လူအများဆုံး စည်ကားနေသည့်အချိန် များတွင် အကြမ်းဖက်မှု များကို လုပ်ဆောင် နိုင်သည်ဟု နိုင်ငံတကာ ထောက်လှမ်းရေး အဖွဲ့များက သတိပေး ထားသည်။ ထို့ကြောင့် ခရစ္စမတ်တွင် မဖြစ်ခဲ့သော အကြမ်းဖက်မှု များကြောင့် နှစ်သစ်ကူး ကာလသည် အကြမ်းဖက်မှု ပြုလုပ်နိုင်ရန် ISIS တို့အတွက် အကောင်းဆုံးအချိန် ဖြစ်နေသည်။ ထို့ကြောင့် ၂ဝ၁၆ ခုနှစ်သို့ ကူးပြောင်းမည့် ၂ဝ၁၅ ခုနှစ်၏ နှစ်သစ်ကူး အခါသမယသည် အနောက်အုပ်စု အတွက် စိုးရိမ်စိတ် များဖြင့် ဖြတ်သန်း ရတော့မည် ဖြစ်သည်။

ထို့ပြင် ယခု အမေရိကန်နှင့် အနောက် အုပ်စုတို့ အပါအဝင် ရုရှားနှင့် ၃၄ နိုင်ငံပါ သည့် အစ္စလာမ်မစ် ဆန့်ကျင်ရေး ညွန့်ပေါင်း အဖွဲ့များ ကလည်း ISIS ကို အပြင်းအထန် တိုက်ခိုက်လျက် ရှိသည်။ ၃၄ နိုင်ငံ ပါဝင်သည့် ညွန့်ပေါင်းအဖွဲ့ကို ဆော်ဒီက ဦးဆောင်သည်။ ဆော်ဒီသည် ISIS တို့နှင့် လူမျိုးလည်းတူ၊ ဘာသာလည်း တူသည့် အစ္စလာမ်မစ် ဘုရင့်နိုင်ငံ ဖြစ်သည်။ ထို့ကြောင့် လူမျိုးတူ၊ ဘာသာတူသူကို တိုက်ခိုက်မည့် ဆော်ဒီကိုလည်း ISIS က အပြင်းအထန် သတိပေးထားသည်။ ISIS ထဲရှိ နိုင်ငံရပ်ခြား တိုက်ခိုက်ရေး သမား အများစုသည် ဆော်ဒီမှ ဖြစ်သည်။ ထို့ပြင် ဆော်ဒီတွင် ယခု ISIS တို့ လွှမ်းမိုးမှုက လည်း တစ်စတစ်စပိုများလာလျက်ရှိသည်။ အရှေ့ အလယ်ပိုင်းတွင် ISIS တို့ ခြေကုပ်မှု အများဆုံး ယူထားနိုင်သည့် နိုင်ငံထဲတွင် ဆော်ဒီသည် ထိပ်ဆုံးမှ ပါဝင်သည်။

ထို့ကြောင့် ဆော်ဒီကိုလည်း ISIS က အကြမ်းဖက်မည်ဟု ဆိုသည်။ သို့သော်လည်း အပြင်းအထန် ထိုးစစ်ဆင် နေသည့် နိုင်ငံတကာ အဖွဲ့များကြောင့် ISIS တို့ မည်သို့ပင် လှောင်ပြောင်စေကာမူ ယခု ISIS တို့ပိုင်နက် များဆုံးရှုံးလာလျက်ရှိသည်။ ဒီဇင်ဘာ ၂၇ ရက်တွင် အီရတ်တပ်ဖွဲ့ များက ISIS တို့ ထိန်းချုပ်ထားသည့် ရာမာဒီကို ပြန်လည်သိမ်းပိုက် နိုင်ခဲ့သည်။

ယခုအခါ အမေရိကန်၊ ရုရှားနှင့် ညွန့်ပေါင်း အဖွဲ့များက တစ်နေ့လျှင် ဒေါ်လာသန်းချီ ဝင်နေသော ISIS တို့၏ ရေနံတွင်းများ နှင့် ရေနံသယ်ယူ ပို့ဆောင်နေသည့် ရေနံတင် ကားများကို တောက်လျှောက် ဗုံးကြဲ၍ ISIS တို့၏ ရန်ပုံငွေကို အဓိက ဖြတ်တောက် နိုင်ရန် ကြိုးပမ်း နေကြသည်။ ထို့ကြောင့် ISIS တို့ အထိနာ နေသည်က ငြင်းဆိုစရာ မရှိပေ။ သို့သော်လည်း ISIS ကွန်ရက်များ ကတော့ တဖြည်းဖြည်းနှင့် ပိုမိုကျယ်ပြန့် လာသည်။ မွတ်စလင် အများစုရှိသည့် အင်ဒိုနီးရှား ကိုလည်း ISIS တို့က အဝေးရောက် ကာလီဖိတ် ဟု တင်စားထားသည်။ အင်ဒိုနီးရှား နိုင်ငံသား အစွန်းရောက် ၅ဝဝ ကျော်သည် ISIS တို့နှင့် သွားရောက် ပူးပေါင်း ခဲ့သည်။

အနောက်အုပ်စုနှင့် ညွန့်ပေါင်းတို့က ထိုးစစ်ဆင် သော်လည်း ISIS တို့ကွန်ရက်က သေးမသွားဘဲ ကျယ်သည်ထက် ကျယ်လာလျက် ရှိသည်။ ယခု တစ်ကမ္ဘာ လုံးသည် ISIS ကွန်ရက် ဖြစ်တော့မည်။ အာရှတွင်လည်း ISIS ရှိသည်။ အာဖရိက တွင်လည်း ISIS ရှိသည်။ ဥရောပတွင် လည်း ISIS ရှိသည်။ အရှေ့ အလယ်ပိုင်း တွင်လည်း ISIS က ကြီးစိုးထားသည်။ မရှိသည့်နေရာ ဆို၍ တစ်နေရာသာ ကျန်တော့သည်။ ဤနေရာမှာ အမေရိက ဖြစ်သည်။ သို့သော် UG ဟုခေါ်သော မြေအောက် အစ္စလာမ်မစ်များ ရှိနိုင်သောကြောင့် မည်သူမျှ အမေရိကတွင် ISIS မရှိဟု အာမခံရဲသူ မရှိပေ။ ထို့ကြောင့် ISIS ၏ အန္တရာယ်သည် ထင်ထား သည်ထက် ပိုမို ကြောက်စရာ ကောင်းလာလျက် ရှိသည်။

အိုဘားမား၏ ISIS အမြစ်ဖြတ် ချေမှုန်းရေးကလည်း ထင်သလို ဖြစ်မလာ။ ပူတင်၏ ISIS ထိုးစစ်ဆင်မှု ကလည်း မထိရောက်ဘဲ ဝေဖန်ချင်စရာ ဖြစ်လာ သောကြောင့် အရှေ့ အလယ်ပိုင်းမှ ISIS ကို သုတ်သင်ရေး သည် ပါးစပ်က ပြောနေသည်ထက် အလှမ်းဝေး နေဆဲဖြစ်သည်။ ၂ဝ၁၄ ခုနှစ် ကတည်းက ISIS တို့ကို တိုက်ခိုက်ခဲ့သော ထိုးစစ်များသည် ယခု ဒီဇင်ဘာလ ရောက်မှသာ ရာမာဒီ တစ်မြို့တည်း ကိုသာ အပိုင်ပြန်လည် သိမ်းပိုက်နိုင်သည်။ အစ္စလာမ်မစ် ISIS ဆန့်ကျင်ရေး၏ အောင်မြင်မှုဟု ဆိုနိုင်သော်လည်း ISIS ၏ နယ်မြေချဲ့ထွင် နိုင်မှုက ရာမာဒီကို အီရတ်တို့ အောင်မြင်မှု ထက် ပိုသာသည်။

အာဖဂန်တွင်လည်း ISIS တို့ မြို့သုံးမြို့ကို အပိုင် သိမ်းထားသည်။ ယီမင်တွင်လည်း ISIS က မြို့သိမ်း တိုက်ပွဲများ ဆင်နွှဲကာ မြို့များကို အပိုင် သိမ်းထားသည်။ ထို့ကြောင့် အီရတ်၏ ရာမာဒီကို အောင်မြင်မှုသည် ISIS တို့ အောင်မြင်မှု၏ ငါးပုံတစ်ပုံ လောက်သာဖြစ်သည်။

ယခု ISIS တို့၏ ပစ်မှတ်သစ်သည် အနောက်အုပ်စု အပြင် အစ္စရေးပါ ပါဝင်လာသည်။ အစ္စရေးသည် ဂါဇာမှ ဒုံးကျည်များ မကြာခဏ အပစ်ခံရသည်။ ပါလက်စတိုင်း နှင့်လည်း အမြဲတမ်း အငြင်းပွားနေသည်။ စစ်ပွဲများလည်း မထင်လျှင် မထင်သလို ဖြစ်တတ်သည်။ နယ်စပ်စည်းမျဉ်းများ အငြင်းပွားမှုသည် အစ္စရေးနှင့် ပါလက်စတိုင်းကြား အဓိက အငြင်းပွားနေရသော ကိစ္စဖြစ်သည်။ ထိုမျဉ်းများ တစ်လျှောက် နောက်တစ်ကြိမ်သာ အစ္စရေးနှင့် ပါလက်စတိုင်းကြား စစ်ဖြစ်ခဲ့ပါက ISIS တို့သည် ပါလက်စတိုင်း ဘက်မှ ပါဝင်တော့မည် ဖြစ်သည်။

