www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, November 30, 2015

စေ့၍ထားသော စိတ်တံခါး


စေ့၍ထားသော စိတ်တံခါး

မဒါလေး

မိဘဆိုသည်မှာ တံခါးပိတ်ထားသော အိမ်ထဲတွင် ထိုင်နေသူများ နှင့်တူပြီး သားသမီး ဟူသည်မှာ ထို မိဘများထံသို့ ပြင်ပမှ ကောင်းသတင်း၊ ဆိုးသတင်း ဟူသမျှကို သယ်ဆောင် လာသောသူနှင့် တူသည်။ သားသမီးအပေါ် ထားသော မိဘ၏ အချစ်သည် သိမ်မွေ့နူးညံ့ လွန်းလှသည်။ ထိုနူးညံ့သော အရာတို့သည် အထိန်းအသိမ်း မတတ်လျှင် လွယ်ကူ လျင်မြန်စွာ ပျက်စီး သွားနိုင်သည်။ ပျက်စီး သွားသည့်တိုင်လည်း တည်မြဲတတ်သည့် သဘောရှိသည်။

တစ်ခါတစ်ရံ မြင်တွေ့ နေလျက်ပင် ချောင်းကြည့် လိုက်ရသည့် အနေအထားများ ရှေ့တည့်တည့်တွင် ရှိနေသည့်တိုင် မျက်စိမှိတ် လိုက်ရသည့် တဒင်္ဂများ၊ တွေ့မြင်နေလျက် တံခါးနောက် ပုန်းလျှိုး ကွယ်ဝှက် လိုက်ရသည့် အချိန်များ၊ အမှောင် တစ်ဖက်တွင် တိတ်တဆိတ် ကြေကွဲဝမ်းနည်း ရသည့်အချိန်များ အချိန်များ အချိန်များ များလွန်း လှသည်။ ထိုအချိန်များကို ပိုင်ဆိုင်သူကား မည်သူများ ဖြစ်မည်နည်း။

ဒေါ်မှီ တစ်ယောက် အိမ်ထဲတွင်ပင် အိမ်မှုကိစ္စ အဝဝကို ကုန်းရုန်း လုပ်နေရှာသည်။ နံနက် မိုးမလင်းမီကပင် သားသမီးများ အလုပ်သွား၊ ကျောင်းတက်ရန် ထမင်းချိုင့်မီရေး ထချက်ရသည်။ ဟင်းစား ကြေးများလှသော သားသမီးများ ကြားတွင် ဒေါ်မှီ တစ်ယောက် မိုးမလင်းမီကပင် ဗျာများ နေရသည်။ ချစ်လင် မောင်ကြီး အတွက်ကား ဤမျှလောက် မစဉ်းစားရ။ မစဉ်းစားရဆို အသက်က ကြီးလာပြီ ဖြစ်သဖြင့် သူ့တာဝန် ကိုယ့်တာဝန် သိကာ တစ်ဦးနှင့်တစ်ဦး အပြစ်တင် မနေတော့ပေ။ ဤအချိန်တွင်မူ တစ်ဦးအကြောင်း တစ်ဦး အရာအားလုံးကို နားလည် နေလေပြီ။ ၄င်းတို့ နားမလည်နိုင် ဖြစ်နေရသည်က သားသမီး များ၏ တစ်ယောက်တစ်မျိုး ဖြစ်နေကြပုံ များကိုဖြစ်သည်။ အသက်အရွယ် တို့သည် သင်ပေးခဲ့ ချိန်များမှ ပြန်လည် သင်ယူရမည့် အချိန်သို့ပင် ပြောင်းလာခဲ့ လေပြီလားဟု ဒေါ်မှီ တစ်ယောက် အမြဲတစေ ပြောတတ်သည်။

သားသမီးများကို ၄င်းတို့ လမ်းညွှန်သင်ပြ ခဲ့သည်မှာ ဆယ်စုနှစ် နှစ်ခုကျော်ခဲ့ပြီ။ အားလုံး အရွယ်ရောက် လာခြင်းနှင့်အတူ ခေတ်စနစ်၏ ပြောင်းလဲခြင်း ကိုလည်း ၄င်းတို့ ဇနီးမောင်နှံ မျက်ဝါးထင်ထင် တွေ့မြင်ရင်ဆိုင် နေရပြီ။ ယခုထက် ဆိုးသည်က ဒေါ်မှီ ၏ခင်ပွန်းသည် အစိုးရဝန်ထမ်း ဖြစ်သဖြင့် ရုံးနှင့်အိမ်သာ အသွားအလာ ရှိသည်။ ဒေါ်မှီကမူ အိမ်မှုကိစ္စ များဖြင့်သာ အချိန်ကုန် နေသဖြင့် ပြင်ပ ဗဟုသုတနှင့် ခေတ်အမြင်မှာ အလွန်နည်းပါး လွန်းလှသည်။ သားသမီးများ ပြောပြသည့် ကမ္ဘာကြီး အတွင်းမှ အကြောင်းအရာ များကို တအံ့တသြ နားထောင်ရသည် ကိုက ဒေါ်မှီအတွက် အရသာ တွေ့နေသည်။ သို့သော် မနက်ဖြန် အာလူး၊ ကြက်သွန် ဘယ်ဈေး၊ ဆီက ဘယ်လောက်၊ ဆန်ကတော့ ဘယ်ဈေး စသည့် မီးဖိုချောင် ကိစ္စလောက်သာ အရေးထားသော ဒေါ်မှီအတွက် ထိုအရာ များသည် ရင်ထဲမစွဲ ဖြစ်ခဲ့ရသည်။ ဈေးတက်လျှင် ချွေတာကာ မည်သို့ သုံးရမည်။ ဈေးကျလျှင် မည်သို့ ဝယ်စုရမည်သာ အမြဲ တွက်ချက်လျက် လင်ယောက်ျား နှင့် သားသမီးအတွက် တာဝန်မပျက်ယွင်း စေရန်သာ အမှတ်တရ ရှိနေတတ်သည်။

သားသမီးများ ကလည်း ဟင်းသီးဟင်းရွက် ဈေးနှုန်း၊ သားငါးဈေး များကို စိတ်မဝင်စား အဝတ်အစားနှင့် မိတ်ကပ်က ဘယ်လောက် ဖိနပ်က ဘယ်လို၊ လက်ကိုင်အိတ် က ဘယ်သို့သာ စိတ်ဝင်စား ကြသည်။ ထို စိတ်ဝင်စားခြင်း စိတ်မဝင်စားခြင်း များမှာ အဖေ ဝန်ထမ်းဖြစ် နေတုန်းကတော့ ဝန်ထမ်းလစာ နှင့် အပိုစရိတ်များ ရသဖြင့် မသိသာ သော်လည်း အနားယူပြီး ပင်စင်လစာ တစ်ခုနှင့် နေရတော့မည် ဆိုသောအခါ စကားပြော လာကြလေပြီ။ ပြောလည်း ပြောရလေပြီ။ ခေတ်နှင့်အညီ လိုက်နေသော သားသမီးများနှင့် မိဘအကြား အတိုက် အခိုက်များ စလေပြီ။ သားသမီး များ၏ အဝတ်ဗီရိုမှ ပြည့်လျှံထွက် နေသော အဝတ်များကို ကြည့်ကာ ဒေါ်မှီမှာ စိတ်မသက်မသာ ဖြစ်ရသည်။ ၄င်းတို့ ခေတ်တုန်းက အဝတ်သုံးလေးစုံ လောက်ရှိလျှင် လူရာဝင်ဝင် သွားလာ နေနိုင်သည်။ ယခုမူ ဒီလောက် ရှိတာတောင် သားသမီး များသည် အသစ်ဝယ်၍ မဆုံးနိုင်သေးဟုသာ အမြဲ အပြစ်တင်မိသည်။ ထိုအဝတ်အစား ဝယ်သော ပိုက်ဆံများကိုသာ စုလျှင်ဟုလည်း စုတ်တ သပ်သပ် တွေးနေမိသည်။ တစ်ဖက်က ကြည့်လျှင်လည်း ယနေ့သစ်လျှင် မနက်ဖြန် အဟောင်း ဖြစ်ချင် ဖြစ်နေသော ခေတ်ရေစီးကြောင်း ပေါ်တွင် လူနှင့်သူနှင့် တူအောင်တော့ ဝတ်စားသင့် သည်ဟု မှတ်ယူ ထားကြသည်။

ယခင်က ပုံမှန် အပ်နေသော လစာကို ယခုမူ နည်းသည်ဟု ထင်မြင်လာသည်။ ယခင်က သုံးနေသော ငွေကြေးကို ယခုမူ ဖြုန်းသည်ဟု မြင်လာသည်။ ယခင်ကထက် ပိုလိုချင်လာသည်။ သားသမီး အပေါ်တွင် မည်သို့မျှ မမျှော်လင့်ဟု ပြောသော်လည်း ရင်ထဲတွင်မူ လစာအပြည့် အပ်သည်ကိုပင် လိုလား တောင့်တ နေမိသည်။ သားသမီး များ၏ လူမှုရေးကို ရှုပ်သည်ဟု ယူဆလာသည်။ ထိုသို့ဖြင့် တစ်စတစ်စ အိမ်တွင်းရေးတွင် သွေးအေး သွားကြသည်။ ၄င်းကြားနေကျ ကမ္ဘာကြီး အကြောင်းလည်း ပြောပြသူ မရှိတော့။ သားသမီး ဆို၍ အနားကပ်သူ မရှိသလောက် ဖြစ်နေတော့သည်။ အချိန်တန်လျှင်မူ လစာများ အပ်ကြသည်။ ဤသည်ကို တာဝန်တစ်ခု အနေဖြင့်ပင် အားလုံးသိထား လိုက်ကြသည်။ ထိုတာဝန်မှာ ပေးသူယူသူ တစ်စတစ်စ ကြီးလေးသော ဝန်ကြီးဖြစ်လာ တော့သည်။ နောက်ဆုံး မခံစားနိုင် တော့သည့် အချိန်တွင် ငယ်ပေါင်း ချစ်လင်နှင့်ပင် ခေါင်းချင်းဆိုင် ရင်ဖွင့်မိသည်။ အိမ်ထဲ တွင် နေရင်းပင် ဖုန်းတစ်လုံးနှင့်ကမ္ဘာပတ် နေသော ချစ်လင်ယောက်ျား က ဒေါ်မှီ၏ အတ္တများကို လျှော့ချရန် နှစ်သိမ့်ရှာသည်။ ဒေါ်မှီပြောတိုင်း ပြန်ပြောသည့် စကားတစ်ခုက ''သူတို့ခေတ်နဲ့ တို့ခေတ် မတူတော့ ဘူးကိုးကွ၊ ပြီးတော့ မင်းလဲ အိမ်ပြင်လေး ဘာလေး ထွက်လေ့လာအုံး'' ဟူ၍ ဖြစ်သည်။

ဒေါ်မှီတစ်ယောက် မိမိ သားသမီးများနှင့် ပတ်သက်၍လည်း တံခါးပိတ် နှုတ်ဆိတ် နေခဲ့သည်မှာ ကြာခဲ့လေပြီ။ ယခုတော့ ချစ်လင် ယောက်ျား၏ အားပေးမှုဖြင့် ထိုသို့ မနေနိုင်တော့ပြီ။ ပတ်ဝန်းကျင် မှအသံများ၊ ပြောင်းလဲနေသော ခေတ် အခြေအနေ များကို ကိုယ်တိုင်သိရန် ကြိုးစား ရပေတော့မည်။ စိတ်ထဲတွင် သံမှိုစွဲနေသော ကုန်ဈေးနှုန်း ပြောင်းလဲမှုများကို ဖျက်ကာ ခေတ်ရေစီးကြောင်း ၏ ပြောင်းလဲမှု အသစ်များ ထပ်ထည့် ရပေမည်။ သို့မှသာ သားသမီးများနှင့် ပတ်ဝန်းကျင်တွင် ယခင်ကဲ့သို့ အဆင်ပြေပြေ လိုက်လျောညီထွေ နေနိုင်မည် ဖြစ်ပြီး သားသမီးများ တိုင်ပင် ပြောဆိုသည် များကိုလည်း သုံးသပ်ချင့်ချိန် နိုင်မည် ဖြစ်သည်။ ဒေါ်မှီ တစ်ယောက် ယခင်ကကဲ့သို့ ဘာပြောပြော ဘုတောရန်၊ ဆူငေါက်ရန် စိတ်ကူး မရှိတော့ပေ။ အကြောင်းမှာ ၄င်း၏ စိတ်တံခါးကို စေ့ထားရန် ဆုံးဖြတ် လိုက်သောကြောင့် ဖြစ်သည်။

ရတနာပုံနေ့စဉ် ၊ စာ(၁၃)



ဝမ်းမှန်လျှင် ၀က်ခြံမထွက်ပါ


ဝမ်းမှန်လျှင် ၀က်ခြံမထွက်ပါ

ကြည်မြင့်လွင် (မုဒြာ)

ဝက်ခြံ ထွက်သဖြင့် အလှပျက်သည် ဆိုကာ လိမ်းဆေး အမျိုးမျိုး လိမ်းနေသူ သမီးငယ် တစ်ဦးကို တွေ့ရဖူးသည်။ ဆေးများလိမ်းလိုက်၊ ပျောက်လိုက်၊ ပြန်ထွက်လိုက် နှင့် သံသရာ မဆုံးနိုင် ဖြစ်နေသည်။ မြန်မာ့ဆေးပင် ဆေးမြစ်များ လိမ်းလျှင် တန်ဖိုး မကြီးသော်လည်း နိုင်ငံခြား လိမ်းဆေးများမှာ အလွန် တန်ဖိုးကြီးသည်။ မျက်နှာအလှ သက်သက် ကုသသည့် ဆေးခန်းများ ပြ၍ ကုသလျှင် သိန်းချီ၍ပင် ကုန်ကျ နိုင်သည် သာမန် ဆင်းရဲသား လူတန်းစား မတတ်နိုင်။

ဝက်ခြံထွက်သူများ သတိမထား မိသည့် အရေးကြီးသည့် အချက်မှာ ဝမ်းချုပ်ခြင်းပင် ဖြစ်သည်။ ဤသို့ဆိုလျှင် ''ဝမ်းမချုပ်ပါ နေ့တိုင်း ဝမ်းသွား နေတာပဲ'' ဟု ဆိုကြမည်။ ဝမ်းတစ်နေ့တစ်ကြိမ် သွားနေသည့်တိုင် ဝမ်းထဲမှ မလိုအပ်သော အပူအပုပ်များ ပါမသွားလျှင်၊ မာကျောသော အစာမကြေ ဝမ်းသွားလျှင်၊ နံနက်စောစော ဝမ်းသွားခြင်း မဟုတ်ဘဲ နေ့လယ် ၊ ညနေမှ ဝမ်းသွားလျှင် ကောင်းမွန်သော၊ မှန်ကန်သော ဝမ်းသွားခြင်း မဟုတ်ပါ။

ဝက်ခြံထွက် သူများကို လေ့လာကြည့်သော အခါ သုံးမျိုးတွေ့ရသည် -
  • ၁။ ဝက်ခြံထွက်ရမည့် အရွယ်ဖြစ်၍ ထွက်ရခြင်း။
  • ၂။ အဆီအသား တွဲသောအစာကို ချဉ်ငန်စပ် အရသာနှင့် တွဲ၍ စားသုံးခြင်း။
  • ၃။ ဓာတုဗေဒ ဆိုးဆေးအနံ့၊ အရသာ ပါဝင်သည့် လွယ်ကူစာများ စားသုံးခြင်း။

အထက်ပါ အချက်များမှ လွတ်ကင်းပါလျက် ဝက်ခြံထွက်သည် ဆိုလျှင် မျိုးရိုးကြောင့်လည်း ဖြစ်နိုင်သည်။ ရှောင်လွှဲမရ၊ ကုမရသော ဝက်ခြံဖြစ်သည်။ သို့သော် ဝမ်းချုပ်လျှင် ၊ အစာမှားလျှင် ပို၍ ထွက်သည်ကို သတိပြု မိသည်။

မျိုးရိုးကြောင့် ဝက်ခြံထွက်ခြင်းမှာ ရှောင်လွှဲမရ သဖြင့် ဝမ်းမှန်အောင် ဂရုစိုက်ရသည်။ စာရေးသူ ကိုယ်တိုင် ယခု အသက်အရွယ် ထိ ဝက်ခြံထွက်ဆဲ ဖြစ်သည်။ ဝက်ခြံမှာ မျက်နှာတွင် မထွက် နားရွက်နောက် နှင့် မေးအောက်၊ လည်ကုပ် တို့တွင် ထွက်သည်။ အဖွား၏ အမွေ ဖြစ်သည်။ စာရေးသူ၏ အဖွားသည် အသက် ၇၅ နှစ်ထိနားနှင့် မေးအောက်တွင် ဝက်ခြံဖုများ ထွက်သည်ကို မှတ်မိနေသည်။ ဝက်ခြံ ထွက်သူများသည် အလုပ်ကို အလောတကြီး လုပ်တတ်သူများ ဖြစ်သည်ကိုလည်း တွေ့ရသည်။ စိတ်တိုသူ၊ အိပ်ရေးမဝ သူများမှာ ဝက်ခြံ ပို၍ထွက်သည်။ မျက်နှာကို သန့်စင်အောင် မျက်နှာသစ် ဆပ်ပြာဖြင့် တစ်နေ့ သုံးကြိမ်ခန့် မသစ်လျှင် ဝက်ခြံမှ အဆီအိတ်များ ပိတ်ပြီး အဆန်ခဲများ ဖြစ်သည်။ ထို အဆန်ခဲများကို မသန့်သော လက်ဖြင့် ညှစ်လျှင် လက်ရောင်လိုက်ပြီး အနာမြုံ သကဲ့သို့ ဖြစ်တတ်သည်။ အဆန်ထွက် သွားသော အခါလည်း အမည်းစက်များ ကျန်ခဲ့သဖြင့် အရုပ်ဆိုး ရပြန်သည်။

လွယ်ကူသော ဝမ်းမှန်ဆေး
  • ၁။ မန်ကျည်းမှည့်အနှစ် ၂၅ကျပ်သား
  • ၂။ ကြက်သွန်နီဥ ၂၅ကျပ်သား
  • ၃။ ရှားစောင်းလက်ပပ် ၂၅ကျပ်သား
  • ၄။ ထန်းလျက်(အမည်း) ၂၅ကျပ်သား
  • ၅။ ဆားခါး(လှော်) ၁ဝကျပ်သား

ဆားခါးအထုပ်ကို ဝယ်ပြီး သီးသန့် ဒယ်အိုးဖြင့် လှော်ပြီးမှ ထည့်ပါ။ ဗိုက်မနာ ဝမ်းမရစ် စေရန်ဖြစ်သည်။ အထက်ပါ ဆေးအမယ် အားလုံးစုပြီးလျှင် မြေအိုး တစ်လုံးတွင် ထည့်၍ မီးနွေးနွေးဖြင့် ပုံမှန် ကျိုသွားပါ။ ပေါက်စီးကျပြီး လက်ကော် ရလျှင်ချကာ အအေးခံထားပြီး ဖန်ပုလင်းတွင် ပြောင်းထည့်ပါ။ အပေါ်မှ နှမ်းဆီ ထည့်ထားပါ။ မှိုမတက်အောင် သုံးလေးရက် တစ်ကြိမ် နေရောင်ခြည် ပြပေးပါ။

ဝမ်းမှန်ဆေးကို ပုံမှန် ညအိပ်ရာဝင် ဟင်းစားဇွန်း တစ်ဇွန်းမှ နှစ်ဇွန်းထိ စားသုံး ပေးခြင်းဖြင့် အပူအပုပ် ကင်းစင်ပြီး မျက်နှာ မှ ဝက်ခြံထွက်ခြင်းကို သက်သာ စေနိုင်ကြောင်း တင်ပြ လိုက်ရပေသည်။

ရတနာပုံနေ့စဉ် ၊ စာ(၅)

ထိုင်းခရီးသွားများ နယ်စပ်ဝင်ပေါက်မှ အဓိက လာရောက်သည့် မွန်ပြည်နယ်တွင် ဘုရားဖူးခရီးစဉ် နှင့် ကမ်းခြေခရီးစဉ် သစ်များ ဖော်ထုတ်မည်



ရန်ကုန် ၊ ၃၀-၁၁-၂၀၁၅

ထိုင်း ခရီးသွားများ နယ်စပ်ဝင်ပေါက်မှ အဓိက လာရောက်နေသည့် မွန်ပြည်နယ်တွင် ဘုရားဖူးခရီးစဉ် နှင့် ကမ်းခြေ ခရီးစဉ်သစ်များ ဖော်ထုတ်မည် ဖြစ်ကြောင်း မွန်ပြည်နယ် စီမံကိန်းနှင့် စီးပွားရေး ဝန်ကြီး ဒေါက်တာ မင်းနွယ်စိုး က ပြောပြသည်။

မွန်ပြည်နယ်၌ ကျိုက်ထီးရိုး စေတီတော်အပြင် မော်လမြိုင် တောင်ရိုးတန်းပေါ်မှ သံလွင်မြစ်ဝ ရှုခင်းများ၊ ပေါင်မြို့နယ်မှ ဇင်းကျိုက် ဆံတော်ရှင်စေတီ၊ ရေတံခွန်နှင့် နွားလပို့တောင်၊ ဘီးလင်းမြို့နယ်ရှိ မဲလံတောင်၊ သုဝဏ္ဏဘူမိ မြို့ဟောင်း စသည်တို့သို့ သွားရောက်သည့် ခရီးစဉ်များ ရှိနေသည့်အပြင် ရေးမြို့နယ် ရှိ ကဗျာဝ ကမ်းခြေသို့ သွားရောက်နိုင်သည့် ခရီးစဉ်သစ် များလည်း ဖော်ထုတ် နေသည်ဟု သိရသည်။

မွန်ပြည်နယ်သို့ ၂ဝ၁၃ ခုနှစ်တွင် ပြည်ပဧည့်သည် ဦးရေ ၁၁၅ဝ၆ဝ၊ ၂ဝ၁၄ ခုနှစ်၌ ၁၇၂၃၄၄ ဦး၊ ယခုနှစ် ဇန်နဝါရီမှ အောက်တိုဘာ လထိ ၁၁၆၃၁၄ ဦး လာရောက် ခဲ့ကြောင်း သိရသည်။

ခရီးသွား တိုးတက်လာမှုနှင့် အတူ ဟိုတယ်နှင့် တည်းခိုခန်း များလည်း တိုးတက်လျက်ရှိရာ ၂ဝ၁၂ခုနှစ်တွင် မွန်ပြည်နယ်၌ ဟိုတယ်၊ တည်းခိုရိပ်သာ ၂၁ လုံးနှင့် အခန်းပေါင်း ၆၅၂ ခန်းရှိခဲ့ပြီး ယခုနှစ် အောက်တိုဘာလ ထိ ဟိုတယ်၊ တည်းခိုရိပ်သာ အလုံး ၄ဝ နှင့် အခန်းပေါင်း ၁၄၁၃ ခန်းထိ ရှိလာကြောင်း သိရသည်။

