www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, December 31, 2014

အလှကိုယ်စီ နှင့် အောင်မြင်ရေးသို့


အလှကိုယ်စီ နှင့် အောင်မြင်ရေးသို့

ဆရာသစ္စာ

လူတိုင်းမှာ အလှကိုယ်စီ ရှိကြ၍ စွမ်းအား ကိုယ်စီလည်း ရှိကြ၏။ ရုပ်အလှကို မြင်သည်ထက် စိတ်အလှကို မြင်နိုင်ရန် အရေးကြီးသည်။ စိတ်အလှမှာ ကိုယ်ချင်းစာစိတ် ဖြင့် အကျင့်သီလ ကောင်းမှု၊ သူ့အကျိုးကို လိုလားသည့် မေတ္တာစိတ်၊ စွန့်လွှတ်မှု စေတနာတို့ ဖြင့် သည်းခံ၊ ခွင့်လွှတ်၊ အနစ်နာခံ ပေးရ၏။ ကိုယ့်အတွက် မဟုတ်ဘဲ အများအတွက် ဆိုလျှင် အလှဆုံး ဖြစ်သည်။

ထို့ပြင် လူတိုင်းမှာလည်း စွမ်းအား ရှိကြ၏။ အတိတ်ကံကြောင့် ယခုဘဝတွင် ချို့ယွင်းချက်များ ရှိနေတတ်၏။ တချို့ မျက်စိနှစ်ကွင်း အလင်းမရ သော်လည်း သာမန် လူများထက် စွမ်းဆောင် နေသည်ကို တွေ့ရသည်။ တချို့မှာကိုယ်လက် စွန့်လွှတ် ရသော်လည်း အံ့သြဖွယ် ကောင်းအောင် စွမ်းဆောင် နေကြ၏။

အတိတ်ကံက ပြီးခဲ့ပြီမို့ ပြင်၍ မရသော်လည်း ချို့ယွင်းလာသည့် အားနည်းချက်ကို အားသာချက် ဖြစ်အောင် သိပြီး ပြုကျင့်က စွမ်းအား တိုးတက်စေမည် ဖြစ်သည်။ ယခုဘဝတွင် ကံချင်း တူသော်လည်း ဉာဏ်မတူလျှင် ရှုံးနိမ့်မည် ဖြစ်၏။ ဉာဏ်ချင်းတူ သော်လည်း ကြိုးစား အားထုတ်မှု မရှိလျှင် ရှုံးနိမ့်မည် ဖြစ်၏။ ကြိုးစား အားထုတ်မှုချင်း တူသော်လည်း စည်းကမ်းမရှိလျှင် ရှုံးနိမ့်မည် ဖြစ်၏။ စနစ်တကျ စည်းကမ်းရှိ သော်လည်း စေတနာ မရှိလျှင် ရှုံးနိမ့်မည် ဖြစ်၏။ စေတနာ ထက်သန် သော်လည်း ရိုးသားဖြောင့်မှန်မှု မရှိလျှင် ရှုံးနိမ့်မည် ဖြစ်၏။ ရိုးသားဖြောင့်မှန် သော်လည်း အပြောကြမ်းပြီး စကားအပြော မကောင်းလျှင် ရှုံးနိမ့်မည် ဖြစ်၏။

ရရှိလာသည့် လူ့ဘဝကို အကောင်းဆုံး အသုံးချသွားရန် လိုအပ်ပါသည်။ ''မကောင်းမှုရှောင် ကောင်းမှုဆောင် ဖြူအောင် စိတ်ကိုထား၊ ပြောပြုတွေးလျှင် သတိယှဉ် ဆင်ခြင်ဉာဏ် ရှေ့သွား၊ ရိုးသားဖြောင့်မှန် ခွင့်လွှတ်ရန် သည်းခံ မေတ္တာထား၊ လုံ့လနှင့်ဇွဲ မလျှော့ဘဲ အမြဲ တင်းတင်းထား၊ အရာရာ တိုင်းတွင် အသုံးဝင် အောင်မြင်ကြောင်း တရား'' ဟု ဘုရားရှင်တိုင်း ဟောကြားခဲ့သည့် တရားတော်ကို တိပိဋက ယော ဆရာတော်က အများလိုက်နာ ကျင့်နိုင်ရန် ဟောကြား ထားသည်။

လူ့ဘဝတွင် ရုပ်ကိုပြင်ရ သလို စိတ်ကိုလည်း ပြင်နေရ၏။ အများက ရုပ်တိုးတက်ရေး နောက်ကိုလိုက်၍ မောပန်း နေကြ၏။ ရုပ်ကိုမျှတ စေ၍ စိတ်ကို စွမ်းအားမြှင့် ပေးရမည် ဟု နားလည် သဘောပေါက် ရ၏။ 