အီရတ်စစ်သား ထောင်ကျော်ရှိသော အီရတ်မြို့များကို ဝင်ရောက် သိမ်းပိုက်စဉ်က ISIS နှစ်ရာခန့်ဖြင့် သိမ်းယူခဲ့ခြင်း ဖြစ်ရာ ISIS တို့၏ တိုက်ရည်ခိုက်ရည် ကလည်း ကောင်းမွန်လှသည်။

ထို့ကြောင့် ISIS အားကိုးဖြင့် ပါလက်စတိုင်းတို့ နောက်တစ်ကြိမ် ခေါင်းထောင် လာမည်ကို အစ္စရေးတို့ ကြိုတင်စဉ်းစား ရတော့မည် ဖြစ်ပါကြောင်း တင်ပြလိုက်ရ ပါသည်။ ။

မြ၀တီနေ့စဉ် ၊ စာ(၂၄)

ပြည်ထောင်စုတိုင်းရင်းသား ကျေးရွာ၌ ကမ်းရိုးတန်းသွားသင်္ဘော MV-705 ကို လွတ်လပ်ရေးနေ့အမီ အများပြည်သူလေ့လာနိုင်ရန် ဆောင်ရွက်



ရန်ကုန် ၊ ၂၉-၁၂-၂၀၁၅

ရန်ကုန်တိုင်းဒေသကြီး သာကေတ မြို့နယ်ရှိ ပြည်ထောင်စု တိုင်းရင်းသား ကျေးရွာ၌ ကမ်းရိုးတန်းသွား သင်္ဘော MV-705 ကို လွတ်လပ်ရေးနေ့ အမီ အများပြည်သူ လေ့လာနိုင်ရန် စီစဉ် ဆောင်ရွက်လျက် ရှိကြောင်း သိရသည်။

ပြည်ထောင်စု တိုင်းရင်းသား ကျေးရွာကို ရန်ကုန်-သန်လျင် တံတားကြီး အနီး သာကေတမြို့နယ် အတွင်း၌ မြေဧက ၁၁၇ ဧကပေါ်တွင် ၂ဝဝ၂ ခုနှစ် ဒီဇင်ဘာ ၂၈ ရက်က ဖွင့်လှစ် ခဲ့ခြင်းဖြစ်သည်။

ပျော်ဘွယ်မြို့ နယ်အတွင်းရှိ ဒေသခံပြည်သူများအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်ရန် တပ်မတော်နယ်လှည့် အထူးကုဆေးအဖွဲ့ ထွက်ခွာ



နေပြည်တော် ၊ ၂၉-၁၂-၂ဝ၁၅

တပ်မတော်နယ်လှည့် အထူးကု ဆေးအဖွဲ့သည် မန္တလေးတိုင်း ဒေသကြီး၊ ပျော်ဘွယ်မြို့နယ် အတွင်းရှိ ဒေသခံပြည်သူ များအား ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေး နိုင်ရန် ယမန်နေ့ နံနက် ၇ နာရီတွင် နေပြည်တော်ရှိ တပ်မတော် ဆေးရုံမှ မော်တော်ယာဉ် များဖြင့် ထွက်ခွာ သွားသည်။

အဆိုပါ တပ်မတော်နယ်လှည့် အထူးကု ဆေးအဖွဲ့တွင် ကျန်းမာရေးပါရဂူ ဒုတိယ ဗိုလ်မှူးကြီး ဝင်းနိုင် ဦးဆောင်သည့် ခွဲစိတ် ပါရဂူ၊ မျက်စိပါရဂူ၊ ကလေးပါရဂူ၊ သားဖွား၊ မီးယပ်ပါရဂူ၊ ရောဂါဗေဒပါရဂူ၊ ဓာတ်မှန်ပါရဂူ၊ မေ့ဆေးပါရဂူ၊ ဆေးမှူးများ၊ သူနာပြု အရာရှိများ၊ သူနာပြုများနှင့် သူနာပြု စစ်သည်များ လိုက်ပါသွား ကြကြောင်း သိရှိရသည်။ (၁ဝဝ)

မြ၀တီနေ့စဉ် ၊ စာ(၁၅)

မိုးသောက်ပန်းဂျာနယ် အတွဲ(၁၉) အမှတ်(၂၁)



မိုးသောက်ပန်းဂျာနယ် အတွဲ(၁၉) အမှတ်(၂၁)
Download Links



တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ရန်ကုန်တိုင်း စစ်ဌာနချုပ် စိုက်ပျိုး/မွေးမြူရေး လုပ်ငန်းများအား ကြည့်ရှုစစ်ဆေး


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် အဖွဲ့ဝင်များအား ရန်ကုန်တိုင်းစစ်ဌာနချုပ် တိုင်းမှူးက စိုက်ပျိုး/မွေးမြူရေး ဆိုင်ရာများနှင့် အရာရှိ၊ စစ်သည်၊ မိသားစုများသို့ သက်သာစွာ ရောင်းချပေး နိုင်မှုများကို ရှင်းလင်းတင်ပြစဉ်


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် အဖွဲ့ဝင်များ စိုက်ပျိုး/မွေးမြူရေးစခန်းတွင် အောင်မြင်ဖြစ်ထွန်းစွာ မွေးမြူလျက်ရှိသော Novogen Brown ဥစားကြက်ပေါက် ထုတ်လုပ်မှုများကို 
လှည့်လည် ကြည့်ရှုစစ်ဆေးစဉ်

စိုက်ပျိုး/မွေးမြူရေးစခန်းတွင် မွေးမြူထားသော Hubbard မိဘမျိုး အသားစားကြက်များကို တွေ့ရစဉ်

နေပြည်တော် ၊ ၂၉-၁၂-၂၀၁၅

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ညှိနှိုင်း ကွပ်ကဲရေးမှူး (ကြည်း၊ရေ၊လေ) ပူးတွဲတာဝန် ကာကွယ်ရေး ဦးစီးချုပ်(လေ) ဗိုလ်ချုပ်ကြီး ခင်အောင်မြင့်၊ ကာကွယ်ရေး ဦးစီးချုပ်(ရေ) ဒုတိယ ဗိုလ်ချုပ်ကြီး တင်အောင်စန်းနှင့် ကာကွယ်ရေး ဦးစီးချုပ်ရုံး(ကြည်း)မှ တပ်မတော် အရာရှိကြီးများ၊ ရန်ကုန်တိုင်း စစ်ဌာနချုပ် တိုင်းမှူးတို့ လိုက်ပါလျက် ယနေ့ မွန်းလွဲပိုင်းတွင် ရန်ကုန်တိုင်း ဒေသကြီး အင်းစိန်မြို့နယ်၊ စော်ဘွားကြီးကုန်းရှိ ရန်ကုန်တိုင်း စစ်ဌာနချုပ် အမှတ်(၁) စိုက်ပျိုး/မွေးမြူရေး စခန်းအား သွားရောက်ကြည့်ရှု စစ်ဆေးသည်။