ထို့ပြင် ကျိုက်ထီးရိုး စေတီတော်သို့ လာရောက်သည့် ဧည့်သည် တစ်နှစ်ထက်တစ်နှစ် တိုးလာသည့် အတွက် ကျိုက်ထို- ကျိုက်ထီးရိုး သွား ကားလမ်းဘေးတွင် ဟိုတယ်ဇုန် လုပ်ရန် စီစဉ်နေကြောင်း မွန်ပြည်နယ် စီမံကိန်းနှင့် စီးပွားရေး ဝန်ကြီး ဒေါက်တာ မင်းနွယ်စိုး က ပြောပြ၍ သိရသည်။

ကျော်လွင်

ရတနာပုံနေ့စဉ် ၊ စာ(၃၁)



အသက်ကြီးသည်အထိ အရိုးသန်မာစေဖို့


အသက်ကြီးသည်အထိ အရိုးသန်မာစေဖို့

ဒေါက်တာလွင်သန့် (ဆေး-၂)

အသက်အရွယ် ကြီးလာတဲ့အခါ အရိုးအဆစ်တွေ သန်မာအောင် ဂရုပြုနေထိုင်ဖို့ လိုအပ်ပါတယ်။ အသက်အရွယ် ကြီးလာရင် (အထူးသဖြင့် အမျိုးသမီး တွေမှာ အရိုးပွရောဂါ ဖြစ်နိုင်ခြေ ပိုများတယ်။) အရိုးအဆစ်တွေ သန်မာစေဖို့ နေ့စဉ် ကျန်းမာ ရေး အတွက် လေ့ကျင့်ခန်း ပြုလုပ်ခြင်း၊ ပြေးခြင်း၊ လမ်းလျှောက်ခြင်း ၊ စက်ဘီးစီးခြင်း တို့ကို နာရီဝက် သို့မဟုတ် တစ်နာရီခန့် လုပ်ပေးသင့်တယ်။ အစားအစာ စားသောက်တဲ့ အခါမှာလည်း အစိမ်းရင့်ရောင် ဟင်းသီးဟင်းရွက် တွေဟာ အရိုးသန်မာ ဖို့အတွက် လိုအပ်တဲ့ အကောင်းဆုံး သတ္တုဓာတ်တွေ ပါဝင်တဲ့ အတွက် ဂရုစိုက် စားသုံးပေးသင့် ပါတယ်။ အစိမ်းရင့်ရောင် ဟင်းသီးဟင်းရွက် တွေဟာ ကယ်စီယမ်၊ မဂ္ဂနီစီယမ်၊ ဖော့စဖောရပ်၊ ပိုတက်စီယမ် နဲ့ သံဓာတ်တွေ ပါဝင်တဲ့အတွက် အရိုးအဆစ် သန်မာစေပါတယ်။ ကိုက်လန် ၊ မုန်ညင်းစိမ်း ၊ ဟင်းနုနယ်၊ ပန်းဂေါ်ဖီ၊ ငရုတ်သီး စတဲ့ အစိမ်းရောင် ဟင်းသီးဟင်းရွက် တွေမှာ ကယ်လ်စီယမ်နဲ့ တခြား သတ္တုဓာတ်တွေ ပါပါတယ်။




ကောက်ပဲသီးနှံတွေမှာ ကာဗွန် ဟိုက်ဒရိတ် အတွက် အရေးကြီးတဲ့ ဆန်လုံးညို၊ ပေါင်မုန့်၊ ခေါက်ဆွဲ၊ ပြောင်းဖူး စတာတွေမှာ မဂ္ဂနီစီယမ် ပါဝင်မှုများတဲ့ အတွက် ကယ်လ်စီယမ်၊ ထုံးဓာတ် စုပ်ယူမှု အားကောင်း စေပါတယ်။

ပရိုတိန်းဓာတ် ပေါများတဲ့ အသားအမျိုးမျိုး၊ ငါး၊ ဒိန်ခဲ၊ ဒိန်ချဉ်၊ ဥအမျိုးမျိုး၊ တိုဟူး၊ နွားနို့၊ ပဲနို့၊ အဆီနည်းတဲ့ အသား၊ အစေ့အဆန်၊ ပဲအမျိုးမျိုးနဲ့ အခွံမာသီး တွေဟာ ပရိုတိန်းဓာတ်များ စွာပါဝင်လို့ စားပေးသင့် ပါတယ်။ခန္ဓာကိုယ်ထဲက သတ္တုဓာတ် မျှတနေမှ အရိုးအဆစ်တွေ သန်စွမ်း ကျန်းမာမယ်။ သတ္တုဓာတ် ပါဝင်မှု အများဆုံး အရင်းအမြစ်တွေက လတ်ဆတ်တဲ့ သစ်သီးဝလံနဲ့ ဟင်းသီးဟင်းရွက် တွေဖြစ်တယ်။ အခွံမာသီး၊
ပင်လယ်ရေညှိ၊ အစေ့အဆန် များမှာလည်း သတ္တုဓာတ် များပါတယ်။

အရိုးပါ ၀ါးစားနိုင်တဲ့ ငါး ၊ ကြက်ရိုး စတဲ့ တိရစ္ဆာန်ထွက် အစာနဲ့ပတ်သက်ရင် ကယ်လ်စီယမ် ပါဝင်မှု အများဆုံး အစာတွေက အရိုးပဲ ဖြစ်တယ်။ အရိုးပါကြိတ်ဝါး နိုင်တဲ့ ငါးကလေး၊ ကြက်အရိုးနု၊ ပုစွန်အခွံတို့ စားပေးရမယ်။ 

ကျန်းမာရေးနဲ့ ညီညွတ်တဲ့ အဆီဟာ အရိုးကို သန်စွမ်း ကျန်းမာ စေပါတယ်။ နှစ်ပြန်ကြော်ဆီ၊ ဝက်ဆီ၊ ဆီအုန်း စတဲ့ ပြည့်ဝဆီအစား နှမ်းဆီ၊ မြေပဲဆီ၊ နေကြာဆီ၊ သံလွင်ဆီတို့ကို သုံးသင့်ပါတယ်။ အရိုး ကျန်းမာစေတဲ့ အဆီပါဝင်တဲ့ ထဲမှာ ဆော်လမွန်ငါး၊ ဆာဒင်းငါး၊ တူနာငါး တို့ဖြစ်ပါတယ်။

အရက်၊ ဘီယာ၊ ဆေးလိပ်၊ ကွမ်း ရှောင်ကြဉ်သင့် ပါတယ်။ ရေဆာရင် ရေပဲ သောက်သင့်ပြီး အချိုရည် မသောက်သင့်ပါ။ ကောင်းမွန်စွာ အနားယူဖို့ လိုပါတယ်။ လူငယ်ဘဝ ကတည်းက အလုပ် တစ်ခုပြီးတိုင်း စနစ်တကျ အနားယူသင့် ပါတယ်။ ဘောလုံးတစ်ပွဲ ကန်ပြီးရင် ခြေပစ်လက်ပစ် အနားယူ တတ်သလိုမျိုး၊ နေ့စဉ် ရှစ်နာရီ အလုပ်လုပ် ပေးပြီးရင် ညဘက် နှစ်နှစ်ခြိုက်ခြိုက် အိပ်စက်နိုင်ရမယ်။ တရားထိုင်ခြင်း ကလည်း အထောက်အကူပြု စေပါတယ်။

မြ၀တီနေ့စဉ် ၊ စာ(၁၂)

အမျိုးသမီးများတွင် အဖြစ်များသော လေဖြတ်ခြင်းရောဂါ


အမျိုးသမီးများတွင် အဖြစ်များသော လေဖြတ်ခြင်းရောဂါ

ဒေါက်တာ ဖြူဖြူလေး (မြောက်ဥက္ကလာပဆေးရုံကြီး)

အမျိုးသမီးများသည် အမျိုးသားများထက် လေဖြတ်နိုင်မှုနှုန်း ပို၍များတတ်ခြင်း နှင့် ပတ်သက်၍ ရန်ကုန်မြို့ မြောက်ဥက္ကလာပ ဆေးရုံကြီး ၊ ဆေးတက္ကသိုလ်(၂) ဦးနှောက်နှင့် အာရုံကြော ဆေးပညာဌာနမှ ဌာနမှူး ပါမောက္ခ ဒေါက်တာ ဖြူဖြူလေးနှင့် တွေ့ဆုံမေးမြန်းဖြစ်ခဲ့ပုံကို ဖော်ပြလိုက်ပါသည်။

ဆရာမကြီးအနေနဲ့ အမျိုးသမီးအများစုမှာ လေဖြတ်နိုင်ခြေ ဘယ်လောက်အထိ ရှိပါသလဲဆိုတာ ပြောပြပေးပါဦး

အမျိုးသားတွေထက် စာရင် အမျိုးသမီးတွေက ပိုပြီးတော့ လေဖြတ်ရောဂါ ဝေဒနာကို ခံစားကြရ ပါတယ်။ ကမ္ဘာ့ကျန်းမာရေး အဖွဲ့ချုပ်ရဲ့ စာရင်းဇယားတွေ အရ အမျိုးသမီး ငါးဦးမှာ တစ်ဦးက လေဖြတ် ရောဂါကို ခံစားရတယ်။အမျိုးသား ခြောက်ဦးမှာ ဆို တစ်ဦးက လေဖြတ် ဝေဒနာကို ခံစားရ ပါတယ်။ လေဖြတ်ရောဂါ ကြောင့် သေဆုံးသူ ၁ဝ ဦးမှာ ခြောက်ဦးဟာ အမျိုးသမီးတွေ ဖြစ်တယ်။ အမျိုးသမီးတွေမှာ လေဖြတ်ရောဂါ ပိုအဖြစ်များတယ်။ သေဆုံးမှုနှုန်း လည်း ပိုများတဲ့အတွက် လေဖြတ်ခြင်းဟာ ဂရုတစိုက်နဲ့ ကာကွယ်ကုသ ရမယ့် ရောဂါတစ်ခု ဖြစ်ပါတယ်။

လေဖြတ်ရောဂါ မဖြစ်အောင် ဘယ်လို ကာကွယ်ရမလဲပြောပြပေးပါဦး

လေဖြတ်ရောဂါ ကာကွယ်ဖို့ဆိုရင် လေဖြတ်ရောဂါကို ဖြစ်စေတဲ့ အကြောင်းတရား တွေကိုရှာဖွေပြီး ကုသရမယ်။ လေဖြတ်ရောဂါ ဖြစ်စေတဲ့ အကြောင်းအရင်း တွေမှာ ပြုပြင်ပြောင်းလဲလို့ ရတဲ့ အကြောင်းအရင်း တွေနဲ့ ပြုပြင်ပြောင်းလဲလို့ မရတဲ့ အကြောင်းအရင်း တွေဆိုပြီး ရှိပါတယ်။ ပြုပြင်ပြောင်းလဲ လို့ မရတာက အသက်ကြီးခြင်း၊ မိဘဆွေမျိုး တွေထဲမှာ လေဖြတ်ရောဂါ ရှိတာကတော့ ပြုပြင်ပြောင်းလဲလို့ မရဘူးပေါ့။ ပြုပြင်ပြောင်းလဲလို့ ရတဲ့ အရာတွေက ဥပမာ ဆီးချို၊ သွေးတိုး၊ နှလုံးရောဂါ။ ဒီရောဂါ တွေက အမျိုးသားရော အမျိုးသမီးတွေ မှာပါ ဖြစ်တတ်တယ်။ အမျိုးသမီးတွေမှာ ဘာကြောင့် အဖြစ်များလဲ ဆိုရင် အဓိကက အမျိုးသမီးတွေက အမျိုးသား တွေနဲ့ မတူဘူး။ အမျိုးသမီးတွေက အီစထိုဂျင် ဟော်မုန်းဓာတ် တွေရှိတဲ့အခါ ကျတော့ ဒီဟော်မုန်းနဲ့ ပတ်သက် ပြီး သွေးပျစ်တာ ဖြစ်ပြီး လေဖြတ်တယ်။ ကိုယ်ဝန်ဆောင်စဉ် အတွင်းမှာပိုပြီး သွေးပျစ် လာတယ်။ အီစထရိုဂျင် ဟော်မုန်း မြင့်တက်တာ ပိုများလာတယ်။ အဲဒီလို များတဲ့အခါ ကိုယ်ဝန်ဆိပ် တက်ပြီး သွေးအရမ်း တိုးမယ်။ တစ်ကိုယ်လုံး ဖောရောင်လာတယ်။ နောက်ပြီး သွေးပိုပျစ် လာတဲ့အခါမှာ သွေးပြန်ကြော တွေပိတ်တဲ့ ရောဂါဖြစ်ပြီး လေဖြတ်တယ်။

လေဖြတ်ခြင်းဟာ ဘယ်လို အခြေအနေမှာ ပိုပြီးဖြစ်တတ်ပါသလဲ

အမျိုးသမီးတွေ ကိုယ်ဝန်ဆောင် ချိန်မှာ ပိုပြီးအဖြစ်များ ပါတယ်။ ကိုယ်ဝန် ဆောင်စဉ်မှာ ပထမပိုင်း၊ ဒုတိယပိုင်းနဲ့ တတိယပိုင်း မှာရော မွေးဖွားခါနီး အထိပါ မွေးဖွားနေ ချိန်မှာလည်း ဖြစ်တတ်ပါတယ်။ ရေမြွှာပေါက် တဲ့အချိန်မှာ ရေမြွှာထဲက အရည်တွေက သွေးကြောထဲ ဝင်လာပြီး သွေးကြောပိတ် သွားတာပါ။ အဲဒါဆိုရင် လေဖြတ်သွား နိုင်တယ်။ မွေးပြီးတဲ့ အချိန်မှာလည်း သွေးပျစ်တဲ့ ရောဂါဖြစ်ပြီး လေဖြတ် နိုင်တယ်။ သွေးဆုံးတဲ့ အချိန်မှာလည်း လေဖြတ်နိုင် တယ်။ နောက်ပြီး အသက်ကြီးတော့ နှလုံးခုန်မှု ကလည်း မမှန်ဘူး။ မမှန်တော့ နှလုံး ထဲက သွေးက ထွက်ပြီး ဦးနှောက်မှာ သွားပိတ်တဲ့အခါ လေဖြတ်နိုင် ပါတယ်။

မြန်မာနိုင်ငံတွင် တွေ့ရှိရသည့် နှာခေါင်းလန်မျောက် မဲခေါင်ဒေသအတွင်း မျိုးစိတ်သစ်စာရင်းတွင် ပါဝင်



မန္တလေး ၊ ၃၀-၁၁-၂၀၁၅

ကမ္ဘာ့တောရိုင်း တိရစ္ဆာန် အဖွဲ့ (WWF) က ထုတ်ပြန်ထားသည့် မဲခေါင်ဒေသ အတွင်း မျိုးစိတ်သစ် စာရင်းတွင် မြန်မာနိုင်ငံ ကချင်ပြည်နယ် တောများတွင် တွေ့ရှိရသော နှာခေါင်းလန်မျောက် (Snubnosed Monkey) လည်း 

ပါဝင်ကြောင်း သိရသည်။

ပတ်ဝန်းကျင် ထိန်းသိမ်းရေး နှင့် သစ်တောရေးရာ ဝန်ကြီးဌာန လက်အောက်ရှိ သစ်တောဦးစီး ဌာနသည် (Biodiversity And Nature Conservation Association- BANCA) INGO အဖွဲ့အစည်းနှင့် ပူးပေါင်း၍ မျိုးသုဉ်းရန် အန္တရာယ်ရှိသည့် ဇီဝမျိုးစုံမျိုးကွဲ များကို ထိန်းသိမ်း ကာကွယ် စောင့်ရှောက်လျက် ရှိသည်။

နှာခေါင်းလန် မျောက်သည် ကချင်ပြည်နယ်ရှိ သစ်တောများ တွင် တွေ့ရှိရသည် ဟု မဲခေါင်ဒေသ နိုင်ငံများ ဖြစ်သည့် မြန်မာ၊ လာအို၊ ကမ္ဘာဒီးယား၊ ဗီယက်နမ် နှင့် တရုတ်နိုင်ငံ တို့ရှိ ပညာရှင်များ သုတေသန ပြုချက်အရ သိရသည်။

နှာခေါင်းလန်မျောက် ၏ ဆံပင်ပုံစံမှာ ဂန္ထ၀ င် အဆိုတော် အဲဗစ်ပရက်စလေ ၏ ဆံပင်ပုံစံ နှင့်တူသည့် အတွက် အဲဗစ်မျောက် ဟူ၍လည်း ခေါ်ဆိုကြသည်။ ၄င်းသည် အလွန် ရှားပါးပြီး မျိုးသုဉ်းရန် အန္တရာယ်နှင့် ရင်ဆိုင်နေရ သောကြောင့် အထူး တားမြစ်ချက် ထုတ်ပြန် ထားကြောင်း BANCA အဖွဲ့ထံမှ သိရသည်။

ကုန်းနေသတ္တဝါ ငှက်မျိုးစိတ် လေးမျိုးဖြစ်သော မျက်ခုံးဖြူ ငှက်ပြာခြောက် သည် ချင်းတောင်တွင် လည်းကောင်း၊ နဖားကြူးငှက်ကို မြန်မာနိုင်ငံ အလယ်ပိုင်း အပူပိုင်း ဒေသ၊ ချင်းတွင်းမြစ် အထက်ပိုင်း မြစ်ကြီးနားခရိုင် မိုးကောင်းမြို့ ပတ်ဝန်းကျင်နှင့် ဧရာဝတီနှင့် စစ်တောင်းမြစ်ဝှမ်း တို့တွင် လည်းကောင်း၊ မြန်မာဘီလုံး ငှက်ကို မြန်မာနိုင်ငံ အလယ်ပိုင်းနှင့် တောင်ပိုင်းဒေသ တွင်လည်းကောင်း၊ စွေ့ငှက်ကို မြန်မာနိုင်ငံ အလယ်ပိုင်း နှင့် တောင်ပိုင်း ချုံပုတ်များတွင် လည်းကောင်း ထိန်းသိမ်း ထားရှိသည်။

ရေသတ္တဝါ လိပ် ခြောက်မျိုး ဖြစ်သည့် မြန်မာ့ကြယ်လိပ်၊ ရခိုင်တောင်လိပ်၊ မြန်မာ့တိုက်လိပ်၊ မြန်မာ့ ဆောက်လိပ်၊ စင်းချောလိပ် နှင့် လေးကွက်လိပ် များကို မန္တလေးတိုင်း ဒေသကြီး အပါအ၀င် ရန်ကုန်၊ ပဲခူး၊ ဧရာဝတီ ၊ စစ်ကိုင်းတိုင်း ဒေသကြီးတို့နှင့် ကချင်၊ မွန်၊ ရှမ်းပြည်နယ် တို့တွင် ထိန်းသိမ်း ထားရှိသည်။ ထို့ပြင် အပင်နှစ်မျိုး ဖြစ်သည့် သော်ကကြီးပင်နှင့် သစ်ခွနက်ပင် များကိုလည်း ထိန်းသိမ်း ထားရှိပြီး ယခုအခါ ဇီဝမျိုးစုံမျိုးကွဲ ၁၅ မျိုး ထိန်းသိမ်း ထားရှိကြောင်း သိရသည်။ (၁၅၆)

ရတနာပုံနေ့စဉ် ၊ စာ(၂၂)

အဝေးထိန်းစနစ်ဖြင့် ပျံသန်းသော လေယာဉ်ငယ်များ၏ ပထမဆုံးအကြိမ် ပျံသန်းမှုပြိုင်ပွဲကို သီလဝါကွင်း၌ ဒီဇင်ဘာ ၁၃ ရက်တွင် ကျင်းပမည်


ရန်ကုန် ၊ ၃ဝ-၁၁-၂ဝ၁၅

မြန်မာနိုင်ငံ၌ အဝေးထိန်း စနစ်ဖြင့် ပျံသန်းသော လေယာဉ်ငယ် များ၏ ပထမဆုံးအကြိမ် ပျံသန်းမှု ပြိုင်ပွဲကို ဒီဇင်ဘာ ၁၃ ရက်တွင် ရန်ကုန်တိုင်း ဒေသကြီး သန်လျင် သီလဝါကွင်း၌ ကျင်းပသွားမည် ဖြစ်ကြောင်း လေယာဉ် တည်ဆောက်သူ များနှင့် ပျံသန်းသူများ ကလပ်မှ သိရသည်။

အဝေးထိန်း စနစ်ဖြင့် မောင်းနှင် ပျံသန်းမည့် လေယာဉ်ပျံသန်းမှု ပြိုင်ပွဲကို Beginner Level နှင့် Expert Level အဆင့်ဟူ၍ နှစ်ဆင့်ခွဲကျင်းပ သွားမည်ဖြစ်ပြီး Expert Level အဆင့်ပြိုင်ပွဲတွင် လေယာဉ်အနိမ့် ပျံသန်းခြင်း၊ လေယာဉ် ကျွမ်းထိုးခြင်း၊ သတ်မှတ်ပြေးလမ်း မှသာ အတက်အဆင်း ပြုလုပ်ခြင်း စသည်တို့ကို ယှဉ်ပြိုင်ရမည် ဖြစ်ကြောင်း သိရသည်။

Beginner Level တွင် အပျော်တမ်း ဝါသနာရှင် အဆင့်သာ ဖြစ်၍ လေယာဉ် အတက်အဆင်းနှင့် လေယာဉ် ပျံသန်းခြင်း စသည်တို့ကို ယှဉ်ပြိုင်ရမည် ဖြစ်ပြီး ပြိုင်ပွဲဝင် သူများကို အမှတ်ပေး စနစ်ဖြင့် ရွေးချယ် သွားမည် ဖြစ်ကြောင်း လေယာဉ် တည်ဆောက်သူ များနှင့် ပျံသန်းသူများ ကလပ်ထံမှ သိရသည်။

အဆိုပါပြိုင်ပွဲကို ဒီဇင်ဘာ ၁၃ ရက်တွင် ရန်ကုန်တိုင်း ဒေသကြီး သန်လျင် သီလဝါကွင်း ၌ နံနက် ၈ နာရီတွင် စတင် ကျင်းပသွားမည် ဖြစ်ပြီး မည်သူမဆို အခမဲ့ ဝင်ရောက် ယှဉ်ပြိုင်နိုင်ကာ အမှတ်အများဆုံး ရရှိသူများအား ပြည်ပမှ မှာယူထားသည့် အဆင့်မြင့် အဝေးထိန်း လေယာဉ်သစ် တစ်စင်းကို ပေးအပ်မည့် အပြင် ရရှိသည့် Sponser ပေါ် မူတည်၍ ထပ်မံဆုချီးမြှင့် သွားမည် ဖြစ်ကြောင်း သိရသည်။ 

''ဒီပြိုင်ပွဲ ကျင်းပရတာက ဝါသနာရှင်တွေ လေယာဉ်ငယ်တွေ ပျံသန်းရာမှာ စနစ်တကျ ပျံသန်းနိုင်ဖို့နဲ့ လေကြောင်း အခေါ်အဝေါ် တွေကိုလည်း နားလည်သိရှိ ဖို့အတွက် ဖြစ်ပါတယ်။ ပြိုင်ပွဲကို Beginner Level နဲ့ Expert Level အဆင့်ဆိုပြီး နှစ်ဆင့်ခွဲ ကျင်းပသွားမှာပါ'' ဟု လေယာဉ် တည်ဆောက်သူ များနှင့် ပျံသန်းသူများ ကလပ်မှ တာဝန်ရှိသူ တစ်ဦးက ပြောသည်။ (၄၄၇)

