www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, June 17, 2015

ပျူမြို့ဟောင်း နှင့် အလုပ်အကိုင် အခွင့်အရေး



ပျူမြို့ဟောင်း နှင့် အလုပ်အကိုင် အခွင့်အရေး

ဗိဿနိုးမြို့ဟောင်း သည် အရှေ့ လောင်ဂျီတွဒ် ၉၅ ဒီဂရီ ၂၂ မိနစ် ၄၆ စက္ကန့်နှင့် မြောက် လတ္တီတွဒ် ၂၉ ဒီဂရီ ၁ဝ မိနစ် ၁၄ စက္ကန့်အတွင်း တည်ရှိပြီး တောင်တွင်းကြီးမြို့ မှ အနောက် တောင်ဘက် ၁၈ ကီလိုမီတာ အကွာ ကုက္ကိုခွ ကျေးရွာ၏ မြောက်ဘက်တွင် တည်ရှိသည်။ အုတ်မြို့ရိုးနှင့် ရေကျုံးပတ်လည် ကာရံထားသော မြို့ဟောင်း၏ အကျယ်အဝန်းသည် ဧက ၂၄၂ဝ ရှိသည်။ မြို့ဟောင်း၏ အနောက် မြောက်ဘက်တွင် အင်းရွာကြီး ကျေးရွာ၊ အရှေ့မြောက်ဘက်မြို့ရိုး အပြင်ဘက်တွင် ရွှေရောင်တော် စေတီ တည်ရှိသည်။

ဗိဿနိုးမြို့ဟောင်း နှင့် ပတ်ဝန်းကျင် ရှိ ဧရိယာ ၂၂၉၄ စတုရန်း ကီလိုမီတာ ကျယ်ဝန်းသော လွင်ပြင်သည် မြောက်ဘက်တွင် ဆဒုံချောင်း၊ တောင်ဘက်တွင် ရန်ပယ်ချောင်း နှင့် အနောက်ဘက်တွင် ယင်းချောင်း နှစ်ခု ပေါင်းဆုံရာမှ ပေါ်ပေါက်လာသော လွင်ပြင်ရှိသည်။ မြို့တွင်း၊ မြို့ပြင် တွင် ရှေးဟောင်း အဆောက်အအုံများ ပျံ့နှံ့ တည်ရှိပြီး စတုရန်းပုံ အုတ်မြို့ရိုး ၏ အနား သုံးဖက်ကို မြောက်ဘက်၊ အရှေ့ဘက် နှင့် တောင်ဘက် တို့တွင် ထင်ရှားစွာ တွေ့ရသည်။ အနောက်ဘက်တွင် မူ မြို့ရိုး မတွေ့ရှိ ရတော့ဘဲ အင်းကြီးကန်ဖြင့် မြို့နယ် နယ်နိမိတ်ကို ပိုင်းခြားထားသည်။

ဗိဿနိုးမြို့ဟောင်း အပါအဝင် ဟန်လင်း၊ သရေခေတ္တရာ ပျူရှေးဟောင်းမြို့ တို့သည် ကမ္ဘာ့ အမွေအနှစ် အဖြစ် သတ်မှတ်နိုင်သည့် ကမ္ဘာလုံးဆိုင်ရာ စံတန်ဖိုး အမျိုးအစား(၂)၊ (၃)၊ (၄) တို့ဖြင့် ပြည့်စုံကြောင်း  အထောက်အထား တင်ပြနိုင်ခဲ့၍ ၂ဝ၁၄ ခုနှစ် ဇွန် ၂၂ ရက်က ပြုလုပ်ခဲ့သော (၃၈) ကြိမ်မြောက် ကမ္ဘာ့ အမွေအနှစ် ကော်မတီ ညီလာခံက ကမ္ဘာ့ အမွေအနှစ် စာရင်းဝင် ဒေသများ အဖြစ် သတ်မှတ်ခဲ့သည်။

ထိုသို့ ပျူမြို့ဟောင်း များကို ကမ္ဘာ့ အမွေအနှစ် စာရင်းဝင်အဖြစ် သတ်မှတ်ခံခဲ့ ရသည့်အတွက် ဒေသခံ ပြည်သူများ၏ စီးပွားရေး အခွင့်အလမ်းများ ဖွံ့ဖြိုး တိုးတက်မှုများ ရရှိလာခြင်း၊ အမွေအနှစ် ဒေသများ စနစ်တကျ ဘက်စုံဖွံ့ဖြိုး တိုးတက်လာခြင်း၊ ဘုရားဖူးနှင့် သုတေသနပြု လေ့လာလိုသူများ တိုးပွားလာခြင်း၊ နိုင်ငံတကာ၏ စိတ်ဝင်စားမှု ပိုမိုရရှိ လာပြီး ကမ္ဘာလှည့် ခရီးသည် ဝင်ရောက်မှု ပိုမိုများပြား လာခြင်း၊ ယဉ်ကျေးမှု အမွေအနှစ်များ အတွက် နိုင်ငံတကာမှ ပညာရှင်များ၏ ကူညီပံ့ပိုးမှုဖြင့် သုတေသန လုပ်ငန်းများ စနစ်တကျ ကာကွယ် ထိန်းသိမ်းမှု လုပ်ငန်းများ ဆောင်ရွက် လာနိုင်ခြင်း စသည့် အကျိုးကျေးဇူးများ ခံစားရမည် ဖြစ်သည်။

သို့ဖြစ်ရာ ဂုဏ်ယူ မြတ်နိုးဖွယ် ရှေးဟောင်း အမွေအနှစ်၊ ပျူမြို့ဟောင်း များ၏ ရှေးဟောင်း အမွေအနှစ်များ ပျက်စီးဆုံးရှုံးမှု မရှိစေရေး၊ ကမ္ဘာ့ အမွေအနှစ် အဖြစ် သတ်မှတ်ရာတွင် ထားရှိရမည့် စံနှုန်းများ အတိုင်း လိုက်နာ ဆောင်ရွက်ရေး နှင့် ဖြစ်ထွန်းလာမည့် ခရီးသွား လုပ်ငန်းနှင့် ဆက်စပ်သည့် အလုပ်အကိုင် အခွင့်အလမ်းများ ရယူနိုင်ရေးကို ပြည်သူများ အနေဖြင့် အချိန်နှင့် တစ်ပြေးညီ အကျိုးရှိစွာ ဆောင်ရွက် သွားကြရမည် ဖြစ်ပါကြောင်း အသိပေး ရေးသား လိုက်ရပေသည်။

( အယ်ဒီတာ့အာဘော် )

#Yadanarpondaily

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger