နေပြည်တော် ၊ ၁၆-၆-၂၀၁၅
ရှမ်းပြည်နယ် (အရှေ့ပိုင်း) တာချီလိတ်မြို့၊ ဆန်ဆိုင်း (က)ရပ်ကွက်၊ ဗိုလ်ချုပ်လမ်း၊ အမှတ်(၁/ ၄၈) နေ စိုင်းလျန် ၏ နေအိမ်ကို ဇွန် ၁၃ ရက် နေ့လယ် ၁၁ နာရီခွဲခန့်တွင် တပ်မတော် စစ်ကြောင်းနှင့် မြို့နယ် ရဲတပ်ဖွဲ့ဝင်များ ပါဝင်သော ပူးပေါင်း အဖွဲ့သည် သတင်းအရ ဝင်ရောက်ရှာဖွေရာ စိုင်းလျန်၏ ဇနီးဖြစ်သူ နန်းကိန်မွန်း၊ တူဖြစ်သူ စိုင်းအန်ခမ်း တို့နှင့်အတူ WY စာတန်းပါ စိတ်ကြွ ရူးသွပ်ဆေးပြား ၂ဝ၇၆၄ ပြား (ဒေသတန်ဖိုး ကျပ် ၅၁၉ ဒသမ ၁သိန်းခန့် ) ၊ ဘိန်းဖြူ ၁၃ ဂရမ်ခန့် (ဒေသတန်ဖိုး ၂ ဒသမ ဝ၈ သိန်း)၊ စိတ်ကြွ ဆေးမှုန့် ၆၂ ဒသမ ၅ဝ၃ ကီလိုခန့် (ဒေသတန်ဖိုး ကျပ် ၁၅၆၂၅ ဒသမ ၇၅ သိန်း)၊ ကဖင်းဂရမ် ၂၅ဝ ခန့် (ဒေသတန်ဖိုး ကျပ် ၁၈၇၅ဝ) စုစုပေါင်း တန်ဖိုးကျပ် သိန်းပေါင်း ၁၆၁၄၇ ဒသမ ၁၂ သိန်းရှိ မူးယစ်ဆေးဝါး မျိုးစုံကို သိမ်းဆည်း ရမိခဲ့သည်။
ထို့အပြင် မူးယစ်ဆေးဝါး ပြုလုပ်ရာတွင် အသုံးပြုသော အလျား ၁၅ လက်မ၊ အနံ ၁၅ လက်မ ၊ အမြင့် ၂၈ လက်မရှိ မော်တာ တပ်ဆင်ထားသည့် ဆေးပြားရိုက်စက် တစ်လုံး၊ CHAMP တံဆိပ်ပါ အလျား ၁၄လက်မခွဲ၊ အနံ ၁၅ လက်မခွဲ၊ အမြင့် လက်မ ၃ဝ ရှိ ဇလားပါမွှေစက် တစ်လုံး ၊ ဆေးပြား ရိုက်နှိပ်ရာတွင် အသုံးပြုသည့် WY စာတန်းပါ သံမှို ၂၂ ချောင်း၊ တံဆိပ်မပါ ၄၅ ချောင်း၊ အောက်ခံတုံး ၁၈ တုံးနှင့် ဆက်စပ် ပစ္စည်းများ၊ ယာဉ် အမှတ် 2D 1313 မီးခိုးရောင် တိုယိုတာ လင်ခရူဇာ ပရာဒို ယာဉ်ငယ် တစ်စီး ၊ နယ်စပ် ဖြတ်သန်းခွင့် စာအုပ် နှစ်အုပ် တို့ကိုလည်း သိမ်းဆည်း ရမိခဲ့သည်။
ဖမ်းဆီးရမိ ပြစ်မှုကျူးလွန်သူ များကို ဥပဒေအရ အရေးယူ ဆောင်ရွက်လျက် ရှိကြောင်းနှင့် ကွင်းဆက်ပြစ်မှု ကျူးလွန်သူ များကို ဖမ်းဆီးရမိရေး ဆက်လက် ဆောင်ရွက်လျက် ရှိကြောင်း သိရှိရသည်။
#Themyawadydaily
.jpg)
No comments:
Post a Comment