မြ၀တီနေ့စဉ် ၊ စာ(၃)

ရှေးရိုးစွဲဒေသ ကုထုံးတစ်ခုဖြစ်သည့် မက်ကလောင်ခြစ် ကုသမှုကြောင့် အသည်းရောင်စီပိုး ရောဂါဖြစ်ပွားနှုန်း များပြားလာ


ရန်ကုန် ၊ ၃၀-၁၁-၂၀၁၅

မြန်မာနိုင်ငံတွင် ရှေးရိုးစွဲ ဒေသကုထုံး တစ်ခုဖြစ်သည့် မက်ကလောင်ခြစ် ကုသမှုကြောင့် အသည်းရောင်စီပိုး ရောဂါဖြစ်ပွားနှုန်း များပြားလာကြောင်း မြန်မာအသည်း ဖောင်ဒေးရှင်း ဥက္ကဋ္ဌ ဒေါက်တာ ခင်ပြုံးကြည် က ပြောသည်။

မြန်မာနိုင်ငံတွင် အသည်းရောဂါ ဖြစ်ပွားနှုန်း မြင့်တက်လာခြင်း ကြောင့် ဖြစ်ပွားနှုန်းနှင့် သေဆုံးနှုန်း လျော့ကျရေး အတွက် ကျန်းမာရေး ဝန်ကြီးဌာန၊ မြန်မာနိုင်ငံ အသည်း ဖောင်ဒေးရှင်း နှင့် ဆေးသုတေသန တို့ပူးပေါင်း၍ သုံးလတာ စစ်တမ်းကို တစ်နိုင်ငံလုံး အတိုင်းအတာဖြင့် တိုင်းဒေသကြီး နှင့်ပြည်နယ် ၁၈ နေရာ ကို မေလ မှစတင် ကောက်ယူခဲ့ခြင်း ဖြစ်သည်။

''ဘီပိုး၊ စီပိုး စစ်တမ်းအရ ဆိုရင် စီပိုးအရမ်းများတဲ့ နေရာတွေမှာ ဆေးကုတဲ့အခါ သိပ်ပြီးတော့ ဗဟုသုတ နည်းတယ်။ သူတို့က မက်ကလောင် ခြစ်တယ် ဆိုပြီးတော့ ဖန်ကွဲလိုဟာ မျိုးနဲ့ ခြစ်ကြတယ်။ နေမကောင်းဘူး။ မက်ကလောင် ခြစ်တယ်ဆိုပြီး သွေးကို ခြစ်ထုတ်ကြတယ်။ အရင်ကဆို မူးယစ်ဆေး ထိုးတဲ့ အဆောင်တွေမှာ ဆိုရင် စီပိုး အဖြစ်များတာ တွေ့ရတယ်။ အခု မက်ကလောင် ခြစ်ကြတဲ့ သူတွေကြောင့် စီပိုး အဖြစ်များလာ တာလို့ ယူဆတယ်''ဟု ၄င်းက ပြောသည်။

တိုင်းဒေသကြီးနှင့် ပြည်နယ် ၁၁ နေရာကို ကောက်ယူပြီး ဖြစ်ပြီး အဆိုပါ စစ်တမ်း ကောက်ယူခြင်းကို အပြီးသတ် ဆောင်ရွက် သွားမည်ဟု သိရသည်။ ယင်း စစ်တမ်းမှ ရရှိလာသည့် အချက်အလက် များအပေါ် မူတည်၍ အမျိုးသား အသည်း ရောဂါစီမံကိန်း တွင် ထည့်သွင်း ရေးဆွဲခြင်း အပြင် ဘီပိုး လူနာများအား အခမဲ့ ကုသပေးနိုင်ရန် နှင့် စီပိုး လူနာများအား ဈေးကွက်တွင် ဈေးနှုန်းချိုသာ စွာဖြင့် ဝယ်ယူ သုံးစွဲနိုင်ရန် စီစဉ်ထားကြောင်း သိရသည်။ ကမ္ဘာပေါ်တွင် နှစ်စဉ် လူဦးရေသန်း ၅ဝဝ ခန့် အသည်းရောဂါများ ခံစားနေရပြီး တစ်သန်းခွဲခန့် သေဆုံးလျက် ရှိသည်။

မြန်မာနိုင်ငံ တွင်လည်း အသည်းရောဂါ ဖြစ်ပွားနှုန်းမှာ မြင့်တက်လျက် ရှိပြီး အသည်းရောင် ဘီပိုး ဖြစ်ပွားနှုန်းမှာ ၁ဝ ရာခိုင်နှုန်း ခန့်နှင့် စီပိုး ဖြစ်ပွားနှုန်းမှာ သုံးရာခိုင်နှုန်းခန့် ရှိကြောင်း ကမ္ဘာ့ ကျန်းမာရေးအဖွဲ့ (WHO) မှ ခန့်မှန်းချက်အရ သိရသည်။

၂ဝ၁၄ ခုနှစ်က ကျင်းပခဲ့သော (၆၇)ကြိမ်မြောက် ကမ္ဘာ့ ကျန်းမာရေး ညီလာခံတွင် ကမ္ဘာတစ်ဝန်း လုံး၌ အသည်းရောဂါ တိုက်ဖျက်ရေး၊ ရောဂါ ရှာဖွေရေး၊ ကုသရေး တို့တွင် ပိုမို ကောင်းမွန်ရေး အတွက် နိုင်ငံတကာ မှ အားထည့်၍ ပူးပေါင်း ဆောင်ရွက် ကြရန် ဆုံးဖြတ်ချက် ချခဲ့ကြောင်း သိရသည်။

#Themyawadydaily

ပိုလီယိုကာကွယ်ဆေးအသစ် IPV ကို ဒီဇင်ဘာလမှစ၍ ထပ်ဆောင်း ထိုးနှံပေးမည်


ရန်ကုန် ၊ ၃၀-၁၁-၂၀၁၅

ကျန်းမာရေး ဝန်ကြီးဌာန ပြည်သူ့ ကျန်းမာရေး ဦးစီးဌာနနှင့် ကမ္ဘာ့ ကျန်းမာရေးအဖွဲ့ (WHO) ၊ ကုလသမဂ္ဂ ကလေးများ ရန်ပုံငွေအဖွဲ့ (UNICEF) တို့ပူးပေါင်း၍ ဒီဇင်ဘာလမှ စတင်ကာ ပုံမှန် ကာကွယ်ဆေးထိုး လုပ်ငန်းတွင် တိုက်ကျွေးလျက် ရှိသည့် ပိုလီယို အစက်ချ ကာကွယ်ဆေး OPV အပြင် ကာကွယ်ဆေး အသစ် IPV ကို ပုံမှန် ကာကွယ်ဆေးထိုး လုပ်ငန်းတွင် ထည့်သွင်းထိုးနှံ ပေးသွားမည် ဖြစ်ကြောင်း သိရသည်။

ပိုလီယိုရောဂါ သည် ကူးစက်မြန် ရောဂါဖြစ်ပြီး ဖြစ်ပွား လာပါကလည်း ကုသရန် နည်းလမ်းမရှိ သောကြောင့် ကာကွယ်ဆေး သည်သာ အထိရောက်ဆုံး ကာကွယ် ပေးနိုင်သည့် နည်းလမ်း တစ်ခုဖြစ်ကြောင်း သိရသည်။

''ပိုလီယိုက နှစ်မျိုး ရှိပါတယ်။ အပြင်ကနေ ပိုးဝင်ပြီး ဖြစ်တဲ့ ပိုလီယိုရယ်၊ သောက်ဆေးမှာ ပါတဲ့ ပိုလီယို ဗိုင်းရပ်စ်ပိုး က ကြာလာတဲ့ အခါမှာ အသွင်ပြောင်း ပြီးတော့ ကာကွယ်ဆေး တိုက်ကျွေးမှု အားနည်းတဲ့ ကလေးတွေမှာ ဖြစ်တတ်တဲ့ ပိုလီယိုရောဂါ ပါ။ အခုတိုက်နေတဲ့ ဆေးထဲမှာ ပိုးသုံးမျိုး ပါတယ်။ တစ်မျိုးကို လျှော့ရမယ်။ အဲဒီ လျှော့လိုက်တဲ့ ဆေးနဲ့ ပတ်သက်တဲ့ ဗိုင်းရပ်စ်ပိုး ပြန့်ပွား မလာအောင် အားဖြည့်တဲ့ အနေနဲ့ ထိုးဆေး တစ်မျိုးကို ထပ်ဆောင်း ပေးတာပါ။ ဒီဇင်ဘာလမှာ စထိုးမှာပါ'' ဟု ရန်ကုန် ကလေးဆေးရုံကြီးမှ ပါမောက္ခ ဒေါက်တာ ရဲမြင့်ကျော် က ပြောသည်။

အဆိုပါ ပိုလီယို ကာကွယ်ဆေး အသစ် IPV သည် ပိုလီယို အစက်ချ ကာကွယ်ဆေး အပြင် ထပ်ဆောင်းပေးသော ကာကွယ်ဆေး ဖြစ်ပြီး အစားထိုးခြင်း မဟုတ်ကြောင်း၊ ယင်းဆေးကို အသက်လေးလမှ စတင်၍ ထိုးနှံပေး သွားမည် ဖြစ်ကြောင်း သိရသည်။ (ဆုလာဘ်)

#Themyawadydaily

မြ၀တီနေ့စဉ်သတင်းစာ (၃၀-၁၁-၂၀၁၅) တနင်္လာနေ့



မြ၀တီနေ့စဉ်သတင်းစာ (၃၀-၁၁-၂၀၁၅) တနင်္လာနေ့

Download Links



Sunday, November 29, 2015

MNDAA သောင်းကျန်းသူ အဖွဲ့များက လောက်ကိုင်မြို့တွင်းသို့ လက်နက်ကြီး ၊ လက်နက်ငယ် များဖြင့် နှောင့်ယှက်ပစ်ခတ်


RPG ဒုံးသီးထိမှတ်ခဲ့သည့် ကျင်းတင်ဟိုတယ်

သိမ်းဆည်းရမိသည့် RPG ဗုံးသီးနှင့် လက်လုပ်မိုင်း တို့ကိုတွေ့ရစဉ်


နေပြည်တော် ၊ ၂၉-၁၁-၂၀၁၅

ရှမ်းပြည်နယ် (မြောက်ပိုင်း) လောက်ကိုင်မြို့ ပတ်ဝန်းကျင် တွင် နယ်မြေ လုံခြုံရေး ဆောင်ရွက်နေသော တပ်မတော် စစ်ကြောင်း များကို နိုဝင်ဘာ ၂၇ ရက် ၁၁ နာရီ ၅၀ မိနစ် ခန့်တွင် MNDAA သောင်းကျန်းသူ အဖွဲ့များက အဝေးမှ လက်နက်ကြီး ၊ လက်နက်ငယ် များဖြင့် နှောင့်ယှက် ပစ်ခတ် တိုက်ခိုက်ခဲ့ရာ စစ်ကြောင်းများက ပြည်လည် ပစ်ခတ် တိုက်ခိုက် ခဲ့သဖြင့် အရှေ့မြောက် ဘက် နယ်စပ်မျဉ်း ဘက်သို့ ဆုတ်ခွာ သွားခဲ့သည်။

ယမန်နေ့ နံနက်ပိုင်းတွင် MNDAA သောင်းကျန်းသူ အဖွဲ့များ နှောင့်ယှက် ပစ်ခတ်ခဲ့သည့် နေရာများ တစ်ဝိုက် အသေးစိတ် ဖြန့်ခွဲ ရှင်းလင်းခဲ့ရာ လက်နက်ငယ် ကျည်ခွံ ၇ဝ ခု၊ စက်လတ် ကျည်ခွံ ၄၂ ခုနှင့် ကြိုးဆွဲ လက်ပစ်ဗုံး တစ်လုံးတို့ကို တွေ့ရှိသိမ်းဆည်း ရမိခဲ့သည်။ ထိုသို့ MNDAA သောင်းကျန်းသူ အဖွဲ့များမှ လာရောက် ပစ်ခတ်ခဲ့မှုကြောင့် လောက်ကိုင်မြို့ တွင်းရှိ ကျင်းတင်ဟိုတယ် ၏ ၁ဝ လွှာနှင့် ၁၁ လွှာတို့ကို RPG ဒုံးသီးနှစ်လုံး ထိမှန်ပေါက်ကွဲ ခဲ့ပြီး ၄င်းဒုံးသီး ဒလက်နှစ်ခုကို တွေ့ရှိခဲ့သည်။ ထို့ပြင် ၄င်းဟိုတယ်နှင့် မီတာ ၃၅ဝ ခန့်အကွာတွင် RPG ဒုံးသီးတစ်လုံးကို လည်းကောင်း၊ အမှတ်(၁) ဓာတ်အားခွဲရုံ ရှိ ကွန်ကရစ် ခြံစည်းရိုးနှင့် ငှက်ပျောပင် များကြားတွင် ပီနံအိတ် အပြာရောင်ဖြင့် ထုပ်ထားသော တီအင်န်တီ ယမ်းဖြင့် ပြုလုပ်ထားသည့် လက်လုပ်မိုင်း နှစ်လုံးကို လည်းကောင်း သိမ်းဆည်း ရမိခဲ့သည်။

MNDAA သောင်းကျန်းသူ အဖွဲ့များမှ ယခုကဲ့သို့ မြို့တွင်းသို့ လက်နက်ကြီးဖြင့် ပစ်ခတ်ခဲ့မှုကြောင့် လောက်ကိုင်မြို့တွင် နေထိုင်ကြသော ပြည်သူလူထု အနေဖြင့် စိုးရိမ် ပူပန်မှုများ ဖြစ်ပေါ်လျက် ရှိကြောင်းနှင့် လောက်ကိုင်မြို့ ဝန်းကျင်တွင် MNDAA သောင်းကျန်းသူ အဖွဲ့များ ခိုအောင်းလှုပ်ရှားမှု မရှိစေရေး တပ်မတော် စစ်ကြောင်းများက ဖြန့်ခွဲနယ်မြေ ရှင်းလင်း ဆောင်ရွက်လျက် ရှိကြောင်း သတင်းရရှိသည်။ (၁၀၀)

မြ၀တီနေ့စဉ် ၊ စာ(၃၂)

မြ၀တီနေ့စဉ်သတင်းစာ (၂၉-၁၁-၂၀၁၅) တနင်္ဂနွေနေ့



မြ၀တီနေ့စဉ်သတင်းစာ (၂၉-၁၁-၂၀၁၅) တနင်္ဂနွေနေ့

Download Links




Saturday, November 28, 2015

စစ်ကိုင်းတိုင်းဒေသကြီး ကနီမြို့ပေါ်ရှိ ဘုရားစေတီအချို့ နှင့် သာသနိက အဆောက်အအုံများ အင်အားအသင့်အတင့်ရှိ မြေငလျင် လှုပ်ခတ်မှုကြောင့် ထိခိုက်ပျက်စီး


မြေငလျင်လှုပ်ခတ်မှုကြောင့် ထိခိုက်ပျက်စီးခဲ့သော ကနီမြို့ပေါ်ရှိ ရွှေမြင်းဖြူ အရံစေတီ
 နှင့် သီတာဦးစေတီ ထီးတော်မြေခမှုကို တွေ့ရစဉ်


ကနီ ၊ ၂၈-၁၁-၂၀၁၅

မိုးလေဝသနှင့် ဇလဗေဒ ညွှန်ကြားမှု ဦးစီးဌာန၏ တိုင်းထွာချက်အရ ယမန်နေ့ ညနေ ၃ နာရီ ၄ မိနစ် ၁၈ စက္ကန့်အချိန်တွင် စစ်ကိုင်းတိုင်း ဒေသကြီး မုံရွာမြို့၏ အနောက် မြောက်ဘက် ၃၅ မိုင်ခန့်ကို ဗဟိုပြုပြီး အင်အား ရစ်ခ်ျတာ စကေး ၅ ဒသမ ၄ အဆင့် အင်အား အသင့်အတင့် ရှိသော မြေငလျင်တစ်ခု လှုပ်ခတ်ခဲ့ကြောင်း သိရသည်။

အဆိုပါ ငလျင်လှုပ်ခတ် မှုကြောင့် ကနီမြို့ပေါ် အမှတ်(၁)ရပ်ကွက်ရှိ သီတာဦးစေတီ ထီးတော်မြေခ၍ သပိတ်မှောက် အောက်မှ ပြိုကျခြင်း၊ မြို့လယ် ဘုရားကြီး ထီးတော်ယိုင်ပြီး ငှက်ပျောဖူး အက်သွားခြင်း၊ ဓာတ်ပေါင်းစု စေတီတော် စိန်ဖူးတော် မြေခပြီး ထီးတော်ယိုင်ခြင်း၊ ဂန္ဓကုဋိတိုက် အဆောက်အအုံရုံ အတွင်း ပတ်လည်အက် သွားခြင်း၊ အမှတ်(၂) ရပ်ကွက် သမိုင်းဝင် ရွှေမြင်းဖြူ မြတ်စွာဘုရား လုံးတော် ဒေါင်လိုက် အက်ကွဲခြင်း၊ အရံ စေတီတစ်ဆူ စိန်ဖူးတော် မြေခပြီး တစ်ဆူမှာ ထီးတော် အောက်ဘက် ငှက်ပျောဖူးမှ ပြတ်ကျပြီး ထီးတော် မြေခခြင်း၊ အမှတ်(၂) ရပ်ကွက်ရှိ ရှင်ပင် စစ်သားဘုရား စိန်ဖူးတော် မြေခ၍ ထီးတော်မဏ္ဍိုင် အနည်းငယ် ယိုင်ခြင်း၊ ရွှေစည်းခုံစေတီ ငှက်ပျောဖူး အက်သွားခြင်း၊ နန်းကျောင်းတိုက် အတွင်းရှိ စေတီတော် ထီးတော် အနည်းငယ် ယိုင်ခြင်း ၊ အမှတ်(၃) ရပ်ကွက် အောင်သိဒ္ဓိစေတီ ကိုယ်လုံးတော် အက်ကွဲကျခြင်းများ ဖြစ်ပွားခဲ့သည်။

မြို့နယ်အတွင်းရှိ ကနဲကျေးရွာ ရွှေသိမ်တော်ဘုရား စိန်ဖူးတော်မြေခ၊ သင်္ကြန်ဘုရား စိန်ဖူးတော် မြေခပြီး သပိတ်မှောက် အက်ခြင်း၊ ဘုရားငါးဆူ ဘုရား စိန်ဖူးတော် မြေခ၍ သပိတ်မှောက် အက်ခြင်း၊ ညောင်ဝန်းကျေးရွာ အောင်သိဒ္ဓိစုံ ဘေးရန်လုံ ဘုရား စိန်ဖူးတော် မြေခပြီး သပိတ်မှောက် အက်ခြင်း၊ စိန်ကုန်းကျေးရွာ ငါးမာန်အောင် ဘုရား အပေါ်၊ အောက်အက်ကွဲခြင်း၊ ညောင်ဝန်း ကျေးရွာရှိ လူနေအိမ်မှ မီးဖိုချောင် အချို့နှင့် ကျောမကြား ကျေးရွာ မူလတန်းကျောင်း အုတ်နံရံ အက်ကွဲခြင်းများနှင့် ခိုတွင်ဒ ကျေးရွ ၊ မင်းအိုကျေးရွာ ၊ တပေါင်းကျေးရွာ၊ ကျောင်းလည် ကျေးရွာ၊ ကင်းကျေးရွာ၊ မိုးကောင်း ကျေးရွာ၊ သမင်ခြံကျေးရွာ၊ ကံဇိဘ ကျေးရွာ၊ ကျွဲတက်ကျေးရွာ၊ ဆူးလေကုန်း ကျေးရွာ၊ ဝယာကျေးရွာနှင့် ရွာသာကျေးရွာ တို့မှ ဘုရားစေတီများ နှင့် သာသနာ့ အဆောက်အအံများ အနည်းငယ် ပျက်စီးမှု ရှိခဲ့ကြောင်း သိရသည်။

ရတနာပုံနေ့စဉ် ၊ စာ(၁)

#Yadanarpondaily



မြ၀တီနေ့စဉ်သတင်းစာ (၂၈-၁၁-၂၀၁၅) စနေနေ့



မြ၀တီနေ့စဉ်သတင်းစာ (၂၈-၁၁-၂၀၁၅) စနေနေ့

Download Links




Friday, November 27, 2015

မြန်မာ့ပုသိမ်ထီးများ ပြည်တွင်းပြည်ပ သို့ တင်ပို့ရောင်းချရန် ရာသီချိန်ရောက်ရှိလာ



ရန်ကုန် ၊ ၂၇-၁၁-၂၀၁၅

ဈေးကွက်ရာသီချိန်သို့ ရောက်ရှိ လာသောကြောင့် ပြည်တွင်း၊ပြည်ပ ဈေးကွက်များသို့ တင်ပို့ရောင်းချရန် ဧရာဝတီတိုင်း ဒေသကြီးထွက် မြန်မာ့ ပုသိမ်ထီး ဈေးကွက် သွက်လက်လှုပ်ရှား လာကြောင်း ပုသိမ်မြို့ ဒေသခံ နေထိုင်သူ များထံမှ သိရသည်။

ပုသိမ်မြို့မှ ထုတ်လုပ်နေသော ပုသိမ်ထီးများသည် ပြည်တွင်းဈေးကွက် များသာမကဘဲ ပြည်ပဈေးကွက်များ သို့ပါ တင်ပို့ရောင်းချ နေရသည့် မြန်မာမှု အနုပညာ လက်ရာ ထုတ်ကုန်များ ဖြစ်သည်။ ပြည်တွင်းတွင် အလှူအတန်း ပွဲနေပွဲထိုင် သွားလာသည့် အခါတွင် ပုသိမ်ထီးကို အလှအပ ပစ္စည်းတစ်ခု သဖွယ် အသုံးပြုနေကြ သကဲ့သို့ မြန်မာနိုင်ငံသို့ လာရောက် လည်ပတ် နေကြသည့် နိုင်ငံတကာ ခရီးသွား ဧည့်သည်များ ကလည်း မြန်မာနိုင်ငံမှ အပြန်လက်ဆောင် အဖြစ် ဝယ်ယူမှုများ ရှိသည်။

ထို့ကြောင့် ပုသိမ်ထီးများကို နိုင်ငံတကာ ခရီးသွား ဧည့်သည်များ အများဆုံး လည်ပတ်သွားလာ နေသည့် နေရာဒေသများနှင့်ရန်ကုန်၊ မန္တလေး၊ နေပြည်တော်၊ ပုဂံ၊ ညောင်ဦး၊ တောင်ကြီး၊ အင်းလေး၊ မော်လမြိုင် စသည့်ဒေသ များနှင့် ချောင်းသာ၊ ငပလီ၊ ငွေဆောင် စသည့် အပန်းဖြေကမ်းခြေ နေရာဒေသ များတွင် ဈေးကွက် ခိုင်မာစွာ ရရှိနေသည့် မြန်မာမှု လက်ရာစစ်စစ် ပြည်တွင်း ထွက်ကုန်များ ဖြစ်သည်။ ပုသိမ်ထီးသည် ပွဲလမ်းသဘင် ပေါများသော အချိန်ကာလနှင့် နိုင်ငံတကာ ခရီးသွား ဧည့်သည်များ လာရောက် လည်ပတ်လေ့ ရှိသည့် ပွင့်လင်း ရာသီချိန်ကို အားထား လုပ်ကိုင်ရသော စီးပွားရေး လုပ်ငန်းတစ်ခု ဖြစ်သည်။ ထို့ကြောင့် ယခုအခါ ပွင့်လင်းရာသီသို့ ရောက်ရှိလာပြီ ဖြစ်သဖြင့် ပုသိမ်ထီး ဈေးကွက် သွက်လက်လှုပ်ရှား နေခြင်း ဖြစ်ကြောင်း သိရသည်။