ဦးစွာ တပ်မတော် ကာကွယ်ရေး ဦးစီးချုပ်နှင့် အဖွဲ့ဝင်များအား ရှင်းလင်းဆောင်၌ ရန်ကုန်တိုင်း စစ်ဌာနချုပ် တိုင်းမှူးက စိုက်ပျိုး/မွေးမြူရေး ဆိုင်ရာများနှင့် အရာရှိ၊ စစ်သည်၊ မိသားစုများသို့ သက်သာစွာ ရောင်းချ ပေးနိုင်မှု များကို ရှင်းလင်းတင်ပြရာ တပ်မတော် ကာကွယ်ရေး ဦးစီးချုပ်က တပ်ပိုင် စိုက်ပျိုးရေး/ မွေးမြူရေး လုပ်ငန်းများသည် တပ်မတော်သား စစ်သည်၊ မိသားစုများ၏ စားရေးကို အဓိက အထောက်အကူ ပြုရမည်ဖြစ်ကြောင်း၊ တပ်မတော်၏ အသား၊ငါး၊ အသီးအနှံ လိုအပ်ချက်ကို တစ်နှစ်၊ တစ်လ၊ တစ်ရက်ပျှမ်းမျှ တွက်ချက်၍ တပ်မတော်၏ လိုအပ်ချက် ပြည့်မီအောင် စိုက်ပျိုး/မွေးမြူရေး ထုတ်လုပ်ကြရမည် ဖြစ်ကြောင်း၊ လုပ်ငန်းနေရာ ဧရိယာကျဉ်းကျဉ်း၊ လုပ်သားအင်အား နည်းနည်းဖြင့် မွေးမြူနိုင်သည့် ဥစားကြက်၊ DYL ဝက်နှင့် နို့စားနွား မွေးမြူရေးများကို ဦးစားပေး လုပ်ဆောင်ရမည် ဖြစ်ကြောင်း၊ ငါးမွေးမြူရာတွင်လည်း ငါးကန်အတွင်း အလွှာလိုက် ငါးအမျိုးအစား ခွဲခြား၍ မွေးမြူရန်လိုကြောင်း၊ တစ်ဖက်တွင်လည်း လုပ်အား အလေအလွင့်ဖြစ်မှု၊ ဝန်ထုပ်ဝန်ပိုး ဖြစ်မှုများ မရှိစေရေး အတွက် တပ်များ၏ စုဖွဲ့မှုမှန်ကန်စွာဖြင့် တပ်ပိုင် စိုက်ပျိုး/မွေးမြူရေး လုပ်ငန်းများ စနစ်တကျဖြင့် အောင်မြင်အောင် လုပ်ဆောင်ကြရမည် ဖြစ်ကြောင်း၊ စစ်ဆင်ရေး တပ်များက စစ်ဆင်ရေး ဆောင်ရွက်ရန် ဖြစ်ပြီး အုပ်ချုပ်ထောက်ပံ့မှု ဆိုင်ရာ ဆောင်ရွက်နိုင်သည့် သူများက စိုက်ပျိုး/မွေးမြူရေး နိုင်သမျှ ဆောင်ရွက်ရမည် ဖြစ်ကြောင်း၊ ၂၀၁၅ ခုနှစ်၊ ဒုတိယ ၆လပတ် ကာလအတွင်း ကုန်ဈေးနှုန်းများ၊ ဒေါ်လာဈေး၊ ရွှေဈေး၊ လောင်စာဆီ ဈေးနှုန်းများ ကြီးမြင့်လာသဖြင့် စစ်သည်၊ မိသားစုများ ပြင်ပမှ ဈေးကြီးပေး၍ ဝယ်ယူစားရမှု နည်းပါးရေး တပ်ပိုင် စိုက်ပျိုး/မွေးမြူရေးကို ထိထိရောက်ရောက် စုစည်းလုပ်ဆောင် သွားရန်နှင့် ပိုလျှံပါက နယ်မြေခံပြည်သူလူထုအား သက်သာသော ဈေးနှုံးဖြင့် ရောင်းချနိုင်သည့်အထိ လျာထား ဆောင်ရွက် သွားရမည် ဖြစ်ကြောင်း၊ကုန်ဈေးနှုန်းကြီးမြင့်ရခြင်း၏ အခြေခံအချက်တွင် ထုတ် လုပ်မှုနှင့် စားသုံးမှု မညီမျှ ခြင်းကြောင့်လည်းဖြစ်ကြောင်း၊သို့ဖြစ်၍ ကုန်ထုတ် လုပ်သူများ များရှိရန်၊ကုန်ထုတ်လုပ်မှုများရန် လိုပြီးပိုလျှံပါက ပြည်ပပို့ရန် ဖြစ်ကြောင်း၊ ပြည်ပပို့ ရန် အတွက် လည်း သတ်မှတ်ထားသော အရည်အသွေး ကိုက်ညီအောင် ကြိုးစား ဆောင်ရွက် ရမည်ဖြစ် ကြောင်း၊ ပို့ကုန်နည်းပြီး သွင်းကုန်များနေသမျှ စီးပွားရေး အခက်အခဲများ တွေ့ကြုံရ မည်ဖြစ် ကြောင်း၊ ရန်ကုန်တိုင်း စစ်ဌာနချုပ် အနေဖြင့် တိုင်းစစ်ဌာနချုပ် နယ်မြေအတွင်းရှိ စစ်သည်၊ မိသား စုများ အသား၊ ငါး၊ ကြက်ဥ၊နွားနို့ စားသုံးရန် လိုအပ်ချက်၏ ၇၅ ရာခိုင်နှုန်းခန့် ကိုသာ ထုတ် လုပ်နိုင်သည့် အခြေအနေ ရှိသဖြင့် လိုအပ်ချက်ထက် ပြည့်မီကျော်လွန်ပြီး ပိုမိုထုတ်လုပ် သွားရန် လိုအပ်ကြောင်း၊ ယင်းမှဆက်၍ ဒေသခံလူထုသို့ ရောင်းချပေးနိုင်ရေး ဆောင်ရွက်ရန်ဖြစ် ကြောင်းဖြင့် မှာကြားသည်။

ထို့နောက် တပ်မတော်ကာကွယ်ရေး ဦးစီးချုပ်နှင့် အဖွဲ့ဝင်များသည် စိုက်ပျိုး/မွေးမြူရေး စခန်းတွင် အောင်မြင်ဖြစ်ထွန်းစွာ မွေးမြူလျှက်ရှိသော Novogen Brown ဥစားကြက်ပေါက် ထုတ်လုပ်မှု များကို လှည့်လည်ကြည့်ရှု စစ်ဆေးကြသည်။

ရန်ကုန်တိုင်း စစ်ဌာနချုပ်နယ်မြေ အတွင်း စော်ဘွားကြီးကုန်း၊ တညင်းကုန်း၊ ရန်ကုန် တပ်နယ်၊ မင်္ဂလာဒုံ တပ်နယ်၊ မှော်ဘီတပ်နယ် များတွင် စိုက်ပျိုး/မွေးမြူရေး စခန်း ၆ ခု ဖွင့်လှစ်၍ Novogen Brown မိဘမျိုး ဥစားကြက် Hubbrad မိဘမျိုး အသားစားကြက်၊ DYL ၀က်၊ နို့စားနွား၊ ဥစားဘဲ၊ အသားစားဘဲ၊ ငါးမွေးမြူရေး လုပ်ငန်းများ ၊နှစ်ရှည်ပင်၊ ရာသီပင်စိုက် ပျိုးခြင်း များကို အရှိန်အဟုန်ဖြင့် ဆောင်ရွက်လျက် ရှိသည်။

ယင်းစိုက်ပျိုး/မွေးမြူရေး လုပ်ငန်းများကို ရန်ကုန်တိုင်း စစ်ဌာနချုပ်ရှိ အရာရှိ၊ စစ်သည် မိသားစုများအတွက် အခြေခံအကျဆုံး လိုအပ် ချက်ဖြစ်သည့် စားရေးကို အပြည့်အ၀ ဖြည့်ဆည်းပေး နိုင်ရန် ရည်ရွယ်၍ ဆောင်ရွက်လျက် ရှိပြီး တပ်မတော် ဆေးရုံများ၊သင်တန်းကျောင်းများ၊ တပ်ရင်း၊ တပ်ခွဲများသို့ သန့်ရှင်း လတ်ဆက် သည့် အသားငါး ၊ နွားနို့၊ ဟင်းသီး၊ ဟင်းရွက်များကို သက်သာသော ဈေးနှုန်းဖြင့် ရိက္ခာစိုပေး သွင်းခြင်း၊ ဖြန့်ဖြူးရောင်းချ ပေးခြင်းများ ဆောင်ရွက်ပေးလျက် ရှိသည့်အပြင် တပ်ရင်း တပ်ဖွဲ့ များသို့ မိဘမျိုး ကြက်များ DYL ၀က်မျိုးများ မျိုးဖြန့်ဖြူးရောင်း ချခြင်း၊ တိရစ္ဆာန် အစာများ ကိုယ်တိုင်ထုတ်လုပ် ရောင်းချနိုင်ရေး စီမံ ဆောင်ရွက်ခြင်းများ လုပ်ဆောင်လျက် ရှိကြောင်း သိရှိရသည်။ (၁၀၀)

မြ၀တီနေ့စဉ် ၊ စာ(၁)

ဘ၀အလင်းအတွက် စာပေရေချမ်းစင်


ဘ၀အလင်းအတွက် စာပေရေချမ်းစင်

''ပညာနှင့်တူသော အလင်းရောင်သည် မရှိ'' ဟု ဆိုထားသည့် အတိုင်း စာပေဟူသည် လူသား အားလုံးအတွက် ဘဝကို အလင်းပေးသော အရာဖြစ်သည်။ လူ့ဘဝတွင် တတ်သိလိမ္မာမှု ဟူသမျှကို စာပေ တံခါးပေါက်မှ တစ်ဆင့် ဝင်ရောက်ရှာဖွေ ရယူကြရသည်။ စာပေမတတ်၊ မဖတ်၊ မမှတ်၊ မလေ့လာပါက လူရာမဝင် ဖြစ်ကြရသည်။

ထို့ကြောင့် စာတတ်ပြီးသူများ စာဖတ်စေရန် စာကြည့်တိုက်များ ဖွင့်လှစ်ပေးထား သကဲ့သို့ စာကြည့်တိုက်များ ဆက်လက်ဖွင့်လှစ် နိုင်ရေးအတွက်လည်း နိုင်ငံတော်နှင့် အတူ အလှူရှင်များက ပူးပေါင်းပါဝင် ကြိုးပမ်းကြသည်။ 

တစ်ဖက်တွင်လည်း နယ်လှည့် စာကြည့်တိုက်များ၊ စာပေ ရေချမ်းစင်များ ဖွင့်လှစ်ပေးလျက် ရှိရာ ကျေးလက်ဒေသ များထိ ဆောင်ရွက် ပေးလျက်ရှိသည်။