"'တန်းတူတွေ့လျှင် မေတ္တာဝင် မဝင်နိုင်က ပြိုင်တတ် တယ်။ ပြိုင်မယ့်အစား မေတ္တာပွား စိတ်ထားပြုပြင် ပြောင်းပါ့မယ်။ ကိုယ့်ထက်သာလျှင် မုဒိတာဝင် မဝင်ဣဿာ ယိုင်တတ်တယ်။ ယိုင်မယ့်အစား မုဒိတာပွား စိတ်ထားပြုပြင် ပြောင်းပါ့မယ်။ ကိုယ့်အောက် တွေ့လျှင် ကရုဏာဝင် မဝင်နိုင်က နိုင်တတ်တယ်။ နိုင်မယ့်အစား ကရုဏာပွား စိတ်ထားပြုပြင် ပြောင်းပါ့မယ် '' ဟု တွေ့ကြုံရမည့် အခြေအနေများ တွင် စိတ်ထား တတ်စေရန် ပညာရှင်များက လမ်းညွှန်ပြ ထားကြသည်။ 

အနိုင်ယူလို သည်မှာလည်း ကိုယ့်အတွက် ဆိုသော်လည်း အများအတွက် အကျိုးပြု ရ၏။ ပထမ မိမိချမ်းသာရေးမှ အများ ချမ်းသာရေး အထိ မျှဝေခံစား နိုင်သည်အထိ ကြိုးစားရမည်။ မိမိ ချမ်းသာစွာ နေနိုင်ရေးအတွက် ''စိတ်ဆိုးသူကို မေတ္တာပို ကိုယ်ကအောင် နိုင်သည်။ မကောင်းသူကို ကောင်းမှုပို ကိုယ်က အောင်နိုင်သည်။ နှမြောသူကို ပေးကမ်းပို ကိုယ်က အောင်နိုင်သည်။ မမှန်သူကို အမှန်ပြောဆို ကိုယ်က အောင်နိုင်သည် '' ဟု တစ်ဆင့်ထက် တစ်ဆင့် မြင့်တက် ကြိုးစားရင်း အလှကိုယ်စီ နှင့် အောင်မြင်ရေးသို့ တက်လှမ်း နိုင်ကြ ပါစေသတည်း။ ။

#Themyawadydaily
#မြ၀တီနေ့စဉ်

စိတ်ကျရောဂါ ခံစားနေရသူများ အတွက် Hot Line ဝန်ဆောင်မှု စတင် ဆောင်ရွက်



ရန်ကုန် ၊ ၃၁-၁၂-၂ဝ၁၄

မြန်မာနိုင်ငံ၌ စိတ်ကျရောဂါ ခံစားနေရ သူများအား ဖုန်းမှတစ်ဆင့် ဆက်သွယ် ဆွေးနွေးကာ နှစ်သိမ့်ကုသ ပေးနိုင်ရန် Hot Line ဖြင့် ဝန်ဆောင်မှု ပေးခြင်း လုပ်ငန်း စတင်ဆောင်ရွက် နေပြီ ဖြစ်ကြောင်း သိရသည်။

အဆိုပါ ဝန်ဆောင်မှု လုပ်ငန်းကို မြန်မာနိုင်ငံ ဆရာဝန်အသင်း လူငယ်ဖွံ့ဖြိုးမှု အစီအစဉ် က စီစဉ် ဆောင်ရွက်ခြင်း ဖြစ်ပြီး မြန်မာနိုင်ငံ၌ HIV/ AIDS နှင့် သားဆက်ခြားခြင်း ဆိုင်ရာ ကျန်းမာရေး ပညာပေးမှု များအတွက် ဆက်သွယ် မေးမြန်းလို ပါက Hot Line များ ရှိပြီး ဖြစ်သော်လည်း စိတ်ကျ ဝေဒနာရှင်များ အတွက် Hot Line ဝန်ဆောင်မှု လုပ်ငန်းကို ယခုမှစတင် ဆောင်ရွက်ခြင်း ဖြစ်သည်။

စိတ်ကျရောဂါ ခံစားနေရသော အမျိုးသားများ အနေဖြင့် ဖုန်း ဝ၉- ၇၃၂၁ ၂၂၂၆ သို့ လည်းကောင်း၊ အမျိုးသမီးများ အနေဖြင့် ဖုန်း ဝ၉- ၇၃၂၁ ၂၂၂၇ သို့ လည်းကောင်း ရုံးချိန်အတွင်း ဆက်သွယ် အကူအညီ တောင်းနိုင် သကဲ့သို့ ကာယကံရှင် ကိုယ်တိုင် မဟုတ်ဘဲ အခြားသူများ၏ စိတ်ကျရောဂါ များနှင့် ပတ်သက်၍ ဆက်သွယ် မေးမြန်းဆွေးနွေး နိုင်ကြောင်း သိရသည်။