မြန်မာ့ပုသိမ်ထီး များကို အာရှ ဒေသတွင်း ဈေးကွက်များမှ မှာယူမှုများ ရှိနေသကဲ့သို့ ဥရောပ ဈေးကွက်များ ကလည်း မှာယူမှုများ ရှိနေကြောင်း၊ လက်ရှိတွင် အာရှ ဈေးကွက်ထက် ဥရောပ ဈေးကွက်များတွင် ပို၍လူကြိုက် များနေသဖြင့် ဥရောပ ဈေးကွက် များသို့ ပိုမိုတင်ပို့ ရောင်းချနေ ရကြောင်း သိရသည်။ (၃၃၆)

ရတနာပုံနေ့စဉ် ၊ စာ(၁၁)

#Yadanarpondaily

၂၀၁၇ ခုနှစ်တွင် အဇာဘိုင်ဂျန်နိုင်ငံ၌ ကျင်းပမည့် ကမ္ဘာ့ကင်းထောက် ညီလာသို့ မြန်မာနိုင်ငံ တက်ရောက်မည်


ရန်ကုန် ၊ ၂၇-၁၁-၂၀၁၅

၂၀၁၇ ခုနှစ်တွင် အဇာဘိုင်ဂျန် နိုင်ငံ၌ ကျင်းပပြုလုပ် သွားမည့် ကမ္ဘာ့ကင်းထောက် ညီလာခံသို့ မြန်မာနိုင်ငံ တက်ရောက်မည် ဖြစ်ကြောင်း သိရသည်။

အဆိုပါ ညီလာခံတွင် မြန်မာနိုင်ငံသည် ကမ္ဘာ့ကင်းထောက် အဖွဲ့ဝင်နိုင်ငံ ဖြစ်ရန် ဆောင်ရွက် သွားမည် ဖြစ်ကြောင်း မြန်မာနိုင်ငံ ကင်းထောက် အဖွဲ့ချုပ် တွဲဖက် အတွင်းရေးမှူး ဦးအေးကြိုင် က ပြောပြသည်။

မြန်မာနိုင်ငံ ကင်းထောက် အဖွဲ့ကို ယခုနှစ် နိုဝင်ဘာလ ၃ ရက်က တောင်ကိုရီးယား နိုင်ငံ၌ ကျင်းပခဲ့သည့် (၂၅) ကြိမ်မြောက် Asia- Pacific Regional Scout Conference က ပထမအကြိမ် တရားဝင် ဖိတ်ကြားခဲ့သည်။

့The World Organization of the Scout Movement (WOSM) ၏ စည်းမျဉ်းဥပဒေ Article V  အရ Steering Committee က မြန်မာနိုင်ငံ ကင်းထောက်အဖွဲ့ကို ကူညီပံ့ပိုး ပေးသွားမည်ဖြစ်ပြီး ၂ဝ၁၇ ခုနှစ်တွင် အဇာဘိုင်ဂျန် နိုင်ငံ၌ ကျင်းပ ပြုလုပ်သွားမည့် ကမ္ဘာ့ကင်းထောက် ညီလာခံသို့ တက်ရောက်မည် ဖြစ်သည်။

အာရှနှင့် ပစိဖိတ်ဒေသ ဆိုင်ရာ ကင်းထောက် အဖွဲ့ချုပ်နှင့် ကမ္ဘာ့ကင်းထောက် အဖွဲ့ချုပ် ကိုယ်စားလှယ်တို့က ၂ဝ၁၃ ခုနှစ်မှ စတင်ကာ မြန်မာနိုင်ငံသို့ ရောက်ရှိလာပြီး မြန်မာနိုင်ငံ ကင်းထောက် အဖွဲ့ကို ပြန်လည်ရှင်သန် ဖွံ့ဖြိုးရေး အတွက် လိုအပ်သည့် အကြံဉာဏ်များ ပေးခြင်း ၊ ညှိနှိုင်းဆွေးနွေးခြင်း၊ သင်တန်းများ ဖွင့်လှစ်ပို့ချခြင်း တို့ကို အရှိန်အဟုန်မြှင့် ဆောင်ရွက်လျက် ရှိကြောင်း သိရသည်။ (အိအိအောင်)

ရတနာပုံနေ့စဉ် ၊ စာ(၁၀)

#Yadanarpondaily

ဗြိတိန်နိုင်ငံတွင် ပြင်းထန်သော ဓာတ်ငွေ့တစ်မျိုးကြောင့် တစ်နှစ်လျှင် လူ ၁၁၀၀ အသက်ဆုံးရှုံးခဲ့ရ



လန်ဒန် ၊ ၂၇-၁၁-၂၀၁၅

လူကို သေစေနိုင်သည့် ကာဗွန် မိုနောက်ဆိုက် ထက် ၂၇ ဆပိုမို ပြင်းထန်သော ဓာတ်ငွေ့တစ်မျိုး သည် အိမ်တိုင်းတွင် ရှိနေပြီး ဗြိတိန်နိုင်ငံ တစ်နိုင်ငံထဲတွင် ၄င်း ဓာတ်ငွေ့ကြောင့် တစ်နှစ်လျှင် လူဦးရေ ၁၁ဝဝ အသက်ဆုံးရှုံး ခဲ့ရကြောင်း စစ်ဆေးတွေ့ရှိ လာသည်။

အဆိုပါ ဓာတ်ငွေ့သည် ရေဒီယို အက်တမ်ဓာတ်ငွေ့ တစ်မျိုးဖြစ်ပြီး Radon (ရေးဒန်)ဟု အမည် ပေးထားရှိသည်။ အနံ့အသက် မရှိ၊ အရောင်အဆင်း မရှိ၊ သဘာဝအတိုင်း မြေကြီးထဲတွင် ရှိနေတတ်သော ဓာတ်ငွေ့ဖြစ်ပြီး ဗြိတိန်နိုင်ငံ နှင့် ကမ္ဘာတစ်ဝန်းရှိ နိုင်ငံတိုင်းတွင် တည်ရှိနေသည်။

၁၉၅ဝ ပြည့်နှစ်နှင့် ၁၉၆ဝ ပြည့်နှစ်ထိ အမေရိကန် သတ္တုမိုင်းတွင်း လုပ်သားများတွင် ဖြစ်တတ်သော ကပ်ရောဂါ ဆိုင်ရာ စစ်တမ်းတစ်စောင် ပြုစုခဲ့ကြရာမှ Radon ဓာတ်ငွေ့သည် အဆုတ်ကင်ဆာ ရောဂါကို အများဆုံး ဖြစ်စေသော ဓာတ်ငွေ့ ဖြစ်ကြောင်း တွေ့ရှိလာခဲ့ ကြသည်။

မြေကြီးအတွင်းမှ ထွက်ရှိလာသော Radon ဓာတ်ငွေ့သည် ပြင်ပလေနှင့် ထိတွေ့သောအခါ အလွယ်တကူ ရောနှောတတ်၍ လူသားများ သတိမမူမိ ခဲ့ကြခြင်း ဖြစ်သည်။ လေဝင်၊ လေထွက် ကောင်းသော နေရာများ၊ မြေအောက်ခန်းများ၊ ကမ္ဘာ့ မြေအောက်တွင် ရှိနေတတ် ကြသော သတ္တု မိုင်းတွင်းကြီး များတွင်မူ သိသိသာသာ အန္တရာယ်ပေး တတ်ကြောင်း တွေ့ရှိ လာရသည်။

Radon ဓာတ်ငွေ့နှင့် ပတ်သက်၍ ဗြိတိန်နိုင်ငံ အတွင်း ၁၉၇ဝ ပြည့်နှစ်မှ ၁၉၈ဝ ပြည့်နှစ် တစ်ဝိုက်ထိ သုတေသန ပြုခဲ့ကြရာ လူအများ နေထိုင်ရာ နေရာများစွာ တို့တွင် ရောက်ရှိနေကြပြီး လူအများ၏ ကျန်းမာရေးကို အပြင်းထန်ဆုံး ဒုက္ခပေး နေသော ဓာတ်ငွေ့ ဖြစ်သည်။

ကမ္ဘာ့ကျန်းမာရေး အဖွဲ့ကြီး ကိုယ်တိုင်က Radon ဓာတ်ငွေ့သည် ကင်ဆာရောဂါ ရရှိစေနိုင်သည့် ဓာတ်ငွေ့ဟု သတ်မှတ်ထား ရှိသည်။ ၄င်းဓာတ်ငွေ့သည် စက္ကန့် ၃ဝ အတွင်း လေထုတွင် ပျော်ဝင် ပျောက်ကွယ်စေနိုင်သကဲ့သို့ ရက်ပေါင်း ၁၃၆ ရက်ထိလည်း ရှိနေတတ်သည်။ လေ့လာမှုများ အရ ဗြိတိန် နိုင်ငံအတွင်း အဆုတ်ကင်ဆာ ရရှိသူများတွင် Radon ဓာတ်ငွေ့ ရှူရှိုက်မိခြင်းက အဓိက ပါဝင်နေခဲ့ကြောင်း သိရသည်။

#Yadanarpondaily

မြန်မာနိုင်ငံတစ်ဝန်း၌ မူးယစ်ဆေးစွဲသူများအား ဆေးဖြတ်ပေးရန် ဆေးကုသဌာန ၇၃ ခုတိုးချဲ့ ဖွင့်လှစ်


ရန်ကုန် ၊ ၂၇-၁၁-၂၀၁၅

မြန်မာနိုင်ငံ တစ်ဝန်း၌ မူးယစ်ဆေးစွဲ နေသူများအား ဆေးဖြတ်ပေးရန် ဆေးကုသ ဌာနကြီး ၂၆ ခုနှင့် ဆေစွဲ နေသူများအား ဆေးကုသရာ ဌာနငယ် ၄၇ ခု စုစုပေါင်း ဆေးကုသဌာန ၇၃ ခုအထိ တိုးချဲ့ ဖွင့်လှစ်ခဲ့ကြောင်း ကျန်းမာရေး ဝန်ကြီးဌာနမှ တာဝန်ရှိသူ တစ်ဦးက ပြောသည်။

မြန်မာနိုင်ငံ ကျန်းမာရေး ဝန်ကြီးဌာန အနေဖြင့် ၁၉၇၆ ခုနှစ်မှ ၂ဝဝ၂ ခုနှစ်အတွင်း မူးယစ်ဆေးစွဲ ကုသဌာနကြီး ခြောက်ခုနှင့် မူးယစ်ဆေးစွဲ ကုသဌာနငယ် ၁၈ ခု စုစုပေါင်း ဆေးကုသဌာန ၂၄ ခု ဖွင့်လှစ် ထားရှိခဲ့ပြီး နောက် ၂ဝဝ၂ ခုနှစ် အမိန့် ကြော်ငြာစာ အမှတ် (၄/၂ဝဝ၂) နှင့် (၅/၂ဝဝ၂) တို့ဖြင့် မူးယစ်ဆေးစွဲ ကုသဌာနကြီး အခု ၂ဝ နှင့် မူးယစ်ဆေးစွဲ ကုသဌာနငယ် ၂၂ ခုအထိ တိုးချဲ့ဖွင့်လှစ် ခဲ့ကြောင်း သိရသည်။

ထိုမှတစ်ဆင့် ၂ဝဝ၃ ခုနှစ်တွင် မူးယစ်ဆေးစွဲ ကုသဌာနကြီး ၂၆ ခုနှင့် ဆေးစွဲကုသ ဌာနငယ် အခု ၄ဝ စုစုပေါင်း ဆေးကုသ ဌာန ၆၆ ခု အထိ တိုးမြှင့်ဖွင့်လှစ် နိုင်ခဲ့သည့် အပြင် မူးယစ်ဆေးစွဲ ကုသဌာနများ မဖွင့်လှစ်
နိုင်သေးသော မြို့နယ်တချို့ နှင့် နယ်စပ်ဆေးရုံ ၄၉ ရုံတို့၌ မူးယစ်ဆေးစွဲ သူများအား ဆေးဖြတ် ကုသပေးခြင်းများ ဝန်ဆောင်မှု ပေးရန် သက်ဆိုင်ရာမှ အမိန့်ထုတ်ပြန် ခဲ့ကြောင်း၊ ထို့နောက် ၂ဝ၁၄ ခုနှစ်တွင်လည်းအမိန့် ကြော်ငြာစာ အမှတ်(၂/၂ဝ၁၄) ထုတ်ပြန်ကာ လိုအပ်သော ဒေသများ၌ မူးယစ်ဆေးစွဲ ကုသဌာနငယ် ခုနစ်ခု ထပ်မံဖွင့်လှစ် ခဲ့ရာ ယခုအခါ နိုင်ငံတစ်ဝန်း၌ မူးယစ်ဆေးစွဲ ကုသဌာနကြီး ၂၆ ခုနှင့် ဆေးစွဲကုသ ဌာနငယ် ၄၇ ခု စုစုပေါင်း ဆေးကုသ ဌာန ၇၃ ခုအထိ ရှိလာကြောင်း သိရသည်။

ထို့ပြင် မူးယစ်ဆေးဝါး သုံးစွဲသူများသည် မသန့်ရှင်းသော ဆေးထိုးအပ် များဖြင့် သွေးကြော အတွင်းသို့ ထိုးသွင်းရာမှ HIV ပိုးနှင့် အသည်းရောင် အသားဝါ C ပိုး ကဲ့သို့သော ရောဂါများ ဖြစ်ပွား လာခြင်းကို လျော့နည်း ပပျောက်စေရန် မက်သဒုန်း ဆေးရည် အစားထိုး တိုက်ကျွေးရေး စီမံချက်ကို ၂ဝဝ၆ ခုနှစ်မှ စတင်ကာ မူးယစ်ဆေးစွဲ ကုသဌာန လေးခု၌ စမ်းသပ် ဆောင်ရွက်ခဲ့ပြီး ယခုနှစ်တွင် မက်သဒုန်း ဆေးရည် တိုက်ကျွေးရေး ဌာန ပေါင်း ၄၁ ခုအထိ ရှိလာပြီ ဖြစ်ကြောင်း သိရသည်။ (ဆောင်းဦး)

မြ၀တီနေ့စဉ် ၊ စာ(၄)

ကုသိုလ်တော်ဘုရားကြီး နှင့် ပိဋကတ်သုံးပုံ ကျောက်စာများ လုံခြုံရေးအတွက် သံတံတိုင်းများ ကာရံရန် ခွင့်ပြုချက် တင်ပြထား



မန္တလေး ၊ ၂၇-၁၁-၂၀၁၅

မန္တလေးမြို့တည်၊ နန်းတည် သတ္တဌာန စာရင်းဝင် ကုလသမဂ္ဂ၊ ယူနက်စကို အဖွဲ့၏ ကမ္ဘာ့မှတ်တမ်း အမွေအနှစ် စာရင်းဝင်၊ ဘဝရှင် မင်းတုန်းမင်း တရားကြီး၏ ကောင်းမှု၊ မဟာလောက မာရဇိန် ကုသိုလ်တော် ဘုရားကြီးနှင့် ပိဋကတ်သုံးပုံ ကျောက်စာ၊ ဓမ္မစေတီတော်များ အတွက် လုံခြုံရေး၊ အကာအရံ ၊ သံပန်း ၊ လက်ရန်း ၊ အကာများ တပ်ဆင်နိုင်ရေး အတွက် ယဉ်ကျေးမှု ဝန်ကြီးဌာနသို့ ခွင့်ပြုချက် တင်ပြထားရာ ခွင့်ပြုချက် ရရှိပါက လုပ်ငန်း အကောင် အထည်ဖော် ဆောင်ရွက်သွားမည် ဖြစ်ကြောင်း ဂေါပကအဖွဲ့ အထွေထွေ အတွင်းရေးမှူး သီဟသုဓမ္မ မဏိဇောတဓရ ဦးကျော်ဝင်းက ပြောပြ၍ သိရသည်။

ကျောက်စာချပ်များ ထားရှိရာ နေရာသို့ အလွယ်တကူ ဝင်၍ မရနိုင်ရန်၊ မဖျက်ဆီးနိုင် ရန်နှင့် အခြားသော စောင်းတန်းများမှ လူအများ ကျော်တက် ဝင်ရောက်မှုများ ရှိနေမှုကြောင့် ဘုရားကြီး၏ တောင်ဘက် မုခ်နှင့် မြောက်ဘက်မုခ် တို့ကို ထိပ်မှ ပိတ်လျက် ခြောက်ပေ အမြင့်ရှိ သံတံတိုင်းများ ကာရံမှုကို ရှေးမူမပျက် ဆောင်ရွက် သွားမည် ဖြစ်သကဲ့သို့ ခွင့်ပြုချက်များ ကျပါက နောက်ပိုင်း စောင်းတန်း လေးခုပါ သံတံတိုင်းများ ကာရံမှုအပြင် လုံခြုံရေး ကင်မရာများ တပ်ဆင်ထားရှိ သွားမည် ဖြစ်သည်။

လက်ရှိတွင် တောင်ဘက်မုခ် တွင်သာ CCTV များ တပ်ဆင်ထားရှိ သွားမည်ဖြစ်ပြီး အကာအရံ တပ်ဆင်မှုတွင် ငွေကျပ်သိန်း ၁၅ဝ ခန့် ကုန်ကျမည် ဖြစ်ကြောင်း သိရသည်။ (ဝ၄၂)

#Yadanarpondaily

ရန်ကုန်တိုင်းဒေသကြီးအတွင်း ယခုနှစ်တွင် အခွန်ငွေကျပ် ၉၀၀ ဘီလီယံကျော် ရရှိရန် မျှော်မှန်းထား


ရန်ကုန် ၊ ၂၇-၁၁-၂၀၁၅

ရန်ကုန်တိုင်း ဒေသကြီးအတွင်း အခွန် အရပ်ရပ်မှ ယခုနှစ်တွင် အခွန်ငွေ ကျပ် ၉ဝဝ ဘီလီယံခန့် ရရှိရန် မျှော်မှန်း ထားကြောင်း ရန်ကုန်တိုင်း ဒေသကြီး ပြည်တွင်းအခွန်များ ဦးစီးဌာနမှ သိရသည်။

လက်ရှိတွင် ရန်ကုန်တိုင်း ဒေသကြီးအတွင်း ကျပ် ၄၅ဝ ဘီလီယံ ခန့်သာ အခွန်ငွေ ကောက်ခံရရှိ ထားပြီး ပြီးခဲ့သည့် ၂ဝ၁၄ ခုနှစ် ကာလအတူ ယခုအချိန်တွင် ကျပ် ၅ဝဝ ဘီလီယံခန့် ရရှိနေပြီ ဖြစ်သည်။ ယခုနှစ်တွင် အကောက်ခွန်ငွေ လျော့ကျခြင်းသည် အဓိကအားဖြင့် အိမ်ခြံမြေ အရောင်းအဝယ် ကျဆင်းမှုနှင့် နိုင်ငံပိုင် လုပ်ငန်းများမှ အခွန် ပေးသွင်းမှုကို ရန်ကုန် အစား နေပြည်တော် တွင် ပေးသွင်းခြင်း တို့ကြောင့် ဖြစ်သည်။ ပြီးခဲ့ သည့်နှစ်ထက် အခွန်ရရှိမှုကျပ် ၅ဝ ဘီလီယံ ခန့် လျော့နည်းရာတွင် အိမ်ခြံမြေ ရောင်းဝယ်မှုတွင် အခွန်ရရှိမှုသည် ကျပ် ၂၇ ဘီလီယံအထိ လျော့နည်း ခြင်းကြောင့် ဖြစ်သည်။

ထို့သို့ အိမ်ခြံမြေ အရောင်းအဝယ် ကျဆင်းခြင်းသည် အခွန်ရရှိမှုကို များစွာထိခိုက်မှု ရှိနေကြောင်း သိရသည်။

ထို့ပြင် အခွန်ထမ်း ပြည်သူတချို့တွင် အခွန် တိမ်းရှောင်မှုများ ရှိနေခြင်းကြောင့် အဆိုပါ ကိစ္စများကို ကြပ်မတ် နိုင်ရန်လည်း တိုင်းဒေသကြီးနှင့် ပြည်နယ်အလိုက် အထောက်အကူပြု အဖွဲ့များ ဖွဲ့၍ ဖွဲ့စည်း ဆောင်ရွက် သွားမည် ဖြစ်သည်။ ယင်းအဖွဲ့များအား ဗဟိုအဆင့် ဖွဲ့စည်းပြီး ဖြစ်သော်လည်း တိုင်းဒေသကြီးနှင့် ပြည်နယ်အလိုက် ဖွဲ့စည်းနိုင်ခြင်း မရှိသေးသည့်အတွက် ဆက်လက် လုပ်ဆောင်မည် ဖြစ်သည်။

ယင်းသို့ ဖွဲ့စည်းရာတွင် ရပ်ကွက် ရာအိမ်မှူး မှတစ်ဆင့် အထွေထွေ အုပ်ချုပ်ရေးမှူး တို့ဖြင့် မြို့နယ်အဆင့်များ အထိ ပါဝင်စေမည် ဖြစ်ပြီး ထိုမှတစ်ဆင့် အခွန်တိမ်းရှောင် သူများအား သိရှိစေနိုင်မည့် အပြင် အခွန်ဝင်ငွေ များပါ တိုးတက်လာ စေမည် ဖြစ်ကြောင်း သိရသည်။

မြန်မာ တစ်နိုင်ငံလုံး အတိုင်းအတာ အနေဖြင့် အခွန် ကောက်ခံရာတွင် ယခုနှစ်အတွက် အခွန်ငွေကျပ် ၄၇ဝဝ ဘီလီယံ ရရှိမည်ဟု မျှော်မှန်းထားပြီး ပြည်တွင်းအခွန်များ ဦးစီးဌာနသည် အခွန်ငွေ ကောက်ခံခြင်း ကို တစ်နှစ်ထက် တစ်နှစ် ဖြေလျှော့ပေး လာသော်လည်း အခွန်ထမ်း တချို့မှာ အခွန် တိမ်းရှောင်မှုများ ရှိနေသေးကြောင်း၊ စစ်ဆေးခြင်းများ ပြုလုပ်ရာတွင် အခွန် တိမ်းရှောင်မှု များကို တွေ့ရှိပါက အခွန်ဆိုင်ရာ ဥပဒေနှင့် အညီ အရေးယူ ဆောင်ရွက် သွားမည်ဖြစ်ကြောင်း သိရသည်။ (စိုးမိုး)

မြ၀တီနေ့စဉ် ၊ စာ(၃)