ထို့ပြင် ဖွင့်လှစ်ထားရှိ ပြီးသော စာကြည့်တိုက်များ ပုံမှန်လည်ပတ် ရှင်သန်နိုင်ရေး အတွက် ဘက်ပေါင်းစုံက နည်းပေါင်းစုံဖြင့် ကြိုးစားနေကြ သကဲ့သို့ လူစည်ကားရာ ရထားဘူတာရုံ၊ လေယာဉ်ကွင်း၊ ကားဂိတ်များတွင် ခဏတာအတွင်း စာပေဖတ်ရှု နိုင်စေရန်အတွက် စာပေ ရေချမ်းစင်များ ထားရှိကာ စာဖတ်ရှိန် မြှင့်တင်မှုများ ကိုလည်း ဆောင်ရွက်ပေးလျက် ရှိသည်။

မြန်မာနိုင်ငံ တစ်ဝန်းတွင် ပညာဒါန ပြုကြသူ အများအပြား ရှိနေကြပြီး သုတ၊ ရသစာပေများ၊ စာအုပ်၊ စာတမ်းများ လှူဒါန်းခြင်း၊ စာကြည့်တိုက် အဆောက်အအုံများ ဆောက်လုပ်လှူဒါန်း ပေးကာ ထာဝရကုသိုလ်ပြု နေကြသူများလည်း ရှိကြသည်။ ထို့ပြင် ယခုအခါ စာဖတ်ခြင်း ပွဲတော် များကိုလည်း လမ်းပန်း ဆက်သွယ်ရေး အဆင်ပြေသောမြို့များတွင် ကျင်းပ လာကြသည်။

မြန်မာစာပေ ထုတ်ဝေသူနှင့် ဖြန့်ချိသူများ အသင်း၊ စာချစ်သူများအဖွဲ့ ရုပ်သံလိုင်း တို့က ပူးပေါင်းဆောင်ရွက် ကြခြင်းဖြစ်ပြီး စာပေဖတ်ရှုမှုတွင် ပိုမိုစိတ်ပါဝင်စား လာစေရန်နှင့် စာဖတ်ခြင်းကြောင့် အသိပညာ ဗဟုသုတ တိုးပွားလာစေရန် ရည်ရွယ်၍ ခြောက်သွေ့သော ဆောင်းဥတု ကာလတွင် ဆောင်ရွက်ကြခြင်း ဖြစ်သည်။

မြန်မာနိုင်ငံတွင် လမ်းပန်း ဆက်သွယ်ရေး ခက်ခဲသော ကျေးလက်ဒေသများ ရှိနေသေးသည်။ အဆိုပါဒေသ များတွင် စာကြည့်တိုက် များလည်း မရှိသောကြောင့် ကျေးလက်ဒေသနေ ပြည်သူများ စာပေဗဟုသုတ များနှင့် အလှမ်းဝေး နေကြရသည်။ ထို့ကြောင့် ဒေသနေ ပြည်သူများ စာပေ ဗဟုသုတများ ရရှိစေရန်အတွက် စာဖတ်ဝိုင်းများ၊ စာပေ ဟောပြောပွဲများ ပြုလုပ်ပေး ကြရမည် ဖြစ်သည်။

သို့ဖြစ်ရာ မြို့ပြနှင့် အလှမ်းကွာဝေးသော ကျေးလက်နေ ပြည်သူများ၊ ကျောင်းသား၊ ကျောင်းသူများ အတွက် စာပေဗဟုသုတများ ရရှိစေရန်နှင့် စာဖတ်ခြင်း  အလေ့အထများ ရှိစေရန် မြို့ပြများ ကဲ့သို့ စာကြည့်တိုက်များ တည်ဆောက် မပေးနိုင်ပါက စာပေရေချမ်းစင်၊ စာဖတ်ဝိုင်းများ ဆောင်ရွက်ပေးလျှင် ကလေးများ၏ ပညာရေးအတွက် များစွာ အထောက်အကူ ဖြစ်စေမည်ဟု ယုံကြည် ရေးသား လိုက်ရပေသည်။

( အယ်ဒီတာ့အာဘော် )

ရတနာပုံနေ့စဉ်

မြ၀တီနေ့စဉ်သတင်းစာ (၂၉-၁၂-၂၀၁၅) အင်္ဂါနေ့



မြ၀တီနေ့စဉ်သတင်းစာ (၂၉-၁၂-၂၀၁၅) အင်္ဂါနေ့
Download Links




Monday, December 28, 2015

ပါကစ္စတန်ကို လွှမ်းမိုးနိုင်ရန် ကြိုးပမ်းနေသည့် တရုတ်




ပါကစ္စတန်ကို လွှမ်းမိုးနိုင်ရန် ကြိုးပမ်းနေသည့် တရုတ်

( ရှိန်းထက် )

၂ဝ၁၅ ခုနှစ် ဧပြီလတွင် တရုတ်သမ္မတ ရှီကျင့်ဖျင် ပါကစ္စတန်နိုင်ငံသို့ သွားရောက်ခဲ့သည်။ သူပြန်လာသော အခါ ပါကစ္စတန်မှ အမေရိကန် ဒေါ်လာ ၄၆ ဘီလီယံတန်ကြေး ရှိသည့် စီမံကိန်းများ သူနှင့်အတူ ပါလာခဲ့သည်။

၁၉၆၂ ခုနှစ်တွင် တရုတ်နှင့် အိန္ဒိယစစ်ပွဲ ဖြစ်ပွားစဉ်က အမေရိကန်တို့သည် အိန္ဒိယကို မည်သည့်လက်နက် သဘောတူညီချက်မှ မရှိဘဲ လက်နက်ဝယ် သလောက်၊ တောင်းသလောက် ငြိုငြင်မှုမရှိဘဲ ရောင်းချ ပေးကမ်းခဲ့သည်။ ထို့ကြောင့် သူ့ရန်သူတော်ကြီး အိန္ဒိယဘက်သို့ ပါသွားသော အမေရိကန်ကို ပါကစ္စတန် က အားမကိုးတော့ဘဲ သူ့နည်းသူ့ဟန်ဖြင့် အားကိုးရှာ ခဲ့သည်။ ထိုအခါ တရုတ်ကို သူ၏ အားကိုးနိုင်သူ အဖြစ် ယူဆခဲ့သည်။ ထိုအချိန် ကတည်းက ပါကစ္စတန်သည် တရုတ်တို့ထံမှ အကူအညီ အမြောက်အမြားကို ရယူခဲ့သည်။ သို့သော်လည်း အမေရိကန်၏ အခန်းကဏ္ဍသည် ပါကစ္စတန်တွင် ဖျောက်ဖျက် မရသေး သောကြောင့် တရုတ်တို့သြဇာမှာ ပါကစ္စတန်မြေတွင် တော်တော်နှင့် ရုပ်လုံးမပေါ် ဖြစ်ခဲ့ရသည်။

ယခုတော့ တရုတ်၏ အင်အားမှာလည်း အနောက်အုပ်စုတွင် အမေရိကန်၊ အရှေ့အုပ်စုတွင် တရုတ်ဟု ဆိုရလောက်အောင် အင်အားကြီးထွား လာသည်။ ထို့ကြောင့် ပါကစ္စတန် အနေဖြင့် သူ့ရန်သူ အိန္ဒိယနှင့် ယခုအချိန်ထိ တစ်ကျိတ်တည်း တစ်ဉာဏ်တည်း ရှိနေသည့် အမေရိကန်ကို ကျောခိုင်းရန် ကြိုးပမ်းလျက်ရှိသည်။ အမေရိကန် မြှုပ်နှံမှုများကို ပါကစ္စတန်တွင် အပွားမခံတော့ဘဲ တရုတ်၏ လုပ်ငန်းများသာ လက်ရှိတွင် ပါကစ္စတန်၌ ချဲ့ထွင်ခွင့် ပေးလျက်ရှိသည်။ ထို့ကြောင့် ပါကစ္စတန်နှင့် အမေရိကန်တို့၏ ဆက်ဆံရေးသည် ကောင်းမွန်သည် ဆိုသော်လည်း အေးစက်စက် ဟန်ပြအဖြစ်သာ ရှိတော့သည်။

တရုတ်နှင့် ပါကစ္စတန် တို့အကြား သဘော တူခဲ့သည့် အမေရိကန် ဒေါ်လာ ၄၆ ဘီလီယံတန် စီမံကိန်းကြီးကို တရုတ်-ပါကစ္စတန် စီးပွားရေးစင်္ကြံဟု တရုတ်တို့က တင်စားခေါ်ဝေါ် ကြသည်။ ထိုအထဲတွင် ပါကစ္စတန်၏ စွမ်းအင်ကဏ္ဍကို ထောက်ပံ့ရေး၊ တရုတ် ရေနက်ဆိပ်ကမ်းကို ပါကစ္စတန် တွင် တည်ဆောက်ရေး၊ သဘာဝဓာတ်ငွေ့ ပိုက်လိုင်းများ တည်ဆောက်ရေးနှင့် ပါကစ္စတန်မှ တရုတ်အထိ တူးမြောင်းများ ဖောက်လုပ်ရေး တို့ပင် ပါဝင်သည်။ တရုတ်တို့သည် ပါရှန်ပင်လယ် ကွေ့မှ လောင်စာဆီများ တင်ဆောင်ပြီး သူ့ နိုင်ငံအရောက် သယ်ဆောင်ရသော သင်္ဘော လမ်းကြောင်းများမှာ မိုင်ပေါင်းထောင် သောင်းချီ ရှည်လျားလှသည်။