ကမ္ဘာပေါ်ရှိ စုစုပေါင်း လူဦးရေ၏ ငါးပုံတစ်ပုံ ခန့်သည် အသက် ၁၅ နှစ်မှ ၂၄ နှစ် အတွင်းရှိ လူငယ်များ ဖြစ်ကြပြီး အဆိုပါ လူငယ်များအနက် ၂ဝ ရာခိုင်နှုန်း ကျော်သည် စိတ်ကျရောဂါ ကို ခံစားနေကြ ရကြောင်း သိရသည်။

ထို့အပြင် စိတ်ကျရောဂါ ခံစားနေရပြီး နောက် မိမိကိုယ်ကိုယ် သေကြောင်း ကြံစည်ခဲ့သူ အရေအတွက်သည် တစ်ကမ္ဘာလုံး အတိုင်းအတာ အရ လူဦးရေ ခုနစ်သောင်းကျော် ရှိသွားပြီ ဖြစ်ကြောင်း မြန်မာနိုင်ငံ UNICEF မှ တာဝန်ရှိသူ တစ်ဦး၏ ပြောပြချက် အရ သိရသည်။

ဆောင်းဦး

#Themyawadydaily
#မြ၀တီနေ့စဉ်

ဂျပန်နှင့် တောင်ကိုရီးယား အထည်ချုပ်လုပ်ငန်း များသို့ မြန်မာအထည်ချုပ် ဝန်ထမ်းများ အလုပ်အကိုင် ရရှိစေရေး နားလည်မှုစာချွန်လွှာ ရေးထိုးရန်စီစဉ်


ပြည်တွင်းရှိ အထည်ချုပ်စက်ရုံ လုပ်ငန်းခွင်တစ်ခုကို တွေ့ရစဉ်

ရန်ကုန် ၊ ၃၁-၁၂-၂ဝ၁၄

အာရှ အင်အားကြီး နိုင်ငံများ ဖြစ်သည့် ဂျပန်နှင့် တောင်ကိုရီးယား အထည်ချုပ် လုပ်ငန်းများ၌ မြန်မာ အထည်ချုပ် ဝန်ထမ်းများ အလုပ်အကိုင် ရရှိစေရေး အဆိုပါ နိုင်ငံများရှိ အထည်ချုပ် လုပ်ငန်းများနှင့် နားလည်မှု စာချွန်လွှာ ရေးထိုးရန် စီစဉ် နေကြောင်း သိရသည်။

ဂျပန်နိုင်ငံမှ အထည်ချုပ် လုပ်ငန်းရှင်များ၊ အထည်ချုပ် သင်တန်းဆရာ များသည် ပြည်တွင်းရှိ ဗဟို လေ့ကျင့်ရေး ကျောင်းနှင့် အထည်ချုပ် စက်ရုံများကို လာရောက် လေ့လာ၍ ပြည်တွင်းရှိ Cherry Garment ကုမ္ပဏီ အထည်ချုပ် စက်ရုံ၌ အလုပ်လုပ်ကိုင် နေသည့် မြန်မာ အမျိုးသမီး ဝန်ထမ်းနှစ်ဦးကို ဂျပန်နိုင်ငံ အထည်ချုပ် လုပ်ငန်းတွင် အလုပ်ခန့် လိုက်ကြောင်း နယ်စပ်ရေးရာ ဝန်ကြီးဌာန ပညာရေးနှင့် လေ့ကျင့်ရေး ဦးစီးဌာန ဗဟို လေ့ကျင့်ရေး သင်တန်းကျောင်း ကျောင်းအုပ် ဦးမင်းသန့် က ပြောသည်။

လတ်တလောတွင် ရန်ကုန်မြို့ရှိ နယ်စပ်ရေးရာ ဝန်ကြီးဌာန၏ ဗဟို လေ့ကျင့်ရေး သင်တန်းကျောင်း ၌ နယ်စပ်ဒေသမှ အမျိုးသမီး များကို ခေတ်မီ အထည်ချုပ် သင်တန်းများ သင်ကြားပေးပြီး မြန်မာနိုင်ငံ အထည်ချုပ် လုပ်ငန်းရှင်များ အသင်းနှင့် ပူးပေါင်း၍ ပြည်တွင်း အထည်ချုပ် စက်ရုံများ၌ အလုပ်အကိုင်များ ရှာဖွေပေးလျက် ရှိကြောင်း သိရသည်။