မဟာဘွဲ့သင်တန်း ဖြေဆိုခွင့်ရသူများစာရင်းကို ဒီဇင်ဘာ ၁၅ ရက်တွင် ကြေညာမည်


ရန်ကုန် ၊ ၂၇-၁၁-၂၀၁၅

ရန်ကုန် စီးပွားရေး တက္ကသိုလ်နှင့် ချင်းမိုင် တက္ကသိုလ်တို့ ပူးပေါင်း ဖွင့်လှစ်မည့် မဟာဘွဲ့ သင်တန်း ဖြေဆိုခွင့် ရရှိသူများ စာရင်းအား ဒီဇင်ဘာ ၁၅ ရက်တွင် ကြေညာ ပေးသွားမည် ဖြစ်ကြောင်း ရန်ကုန် စီးပွားရေး တက္ကသိုလ် မှ သိရသည်။

Master of Economics (CMU) မဟာဘွဲ့သင်တန်း အမှတ်စဉ်(၂)အား ပညာရေး ဝန်ကြီးဌာန လက်အောက်ရှိ အဆင့်မြင့် ပညာဦးစီးဌာန ရန်ကုန် တက္ကသိုလ်တွင် ဖွင့်လှစ်မည် ဖြစ်ရာ ဒီဇင်ဘာ ၁ဝ ရက် မွန်းလွဲ ၁ နာရီတွင် စာရင်းပေးသွင်း လျှောက်ထား နိုင်ပြီး ဖြေဆိုခွင့် ရရှိသူများအား ဒီဇင်ဘာ ၁၅ ရက်တွင် ကြေညာ ပေးသွားမည် ဖြစ်သည်။

ထို့ပြင် သင်တန်းဝင်ခွင့် နှုတ်ဖြေစာမေးပွဲ များကို ဒီဇင်ဘာ ၂၁ ရက်တွင် ရန်ကုန် တက္ကသိုလ် (ကမာရွတ်နယ်မြေ) ၌ ကျင်းပမည် ဖြစ်ကာ ရွေးချယ်ခံရ သူများအတွက် ချင်းမိုင် တက္ကသိုလ်သို့ ပေးသွင်းရမည့် ကျောင်းလခ များကို Bangkok Bank မှ ပညာသင်စရိတ် ပေးသွားမည် ဖြစ်သည်။

အဆိုပါ မဟာဘွဲ့ သင်တန်းကို အချိန်ပြည့် သင်တန်းအဖြစ် ဖွင့်လှစ်မည် ဖြစ်ပြီး တက္ကသိုလ် တစ်ခုခုမှ အသိအမှတ်ပြု ဘွဲ့ရရှိပြီးသူ၊ စီးပွားရေး တက္ကသိုလ်များတွင် တာဝန် ထမ်းဆောင်လျက် ရှိသည့် ဆရာ၊ ဆရာမများ၊ အမျိုးသား စီမံကိန်းနှင့် စီးပွားရေးဖွံ့ဖြိုး တိုးတက်မှု ဝန်ကြီးဌာန၊ ဘဏ္ဍာရေးဝန်ကြီး ဌာန၊ မြန်မာနိုင်ငံတော် ဗဟိုဘဏ်၊ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန စသည်တို့မှ ဝန်ထမ်းများ၊ အင်္ဂလိပ်စာ၊ သင်္ချာ၊ စာရင်းအင်းပညာ ကျွမ်းကျင်သူများ၊ တက္ကသိုလ် တစ်ခုခုတွင် တခြားသင်တန်း တက်ရောက်ထားခြင်း မရှိသူများ၊ သတ်မှတ် ထားသည့် သင်ရိုးအတိုင်း အချိန်ပြည့်မီစွာ တက်ရောက်နိုင် သူများ လျှောက်ထား နိုင်ကြောင်း လျှောက်လွှာများကို ဖွံ့ဖြိုးမှုပညာ မဟာဘွဲ့ရုံးခန်း ရန်ကုန်စီးပွားရေး တက္ကသိုလ် (ကမာရွတ်နယ်မြေ) ၌ ရယူနိုင်ကြောင်း သိရသည်။ (နေနေ)

မြ၀တီနေ့စဉ် ၊ စာ(၃)

လုပ်သားရှားပါးမှုနှင့် ကုန်ကြမ်းလိုအပ်မှုကြောင့် မန္တလေးမြို့မှ သကြားစက်ရုံအများစု ရပ်နားသွားနိုင်



မန္တလေး ၊ ၂၇-၁၁-၂၀၁၅

ကြံစိုက်တောင်သူ လုပ်သားရှားပါး ခြင်းနှင့် ကုန်ကြမ်း လိုအပ်ချက် များကြောင့် မန္တလေးမြို့ရှိ သကြားစက်ရုံ အများစု ရပ်နား သွားနိုင်ကြောင်း မြန်မာနိုင်ငံ သကြားနှင့် သကာရည် လုပ်ငန်းရှင်များ ကထိန်တော် အသင်း (မန္တလေး) မှ နာယက ဦးဝင်းဌေး က ပြောပြသည်။

''ကြံခုတ်တဲ့ နေရာ၊ ပွက်ရည် ချက်တဲ့နေရာမှာ လုပ်သား ရှားပါးမှုကို ရင်ဆိုင် နေရပါတယ်။ ကြံစိုက် တောင်သူက ပွက်ရည် ချက်တာကို စိတ်ဝင်စားမှု နည်းလာတယ်။ မနှစ်ကဆို ပေါင်း သကြားစက် ၁ဝ လုံးတောင် ပြည့်အောင် မလည်နိုင်ကြ ပါဘူး။ ပြီးတော့ ကုန်ကြမ်း ရှားလာတာနဲ့ အမျှ ဈေးကြီး လာတဲ့အတွက် တွက်ခြေမကိုက် တော့ဘူး'' ဟု ၄င်းက ပြောပြသည်။

အဆိုပါ ကိစ္စများကြောင့် မန္တလေးမြို့တွင် လက်ရှိ အခြေအနေ၌ သကြားစက်ရုံ နှစ်ရုံသာ လည်ပတ်နိုင်ပြီး နောက်ပိုင်းတွင် သကြား စက်ရုံများ ပျောက်သွားနိုင်ပြီး ပြည်ပမှ တင်သွင်းမှုများ ကိုသာ အားကိုး လာနိုင်ကြောင်းသိရသည်။

ထို့ပြင် လာမည့် ဘဏ္ဍာနှစ်တွင် လယ်ယာထွက် သီးနှံကဏ္ဍ အတွက် ပြည်ပ ကုန်သွယ်မှု ပမာဏ မလျော့ကျစေရန် ရည်ရွယ်၍ သန့်စင်ပြီး သကြား (Refine suger) ကို Re-export တင်သွင်း၊ တင်ပို့ခွင့်ကို စက်တင်ဘာ ၉ ရက်က စီးပွားရေး နှင့် ကူးသန်း ရောင်းဝယ်ရေး ဝန်ကြီးဌာနက ထုတ်ပြန်ခဲ့သည်။

ပြည်တွင်း၌ ထုတ်လုပ်သည့် သကြားဈေးနှုန်းမှာ မြင့်တက်ပြီး ပြည်ပမှ တင်သွင်းသည့် သကြား ဈေးနှုန်းမှာ ရန်ကုန်ဆိပ်ကမ်း အရောက် တစ်တန်လျှင် ဒေါ်လာ ၄၅ဝ ခန့်သာ ရှိသဖြင့် ပြည်တွင်း တင်ပို့မှု များလာပြီး လက်ရှိ၌ တရုတ်နိုင်ငံမှ ဝယ်လိုအား များနေသော်လည်း အဝယ်ရပ် လိုက်ပါက ပြည်တွင်း သကြား လုပ်ငန်းရှင်များ ပို၍ နစ်နာနိုင်ကြောင်း သိရသည်။

ထို့ကြောင့် SMEs လုပ်ငန်းများ အတွက် အပေါင်မလိုဘဲ ငွေချေးခွင့် ရအောင်၊ နှစ်တိုချေးငွေ မဟုတ်ဘဲ နှစ်ရှည်ချေးငွေ ပေးသင့်ကြောင်း၊ သို့မှသာ လုပ်ငန်း ပြန်လည် ဦးမော့လာသည့် အချိန်နှင့် ချေးငွေ ပြန်လည် ဆပ်နိုင်သည့် အချိန်အတွက် အဆင်ပြေ နိုင်မည်ဖြစ်ကြောင်း နိုဝင်ဘာ ၂၁ ရက်က ပြုလုပ်သည့် လုပ်ငန်းတွင် ကြုံတွေ့ရသော ပြဿနာများ ဖြေရှင်းနည်း ဆိုင်ရာ အလုပ်ရုံ ဆွေးနွေးပွဲ၌ှSMEs လုပ်ငန်းရှင် များက ဆွေးနွေး ခဲ့သည်။

လက်ရှိ ဈေးကွက်အတွင်း၌ ပေါင်းသကြား တစ်ပိဿာလျှင် ငွေကျပ် ၁၂၇ဝ မှ ၁၃ဝဝ ခန့်၊ ပွက်ရည် တစ်ပိဿာလျှင် ငွေကျပ် ၈၅ဝ ခန့်ရှိကြောင်း မြန်မာနိုင်ငံ သကြားနှင့် သကာရည် လုပ်ငန်းရှင်များ ကထိန်တော် အသင်း(မန္တလေး) မှ သိရသည်။

ဂမ်အောင်

အားကစားမြင်ကွင်းဂျာနယ် အတွဲ(၄) အမှတ်(၄၇)



အားကစားမြင်ကွင်းဂျာနယ် အတွဲ(၄) အမှတ်(၄၇)

Download Links




အစားရှောင်ခြင်းသည် လူတိုင်းအတွက် တူညီသော အကျိုးကို ခံစားရလေ့မရှိ



ကိုယ်အလေးချိန် လျှော့ချရန် သော်လည်းကောင်း ၊ ကိုယ်အလေးချိန် ကို ထိန်းထားရန် သော်လည်းကောင်း၊ အစားရှောင်ခြင်း ၊ အစားထိန်းခြင်း ပြုလုပ်သူများ အနေဖြင့် တူညီသော အကျိုးကို လူတိုင်းခံစား ရလေ့မရှိဘဲ အချို့သော သူများသည် အစားရှောင်ခြင်း ၊ ထိန်းခြင်း ပြုလုပ် သော်လည်း ကိုယ်အလေးချိန် တိုးမြဲတိုင်း တိုးနေရသည့် အကြောင်းရင်းမှာ ခန္ဓာကိုယ် တစ်ခုနှင့် တစ်ခုသည် အစားအစာ တစ်ခုအပေါ် တုံ့ပြန်သည့် အနေအထား ခြင်း မတူညီခြင်း ကြောင့် ဖြစ်ကြောင်း အစ္စရေး သုတေသီ များက ပြောပြသည်။

''ထမင်းမစားလဲ ဝပါတယ်။ နည်းနည်း စားလိုက်တာနဲ့ ဗိုက်ပြန်ထွက် လာတယ်။ ဘယ်လောက် အစား ရှောင်ရှောင် ဝိတ်က မကျဘူး၊ အစရှိတဲ့ ညည်းညူသံ တွေကို မကြာခဏ ကြားရပါတယ်။ တကယ်တော့ လူ ခန္ဓာကိုယ် တွေဟာ တစ်ခုနဲ့ တစ်ခုဇီဝကမ္မ လုပ်ဆောင်ချက်ချင်း မတူညီကြတဲ့ အတွက် အဆီအအိမ့် ရှောင်လို့  တစ်ယောက်မှာ အကျိုးထူး ပေမယ့် နောက်တစ်ယောက် မှာတော့ အကျိုးထူးဖို့ မသေချာပါဘူး။ ဒါကြောင့် သူငယ်ချင်း က အစားရှောင်လို့ ပိန်သွားတယ် ဆိုပြီး သူရှောင်သလို လိုက်ရှောင်တဲ့ အခါ ကိုယ့်မှာလာပြီး အကျိုးထူးချင်မှ ထူးမှာပါ ''ဟု သုတေသီ တစ်ဦးက ပြောပြသည်။

အစာအာဟာရ ကျွမ်းကျင်သူ များသည် အစားအသောက် များအလိုက် စားသောက် လိုက်သောအခါ သွေးတွင်း သကြားဓာတ် ဖြစ်ပေါ်မှု ပမာဏကို တိုင်းတာကာ လျှော့စားရမည့် အစားအစာ၊ တိုး၍ စားရမည့် အစားအစာ အဖြစ် ရွေးချယ် သတ်မှတ်ပေးကာ ကိုယ်အလေးချိန် လျှော့ချ လိုသူများ အတွက် စားသောက်မှု ပုံစံအသစ် ရေးဆွဲပေး တတ်ကြရာ ၄င်း သွေးတွင်း သကြားပမာဏ (Glycemic Index) တစ်မျိုးတည်းဖြင့် ဆုံးဖြတ်၍ မရနိုင်ကြောင်း၊ ကာယကံရှင်၏ ခန္ဓာကိုယ် ဇီဝကမ္မ ဖြစ်စဉ်နှင့် လုံးဝ သက်ဆိုင် နေကြောင်း ၄င်းက ရှင်းပြသည်။

သုတေသီ များသည် အသက် ၁၈ နှစ်မှ အသက် ၇ဝ ကြားအရွယ် စေတနာ့ ဝန်ထမ်းဦးရေ ၈ဝဝ ကို နံနက်စာ တစ်မျိုးတည်းကို စားစေကာ ၄င်း အစားအစာကို ခန္ဓာကိုယ်က ချေဖျက်ဖြိုခွဲကာ အသုံးပြုပုံ အဆင့်ဆင့်ကို လေ့လာ ဆန်းစစ် ကြည့်ခဲ့ရာ အစားအစာ အမျုိးအစားချင်း တူညီနေ သော်လည်း ခန္ဓာကိုယ် ထဲတွင် အဆင့်ဆင့် ပြောင်းလဲသွားပုံ မတူဘဲ အစားအစာ တစ်မျိုးတည်း ကြောင့် အချို့လူမှာ ကိုယ်အလေးချိန် တက်မသွား သော်လည်း အချို့ လူများတွင် ကိုယ်အလေးချိန် တက်သွားလေ့ ရှိခြင်း သိရသည်။

#Yadanarpondaily

သုတေသီများက အာကာသစူးစမ်းလေ့လာမှု သမိုင်းတွင် ဂြိုဟ်သစ်များ ဖြစ်ပေါ်ပုံကို ပထမဆုံးအကြိမ် စူးစမ်းလေ့လာနိုင်ခဲ့



အမေရိကန် ပြည်ထောင်စု အရီဇိုးနားပြည်နယ် တက္ကသိုလ်မှ သုတေသီ များသည် ကမ္ဘာနှင့် အလင်းနှစ် ၄၅ဝ ခန့် ကွာဝေးသော အာကာသ တစ်နေရာ၌ ဂြိုဟ်သစ်များ ဖြစ်ပေါ်နေပုံ အဆင့်ဆင့်ကို အာကာသ စူးစမ်းလေ့လာမှု သမိုင်းတွင် ပထမဆုံး အကြိမ် စောင့်ကြည့် စူးစမ်းလေ့လာ နိုင်ခဲ့ကြောင်း သိရသည်။

သက်တမ်း နုနယ်သေးသည့် ကြယ်အမှတ် LkCa 15 ကို ဝန်းရံကာ ဖြစ်ပေါ်လျက် ရှိသော ဂြိုဟ်သစ် ဖြစ်ပေါ်ပုံကို သိပ္ပံပညာရှင် များက ဓာတ်ပုံများ ရိုက်ယူခဲ့ နိုင်ခြင်းဖြစ်သည်။ ဂြိုဟ်ဟု ထင်ရှားစွာ ဖြစ်ပေါ် မလာသေးဘဲ ဆင့်ကဲဆင့်ကဲ ပေါင်းစပ်သည့် အချိန်အခါ မျိုးတွင် ပထမဆုံး အကြိမ် ဓာတ်ပုံ အမိအရ ရိုက်ယူနိုင်ခဲ့ပြီ ဖြစ်သည့်အတွက် ဂြိုဟ်များ စတင်ဖြစ်ပေါ်ချိန် မည်သည့် ထူးခြားမှုမျိုး ဖြစ်ပျက်လေ့ ရှိသည်ကို အသေးစိတ် လေ့လာခွင့် ရရှိခြင်း ဖြစ်သည်။

'' LkCa 15 က သက်တမ်းအားဖြင့် နှစ်ပေါင်း နှစ်သန်းခန့်ပဲ ရှိပါသေးတယ်။ LkCa 15 ကို ဓာတ်ပြားချပ် ပုံသဏ္ဌာန် အာကာသ အမှုန်တွေက ဝိုင်းရံထား ပါတယ်။ သက်တမ်းနု ကြယ်တွေ ဝန်းကျင်မှာ ဒီလို ဓာတ်ပြားချပ် ပုံသဏ္ဌာန် အာကာသအမှုန် တွေဆိုတာ အမြဲ ရှိပါတယ်။ ဒီ ဓာတ်ပြားချပ် ပုံသဏ္ဌာန် ကနေပဲ တဖြည်းဖြည်း ကျစ်လျစ်သွားပြီး ဂြိုဟ်တွေ ဖြစ်လာတာပါ။ ဒါပေမဲ့ ဓာတ်ပြားချပ် ကနေ ဂြိုဟ်အဖြစ်ကို ဘယ်လို ရောက်သွားသလဲ ဆိုတဲ့ ကွင်းဆက်ကို မဖော်ပြ နိုင်ခဲ့ပါဘူး။ အခု ပထမဆုံးအကြိမ် အဖြစ် ဂြိုဟ်တစ်လုံး ဖြစ်ပေါ်နေဆဲ အဆင့်ကို တွေ့ရှိလေ့လာ ဓာတ်ပုံရိုက်ယူ နိုင်ခဲ့တာ ဖြစ်ပါတယ် '' ဟု သုတေသီ တစ်ဦးက ရှင်းပြသည်။

''LkCa 15 ကို ဝန်းရံထားတဲ့ အာကာသအမှုန် တွေထဲမှာ ဂြိုဟ်အသစ် တစ်လုံး စတင်ဖြစ်ပေါ် နေပါတယ်။ LkCa 15b လို့  အမည်ပေး ထားပါတယ်။ မူလကြယ် ဖြစ်တဲ့ LkCa 15 နဲ့ မိုင်ပေါင်း ၁ ဒသမ ၅ ဘီလီယံ အကွာအဝေး မှာ ရှိပါတယ် '' ဟု ၄င်းက ပြောပြသည်။

သုတေသီများသည် အရီဇိုးနား ပြည်နယ် အရှေ့တောင်ပိုင်းရှိ LBT နက္ခတ်တာရာကြည့် မျှော်စင်မှ မှန်ဘီလူးအကျယ် ၂၇ ပေ ရှိသော နက္ခတ်တာရာကြည့် မှန်ပြောင်းကြီး ဖြင့် LkCa 15 ၏ စနစ်ကြီး တစ်ခုလုံးကို စောင့်ကြည့် လေ့လာခဲ့ခြင်း ဖြစ်ကြောင်း သိရသည်။

#Yadanarpondaily

မြ၀တီနေ့စဉ်သတင်းစာ (၂၇-၁၁-၂၀၁၅) သောကြာနေ့



မြ၀တီနေ့စဉ်သတင်းစာ (၂၇-၁၁-၂၀၁၅) သောကြာနေ့

Downlaod Links



Thursday, November 26, 2015

သာမညဖလ အခါတော်နေ့


သာမညဖလ အခါတော်နေ့

ယနေ့သည် တန်ဆောင်မုန်း လပြည့်နေ့ ဖြစ်သည်။ တန်ဆောင်မုန်း လပြည့်ညသည် ကုသိုလ် ကောင်းမှုများ ထုံမွမ်းနေသည့် မွေ့လျော်ဖွယ် ညတစ်ည ဖြစ်သည်။ လောကဓာတ် တစ်ခွင်လုံး အေးမြကြည် လင်းလျက်ရှိပြီး ပျော်ပွဲရွှင်ပွဲ များနှင့် ပျော်စရာကောင်းသော ညဖြစ်သည်။ တန်ဆောင် မုန်း လပြည့်ညတွင် တန်ဆောင်တိုင် မီးထွန်းပွဲ၊ မသိုးသင်္ကန်း ရက်လုပ်လှူဒါန်းပွဲ၊ သာမညဖလ သုတ်တော် ဟောကြား တော်မူသည့်ပွဲ၊ မဲဇလီဖူးသုပ် ဝေငှသည့်ပွဲ စသည့်တို့ဖြင့် ကြည်နူးဖွယ် ကောင်းသော ညဖြစ်သည်။

တန်ဆောင်တိုင် မီးထွန်းပွဲကို တန်ဆောင်မုန်း လပြည့်ညတွင် ဆီမီးထွန်းညှိ၍ မြတ်စွာဘုရားအား ပူဇော်ကြသည်။ ဆီမီးဆိုသည်မှာ ဆီကို လောင်စာအဖြစ် သုံးစွဲသော မီးဖြစ်ပြီး ဆီမီးခွက်ထဲ ထည့်ကာ ချည်ခင်ကို သော်လည်းကောင်း၊ ဖော့ကိုသော် လည်းကောင်း မီးစာအဖြစ် အသုံးပြု၍ ဆီမီးထွန်းညှိ ပူဇော်ကြသည်ဟု မှတ်သားဖူးသည်။

ထို့ပြင် တန်ဆောင်မုန်း လပြည့်နေ့တွင် မသိုးသင်္ကန်း ရက်လုပ် ပူဇော်ပွဲလည်း ရှိသည်။ မသိုးသင်္ကန်း ရက်လုပ် ပူဇော်ခြင်းသည် မိထွေး တော်ဂေါတမီသည် သားတော်ဘုရားကို သင်္ကန်း ကပ်လို၍ ညဥ့်ချင်းပြီး သင်္ကန်းရက် သည်ကို အကြောင်းပြု၍ ပေါ်ပေါက် လာသည်ဟု အချို့က ဆိုသည်။

တန်ဆောင်မုန်း လပြည့်နေ့ကို မြတ်စွာဘုရားက အဇာတသတ် မင်းအား သာမညဖလ သုတ္တန် ဟောကြား တော်မူသဖြင့် ''သာမညဖလ အခါတော်နေ့'' ဟု ခေါ်တွင်သည်။ ရဟန်းပြုခြင်း၏ အကျိုးဟု အဓိပ္ပာယ် ရသော သာမညဖလသုတ် သည် ရဟန်းတော်များ အတွက် ကြေးမုံချပ်နှယ် ဖြစ်၍ ကိုယ်ကျင့် သီလကို ဆန်းစစ်ရာ ပြဒါးတိုင်ကြီး ဖြစ်သည်။

အဇာတသတ် မင်းသားသည် ဒေဝဒတ်ကို ဆရာတင်မိ၍ ဖခင် ဗိမ္ဗိသာရမင်းကြီး ကို သတ်မိသောကြောင့် ကံကြီးထိုက်ပြီး အိပ်မပျော်သော ဝေဒနာ စွဲကပ်ခဲ့သည်။ ထိုဝေဒနာကို ကုစားရင်း တိတ္ထိခြောက်ဦး ထံ ရဟန်းပြုခြင်း၏ အကျိုးကို မေးမြန်းရာ အဖြေမရသဖြင့် သမားတော်ကြီး ဇီဝက ၏ အကြံပြုချက် အရ မြတ်စွာဘုရားထံ လျှောက်ထား သောအခါမှ ရဟန်းပြုခြင်း အကျိုးကို သိရှိခဲ့ရသည်။