သယ်ဆောင်ရေး ကုန်ကျစရိတ် ကလည်း ဘီလီယံနှင့်ချီ နေသည်။ ထို့ကြောင့် ဖြတ်လမ်း အသုံးပြုနိုင်မည့် ကြားခံနိုင်ငံ တစ်ခုကို တရုတ်တို့က ရှာဖွေခဲ့ကြရာ နောက်ဆုံး ပါကစ္စတန်ကို တွေ့ရှိခဲ့ ကြသည်။ တရုတ်တို့
အတွက် ရေကန်အသင့် ကြာအသင့် ဖြစ်သွားခဲ့သည်။ ပါကစ္စတန် ကလည်း တရုတ်ကို အလိုရှိနေသည့် အချိန်၊ တရုတ်ကလည်း ပါကစ္စတန်ကို အသုံးချချင် နေသည့်အချိန် တိုက်ဆိုင် နေသဖြင့် ကွက်တိဖြစ်သည်။ ထို့ကြောင့် တစ်ထိုင်တည်း နှင့်ပင် ဒေါ်လာ ဘီလီယံပေါင်း များစွာချီသည့် သဘော တူညီချက် များကို ရရှိခဲ့ကြခြင်း ဖြစ်သည်။ ထိုအထဲတွင် စစ်ဘက်ဆိုင်ရာ သဘော တူညီချက် များလည်း ပါဝင်ခဲ့ကြသည်။ ပါကစ္စတန် သည် တရုတ်၏ ဒီဇယ် စွမ်းအင်သုံး လက်နက် တပ်ဆင်ပြီးသား ရေငုပ်သင်္ဘော များကို ဝယ်ယူနိုင်ရေး အတွက်လည်း တရုတ်နှင့် ဆွေးနွေးလျက် ရှိသည်။ ရေငုပ်သင်္ဘော ဝယ်ယူရေးသာ အောင်မြင်ခဲ့ပါက တရုတ်ထံမှ ပါကစ္စတန်၏ လက်နက် ဝယ်ယူမှုသည် သမိုင်းတွင် သွားတော့မည် ဖြစ်သည်။ အမေရိကန် ဒေါ်လာ ၆ ဘီလီယံ တန်ကြေးရှိသည့် ကမ္ဘာ့ အမြောက်အမြားဆုံး လက်နက်ဝယ်ယူမှု တစ်ခုအဖြစ် မှတ်တမ်းဝင်မည် ဖြစ်သည်။

ပါကစ္စတန်သည် တရုတ်တို့ထံမှ လက်နက် ဝယ်ယူမှု အများဆုံး နိုင်ငံလည်း ဖြစ်လာမည်။ ၂ဝ၁ဝ ပြည့်နှစ် တစ်ခုတည်း တွင်ပင် ပါကစ္စတန်၏ တရုတ်တို့ထံမှ လက်နက် ဝယ်ယူမှုသည် ၆ဝ ရာခိုင်နှုန်း အထိ ရှိခဲ့သည်။ ယခုလည်း တရုတ်နှင့် ပါကစ္စတန်တို့၏ သဘော တူညီချက်သည် ဘီလီယံနှင့် ချီရှိလာပြန် နေသည်။ နျူကလီးယား လက်နက် ပိုင်ဆိုင်သော ပါကစ္စတန် သည် အိန္ဒိယထက် စီးပွားရေး၊ စစ်ရေးများတွင် နောက်ကျလျက် ရှိသည်။ နှစ်နိုင်ငံကြားတွင် ကက်ရ်ှမီးယား ပြဿနာကလည်း ယခုအချိန်ထိ အငြင်းပွား နေဆဲ ဖြစ်သောကြောင့် နှစ်နိုင်ငံ စစ်ဖြစ်ပွား ပါက အိန္ဒိယက ပါကစ္စတန်ကို ကျိန်းသေ အနိုင်ယူနိုင်မည့် အနေအထား ဖြစ်သည်။

ယင်းကြောင့်ပင် ပါကစ္စတန်သည် တရုတ်တို့ထံမှ ခေတ်မီ စစ်လက်နက်များနှင့် ရေငုပ် သင်္ဘောများကို ဝယ်ယူလိုသည့် ဆန္ဒရှိနေသည်။ စစ်လက်နက် ပစ္စည်းများ ဝယ်ယူ ဖြည့်တင်းမှု များသော ပါကစ္စတန်သည် ၂ဝ၁၄ ခုနှစ်တွင် သူ၏ စီးပွားရေးလည်း ၆ ရာခိုင်နှုန်း လောက်အထိ ကျဆင်းသွား ခဲ့သည်။ ပါကစ္စတန်သည် တရုတ်နှင့် စီးပွားရေးစင်္ကြံ လမ်းကြောင့် သူ၏ စီးပွားရေးကို ပြန်လည် ခေါင်းထောင် လာစေမည် ဟုလည်း ယုံကြည်ထားပုံ ရသည်။ ထို့ကြောင့် တရုတ် ဆောက်လုပ်ရေး လုပ်သားများကို သူ့နိုင်ငံမှ လေ့ကျင့်ထားသော စစ်သား နှစ်သောင်းကျော်နှင့် လုံခြုံရေး အပြည့်အဝ ပေးမည်ဟု အာမခံချက် ပေးထားသည်။

ပါကစ္စတန်က သူ့အတွက် အခွင့်အရေး ကြီးတစ်ရပ်ဟု မြင်သော်လည်း တကယ်တမ်း ယင်း စီးပွားရေးစင်္ကြံသည် တရုတ်တို့ အတွက်သာ မဟာဗျူဟာ မြောက်သော စီးပွားရေး အခွင့်အလမ်းကြီး ဖြစ်သည်။ ရေနက်ဆိပ်ကမ်း များ၊ တရုတ်အရောက် ပိုက်လိုင်းများနှင့် တူးမြောင်းများကြောင့် တရုတ်တို့ ပါရှန်ပင်လယ်မှ လောင်စာဆီများ သယ်ဆောင်ရသည့် ခရီးမိုင်ပေါင်း ထောင်ကျာ် သက်သာသွားမည်။ ဘီလီယံချီသည့် သယ်ယူပို့ဆောင် စရိတ်များလည်း ချွေတာနိုင်မည် ဖြစ်သည်။ ထို့ပြင် ကုန်သွယ်ရေး လမ်းကြောင်း ကောင်းမွန် သွားသောကြောင့် ပါကစ္စတန် ဈေးကွက်ကြီးသည် တရုတ်တို့၏ ဈေးကွက်ကြီး ဖြစ်သွား ပေတော့မည်။ ထို့ကြောင့် ပါကစ္စတန်သည် တရုတ်တို့အတွက် စီးပွားရေးအရ လွန်စွာ အရေးပါသည့် နိုင်ငံတစ်နိုင်ငံ ဖြစ်လာတော့မည် သာမက ပါကစ္စတန်အပေါ် တရုတ်၏ သြဇာလည်း လုံးဝလွှမ်းမိုး သွားတော့မည် ဖြစ်သည်။ ထိုအခါ တရုတ်သည် သူ့ဘက်တွင် ပါကစ္စတန် ရှိနေသည့်အတွက် သူ၏ သယ်ယူ ပို့ဆောင်ရေး လမ်းကြောင်းတွင် အိန္ဒိယ သမုဒ္ဒရာကို ဖြတ်သန်းစရာ လိုအပ်တော့မည် မဟုတ်ပေ။ အိန္ဒိယသမုဒ္ဒရာ အစား ပါကစ္စတန် နှင့် တရုတ်အကြား ဖောက်လုပ်မည့် ၁၂၅ မိုင် ရှည်သည့် တူးမြောင်းများက အစားထိုးဝင်ရောက် လာတော့မည် ဖြစ်သည်။ ထိုအခါ အိန္ဒိယနှင့် အဆင်မပြေ တော့လျှင်လည်း အိန္ဒိယသမုဒ္ဒရာ လမ်းကြောင်း ပိတ်ပစ်မည့် အရေးကို မပူပင်ရတော့ဘဲ အိန္ဒိယကို သူ့သဘောအတိုင်း ဆက်လက် ဆက်ဆံနိုင်မည် ဖြစ်သည်။

ယခုအခါ ပါကစ္စတန်နှင့် တရုတ်သည် စီးပွားရေး၊ စစ်ရေးပူးတွဲ လုပ်ဆောင်မှု အမြင့်ဆုံး အနေအထားသို့ ရောက်ရှိနေသည်။ အနာဂတ်တွင် ပါကစ္စတန် တပ်မတော် အတွက် အဓိကကျလာမည့် J-17 ဂျက် တိုက်လေယာဉ် များကိုလည်း တရုတ်နှင့် ပူးတွဲထုတ်လုပ် လျက်ရှိသည်။ ထို့ကြောင့် အမေရိကန်တို့၏ အခန်းကဏ္ဍမှာ ပါကစ္စတန်တွင် မကြာမီ မှေးမှိန် သွားတော့မည် ဖြစ်သည်။

ထိုအခါ တရုတ်သည် အမေရိကန်ကို ပစ်ပယ်ပြီး အာရှ-ပစိဖိတ် လွှမ်းမိုးရေး ရည်မှန်းချက်လည်း အစိတ်အပိုင်း တစ်ခုအထိ အောင်မြင်မှု ရရှိပြီဟု ဆိုနိုင်မည် ဖြစ်ပါကြောင်း ရေးသားလိုက်ရ ပါသည်။

မြ၀တီနေ့စဉ် ၊ စာ(၂၂)

ခေတ်စားနေတဲ့ ဆန်ဆေးရည်အကြောင်း


ခေတ်စားနေတဲ့ ဆန်ဆေးရည်အကြောင်း

ဒေါက်တာ အေးမင်းထူး

ဆန်ဆေးရည်ကိစ္စ အခုတစ်လော ခေတ်စားနေတယ်။ ဂျာနယ်တစ်ခုမှာ ပါတဲ့ သတင်းတစ်ပုဒ်ကြောင့် ဖြစ်တယ်။ တစ်ရက်ကပဲ တနင်္ဂနွေ ကျန်းမာရေး အမေးအဖြေ အစီအစဉ် တစ်ခုမှာ ဆန်ဆေးရည် နဲ့ပတ်သက်ပြီး မေးထားတာ ရှိလို့ ရေးဖို့ ဖြစ်လာတယ်။ ဆန်ဆေးရည် ဆိုတာ ရှေးယခင် နှစ်ပေါင်းများစွာ ထဲက အဘိုးအဘွားတွေ သုံးစွဲခဲ့တာ ကြားဖူးကြမယ်။ အာယုဗေဒ ဆေးကျမ်း၊ တရုတ်ဆေးကျမ်း တွေမှာလဲ ဆန်ဆေးရည်ရဲ့ အာနိသင်တွေ ရေးထားတာ ရှိတယ်။ အသားအရေ လှတာ၊ ဝက်ခြံ ပျောက်ကင်းတာ၊ ဆံသားကို နက်မှောင်သန်စွမ်း စေတာ စသဖြင့် အမျိုးမျိုးပေါ့။ တကယ်လဲ ဟုတ်ပါတယ်။ ဆံသားနဲ့ ပတ်သက်လို့ ပြောရရင် Huangluo ရွာ တရုတ်မျိုးနွယ်စု တစ်စုဖြစ်တဲ့ Yao လူမျိုးစုတွေကို ချန်ထားလို့ မရပါဘူး။ အဲဒီမျိုးနွယ်စုဝင် တွေရဲ့ ပျမ်းမျှဆံပင် အရှည်ဟာ ၆ ပေလောက်ရှိလို့ ဂင်းနစ်ကမ္ဘာ့စံချိန် စာအုပ် မှာတောင် ထည့်သွင်းဖော်ပြ ခံရတယ်။ ထူးခြားချက်က အသက် ၈ဝ ကျော်တဲ့ထိ ဆံပင်ဖြူတာမျိုး မရှိပါဘူး။ အဲဒီလို ဆံသားတွေ နက်မှောင် သန်စွမ်းမှုရဲ့နောက်ကွယ် အကြောင်းအရာကို လေ့လာကြည့်တော့ ဆန်ဆေးရည်ကြောင့် ဖြစ်ပါသတဲ့။ ခေါင်းလျှော်တဲ့အခါ ကစော် ဖောက်ထားတဲ့ ဆန်ဆေးရည်နဲ့ လျှော်တဲ့အတွက် ဆံသားတွေ သန်စွမ်းနေရတာ ဖြစ်တယ်လို့ ဆိုကြတယ်။

ဆန်ဆေးရည်မှာ ပါဝင်တာတွေ လေ့လာကြည့်တဲ့ အခါ အာဟာရဓာတ် စုံတယ်။ သဘာဝ အင်တီအောက်စီးဒင့် တွေပါသလို Vitamin B1 ၊ B3 ၊ B5 ၊ B6 နဲ့ Folic Acid စတာတွေပါလို့ အာဟာရဓာတ် စုံတယ်။ ဆန်ဆေးရည် မှာ ပါတဲ့ Phenolic နဲ့ Flavonoid ဓာတ်တွေက အရေပြားအတွက် ကောင်းမွန်တယ်။ နောက်ပြီး အရေးကြီးတဲ့ သတ္တုဓာတ်တွေ ဖြစ်တဲ့ Magnesium ၊ Selenium ၊ Iron ၊ Phosphorous ၊ Manganese စတာတွေ ကြွယ်ဝစွာ ပါဝင်ပြန်တယ်။ လေ့လာမှုတွေ အရ ဆန်ဆေးရည်မှာ ပါတဲ့ Inositol ဓာတ်က ဆံသားကို ပြန်လည် နက်မှောင်သန်စွမ်း စေတယ်။ Inositol က ခေါင်းလျှော်ပြီး နောက်ပိုင်း ဆံသားထဲထိ ဝင်ရောက်ပြုပြင် နိုင်တယ်။ (နောက်ပြီး ဆန်ဆေးရည်မှာ ပါတဲ့ အမိုင်နိုအက်စစ်က ဆံပင်အရင်းထိ အားဖြည့်ပေးတယ်။ ဆံသားကို ထူထပ်စေတယ်။)

ဆန်ဆေးရည်ကို အာယုဗေဒ ဆေးနည်းအရ အရေပြား ရောင်ရမ်းနာ တွေမှာ အသုံးပြုတယ်။ အစိုဓာတ် ထိန်းပေးတယ်။ အနာကျက် စေတယ်။ သွေးလည်ပတ်မှု အားကောင်းလို့ အမည်းစက် တွေကို လျော့ပါးသက်သာ စေတယ်။ အရေပြား ခြောက်သွေ့ပြီး ယားယံတဲ့အခါ သုံးနိုင်တယ်။ နှင်းခူနာနဲ့ ဝက်ခြံတွေမှာလဲ သုံးတယ်။ တချို့က နေလောင်တဲ့အခါ ဆန်ဆေးရည်ကို ခပ်ပါးပါး လိမ်းပေးခိုင်းတယ်။ မျက်နှာမှာ လိမ်းရင် အရေးအကြောင်း ကင်းစင်ပြီး အသားတင်း စေတယ်။ အသားဖြူ စေတယ်။ အဝတ်တွေမှာလဲ ဒီတိုင်းပဲ။ ဆန်ဆေးရည်နဲ့ လျှော်ပြီး မီးပူတိုက်ထားရင် တွန့်ခေါက်တာ သိပ်မရှိတော့ဘူး။ ဆန်ဆေးရည်ကို အချဉ်ဖောက် နိုင်ရင် ပိုကောင်းသေးတယ်။ 

အချဉ်ဖောက်တယ် ဆိုတာ အခန်းအပူချိန်မှာ နည်းနည်း ချဉ်လာတဲ့အထိ ခပ်ကြာကြာ ထားလိုက်တာကို ဆိုလိုတာ။ အဲဒီလိုထားလိုက် ခြင်းအားဖြင့် Vitamin B ၊ Vitamin E ၊ Allantoin ၊ Ferullic Acids ၊ Pitera ဓာတ်တွေ ပိုထွက်လာတယ်။ ဒီနောက်ပိုင်း အသားအရေ တင်းရင်းတဲ့ ဆေးတွေမှာ Pitera ဓာတ်ကို အဓိကထား လာကြတယ်။ အာနိသင်က ဆဲလ်တွေကို ပြန်လည် နုပျိုစေတာ သိထားလို့ပါ။

ဆန်ဆေးရည်နဲ့ ပတ်သက်ပြီး အမျိုးမျိုး သုံးတယ်။ တချို့က မျက်နှာသစ် ကြတယ်။ ရေချိုးကြတယ်။ ခေါင်းလျှော် ကြတယ်။ ဆန်ဆေးရည်က အသားအရေကို ကြည်လင် ဝင်းပစေတာ အမှန်ပဲ။ အသားလဲ ဖြူစေတယ်။အရေးအကြောင်း ကင်းစင် စေတာမို့ ငယ်ရုပ်ဆင်တယ် ဆိုရင်မမှားပါ။ ဝက်ခြံ အဆီထွက်များ သူတွေမှာ သုံးရင် မွေးညင်းပေါက်ကို ကျဉ်းမြောင်း စေတာမို့ ဝက်ခြံတွေ ပျောက်ကင်း နိုင်တယ်။ ဆန်ဆေးရည်ကို တချို့က ခေါင်းလျှော်ကြတယ်။ ခေါင်းလျှော်တဲ့အခါ ကစော် ဖောက်ထားတဲ့ ဆန်ဆေးရည်က အကောင်းဆုံး ဖြစ်တယ်။ ကစော် ဖောက်ခြင်းက အချဉ်ဓာတ်ကဲ စေတယ်။ pH Level ကျဆင်းလာတာမို့ ဆံပင်ရဲ့ ပုံမှန်စံနဲ့ သွားတူတယ်။ 

ဆန်ဆေးရည်မှာ ပါတဲ့ အမိုင်နိုအက်စစ် က ဆံပင်အရင်းထိ အားဖြည့်ပေးလို့ ဆံပင်ထူစေပြီး ဆံသားတွေကို နက်မှောင်သန်စွမ်း စေတယ်။