ထို့ကြောင့် အဇာတသတ်မင်း နှင့် အခြွေအရံ များသည် တန်ဆောင်မုန်း လပြည့် ညချမ်းအခါတွင် ဘုရားရှင်ထံ ဖူးမြော်ရန်သွားစဉ် တောင်ရိပ်နှင့် သစ်ရိပ်များကြောင့် အမှောင်ဖုံးမှုကို မီးရှူးမီးတိုင် ကိုယ်စီထွန်းညှိပြီး သွားကြရသည်။ ထိုထုံးကို နှလုံးမူ၍ တန်ဆောင်မုန်း လ၌ မီးထွန်းပွဲတော် ကျင်းပခြင်း ဖြစ်သည်ဟုလည်း ဆိုထားကြသည်။ အဇာတသတ်မင်း သည် သာမညဖလ တရားတော်ကို နာကြားရသဖြင့် ပုထုဇဉ် ထဲတွင် ရတနာသုံးပါးကို အကြည်ညိုဆုံး ပုဂ္ဂိုလ်အဖြစ် မှတ်တမ်းတင် ခံရပြီး အပြစ် ကြီးလေးသော အဝီစိငရဲမှ လွတ်မြောက်ခဲ့ ရသည်။

သို့ဖြစ်ရာ ကုသိုလ်ကောင်းမှု၊ ပျော်ရွှင်မှုတို့ဖြင့် ထုံမွမ်းသည့် တန်ဆောင်မုန်း လပြည့်ညသည် အဇာတသတ်ကို အကြောင်းပြု၍ မြတ်စွာဘုရားရှင်က ရဟန်းပြုရခြင်း အကျိုးကို ဟောတော်မူ ခဲ့သော သာမညဖလ အခါတော်နေ့ အဖြစ် ထူးမြတ်လှ ပါကြောင်း ရေးသား လိုက်ရပေသည်။

#Yadanarpondaily

မြ၀တီနေ့စဉ်သတင်းစာ (၂၆-၁၁-၂၀၁၅) ကြာသပတေးနေ့



မြ၀တီနေ့စဉ်သတင်းစာ (၂၆-၁၁-၂၀၁၅) ကြာသပတေးနေ့

Download Links




Wednesday, November 25, 2015

ကျောင်းသင်ဘာသာတွေကို အင်္ဂလိပ်စာနဲ့ သင်သင့် မသင်သင့်


ကျောင်းသင်ဘာသာတွေကို အင်္ဂလိပ်စာနဲ့ သင်သင့် မသင်သင့် 

ကျော်ဆန်း (Eduzone)


ဆရာ၊ ဆရာမတွေ ဆုံကြ၊ စုမိကြတဲ့အခါ ကျောင်းသင် ဘာသာရပ် တွေကို အင်္ဂလိပ် ဘာသာနဲ့ သင်သင့်၊ မသင်သင့် မကြာခဏ ဆွေးနွေး ဖြစ်ကြပါတယ်။ အများစုကတော့ အင်္ဂလိပ်လို သင်ရတာကို ပိုသဘောကျ ကြတယ်။ အကြောင်းပြချက် ကတော့ တချို့ ဝေါဟာရတွေ၊ အကြောင်းအရာ တွေကို ဘာသာပြန်ရ၊ မှတ်ရခက်တဲ့ အကြောင်းနဲ့ အဆင့်မြင့် ပညာမှာ မြန်မာဘာသာနဲ့ ပြုစုပြန်ဆို ထားတဲ့ ဘာသာရပ် ဆိုင်ရာ စာပေတွေ ရှားပါးတဲ့ အတွက် အင်္ဂလိပ်လို သင်သင့်တယ် ဆိုကြပါတယ်။ ဥပမာ-သိပ္ပံ ဘာသာရပ်မှာ အမီးဘား၊ ပရိုတိုးဇွား စတဲ့ ဝေါဟာရမျိုး တွေနဲ့ ဝိဇ္ဇာ ဘာသာရပ်မှာ ကုန်ထွက်၊ ထွက်ကုန် ဆိုတာမျိုး တွေက ကျောင်းသားတွေ အတွက် အင်္ဂလိပ်လို ပိုအဆင်ပြေ တယ် ဆိုပါတယ်။ အင်္ဂလိပ်လို Product နဲ့ Output ကရှင်းပေမယ့် မြန်မာလို ကုန်ထွက်နဲ့ ထွက်ကုန်က မရှင်းလင်းဘူး လို့ ဆိုတယ်။

အင်္ဂလိပ် ဘာသာနဲ့ မသင်သင့် ဘူးလုိ့ ဆိုကြသူတွေက ဘာသာရပ် တစ်ခုရဲ့ အနှစ်သာရကို မိခင်ဘာသာ စကားနဲ့ ရှင်းပြတာ အကောင်းဆုံး နားလည်မှု ရစေတယ်လို့ ဆိုပါတယ်။ နားမလည်တဲ့ ဘာသာနဲ့ ကျက်ဘာမှန်းညာမှန်း မသိ ရေးဖြေပြီး စာမေးပွဲ အောင်တာထက် ဘာသာရပ်ရဲ့ အဓိက အချက်တွေကို နားလည်စေဖို့ လိုတယ်လို့ ဆိုတယ်။ ဒါ့ပြင် အင်္ဂလိပ်လို စာမေးပွဲ ဖြေရတဲ့ အတွက် နားလည် ပေမယ့် မရေးတတ်လို့ စာမေးပွဲ အကျများ ရတယ်လို့ စောဒက တက်ကြ ပြန်တယ်။ တောင်ကိုရီးယား နိုင်ငံ၊ ဂျပန်နိုင်ငံ စတဲ့ နိုင်ငံတွေလဲ သူတို့ရဲ့ မိခင်ဘာသာ နဲ့သင်ပြီး ကမ္ဘာ့ထိပ်တန်း ရောက်နေကြ တယ်လုိ့ သက်သေထူ ကြပါတယ်။

ကျောင်းသင် ဘာသာရပ် တွေကို အင်္ဂလိပ်စာနဲ့ သင်ကြားရာမှာ မိဘတွေဘက် မှာလဲ စိုးရိမ်မှုတွေ ရှိပါတယ်။ ကိုယ့်ကလေးက အင်္ဂလိပ် လိုလဲ ဟုတ်တိပတ်တိ မတတ်၊ မြန်မာလိုလဲ ဟုတ်တိပတ်တိ မတတ်မှာ စိုးရိမ်တာပါ။ အင်တာ နေရှင်နယ် ကျောင်းတွေ ကတော့ သင်ကြားရေး ကြားခံအဖြစ် အင်္ဂလိပ်စာ တစ်မျိုးပဲ သုံးတဲ့အတွက် ပြဿနာမရှိ ပေမယ့် ဒီလို ကျောင်းမျိုး တွေမှာလဲ မိခင် ဘာသာစကား အားနည်းမှာ တွေးပူကြပြန် ပါတယ်။ ဒီနေရာမှာ စဉ်းစားစရာ အချက်တစ်ချက်က ဘာသာရပ် တချို့ကိုသာ နိုင်ငံခြားဘာသာ စကားနဲ့ သင်ကြားတာနဲ့ Bilingual လို့ခေါ်တဲ့ ဘာသာစကား နှစ်မျိုးကို သင်ကြားရေး ကြားခံ ( Medium of Instruction ) အဖြစ်ထားတာ မတူဘူး ဆိုတဲ့ အချက်ပါပဲ။

ဘာသာစကားနှစ်မျိုးသုံးသင်ကြားခြင်း (Bilingual)

သင်ကြားရေးရဲ့ ၉ဝ ရာခိုင်နှုန်း လောက်ကို ဘာသာစကား တစ်မျိုးတည်းနဲ့ သင်ကြားပြီး တစ်ပတ်မှာ နာရီ နည်းနည်းလောက် တခြား ဘာသာစကား တစ်ခု သင်ကြားတာကို Bilingual လို့ မခေါ်ဆို ပါဘူး။ အလားတူပဲ ဘာသာရပ် တချို့ကိုသာ နိုင်ငံခြားဘာသာ တစ်ခုခုနဲ့ သင်ကြား တာကိုလဲ Bilingual လို့ မခေါ်ဆို နိုင်ပါဘူး။ ဘာသာစကား နှစ်ခုကို သင်ကြားရေး ကြားခံအဖြစ် ထားတယ်ဆိုတာ ဘာသာနှစ်မျိုးလုံး အသုံးချနိုင်တဲ့ သင်ယူမှု ဝန်းကျင် (Learning Enviroment) ဖန်တီးပေးဖို့ လိုအပ်ပါတယ်။ ဒီ ဘာသာစကားကို ကြားနာနိုင်မယ့်၊ ပြောဆိုနိုင်မယ့် အသုံးချနိုင်တဲ့ ပတ်ဝန်းကျင် ရှိရပါမယ်။ ဒီလိုဖန်တီး ပေးနိုင်ခဲ့ရင် ဘာသာစကား နှစ်မျိုးသုံး သင်ကြားတာက အများကြီး ကောင်းကျိုးတွေ ရှိတယ်လို့ ပညာရှင်တွေက တင်ပြကြပါတယ်။

သုတေသန တွေအရ ကလေးတွေကို ဘာသာစကား နှစ်မျိုးနဲ့ သင်ကြားပေး တာက လူမှုရေး၊ ဘာသာဗေဒနဲ့ သိမှုအပိုင်းမှာ သက်တူရွယ်တူ တွေထက် ပိုပြီးဖွံ့ဖြိုး တိုးတက်မှု ရှိစေတာ တွေ့ရတယ်လို့ ဆိုပါတယ်။ လူမှုရေးမှာ အထူးသဖြင့် ယဉ်ကျေးမှု၊ ပေါင်းသင်း ဆက်ဆံရေးနဲ့ တစ်ကိုယ်ရေ အရည်အချင်း တွေပိုပြီး ဖွံ့ဖြိုးပါသတဲ့။ ဘာသာဗေဒနဲ့ ပတ်သက်ရင်လဲ ရှုပ်ထွေး သိမ်မွေ့တဲ့ စကားလုံးတွေနဲ့ အကြောင်းအရာ တွေကို ရွယ်တူတွေထက် ပိုနားလည် ခံစားနိုင်တယ်။ အခြေအနေ အချိန်အခါအလိုက် ဝေါဟာရ ရွေးချယ် သုံးစွဲနိုင်မှု ပိုတယ် ။ ပိုပြီး စကားကြွယ်ဝ တယ်လို့ ဆိုပါတယ်။ ဒါ့ပြင် ရွယ်တူကလေး တွေထက် ဉာဏ်ရည် ပိုထက်မြက်လာ စေတဲ့အပြင် တီထွင်ဖန်တီး နိုင်စွမ်းအားလဲ ပိုလာတာ တွေ့ရှိရတယ်လို့ တင်ပြထားကြ ပါတယ်။ ဒီလို သိမှုကြွယ်ဝ လာတာ ဘာသာဗေဒ ဖွံ့ဖြိုးတာနဲ့ လူမှုရေး စွမ်းရည် ပိုကောင်းလာတဲ့ အကျိုးဆက်ကို အသက်အရွယ် ကြီးတဲ့အထိ ဆက်လက်ရရှိ စေတယ်လို့လဲ ဆိုကြပါတယ်။

ဘယ်အရွယ်စတင်သင်မလဲ ?

ကျွန်တော်တို့ ငယ်ငယ်ကတော့ ဒုတိယ ဘာသာစကား အဖြစ် အင်္ဂလိပ်စာကို ပဉ္စမတန်း ရောက်မှ စသင်ရ ပါတယ်။ နောက်ပိုင်းမှာ တော့ သူငယ်တန်းက စတင်သင်ကြား လာတာ တွေ့ရတယ်။ ဒုတိယ ဘာသာစကား တစ်ခုကို ဘယ်အရွယ်က စတင် သင်သင့်သလဲ ဆိုတာနဲ့ ပတ်သက်ပြီး ကမ္ဘာ့ သုတေသန ပညာရှင် အများစုကြားမှာ တူညီတဲ့ အမြင်ရှိကြ တယ်လို့ ဆိုချင်ပါတယ်။

ဒုတိယ ဘာသာစကား တစ်ခုသင်ဖို့ အကောင်းဆုံး အသက်အရွယ် က သုံးနှစ်နဲ့ ၁၃နှစ်ကြားလို့ သုတေသန ပညာရှင်တွေက ဆိုကြပါတယ်။ အသက် ကိုးနှစ်၊ ၁ဝ နှစ်မတိုင်ခင် ဘယ်အရွယ် မှာပဲ စသင်သင် ပြဿနာ မရှိပါဘူး။ ဒါပေမဲ့ အကျိုး အများဆုံးကတော့ အသက် သုံးနှစ်အရွယ် က စတင်တာလို့ ဆိုပါတယ်။ ဘာသာစကား တည်ဆောက်ယူမှု (Language Acquisition) မှာ ဆက်ကျော်သက် အရွယ်ထက် အသက်သုံး နှစ်နဲ့ ငါးနှစ်ကြား အရွယ်ကလေး တွေက အကောင်းဆုံးလို့ ဆိုပါတယ်။ အသက် နှစ်နှစ်ခွဲကနေ သုံးနှစ်ကြားမှာ ဘယ်ဘာသာနဲ့ ဘာပဲကြားကြား အလွန် လျင်မြန်စွာ မှတ်သားနိုင်တဲ့ အစွမ်းရှိပါ သတဲ့။ စကားလုံး အသစ်တွေကို ဘာသာစကား နှစ်မျိုးနဲ့ မှတ်ယူနိုင်စွမ်း ရှိပါသတဲ့။ ဒါကြောင့် ပညာရှင် အများစုက ဒုတိယ ဘာသာစကား စတင် သင်ယူသင့်တဲ့ အရွယ်ကို အသက်သုံးနှစ် လို့ အဆိုညီကြ ပါတယ်။

ဘာသာစကား တစ်ခုထက်မက တတ်ရင် ပိုကောင်းတယ် ဆိုတဲ့ အချက်ကိုတော့ ဘယ်သူမှ ငြင်းမယ် မထင်မိပါဘူး။ ဒါပေမဲ့ ဒုတိယ ဘာသာစကား ကြောင့် မိခင် ဘာသာစကား အတတ်နှေးသွားမှာ၊ အားနည်းမှာ စိုးရိမ်ကြ တာတွေကတော့ ရှိပါတယ်။ ဒါကလဲ ကလေးငယ် တွေကို ဘာသာစကား နှစ်ခု သင်ပေးတဲ့အခါ ကလေးတွေက နှစ်ခုလုံးကို ရောပစ်တတ် တာကြောင့်ပါ။ တကယ်တော့ ကလေးက သူ့အတွက် လွယ်ကူ အဆင်ပြေတဲ့ စကားကိုသုံးတာ ဖြစ်ပြီး ဘာသာစကား နှစ်ခုကို နားမလည်ပဲ ရောထွေး (Confused) သွားတာ မဟုတ်ပါဘူး။ ကျွန်တော်ရဲ့ အိမ်မှာ မူကြိုကလေးက စောင့်အုံးလုိ့ ပြောရမယ့် အစား ဝိတ် (Wait) ဆိုပြီး ပြောလေ့ရှိတာ သတိပြုမိ ပါတယ်။ လူကြီးက သူပြောတာ သဘောမပေါက်ဘူး ထင်တဲ့အခါမှာ စောင့်အုံးဆိုပြီး မြန်မာလို ပြောပါတယ်။ ဒါက ဘာသာစကား နှစ်ခု ရောနှော သုံးတာဖြစ်ပြီး ရောထွေး နေတာ မဟုတ်ဘူးလို့ ပြောချင်တာပါ။ 

မူရင်းဘာသာ အားနည်း လာတာလဲ မဟုတ်ပါဘူး။ အခြေအနေ အချိန်အခါအရ အကောင်းဆုံး ဖြစ်မယ်လို့ သူ့စိတ်ထဲမှာ ထင်တဲ့အတိုင်း လွယ်ကူတဲ့ စကားကို သုံးနှုန်းတာ ဖြစ်ပါတယ်။ လူကြီးတွေလဲ ဘာသာစကား ရောနှော သုံးတတ်တာ ရှိပါတယ်။

ဥပမာ အင်စတီကျူးရှင်း (Institution) လို့ အင်္ဂလိပ်လို တိုက်ရိုက် သုံးလိုက်ရတာက မြန်မာလို သုံးရတာထက် ပိုအဆင်ပြေ တဲ့အခါ အင်္ဂလိပ် စကားလုံးကို ကြားညှပ် သုံးလိုက်တာ မျိုးပါ။ အသက်သုံးနှစ် အရွယ်မှာ ဝေါဟာရ တွေကို သာမက (Speed Pattern) စကား တည်ဆောက်မှု ပုံစံတွေကိုပါ ကလေးတွေက မှတ်ယူ၊ သင်ယူနေပါပြီ။ သူတို့အတွက် ပုံမှန် စာသင်ခန်း (Formal Classroom) တွေမရှိလဲ ဒုတိယ ဘာသာကို အလွယ်တကူ သင်ပေးလို့ ရပါတယ်။ သူတို့ အရွယ်နဲ့ သင့်တော်တဲ့ TV Program တွေကြည့်စေတာ ၊ သီချင်းဖွင့်ပေးတာ၊ ဂိမ်းဆော့တာ တွေကနေ တစ်ဆင့် အလျင်အမြန် သင်ယူနိုင်စွမ်း ရှိကြပါတယ်။

ဘာသာစကား နှစ်မျိုးလုံး ကျွမ်းကျင်ဖို့ အတွက် အရေးကြီးဆုံး ကတော့ အထက်မှာ တင်ပြခဲ့သလို သင်ယူမှု ပတ်ဝန်းကျင် ဖန်တီးပေးဖို့ပါ။ ဥပမာ-အိမ်မှာ မိဘနှစ်ပါးဟာ တစ်ယောက်က မြန်မာလို ပြောပြီး တစ်ယောက်က အင်္ဂလိပ်လို ပြောရင် ကလေးကလဲ ဘာသာနှစ်မျိုးနဲ့ တုံ့ပြန်တာကို တွေ့ရ ပါလိမ့်မယ်။ ကစားစရာလို့ အမေ့ကို ပြောပြီး အဖေ နဲ့ ပြောတဲ့အခါ တွိုင်း (Toy) လို့ ပြောပါလိမ့်မယ်။ နိုင်ငံခြားသား ကလေးငယ် တစ်ယောက်က အိမ်မှာ မိဘတွေနဲ့ ပြောတဲ့အခါ မိခင် ဘာသာ စကားနဲ့ ပြောတယ် ၊ ကျောင်းမှာ အင်္ဂလိပ်လို ပြောတယ်။ ပတ်ဝန်းကျင် က ကလေးတွေနဲ့ တွေ့တဲ့အခါ မြန်မာလို ပြောတာကို တွေ့ဖူးပါတယ်။ အသုံးချစရာ ပတ်ဝန်းကျင် ရှိရင် ဘာသာစကား နှစ်မျိုးလုံး ကျွမ်းကျင် သွားပါလိမ့်မယ်။ ကလေးတွေကို လျှော့မတွက် ပါနဲ့လို့ ပညာရှင်တွေက ပြောကြပါတယ်။

ဒါပေမဲ့ ပုံမှန် စာသင်ခန်းမှာ ဒုတိယ ဘာသာစကား သင်ကြားမယ် ဆိုရင်တော့ အတန်း အရွယ်အစားက သိပ်မကြီးသင့် ပါဘူးတဲ့။ အကောင်းဆုံး အတန်းအရွယ် အစားကတော့ ၁၂ နှစ်ကနေ ၁၈ နှစ်ထိ လို့ဆိုတယ်။ ဆရာ၊ ဆရာမကလဲ ကိုယ်သင်ကြား ပေးရမယ့် ဘာသာစကား ကျွမ်းကျင်ဖို့ လိုအပ်ပါတယ်။ ဒါ့ပြင် ဂီတနဲ့ အားကစားကိုလဲ တွဲဖက်သင်ပေးဖို့ မမေ့အပ်ဘူးလို့ ပညာရှင်တွေ သုတေသန ပြုထားတာကို လေ့လာတင်ပြ လိုက်ရပါတယ်။

မြ၀တီနေ့စဉ် ၊ စာ(၁၃)

တိုတိုထွာထွာ ကျန်းမာရေး


ဒူးနာနေလား

အသက်ရလာသူ များတွင် ဒူးနာခြင်းမှာ တဖြည်းဖြည်းချင်း နာတာရှည် ဖြစ်တတ်သည်။ ဒူးနာရတဲ့ အကြောင်း ရင်းပေါ် မူတည်၍ ဒူးနာလျှင် အောက်ပါ တို့ကို လုပ်ဆောင် ပေးနိုင် ပါတယ်-
  • (၁) လူဝလို့ ဖြစ်လျှင် ကိုယ်အလေးချိန် လျှော့ချပါ။ ကိုယ်လက် လှုပ်ရှားခြင်းဖြင့် လည်းကောင်း ၊ အစားအသောက် လျော့ချခြင်းဖြင့် လည်းကောင်း ကိုယ် အလေးချိန် ကို ချနိုင်ပါတယ်။
  • (၂) နာနေသည့် ဒူးကို မကွေးပါနှင့် ၊ ဆောင့်ကြောင့် မထိုင်ရ ၊ ဒူးခေါက် မထိုင်ရ ၊ တင်ပျဉ်ခွေ မထိုင်ရ ၊ ဒူးမထောက်ရ ၊ ပဆစ်တုပ် မထိုင်ရပါ။ ခြေချထိုင် သို့မဟုတ် ခြေဆင်းထိုင်ပါ။ မကြာခဏ ပုံစံပြောင်း ထိုင်ပါ။ 
  • တစ်ပုံစံတည်း ကြာကြာ မထိုင်ပါနှင့်။
  • (၃) အိမ်သာတက်လျှင် ဘိုထိုင် သို့မဟုတ် ကုလားထိုင် ကို အပေါက်ဖောက်၍ သုံးပါ။
  • (၄) အချိန် အကြာကြီး လမ်းလျှောက်ခြင်း ၊ မတ်တပ်ရပ်ခြင်း ကိုရှောင်ပါ။
  • (၅) ဒူးနာနေချိန်မှာ လှေကား အတက်အဆင်း မလုပ်ပါနှင့်။
  • (၆) ပစ္စည်း အလေးအပင် မ, မပါနှင့်။
  • (၇) နာနေတဲ့ ဒူးပေါ်တွင် ဆားကြပ်ထပ် သို့မဟုတ် ရေနွေးအိတ်ကို အ၀တ်ပါးပါး နှင့်ထုတ်၍ ၁၅ မိနစ်ခန့် တင်ပါ။ တစ်နေ့ ၂ ကြိမ် တင်ပေးနိုင် ပါတယ်။
  • (၈) လက်ကိုင်တုတ် အကူကို ကောင်းတဲ့ဒူးဘက်မှ လက်ဖြင့်ကိုင်၍ လမ်းလျှောက် နိုင်ပါတယ်။
  • (၉) ဆရာဝန် သို့မဟုတ် ကိုယ်ကာယ ကုထုံးဆရာ ညွှန်းတဲ့ အတိုင်း လေ့ကျင့်ခန်း အတိအကျ လုပ်ပေးပါ။
စောစောထွက်တဲ့ နေရောင်ခြည်လေး ထိပေးပါ