ဆန်ဆေးရေပြုလုပ်ပုံ
  • (၁) ဆန်ကြမ်းကို ခွက်တစ်ဝက်စာ ယူပြီး ဇလုံတစ်ခုထဲ ထည့်ပါ။
  • (၂) ပြီးရင် ရေတစ်ခွက် ယူပြီး လောင်းထည့်ပါ။ တစ်မိနစ် ထားပြီး မကောင်းတဲ့ အညစ်အကြေးတွေ ပါတဲ့ ဆန်ဆေးရည် တွေကို သွန်ပစ်လိုက်ပါ။
  • (၃) ဆန်ထဲကို ဒုတိယအကြိမ် ရေနှစ်ခွက်စာ လောင်းထည့်ပါ။ (ဆန်နဲ့ရေ အချိုးအဆ လေးပုံတစ်ပုံ ဖြစ်သင့်တယ်)
  • (၄) ဆန်ဆေးရည်ကို အနည်ထိုင်အောင် ထားပါ။ ၁ဝ မိနစ်လောက် ကြာရင် အောက်ခြေ မမြင်ရအောင် နောက်လာ လိမ့်မယ်။
  • (၅) ပြီးရင် ရေစစ်နဲ့စစ်ပြီး သန့်စင်တဲ့ ဆန်ဆေးရည်ကို စစ်ထုတ်ယူပါ။ ရလာတဲ့ ဆန်ဆေးရည်ကို စတင် သုံးစွဲနိုင်ပြီ ဖြစ်ပါတယ်။
ကစော် ဖောက်ချင်သေးတယ် ဆိုရင် ဆန်ဆေးရည်ကို အခန်းအပူချိန်မှာ ၂၄ နာရီ၊ ၄၈ နာရီထားရမှာ ဖြစ်တယ်။ အပူချိန် မြင့်လေလေ ကစော်ဖောက်တဲ့ အချိန် မြန်လေလေ ဖြစ်တယ်။ ပြီးရင် ကစော်ဖောက် ထားတဲ့ ဆန်ဆေးရည်ကို နည်းနည်း အပူပေးလိုက်ပါ။ သုံးမိနစ်လောက် အပူပေးပြီး အအေးခံလိုက်ရင် အသင့်သုံးစွဲနိုင်တဲ့ ဆန်ဆေးရည်ကို ရရှိမှာဖြစ်တယ်။ ဒါပေမဲ့ ကစော် ဖောက်ထားတဲ့ ဆန်ဆေးရည် တွေက နည်းနည်း ပြင်းတယ်။ အနံ့နံတယ်။ ဒါကြောင့် မသုံးခင် ရေတစ်ခွက်စာနဲ့ ရောပြီးမှ သုံးသင့်တယ်။

မှတ်ချက်- ဆန်ဆေးရည် နေရာမှာ ထမင်းရည်ကိုလဲ အစားထိုး သုံးနိုင်တယ်။ ပွက်ခါစ ထမင်းရည် ဒါမှမဟုတ် ပွက်ပြီးသား ထမင်းရည် ကြိုက်နှစ်သက်ရာ အသုံးပြုနိုင်တယ်။ သတိပြုရမှာက ထမင်းရည်ကို ရေနဲ့အရင် ရောပြီးမှ သုံးပါ။ ရေခဲသေတ္တာ ထဲမှာ ထားရင် တစ်ပတ်ထိ အထားခံတယ်။

သုံးစွဲပုံ

သန့်စင်တဲ့ ပိတ်ပါးစတစ်ခုကို ဆန်ဆေးရည်ထဲ စိမ်ပါ။ အဆိုပါ အဝတ်နဲ့ မျက်နှာကို အသာဖိသုတ်ပါ။ အရေပြားထဲ စိမ့်ဝင်သည်ထိ နှိပ်နယ်ပြီး ခြောက်သွေ့အောင် ထားပါ။ ၃ မိနစ်၊ ၅ မိနစ်လောက် ထားသင့်တယ်။ မျက်နှာမှာ တင်းရင်းတဲ့ ခံစားမှုမျိုး ရတဲ့အခါ မျက်နှာစသစ်လို့ ရပါပြီ။ ခေါင်းလျှော်တဲ့ နေရာမှာသုံးရင် ဆံသားကို နက်မှောင်သန်စွမ်း စေပြီး ဆံပင်ကျွတ်ခြင်းမှ ကာကွယ်တယ်လို့ဆိုတယ်။ ကစော် ဖောက်ထားတဲ့ ဆန်ဆေးရည်က ဆံသားအတွက် အကောင်းဆုံး ဖြစ်တယ်။

ဆန်ဆေးရည်ကို -
  • မျက်နှာမှာ သုံးတဲ့အခါ မနက် ဒါမှမဟုတ် ညနေ နေ့စဉ်သုံးသင့်တယ်။
  • ဆံသားအတွက် တစ်ပတ် တစ်ကြိမ်၊ နှစ်ကြိမ် ခေါင်းလျှော်ပေး နိုင်တယ်။ တစ်ခါလျှော်ရင် ငါးမိနစ်လောက် ထားပါ။
  • Body Scrub အနေနဲ့လဲ သုံးလို့ရတယ်။ အရင်ဆုံး ဆန်လုံးကို အမှုန့်ဖြစ်အောင် ကြိတ်ပါ။ ပြီးရင် ရှောက်ရည် ထမင်းစားဇွန်း နှစ်ဇွန်းနဲ့ သံလွင်ဆီ နှစ်ဇွန်းကို ကြိတ်ထားတဲ့ ဆန်မှုန့်နဲ့ ရောပြီး အရေပြားမှာ လိမ်းပါ။ ဒီနည်းအတိုင်း တစ်ပတ်တစ်ခါ ဒါမှမဟုတ် နှစ်ပတ် တစ်ခါ လုပ်နိုင်ပါတယ်။ ဒီလိုလုပ်ခြင်း အားဖြင့် အမည်းစက် ကင်းစင်ပြီး နူးညံ့စိုပြည်တဲ့ အသားရေကို ပိုင်ဆိုင်နိုင်မှာ ဖြစ်တယ်။
သောက်တဲ့ကိစ္စ

အမေးများတဲ့ မေးခွန်း နောက်တစ်ခုက ဝိတ်ကျတယ် ဆိုတဲ့ ကိစ္စပါ။ ဝိတ်ကျဖို့ သောက်လို့ရတယ် ဆိုတာမျိုး ဖတ်လိုက် ရပါတယ်။ အဲဒီ အကြောင်းကလဲ ဂျာနယ်တစ်ခုမှာ ဒေါက်တာ တစ်ယောက် က ဖြေထားတာကြောင့် ဖြစ်တယ်။ တကယ်တော့ အဲဒီ အမေးအဖြေကို သေချာ ဖတ်ကြည့်ရင် သိသိသာသာ ဝိတ်ကျတယ်လို့ ပြောမထား ပါဘူး။ တကယ် ဝိတ်ကျသွားတာ အားကစား ပြင်းပြင်းထန်ထန် လုပ်လို့ ဖြစ်တယ်။ အစားအသောက် ထိန်းတာနဲ့ အားကစား ကသာ အဓိကကျတယ်။ ဆန်ဆေးရည်နဲ့ မဆိုင်ပါဘူး။ ဆန်ဆေးရည်က တွန့်သွားတဲ့ အသားအရေကို ပြန်လည် တင်းရင်းစေပြီး နောက်ပိုင်း တက်လာမယ့် ဝိတ်ကို ထိန်းသွားနိုင်တယ်။ တက်လိုက်ကျလိုက် မဖြစ်တော့ဘူး။ အဲဒါကိုပဲ ပြောချင်တာပါ။ ဒါပေမဲ့ မီဒီယာတွေက ခေါင်းစဉ်တပ်တော့ ဝိတ်ကျတယ် ဆိုပြီး ဖြစ်သွားတယ်။

ဆန်ဆေးရည်နဲ့ ပတ်သက်လို့ အသားအရေအတွက် ကလွဲရင် ဝိတ်ကျဖို့ သုံးတယ်ဆိုတာမျိုး မဖတ်ရပါဘူး။ ဒါပေမဲ့ ထမင်းရည် မနက်စောစော သောက်ရင် ဝိတ်ကျနိုင်တယ် ဆိုတာမျိုးတော့ ရှိခဲ့ဖူးတယ်။ ထမင်းရည် တစ်ပန်းကန်က ကယ်လိုရီ ၁ဝဝ လောက်သာ ပါဝင်လို့ ကောင်းတယ်။ ရင်ပြည့်စေတယ်။ ဝမ်းမှန်စေတယ်။ ပုံမှန်စားသုံးမှုရဲ့ သုံးပုံတစ်ပုံသာ ရှိလို့ ဝိတ်ကျနိုင်တယ်။ သေချာတာ ကတော့ ဆန်ဆေးရည်က ဝိတ်မကျ စေပါဘူး။

နောက်တစ်ချက်က ဆန်ဆေးရည် သောက်တဲ့အခါ အများစိုးရိမ် သလို ပိုးသတ်ဆေး၊ ဓာတုကင်းစင်မှု ကိုလဲ သတိပြု သင့်တယ်။ ဒီဘက်ခေတ် ဆန်တွေကို ယုံရင် အမှားကြီး မှားလိမ့်မယ်။ ဆန်ကို တစ်ကြိမ် ဆေးကြောရုံနဲ့ ရောဂါပိုးမွှား၊ ဓာတုဆေး ပစ္စည်းတွေ ကင်းစင်မယ် မဟုတ်သေး ပါဘူး။ ဒါကိုတော့ ဂရုစိုက် စေချင်တယ်။ ဆန်ဆေးရည်ကို ခန္ဓာကိုယ် ပြင်ပ အသားအရေ အတွက် သုံးစွဲလို့ရတာ ဟုတ်ပါတယ်။ ဒါပေမဲ့ ဝိတ်ကျဖို့ပဲ ဖြစ်ဖြစ်၊ တခြားကိစ္စ အကြောင်းကြောင့်ပဲ ဖြစ်ဖြစ် သောက်သုံးမယ် ဆိုရင် အထူးဂရုစိုက်သင့် ပါတယ်။

ရတနာပုံနေ့စဉ် ၊ စာ(၇)

မြန်မာနိုင်ငံ၏ (၄၀)ခုမြောက် သဘာဝနယ်မြေ ဖြစ်လာမည့် ရှင်မတောင် တောရိုင်းတိရစ္ဆာန် ဘေးမဲ့တော တည်ထောင်ရန်စီစဉ်



ရန်ကုန် ၊ ၂၈-၁၂-၂၀၁၅

ဇီဝမျိုးစုံမျိုးကွဲ ထိန်းသိမ်းရေး လုပ်ငန်းများကို ပိုမိုထိရောက်စွာ ဆောင်ရွက်နိုင်ရေး နှင့် တည်ငြိမ် ကောင်းမွန်သော သဘာဝပတ်ဝန်းကျင် အခြေအနေကို ရေရှည် တည်တံ့အောင် ထိန်းသိမ်းနိုင်ရန် အတွက် နိုင်ငံတော်မှ သဘာဝ နယ်မြေများကို သတ်မှတ် လုပ်ဆောင်လျက် ရှိရာ မြန်မာနိုင်ငံအတွင်း တည်ထောင်ပြီး သဘာဝနယ်မြေ ၃၉ ခု၊ ဧရိယာ ၉၆ဝ၇၄၉ဝ ဒသမ ၁၆ ဧက ( ၁၅ဝ၁၁ ဒသမ ၇၃ စတုရန်းမိုင်) စုစုပေါင်း သစ်တော ဖုံးလွှမ်းမှု၏ ၅ ဒသမ ၇၅ ရာခိုင်နှုန်း ရှိပြီဖြစ်သည်။

လက်ရှိတွင် မကွေးတိုင်းဒေသကြီး ပခုက္ကူခရိုင် ရေစကြိုမြို့နယ် နှင့် မြိုင်မြို့နယ် အတွင်း သဘာဝ ပတ်ဝန်းကျင်နှင့် ဇီဝမျိုးစုံမျိုးကွဲများ ထိန်းသိမ်း ကာကွယ်ရန် အတွက် ဘေးမဲ့တော တစ်ခု တည်ထောင်ရန် ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာနမှ စီစဉ် နေကြောင်း သိရသည်။ ထိုသို့တည်ထောင် ပြီးစီးပါက မြန်မာနိုင်ငံ၏ (၄ဝ)ခုမြောက် သဘာဝနယ်မြေ ဖြစ်လာမည် ဖြစ်သည်။

အဆိုပါ ဘေးမဲ့တောကို ရှင်မတောင် တောရိုင်းတိရစ္ဆာန် ဘေးမဲ့တော ဟု အမည်ပေးထားပြီး အကျယ် ၁၃၁၇၄ ဒသမ ၇၃၅ ဧက (၂ဝ ဒသမ ၅၉ စတုရန်းမိုင်) ကျယ်ဝန်းကာ ဥပဒေအရ တရားဝင် သတ်မှတ်မှုကို ၂ဝ၁၆ ခုနှစ် ဧပြီလတွင် လုပ်ဆောင် သွားမည်ဖြစ်ကြောင်း ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာနမှ ထုတ်ပြန်ခဲ့သည်။

အဆိုပါ ဘေးမဲ့တောအဖြစ် သတ်မှတ်မည့် ဧရိယာကို မြို့နယ် အထွေထွေ အုပ်ချုပ်ရေး၊ ပတ်ဝန်းကျင် ထိန်းသိမ်းရေး နှင့် သစ်တောရေးရာ ဝန်ကြီးဌာန၊ မြေစာရင်းတို့မှ အောက်ခြေ အဆင့်အထိ သွားရောက်ကာ စာရင်းကောက် ယူမှုများ ပြုလုပ်ထားပြီး တရားဝင် မသတ်မှတ်မီ ဘေးမဲ့တော ဧရိယာအတွင်း မြေယာကိစ္စများ နှင့်ပတ်သက်၍ ရက်ပေါင်း ၁၂ဝ အတွင်း ဒေသခံပြည်သူများ ကန့်ကွက် နိုင်ကြောင်း သိရသည်။

သဘာဝ ထိန်းသိမ်းရေး နယ်မြေအဖြစ် ဥပဒေအရ သတ်မှတ်ပြီးပါက ယင်းဒေသ အတွင်း အမဲလိုက်သူများ၊ မြေယာတိုးချဲ့ သူများ၊ နေထိုင်သူများကို သစ်တောဥပဒေ၊ နည်းဥပဒေ၊ တောရိုင်း တိရစ္ဆာ န်နှင့် သဘာဝ အပင်များ ကာကွယ်ရေးနှင့် သဘာဝ နယ်မြေများ ထိန်းသိမ်းရေး ဥပဒေ၊ နည်းဥပဒေ အဖြစ် အရေးယူ နိုင်ကြောင်း သိရသည်။

မြန်မာနိုင်ငံတွင် ဂေဟဒေသ ၁၄ ခုရှိပြီး မျိုးသုဉ်းအန္တရာယ် နီးကပ်နေသည့် တောရိုင်း တိရစ္ဆာ န် မျိုးစိတ် အနည်းဆုံး ၁ဝ၃ မျိုးနှင့် ကမ္ဘာလုံးဆိုင်ရာ မျိုးသုဉ်းလုနီး မျိုးစိတ် ၂၃၃ မျိုး နေထိုင် ကျက်စားလျက် ရှိသည်။ အဆိုပါ မျိုးစိတ်များတွင် မျိုးသုဉ်းလုနီးပါး အန္တရာယ် ရှိသော Critically Endangered မျိုးစိတ် ၃၇ မျိုးနှင့် မျိုးသုဉ်းရန် အန္တရာယ်ရှိသော Endangered မျိုးစိတ် ၆၅ မျိုး ပါဝင်နေပြီး မျိုးသုဉ်းမှု အန္တရာယ်နှင့် နီးကပ်နေသည့် တောရိုင်း တိရစ္ဆာ န် များနှင့် ဇီဝမျိုးစုံမျိုးကွဲ ထိန်းသိမ်းရေး အတွက် ကမ္ဘာလုံးဆိုင်ရာ ဦးစားပေး စာရင်းတွင် မြန်မာနိုင်ငံသည် ထိပ်ဆုံးမှ ပါဝင်နေသည်။

လက်ရှိ အချိန်တွင် သားငှက် ထိန်းသိမ်းရေး အဖွဲ့မှ ပတ်ဝန်းကျင် ထိန်းသိမ်းရေး နှင့် သစ်တောရေးရာ ဝန်ကြီးဌာနတို့ ပူးပေါင်းပြီး မြန်မာနိုင်ငံ တစ်ဝန်းတွင် အမျိုးသား ဥယျာဉ်များနှင့် တောရိုင်း တိရစ္ဆာန် ဘေးမဲ့တောများ တည်ထောင်ခြင်းနှင့် စီမံအုပ်ချုပ်ခြင်း များအတွက် နှစ်ပေါင်း ၂၂ နှစ်ကျော် ကူညီဆောင်ရွက် ပေးလျက်ရှိသည်။ လက်ရှိ အချိန်တွင်လည်း ကျားနှင့် ဧရာဝတီလင်းပိုင် အပါအဝင် မြန်မာနိုင်ငံ အတွက် အရေးပါသော မျိုးစိတ်များ ထိန်းသိမ်းရေးကို ဆောင်ရွက်လျက် ရှိသည်။

မြန်မာနိုင်ငံတွင် တည်ထောင်ပြီးသော သဘာဝ ထိန်းသိမ်းရေး နယ်မြေ ၃၉ ခုရှိပြီး သတ်မှတ်ပြီး သဘာဝ ထိန်းသိမ်းရေး နယ်မြေဧက ကိုးသန်းခွဲကျော် ရှိကာ သဘာဝ ထိန်းသိမ်းရေး နယ်မြေသည် စုစုပေါင်း သစ်တော ဖုံးလွှမ်းမှု၏ ၅ ဒသမ ၇၅ ရာခိုင်နှုန်း ရှိကြောင်း၊ နောက်ပိုင်းတွင် စုစုပေါင်း သစ်တော ဖုံးလွှမ်းမှု၏ ၁ဝ ရာခိုင်နှုန်းအထိ တိုးချဲ့ လုပ်ဆောင်လျက် ရှိကြောင်း သိရသည်။ (၄၄၇)

မြ၀တီနေ့စဉ် ၊ စာ(၁၆)
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page