ဗီတာမင် D ချို့တဲ့ပါက နှလုံးရောဂါ ဖြစ်နိုင်ခြေ မြင့်မား နိုင်တယ်လို့ ဆိုပါတယ်။ ပုံမှန်အားဖြင့် ဗီတာမင် D ကို နေရောင်နှင့် အရေပြား ထိတွေ့ လိုက်တဲ့အခါ ခန္ဓာကိုယ်ထဲမှာ ထုတ်လုပ် ပေးနိုင်ပါတယ်။ ဗီတာမင် D ၁၅ နာနိုဂရမ် အထက် ရှိပါက ကုသမှု ပေးရန် မလိုပါ။ အကယ်၍ ၃၀ နာနိုဂရမ် ရှိပါက ပုံမှန်လို့ ဆိုနိုင်ပါတယ်။ အကယ်၍ သင့်မှာ ဗီတာမင် D  ချို့တဲ့ပါက နှလုံး သွေးလွှတ်ကြော ကျဉ်းတဲ့ရောဂါ ၊ နှလုံး တိုက်ခိုက်ခံ ရခြင်းနှင့် လေဖြတ်ရောဂါ တွေ ဖြစ်လာနိုင်ခြေ ပိုမို မြင့်မားစေပါတယ်။ အကောင်းဆုံး အနေနှင့် ဗီတာမင် D ပမာဏကို စစ်ဆေး ထားခြင်းဖြင့် ရောဂါများ မဖြစ်ပွားအောင် ကြိုတင် ကာကွယ် ထားနိုင်မယ်လို့ ဆိုပါတယ်။ ဗီတာမင် D ကို ပင်လယ်ငါး ၊ အဆီထူငါး ၊ ကြက်ဥအနှစ် ၊ နို့ နှင့် နို့ထွက်ပစ္စည်း နှင့် အစေ့အဆန် များ စားခြင်းဖြင့် ရရှိနိုင်သည်။ ဗီတာမင် D ၁၅ နာနိုဂရမ် ထက် နည်းပါးနေလျှင် နှလုံးရောဂါ ဖြစ်နိုင်ခြေ များကြောင်း သုတေသီများက ဆိုထားသည်။

မူကြိုအရွယ် ကလေးငယ်များ အပြင်ထွက်ချိန် ပိုပေးရန်လိုအပ်

လေ့လာမှု အသစ်တစ်ခုအရ မူကြိုအရွယ် ကလေး ၁၀ ဦးလျှင် ၃ ဦးသာလျှင် အိမ်အပြင်သို့ ထွက်၍ လေ့လာ စူးစမ်းခွင့် အနည်းဆုံး တစ်နာရီ ရကြကြောင်း သိရသည်။ မူကြိုအရွယ် ကလေးများအား အိမ်ပြင်သို့ ထွက်၍ သွားလာ ဆော့ကစားခွင့် ပေးခြင်းဖြင့် ရုပ်ပိုင်းဆိုင်ရာ လှုပ်ရှားမှုများ ပိုမိုရရှိစေနိုင်မှာ ဖြစ်သည်။ အိမ်ခန်းထဲမှာ သာလျှင် နေစေခြင်းက ရုပ်ပိုင်းဆိုင်ရာ လှုပ်ရှားမှု လုပ်ရန် အခွင့်အလမ်း နည်းစေသည်။ အသက် ၃ နှစ်မှ ၆ နှစ်ကြား မူကြို ကလေး ၃၈၀ ကျော်ကို မူကြိုကျောင်း ၃၀ ကျော်၌ လေ့လာခဲ့ခြင်း ဖြစ်သည်။ ၉၀ ရာခိုင်နှုန်း သော မူကြို ကျောင်းများက တစ်နေ့လျှင် အပြင်ထွက်ခွင့် ပေးတဲ့ အချိန်သည် ၂ နာရီမျှသာ ရှိကြသည်။ ၄၀ ရာခိုင်နှုန်း သော မူကြို ကျောင်းသား များကသာ အပြင်ထွက်ကြပါသည်။ ၃၂ ရာခိုင်နှုန်း က အပြင်သို့ လုံးလုံး မထွက်ကြကြောင်း သိရသည်။ 

မူကြိုအရွယ် ကလေးများ၏ ခန္ဓာကိုယ် ဖွံ့ဖြိုး ကြီးထွားမှု အတွက် နေ့စဉ် ကာယလှုပ်ရှားမှုက အရေးကြီးကြောင်း ၊ နှလုံးသွေးကြော ကျန်းမာရေး နှင့် အရိုး ကျန်းမာရေး အပြင် စိတ်ခံစားမှုပိုင်း ဆိုင်ရာ ကောင်းမွန်ခြင်း ၊ အာရုံ စူးစိုက်မှု ကောင်းစေခြင်း ၊ သိမြင်နိုင်စွမ်း ရှိမှု ကောင်းစေခြင်း စသည့် အကျိုး ကျေးဇူးများ ရရှိမှာ ဖြစ်ကြောင်း ၊ တစ်နေ့လျှင် တစ်နာရီ နှင့်အထက် အခန်းအပြင် ထွက်ဆော့ ကစားခြင်းကို အားပေးရမှာ ဖြစ်ကြောင်း သိရသည်။

မေ၊ Health Digest

၂၀၄၀ ပြည့်နှစ်တွင် အရှေ့တောင်အာရှရှိ အကြီးဆုံးမြို့ကြီးများ ထဲတွင် ပါဝင်လာမည့် ရန်ကုန်မြို့တော်



ရန်ကုန် ၊ ၂၅-၁၁-၂၀၁၅

ရန်ကုန်မြို့၏ လူဦးရေသည် မကြာသေးမီက ထုတ်ပြန်ခဲ့သော သန်းခေါင်စာရင်း အရ ၇ ဒသမ ၉ သန်းရှိပြီး ၂ဝ၃ဝ ပြည့်နှစ်တွင် ၁ဝ သန်းဝန်းကျင် ရှိလာမည် ဖြစ်သဖြင့် လူဦးရေ တိုးပွားလာမှုနှင့် မြို့သစ် ချဲ့ထွင်မှု များကြောင့် လာမည့် ၂ဝ၄ဝ ပြည့်နှစ်တွင် အရှေ့တောင် အာရှရှိ အကြီးဆုံးမြို့ကြီး များထဲတွင် တစ်မြို့ ဖြစ်လာမည် ဖြစ်ကြောင်း မြို့ပြဆိုင်ရာ ကျွမ်းကျင်သူများက ခန့်မှန်း ကြသည်။

''လာမယ့်နှစ် တွေမှာ ရန်ကုန်မြို့ လူဦးရေတွေ များပြားလာပြီး နေရာ လိုအပ်ချက်တွေ များလာ ပါလိမ့်မယ်။ အဲဒါနဲ့အတူ လေထု ညစ်ညမ်းမှုတွေ၊ ယာဉ်ကြော ကျပ်တည်းမှုတွေ များလာပါလိမ့်မယ်။ လူဦးရေ သိပ်သည်းဆ များလာတာနဲ့ အတူ အိမ်ရာ လိုအပ်ချက်တွေ များလာ ပါလိမ့်မယ်။ ဒါကြောင့် ရန်ကုန်မြို့ကို ရေရှည် တည်တံ့ဖို့ အေးချမ်း သာယာလှပပြီး နေချင်စဖွယ် ဖြစ်တဲ့မြို့ ဖြစ်လာအောင် တက်ညီလက်ညီ ပူးပေါင်းကြဖို့ လိုအပ်ပါတယ်'' ဟု ရန်ကုန် မြို့တော်ဝန် ဦးလှမြင့် က ပြောသည်။

ယခုအခါ ရန်ကုန်မြို့၌ လူဦးရေ များပြား လာမှုကြောင့် မြို့သစ်ချဲ့ရန် ဒလ၊ သန်လျင်၊ လှည်းကူး၊ ထန်းတပင်၊ မှော်ဘီ၊ ရန်ကုန် အရှေ့မြောက်နှင့် ရန်ကုန် အနောက်တောင် ဘက် စုစုပေါင်း ခုနစ်နေရာ လျာထားပြီး တိုင်းဒေသကြီး လွှတ်တော်သို့ တင်ပြ ထားကြောင်း သိရသည်။

ထို့ပြင် Zoning Plan များရေးဆွဲပြီး ရှေးဟောင်း အဆောက်အအုံ ကာကွယ်ရေး၊ အထပ်မြင့် အဆောက်အအုံများ ထိန်းချုပ်ရေးနှင့် သဘာဝပတ် ဝန်းကျင် ထိခိုက်မှုမရှိစေရေး စီစဉ်လျက် ရှိကြောင်း သိရသည်။

လက်ရှိတွင် မြန်မာနိုင်ငံ လူဦးရေ၏ ၇ဝ ရာခိုင်နှုန်း သည် ကျေးလက်ဒေသ တွင်နေထိုင်လျက် ရှိပြီး ၃ဝ ရာခိုင်နှုန်းသာ မြို့ပြတွင် နေထိုင်ကြသည်။ ၂ဝ၅ဝ ပြည့်နှစ်၌ မြို့ပြ၌ နေထိုင်သည့် လူဦးရေသည် ၅၈ ရာခိုင်နှုန်း အထိ များပြားလာပြီး ကျေးလက် ဒေသ တွင် နေထိုင်သည့် လူဦးရေသည် ၄၂ ရာခိုင်နှုန်း ခန့်သာ ရှိမည်ဖြစ်ကြောင်း ကမ္ဘာ့မြို့ပြတွင် နေထိုင်မှု ခန့်မှန်းရေး အဖွဲ့မှ ခန့်မှန်းထားသည်။

ယမန်နှစ် ကလည်း ရန်ကုန်မြို့သည် အာဆီယံ ပတ်ဝန်းကျင် ထိန်းသိမ်းရေး ဆိုင်ရာ ရေရှည် ဖွံ့ဖြိုးသော မြို့ကြီးများ အဖွဲ့ (AWGESC) မှ ပေးအပ်သော The 3rd ASEAN ESC Award ဆုကို ရရှိခဲ့ကြောင်း သိရသည်။ (၄၄၇)

မြ၀တီနေ့စဉ် ၊ စာ(၃)

ရန်ကုန်မြို့အတွင်းရှိ ကားအရောင်းပြခန်းများ မြို့ပြင်ရှိ ရပ်ကွက်များသို့ ပြောင်းရွှေ့ဖွင့်လှစ်လာ



ရန်ကုန် ၊ ၂၅-၁၁-၂၀၁၅

ရန်ကုန်မြို့အတွင်းရှိ ကားအရောင်း ပြခန်းများတွင် ၂ဝ၁၅ ခုနှစ် နိုဝင်ဘာ လဆန်းပိုင်းမှ စတင်၍ ကားရောင်းချရမှု နည်းပါးလာပြီး မြို့တွင်း၌ ကားများထားရှိရန် ခြံငှားရမ်းခ ဈေးနှုန်းများ မြင့်မား လာခြင်းတို့ကြောင့် မြို့ပြင်ရပ်ကွက် များရှိ ခြံများသို့ ပြောင်းရွှေ့ ဖွင့်လှစ်မှု များပြား လာကြောင်း သိရသည်။

''ကားအရောင်းပြခန်း ဖွင့်လှစ်တယ် ဆိုတာက ခြံအကျယ်ကြီးတွေ ငှားရမ်းပြီးမှ ဖွင့်လို့ရတာပါ။ လက်ရှိမှာ ရန်ကုန်မြို့ အတွင်းမှာရှိတဲ့ ခြံတွေရဲ့ငှားရမ်းခ ဈေးနှုန်း တွေက သိသိသာသာ မြင့်တက် လာတာကြောင့် အခုမှ စဖွင့်လှစ်မယ့် ကားအရောင်း ပြခန်းတွေရော အရင်က ခြံတွေမှာ ငှားရမ်း ဖွင့်ထားတဲ့ ကားအရောင်း ပြခန်းတချို့ပါ မြို့ပြင်ထွက်ပြီး ခြံငှားကြတယ်။ လက်ရှိ ခြံတွေမှာ စာချုပ်သက်တမ်း တိုးပြီး မဖွင့်တော့ဘူး။ ကားအရောင်း ပြခန်းတွေက မရောင်းရတဲ့ ကားတွေရော အသစ်တွေပါ စုပေါင်းပြီး ကားအရေအတွက် များများ ထားလို့ရမယ့် မြို့ပြင် ရပ်ကွက်မှာ ရှိတဲ့ခြံတွေကို ပြောင်းရွှေ့ပြီး ကားအရောင်း ပြခန်းတွေ ဖွင့်လှစ်လာကြပါတယ်။ ဒီလို ပြောင်းရွှေ့ ဖွင့်လှစ်လိုက် တာကြောင့် မြို့တွင်းက ကားဝယ်သူတွေ အတွက် နည်းနည်း ဝေးသွားပေမယ့် ကျန်တာ အကုန်အဆင်ပြေ တယ်'' ဟု မင်္ဂလာဒုံ မြို့နယ်၌ ကားအရောင်း ပြခန်း ပြောင်းရွှေ့ ဖွင့်လှစ်ထားသည့် ကားအရောင်းပြခန်း တစ်ခုမှ တာဝန်ရှိသူ တစ်ဦးက ပြောသည်။

ရန်ကုန်မြို့တွင်းမှ မြို့ပြင်သို့ ပြောင်းရွှေ့ ဖွင့်လှစ်သည့် ကားအရောင်း ပြခန်းပေါင်း ၂ဝ ကျော်ရှိပြီး လှိုင်သာယာ၊ မှော်ဘီ၊ မင်္ဂလာဒုံ စသည့်နေရာ များသို့ ပြောင်းရွှေ့ ဖွင့်လှစ်ခြင်း ဖြစ်ကြောင်း သိရသည်။ ရန်ကုန်မြို့ အတွင်းရှိ ကားအရောင်းပြခန်း တချို့မှာ မြေနေရာ ငှားရမ်းမှု ဈေးနှုန်း မြင့်မား လာခြင်းကြောင့် ဆက်လက် ဖွင့်လှစ် နိုင်ခြင်းမရှိဘဲ လုပ်ငန်းရပ်ဆိုင်း လိုက်ရကြောင်း သိရသည်။

မင်းသော်တာလွင်

မြ၀တီနေ့စဉ် ၊ စာ(၄)

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် Washington Post သတင်းဌာန တွေ့ဆုံမေးမြန်းမှု မှတ်တမ်း အပိုင်း(၃)



Washington Post။ အဆွေတော်ရဲ့နိုင်ငံအကြောင်းကို အခြားနိုင်ငံတွေက အဆွေတော် လောက် မသိနိုင်ပါဘူး။ မြန်မာနိုင်ငံရဲ့ ခေါင်းဆောင်များအနေနဲ့ နိုင်ငံကို တည်ဆောက်ဖို့ ကြီးမားတဲ့စ်ိန်ခေါ်မှုတွေ ရှိလိမ့်မယ်ဆိုတာကို ကျွန်မ သိပါတယ်။ ဘာဖြစ်လို့လဲဆိုတော့ ပြည်သူလူထုရဲ့မျှော်မှန်းချက်က အတိုင်းအတာ မြင့်မားပါတယ်။

ဗိုလ်ချုပ်မှူးကြီး။ ဟုတ်ပါတယ်။ ပြည်သူလူထုကတော့ သူတို့မျှော်မှန်းမှာပေါ့။ ဒါပေမဲ့ ကျွန်တော် ဥပမာပြောပြမယ်။ ခြေလှမ်းသိပ်ကျယ်လွန်းအားကြီးရင် ကျွန်တော်တို့ ကြားမှာ လွတ်သွားတတ်တယ်လို့၊ နောက်တစ်ခုကလည်း အမြင့်ကို တအားမြင့်တဲ့ဟာကြီးကို လိုက်ပြီးတော့ လိုက်လုပ်လို့ ရှိရင်လည်း ခြေဖျားထောက်ပြီးတော့ လုပ်ရလိမ့်မယ်။ ခြေဖျားထောက်တဲ့အခါမှာ ချော်ကျတတ်တယ်။ ဒါကြောင့် သေသေချာချာ ဒီ Step တွေကို သေသေချာချာ ခိုင်ခိုင်လုပ်ပြီးတော့ တဖြည်းဖြည်းချင်းနဲ့ အပေါ်တက်တာ အကောင်းဆုံးပဲ။ ဒါကြောင့်ကျွန်တော်တို့အနေနဲ့ ဒီဟာလေးကို တစ်ခုပြီး တစ်ခု ခိုင်ခိုင်မာမာဖြစ်အောင် ကျွန်တော်တို့ လုပ်ပေးတာဖြစ်ပါတယ်။

Washington Post။ လက်ရှိပြည်သူလူထုကနေပြီးတော့ မဲပေးခဲ့တာရှိပါတယ်။ ဒီရလဒ်က ပြီးခဲ့တဲ့ တပ်မတော်အစိုးရအတွက်တော့ နှစ်ခြိုက်မယ့်ရလဒ်တော့ မဟုတ်ပါဘူး။ အဆွေတော်အနေနဲ့ရော ဒီရလဒ်အပေါ်မှာ အံ့သြတုန်လှုပ် တာမျိုးရှိပါသလား။

ဗိုလ်ချုပ်မှူးကြီး။ မရှိပါဘူး။ ဘာမှ မရှိပါဘူး။ သူတို့ပြည်သူက ရွေးတာပဲ။ ကျွန်တော်တို့ ပြည်သူက ရွေးချယ်တဲ့ လမ်းကြောင်းသွားရုံပဲ ရှိတာပေါ့။

Washington Post။ ပြည်သူတွေရဲ့ရွေးချယ်မှုက အရမ်းကိုကြီးမားလွန်းတော့ အဆွေတော်အနေနဲ့ အံ့သြမိပါသလား။

ဗိုလ်ချုပ်မှူးကြီး။ ကျွန်တော်ထင်တယ်။ သူတို့လည်း လက်ရှိအစိုးရပေါ့။ လက်ရှိ အစိုးရအပေါ်မှာ သူတို့အနေနဲ့ သူတို့လိုချင်တဲ့ ဆန္ဒကိုဖြည့်ဆည်း ပေးနိုင်တဲ့ ယုံကြည်မှု အားနည်းလို့သာ သူတို့အနေနဲ့ တခြားအဖွဲ့ကို သူတို့ မဲပေးတယ်လို့ ကျွန်တော်ယူဆ ပါတယ်။ အဲဒီတော့ ဒါကပြည်သူတွေ ရွေးချယ်လိုက်ပြီပေ့ါ။ ပြည်သူရွေးချယ်တဲ့ အတိုင်းပဲ ရွေးချယ်ခံရတဲ့ သူတွေလည်း ဒီပြည်သူရဲ့ ဆန္ဒနဲ့ ကိုက်ညီအောင် လုပ်ရလိမ့်မယ်။ လုပ်တဲ့အခါ ကျရင်လည်း ဥပဒေနဲ့ ညီညွတ်အောင် ကျွန်တော်တို့ လုပ်ရလိမ့်မယ်။ ဥပဒေနဲ့ညီညွတ် ဖို့လိုတာပေ့ါ။ တိုင်းပြည်တည်ငြိမ် အေးချမ်းမှု မထိခိုက်အောင် လုပ်ဖို့လိုတာပေ့ါ။ ဒါအများကြီး ကျယ်ပြန့်ပါတယ်။ နိုင်ငံရေးဆိုတာ အများကြီး ကျယ်ပြန့် ပါတယ်။ အကြောင်းအရာ တစ်ခုတည်းကို သွားပြီးတော့မှ ဒါပြည်သူရဲ့ဆန္ဒ ဒါပြည်သူရဲ့ဆန္ဒဆိုပြီးတော့ သွားလုပ်လို့တော့ မရဘူး။ ပြည်သူရဲ့ဆန္ဒ ဆိုပေမယ့်လည်း တိုင်းပြည်ရဲ့တည်ငြိမ် အေးချမ်းမှုနဲ့  ဖွံ့ဖြိုးတိုးတက်မှု အပေါ်မှာလည်း အများကြီး စကားပြောပါတယ်။

Washington Post။ အဆွေတော်နဲ့ ဒေါ်အောင်ဆန်းစုကြည် တွေ့တဲ့အချိန်မှာ ဆွေးနွေးမှုများ ဒီအကြောင်းအရာ တစ်ခုရှိပါလား။ အဲဒါကတော့ သူမနဲ့ကျွန်မ ဆွေးနွေးတဲ့ အချိန်မှာ သူမကတော့ ပြတ်ပြတ်သားသား ပြောခဲ့တာ ရှိပါတယ်။ ဒီပြီးခဲ့ တာတွေအတွက်ကို ပြန်လည်ပြီးတော့ ကလဲ့စားချေမယ်၊ ပြီးခဲ့တာတွေနဲ့ ပတ်သက်ပြီးတော့ ပြန်လုပ်မယ်ဆိုတဲ့ ဟာမျိုးကို လုံးဝမလုပ်ဘူးလို့ ပြောခဲ့တာ ရှိပါတယ်။ ဒါပေမဲ့အဆွေတော် အနေနဲ့ဒါကို သေချာအောင် သူ့ဆီကနေပြီးတော့ အာမခံချက်ယူဖို့ အစီအစဉ် ရှိပါသလား။

ဗိုလ်ချုပ်မှူးကြီး။ ကျွန်တော်တို့ ဘာမှစိတ်ပူတာမျိုး မရှိဘူး။ ကျွန်တော်ဘာမှ စိတ်ပူပင်မှု မရှိဘူး။

Washington Post။ ဆိုလိုတာက ဒီဟာနဲ့ပတ်သက်ပြီး ဆွေးနွေးဖို့ မရှိဘူးဆိုတဲ့ သဘောလား။

ဗိုလ်ချုပ်မှူးကြီး။ သူတို့ဘက်က ဘာမှမပြောရင် ကျွန်တော်တို့ဘက်က ဘာမှပြောစရာလည်း အကြောင်းမရှိဘူး။

Washington Post။ အဆွေတော် အရမ်းထက်မြက်တယ် ဆိုတာကို ကျွန်မ ဗမာလိုမပြောနိုင်တာကို ကျွန်မတောင်းပန် ပါတယ်။ အဆွေတော် ထက်မြက်တယ် ဆိုတာကို ကျွန်မ ခန့်မှန်းမိပါတယ်။ 

ဗိုလ်ချုပ်မှူးကြီး။ ကျွန်တော် မထက်မြက်ပါဘူး။ ကျွန်တော်တို့ တပ်မတော်မှာ သူ့စည်းမျဉ်း စည်းကမ်းနဲ့ လုပ်ရပါတယ်။ စည်းမျဉ်းစည်းကမ်းနဲ့ လုပ်တဲ့အခါကျတော့ ဒီစည်းမျဉ်း စည်းကမ်းကို ကျော်လွန်သွားလို့ သူတို့ဘက်က နစ်နာတယ်ယူဆ လို့ရှိရင်လည်း သူတို့ဥပဒေ ကြောင်းက သူတို့ပြောလို့ ရပါတယ်။ ကျွန်တော်တို့လည်း ပြန်ရှင်းပြလို့ ရပါတယ်။ မှန်ကန်တဲ့ ဒီမိုကရေစီမှာ ဒီလို Practice မရှိဘူး။ 

Washington Post။ ပြီးခဲ့တဲ့ကာလတုန်းက ဆောင်ရွက်ခဲ့တာနဲ့ ပတ်သက်ပြီးတော့ ဒေါ်အောင်ဆန်းစုကြည် နဲ့ ပြည်သူလူထုတွေ ထောင်သွင်းခဲ့တာနဲ့ ပတ်သက် ပြီးတော့၊ အကယ်၍ အဲလိုမျိုး လုပ်ခဲ့တဲ့ဟာကို သူ့ကို ၀မ်းနည်းကြောင်း ပြောဖို့ စိတ်မကောင်းကြောင်း ပြောဖို့ အစီအစဉ်များ ရှိပါသလား။ အဆွေတော် မလုပ်ဘူးဆိုတာ သိပါတယ်။ Personally မလုပ်ဘူးဆိုတာ သိပါတယ်။ ဒါပေမဲ့ တပ်မတော် အစိုးရအနေနဲ့ လုပ်ခဲ့တဲ့အပေါ်မှာ သူ့ကို ၀မ်းနည်းကြောင်း ပြောဖို့များ ရှိပါသလား။ ဒါမှမဟုတ်လို့ ရှိရင် အခြေအနေအရ အဲလိုမျိုး တစ်ကျော့ပြန်လာမယ့် အခြေအနေမျိုး၊ ဒေါ်အောင်ဆန်း စုကြည်နဲ့ NLD ခေါင်းဆောင်တွေကို ထောင်တွေမှာ ချခဲ့တာနဲ့  ပတ်သက်ပြီးတော့ ဗိုလ်ချုပ်မှူးကြီး တစ်ယောက် အနေနဲ့မဟုတ်ဘဲနဲ့ ၀မ်းနည်းစကား ပြောဖို့ ရှိပါသလား။

ဗိုလ်ချုပ်မှူးကြီး။ ဒီလိုတော့ ပြောစရာအကြောင်းတော့ မရှိဘူးထင်တယ်။ ဒါဟိုဘက်က နိုင်ငံရေး အခြေအနေနဲ့ လုပ်ခဲ့တဲ့ နိုင်ငံရေးစနစ်တုန်းက အခြေအနေအရ လုပ်ခဲ့တာပဲဖြစ်တယ်။ ဒါကတော့ တစ်ကဏ္ဍဖြစ်ပါတယ်။ ကျွန်တော်နဲ့တော့ ဘာမှမဆိုင်ဘူး။ 

Washington Post။ အဆွေတော်နဲ့ ဒေါ်အောင်ဆန်းစုကြည် နဲ့ တွေ့ဆုံတဲ့အခါမှာ Red Line အနေနဲ့ အဆွေတော်အနေနဲ့ မျဉ်းတစ်ခုအနေနဲ့ သတ်မှတ်ထားတာ ရှိပါလိမ့်မယ်။ အဲဒီဟာက ၅၉(စ) ဒါမှမဟုတ်ရင် ၄၃၆ ။ ဒါမျိုးနဲ့ ပတ်သက်ပြီး ဆွေးနွေးလာရင် ဒါနဲ့ပတ်သက်ပြီး ဆွေးနွေးဖို့မရှိဘူး ဆိုပြီးတော့ ဖြတ်ချမယ့် အနေအထားမျိုးရှိပါသလား။ 

ဗိုလ်ချုပ်မှူးကြီး။ ကျွန်တော်ကတော့ သူဘာဆွေးနွေး မလဲဆိုတာ မသိပါဘူး။ သူဆွေးနွေးတဲ့ အပေါ်မူတည်ပြီး ကျွန်တော့်ဘက်ကတော့ အကောင်းဆုံးဖြစ်အောင် ပြန်ပြီးတော့ ဆွေးနွေးဖို့ ကြံရွယ်ထားပါတယ်။

Washington Post။ ကျွန်မဆိုလိုတာက ခုနကတုန်းကရှင်းပြသလို Red Line အနေနဲ့ ဥပမာ ၅၉(စ)နဲ့ ပတ်သက်ပြီး သူမက ပြောခဲ့မယ်ဆိုလို့ရှိရင် မဆွေးနွေးဘူးဆိုတာ သတ်မှတ်ထားတာရှိပါသလား။ 

ဗိုလ်ချုပ်မှူးကြီး။ ဘာမှမရှိဘူး။ သူကြိုက်တာ ဆွေးနွေးလို့ရတယ်။ ကျွန်တော်လည်း ဆွေးနွေး နိုင်သမျှ ပြန်ဆွေးနွေးမှာပဲ။

Washington Post။ သူကြိုက်တဲ့ဟာပြော။ ဒါပေမဲ့ အဆွေတော်က ဆွေးနွေးနိုင်တာကိုပဲ ဆွေးနွေးမယ် ဆိုတဲ့အဓိပ္ပာယ်လား။ 

ဗိုလ်ချုပ်မှူးကြီး။ ကျွန်တော်ဆွေးနွေးနိုင်တဲ့ဟာကို ဆွေးနွေးမှာပေါ့။ ကျွန်တော်မဆွေးနွေးနိုင် တဲ့ဟာကို ကျွန်တော်ဘာလို့ သွားဆွေးနွေးမှာလဲ။ 

Washington Post။ ကျွန်မကသာ ဒေါ်အောင်ဆန်းစုကြည် ဖြစ်ပြီးတော့ အဆွေတော်ကို ပြောမယ်။ ကျေးဇူးပြုပြီး ၅၉(စ)ကို ပြင်ပေးပါဆိုရင် အဆွေတော်ဘယ်လိုများ ဖြေမလဲ။ 

ဗိုလ်ချုပ်မှူးကြီး။ ကျွန်တော်ရှင်းပြမှာပေါ့ဗျာ။ 

Washington Post။ အဆွေတော်အနေနဲ့ မပြောင်းဘူးလို့ ပြောမှာလား။

ဗိုလ်ချုပ်မှူးကြီး ။ သူပြောတဲ့အပေါ် မူတည်ပါလိမ့်မယ်။ ခင်ဗျားနဲ့ ကျွန်တော်ပြောရင် သိပ်တော့ အကျိုးရှိမှာ မဟုတ်ဘူး။ 

Washington Post။ အဆွေတော်ရဲ့ ခေါင်းထဲမှာတော့ ရှိပြီးသားဖြစ်မှာပေါ့။

ဗိုလ်ချုပ်မှူးကြီး။ ရှိပါတယ်။ ကျွန်တော့်မှာ ဖြေဖို့အတွက် အကုန်လုံး ရှင်းပြနိုင်ဖို့အတွက် ကျွန်တော်ရဲ့ အမြင်တွေပြောပြဖို့ အတွက် ကျွန်တော့်မှာ အဆင်သင့်ရှိတယ်။ ရှင်းပြဖို့ထက် ဆွေးနွေးဖို့ပေါ့။ 

Washington Post။ အဆွေတော်နဲ့ ဒေါ်အောင်ဆန်းစုကြည်နဲ့ နှစ်ယောက်တည်း တစ်ခါမှ မဆွေးနွေးဖူး ဘူးလား။

ဗိုလ်ချုပ်မှူးကြီး။ နှစ်ယောက်ချင်းတော့ မဆွေးနွေးဖူးဘူး။ ဒီမှာတော့ အများနဲ့တော့ တွေ့ဖူးပါတယ်။ အခုလာမယ့်ဟာက။ 

Washington Post။ အခုလာမယ့်ဟာက ပထမဦးဆုံး နှစ်ယောက်ချင်း တွေ့မှာပါလား။ 

ဗိုလ်ချုပ်မှူးကြီး။ ဖြစ်ပါလိမ့်မယ်။

Washington Post။ ဒါနဲ့ပတ်သက်ပြီး တော်တော်ဖတ်ရှု ဆောင်ရွက်ထား၊ ကြိုတင်ပြင်ဆင်ထားပါ သလား။

ဗိုလ်ချုပ်မှူးကြီး။ ကျွန်တော်ခေါင်းထဲမှာ ရှိပါတယ်။ ကျွန်တော်ဘာမှ သိပ်ပြီး ထွေထွေထူးထူး ကြည့်နေစရာလည်း မရှိပါဘူး။ ကျွန်တော်က ဒီဟာကြီး ဖြတ်သန်းလာရတဲ့ လူဖြစ်တဲ့ အတွက်ကြောင့် ကျွန်တော့်ခေါင်းထဲမှာ အကုန်ရှိပါတယ်။ 

Washington Post။ အမေရိကန်နိုင်ငံမှာရှိတဲ့ ပြည်သူတွေကို ဘာများ စကားလက်ဆောင် ပါးချင်ပါသလဲ။

ဗိုလ်ချုပ်မှူးကြီး။ ကျွန်တော်တို့မြန်မာနိုင်ငံအနေနဲ့ ပါတီစုံဒီမိုကရေစီလမ်းကို ကျွန်တော်တို့ သွားနေတာ။ ကျွန်တော်တို့ တကယ်ကို တည်တည်ငြိမ်ငြိမ်နဲ့ ခိုင်ခိုင်မာမာ ဖြစ်အောင် သွားနေတယ်။ ဒီအပေါ်မှာ ကျွန်တော်တို့ အပေါ်မှာ အပြု သဘောဆောင်တဲ့ ပူးပေါင်း ဆောင်ရွက်မှုတွေနဲ့ ပတ်သက်ပြီး ကျွန်တော်တို့ ကြိုဆိုတယ် ဆိုတာလေး ပြောချင်တယ်။ ဒါနံပါတ် တစ်အချက်ပေါ့။

Washington Post။ မြန်မာနဲ့ အမေရိကန် နှစ်နိုင်ငံကြားကို ပြောတာလား။

ဗိုလ်ချုပ်မှူးကြီး။ နှစ်နိုင်ငံပေါ့။ ဒါပေမဲ့ ကျွန်တော်တို့ကလည်း ကျွန်တော်တို့နိုင်ငံရဲ့ အခြေ အနေပေါ် မူတည်ပြီးတော့ပဲ ကျွန်တော်တို့နိုင်ငံနဲ့ လိုက်လျော ညီထွေဖြစ်တဲ့ နိုင်ငံရဲ့စနစ်ကိုပဲ သွားရမယ် ဆိုတာလည်း ခင်ဗျားတို့ အမေရိကန်ပြည်သူ လူထုကလည်း နားလည်ပေးဖို့ လိုပါတယ်။

Washington Post။ သူတို့နားလည်မယ်မထင်ဘူး။ သူတို့ဒီလိုပါလီမန်မှာရှိနေတာကို နားလည်မယ် မထင်ဘူး။

ဗိုလ်ချုပ်မှူးကြီး။ သူတို့တစ်ချိန်ကျရင် ကျွန်တော်တို့ရဲ့ ပြုပြင်ပြောင်းလဲမှုပေါ် မူတည်ပြီး သူတို့ နားလည်သွား ပါလိမ့်မယ်။ ချက်ချင်းကြီးတော့ သူတို့နားလည်မှာ မဟုတ်ဘူး။ ကျွန်တော်တို့ ပြုပြင်ပြောင်းလဲမှု ပေါ် မူတည်ပြီး သူတို့နားလည် ပါလိမ့်မယ်။

Washington Post။ အမေရိကန်နိုင်ငံမှာတော့ အမေရိကန်ရဲ့သမ္မတကို အမေရိကန်နိုင်ငံရဲ့ ဦးစီးချုပ်ကနေ သတင်းပို့ရတဲ့စနစ် ရှိပါတယ်။

ဗိုလ်ချုပ်မှူးကြီး ။ ဟုတ်ပြီ။ အဲဒီတော့။

Washington Post။ ကွာခြားနေပါတယ်။ နှစ်နိုင်ငံက ကွာခြားနေပါတယ်။

ဗိုလ်ချုပ်မှူးကြီး။ ဒီမှာလည်းသတင်းပို့ ရတာတွေရှိပါတယ်။ ကျွန်တော့် တပ်မတော်နဲ့ ပတ်သက်တဲ့ လုပ်ဆောင်ချက်နဲ့ ပတ်သက်ရင် တချို့ဟာတွေမှာတော့ တပ်မတော် ကာကွယ်ရေး ဦးစီးချုပ်ကို ပေးအပ်ထားတဲ့ လုပ်ပိုင်ခွင့်တွေ ရှိပါတယ်။ ဒါတချို့ ပါ။ ဒါပေမဲ့ သမ္မတကို ကျွန်တော်တင်ပြပြီး လုပ်ရတာတွေရှိပါတယ်။ ကျွန်တော်တို့က ဥပဒေလိုက်နာရတဲ့ လူတစ်ယောက် ဖြစ်ပါတယ်။ ဥပဒေ ကျော်လွန်ပြီး ဘာမှလုပ်လို့မရဘူး ဆိုတာတော့ ကျွန်တော်ပြောလိုတယ်။

Washington Post။ အဆွေတော်အနေနဲ့ ဘယ်သူပဲသမ္မတဖြစ်ဖြစ် လက်ခံမှာလား။ စစ်ရေး သို့မဟုတ် ကာကွယ်ရေးအမြင် မရှိတဲ့သူဆိုရင်ရော။ ဘယ်သူပဲ သမ္မတဖြစ်ဖြစ် အဆွေတော့်မှာ ပြဿနာမရှိဘူးလို့ ဆိုလိုချင် တာလား။

ဗိုလ်ချုပ်မှူးကြီး။ ကျွန်တော်ဥပဒေနဲ့ညီတဲ့ ကိစ္စမှန်သမျှ ကျွန်တော်လိုက်လုပ်ဖို့ အတွက် ကျွန်တော့်မှာ ဘာမှပြဿနာ မရှိပါဘူး။

Washington Post။ ဘယ်သူ့ကိုမဆိုပေါ့။

ဗိုလ်ချုပ်မှူးကြီး။ ဘာမှပြဿနာ မရှိဘူး။ သူ့စည်းကမ်းနဲ့ အညီဖြစ်ရင် ဘာမှပြဿနာ မရှိဘူး။

Washington Post။ တပ်မှာ ကိုယ်ပိုင်စီးပွားရေးတွေ လုပ်နေတာ၊ တပ်ပိုင် စီးပွားရေးတွေ လုပ်နေတာရှိပါတယ်။ အကယ်၍ ပိုပြီးတော့ ပွင့်လင်းမြင်သာတဲ့ အချိန်မှာ အပြည်ပြည်ဆိုင်ရာ ရင်းနှီးမြှုပ်နှံမှုတွေ ၀င်လာတဲ့အချိန်မှာ တပ်မတော် အနေနဲ့ ဒီလုပ်ငန်းကို ဆက်ပြီးတော့ ဆောင်ရွက်မလား။ ဒါမှမဟုတ် သီးသန့် စီးပွားရေးလုပ်ငန်းတွေ မလုပ်ဘဲနေမှာလား။ 

ဗိုလ်ချုပ်မှူးကြီး။ ကျွန်တော်တို့ လုပ်နေတဲ့ တပ်မတော်စီးပွားရေး လုပ်ငန်းက အစိုးရရဲ့ ဥပဒေနဲ့အညီ ဖွဲ့စည်း တည်ထောင်ထားတဲ့ စီးပွားရေးလုပ်ငန်းတွေ ဖြစ်ပါတယ်။ ကုန်ထုတ်လုပ်ငန်းတွေ ဖြစ်တယ်။ တိုင်းပြည်ရဲ့ အကျိုးစီးပွား အထောက်အကူ ရအောင် လုပ်ပေးတာတွေ ဖြစ်တယ်။ တချို့ဟာတွေလည်း တပ်က Share ပါတာလည်းရှိတယ်။ တချို့ စစ်မှုထမ်းဟောင်းတွေရဲ့ Share တွေပါတာလည်း ရှိပါတယ်။ ဒါတွေနဲ့ စုပြီးတော့မှ လုပ်တာ။  သို့သော်လည်းပဲ ကျွန်တော်တို့ တိုင်းပြည်အတွက် ပြည်သူလူထုရဲ့အကျိုးစီးပွားကို အထောက်အကူရတဲ့ စီးပွားရေးလုပ်ငန်းတွေ လုပ်နေတယ်ဆိုတာ ကျွန်တော် ပြောလိုတယ်။ နောင်ကျလို့ရှိရင်လည်း တဖြည်းဖြည်း တဖြည်းဖြည်းနဲ့ ကျွန်တော်တို့က အများပိုင်အနေနဲ့ သွားဖို့အတွက် ကျွန်တော်တို့လုပ်နေ တာတွေရှိပါတယ်။

Washington Post။ ပြည်သူလူထုက ဒီရှယ်ယာတွေပိုင်ဆိုင်တဲ့ပုံစံမျိုးပါလား။ 

ဗိုလ်ချုပ်မှူးကြီး။ သတ်မှတ်ထားတဲ့အချိုးကျပါလာပါလိမ့်မယ်။ 

Washington Post။ အဆွေတော်ကို နောက်ဆုံးမေးခွန်းတစ်ခု မေးချင်ပါတယ်။ အခုပြီးခဲ့တဲ့ ရွေးကောက်ပွဲ ရလဒ်နဲ့ ပတ်သက်ပြီးတော့ တပ်ကနေပြီးတော့ ၀င်ရောက်ပြီးတော့ လွှမ်းမိုးခြယ်လှယ်တဲ့ အနေအထားမျိုး မဖြစ်ဘူး။ အနာဂတ်မှာ အာဏာသိမ်းမှု မဆောင်ရွက်ဘူး။ Marshal Law မထုတ်ပြန်ဘူး။ NLD အနေနဲ့ ဒီအနိုင်ရတဲ့ ဒီ Power ကို လွှဲသွားတဲ့ အနေအထားဖြစ်မယ် ဆိုတာကို အဆွေတော်အနေနဲ့ အာမခံပေးနိုင် ပါသလား။

ဗိုလ်ချုပ်မှူးကြီး။ နံပါတ်တစ်အချက်ပေါ့။ ရွေးကောက်ပွဲနဲ့ ပတ်သက်တာ ကျွန်တော်တို့ အနေနဲ့ မှန်မှန်ကန်ကန် လုပ်ခဲ့တယ်ဆိုတာ Free and Fair Election ဖြစ်တယ်ဆိုတာ ကျွန်တော်ပြောနိုင်တယ်။ ကျွန်တော်တို့ တပ်မတော်နဲ့  ပတ်သက်ရင် ကျွန်တော်ပြောနိုင်တယ်။ တခြားနေရာတွေမှာ တခြား မြို့နယ်ရွေးကောက်ပွဲ တွေမှာတော့ တချို့ပြဿနာလေးတွေ ရှိတယ် ဆိုတာတော့ ကျွန်တော်တို့သိတယ်။ ဒါကြောင့်ဒီဟာနဲ့ ပတ်သက်ပြီး အပြည့်အ၀ ကျွန်တော်မပြောနိုင်ဘူး။ ဒါတော့ခင်ဗျား နိုင်ငံတကာမှာလည်း ရှိပါတယ်။ ဒါ ကျွန်တော်တို့နိုင်ငံ တစ်ခုတည်းမဟုတ်ပါဘူး။ Complain လုပ်တာပေါ့။ ဒါကတော့ ဟုတ်တယ်။ ဒါကတော့မ ဟုတ်ဘူး စသည်ဖြင့်ပေါ့ ရှိပါလိမ့်မယ်။ 

Washington Post။ မနေ့ကကျွန်မတစ်ခုကြားတာ ရှိပါတယ်။ Election Commission အနေနဲ့ ဒီ NLD က တချို့အရွေးခံထားရတဲ့ နေရာတွေကို ပယ်ဖျက်တဲ့ သတင်းကြားရပါတယ်။ 

ဗိုလ်ချုပ်မှူးကြီး။ အဲဒီလိုတော့မရှိဘူး။

Washington Post။ အဆွေတော် ဆိုလိုချင်တာက သူတို့နိုင်တယ်ဆိုတာ သေချာရင် တပ်က အာဏာသိမ်းတာ မပြုဘူး။ အာဏာလွှဲ ပေးမယ်ဆိုတာ အဆွေတော် ပြောနိုင်ပါသလား။

ဗိုလ်ချုပ်မှူးကြီး။ သမ္မတကြီးက စနစ်တကျ အာဏာလွှဲပေးမယ်လို့ ပြောပြီးသားပါ။ ကျွန်တော် တို့က ဒီလမ်းကြောင်းပေါ်မှာ မှန်မှန်ကန်ကန် သွားနေတဲ့ သွားဖို့အတွက် ကြိုးစားနေသူ ဖြစ်ပါတယ်။ ဒါကြောင့် ဥပဒေနဲ့ မညီညွတ်တဲ့  ကိစ္စမှန်သမျှ ကျွန်တော်ဘာမှ မလုပ်ပါဘူး။ 

Washington Post။ ကျွန်မကို သီးခြားဘာများ ပြောချင်တာရှိပါသလဲ။

ဗိုလ်ချုပ်မှူးကြီး။ ခင်ဗျားလည်း အတွေ့အကြုံအများကြီး ရှိတဲ့ လူတစ်ယောက်ပါ။ ကျွန်တော် ခင်ဗျားဆီက Data တွေ ဒီအချက်အလက်တွေ ပေးတဲ့အချိန်မှာ ခင်ဗျား ကမ္ဘာ့ခေါင်းဆောင်တွေ အများကြီးနဲ့  တွေ့ခဲ့တဲ့ လူတစ်ယောက် ဖြစ်တယ်။ အတွေ့အကြုံ အများကြီးရှိတဲ့လူ။ ကျွန်တော်လည်း ကျွန်တော့်စိတ်ထဲမှာ ကျွန်တော်ရှိတဲ့ အတိုင်းပဲ ပြောတယ်။ ကျွန်တော့်မှာ ဘာ Document မှ မပါပါဘူး။ ကျွန်တော့်  စိတ်ထဲမှာရှိတဲ့ အတိုင်း ပွင့်ပွင့်လင်းလင်း ကျွန်တော်ပြောတာပါ။ ဒီမှာ တချို့ဟာတွေမှာလည်း ခင်ဗျားတို့ရဲ့ အတွေ့အကြုံအရ ခင်ဗျားတို့ သဘောတူတာလည်း ရှိချင်ရှိမယ်။ တချို့ဟာလည်း သဘောမတူ တာလည်း ရှိကောင်းရှိနိုင် ပါလိမ့်မယ်။ သို့သော်လည်းပဲ ခင်ဗျားရဲ့ မေးခွန်းပေါ် မူတည်ပြီး ကျွန်တော့်ရဲ့ခေါင်းထဲမှာ ပေါ်သလောက် ပြောခြင်း ဖြစ်ပါတယ်။ ပွင့်ပွင့်လင်းလင်း ကျွန်တော်ပြောတာပါ။ ဒါကြောင့်ခင်ဗျား ကျွန်တော်နဲ့ တွေ့တာဟာ မေရိကန်နဲ့မြန်မာနိုင်ငံ နှစ်နိုင်ငံ ဆက်ဆံရေးနဲ့ သော်လည်းကောင်း၊ မြန်မာနိုင်ငံရဲ့ နိုင်ငံတကာ ဆက်ဆံရေးမှာ သော်လည်းကောင်း အထောက်အကူ ရလိမ့်မယ်လို့ ကျွန်တော်ယူဆ ပါတယ်။

မြ၀တီနေ့စဉ်
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page