ဗဟို လေ့ကျင့်ရေးကျောင်း အနေဖြင့် ခေတ်မီ မော်တာစက်ချုပ် သင်တန်းများကို အမှတ်စဉ် (၅)အထိ သင်ကြား ပေးထားပြီး ပြည်တွင်းရှိ အထည်ချုပ် လုပ်ငန်းများတွင် အထည်ချုပ် ဝန်ထမ်း လုပ်သားပေါင်း ၆ဝ၂ ဦးကို အလုပ်အကိုင် ရှာဖွေ ပေးထားပြီး ဖြစ်ကြောင်း အဆိုပါကျောင်းမှ သိရသည်။(၄၄၈)

#Themyawadydaily
#မြ၀တီနေ့စဉ်

ဥရောပဈေးကွက်သို့ ပဲများတင်ပို့ရာတွင် အရည်အသွေး သတ်မှတ်ချက် များပြားသည့်အတွက် ပြည်တွင်းမှ ကုန်သည်များ အခက်တွေ့



ရန်ကုန် ၊ ၃၁-၁၂-၂၀၁၄

ပြည်တွင်းမှ ထွက်ရှိသော ပဲမျိုးစုံကို ဥရောပနိုင်ငံ များသို့ တင်ပို့နိုင် စေရေး မြန်မာနိုင်ငံမှ ပဲနှမ်း ကုန်သည်များ အသင်း၊ လယ်ယာ စိုက်ပျိုးရေးနှင့် ဆည်မြောင်း ဝန်ကြီးဌာန နှင့် ဥရောပသမဂ္ဂ (EU) မှ သက်ဆိုင်ရာ အဖွဲ့အစည်းများ ပူးပေါင်း၍ ဆွေးနွေး ညှိနှိုင်းမှုများ ပြုလုပ်ခဲ့ရာ သဘော တူညီမှုများ ရရှိခဲ့သည့် အတွက် ယခုအခါ ဥရောပ နိုင်ငံများသို့ ပဲများ စတင် တင်ပို့နိုင်ပြီ ဖြစ်သော်လည်း အရည်အသွေးပိုင်း ဆိုင်ရာ သတ်မှတ်ချက် များပြား သောကြောင့် ပဲပို့ကုန် လုပ်ငန်းရှင်များ အနေဖြင့် တင်ပို့ရန် အခက်အခဲများ ရှိနေဆဲ ဖြစ်ကြောင်း သိရသည်။

ဥရောပသမဂ္ဂ မှ သတ်မှတ်ထားသော အရည်အသွေး ပိုင်းဆိုင်ရာ သတ်မှတ်ချက် များထဲတွင် ပဲအမျိုးအစား ကောင်းမွန်ခြင်း၊ စိုက်ပျိုးရေး နည်းစနစ် မှန်ကန်ခြင်း၊ စိုက်ပျိုးရေ သန့်စင်မှု ရှိခြင်း၊ ထုပ်ပိုးမှု စည်းစနစ် ကျခြင်းနှင့် သိုလှောင်ရုံများ သန့်ရှင်းခြင်း စသည့် အချက်များကို စံနှုန်းများ သတ်မှတ် ထားခြင်းနှင့် အခြားသော စည်းကမ်းချက်များ သတ်မှတ် ထားခြင်းတို့ကြောင့် မြန်မာကုန်သည် များနှင့် ပို့ကုန် လုပ်ငန်းရှင်များ စံချိန်မီ အရည်အသွေးမြင့် ပဲများ ရှာဖွေဝယ်ယူ ရာတွင် အခက်အခဲများ ကြုံတွေ့ နေရခြင်း ဖြစ်ကြောင်း ပဲပို့ကုန် လုပ်ငန်းရှင် တစ်ဦး က ပြောသည်။

ဥရောပ ပဲဈေးကွက်သည် ကြီးမား ကျယ်ပြန့်သော ဈေးကွက်တစ်ခု ဖြစ်ပြီး လုပ်ငန်းရှင်များ အနေဖြင့် အကျိုး အမြတ်များစွာ ရရှိနိုင် သော်လည်း ယင်းကဲ့သို့ နိုင်ငံတကာ ဈေးကွက်များသို့ တိုးဝင်နိုင် စေရန်နှင့် ရေရှည် တင်ပို့ နိုင်စေရန် အရည်အသွေး ထိန်းချုပ်မှုသည် အလွန် အရေးကြီး ကြောင်း ၄င်းက ဆက်လက် ပြောသည်။

ယခု လက်ရှိတွင် မြန်မာနိုင်ငံမှ ဥရောပသို့ ပဲများ တင်ပို့ရာတွင် တန်ဖိုးမြင့် ပဲထွက်ကုန်များ ဖြစ်သည့် အခွံချွတ် သန့်စင်ပြီး ပဲခြမ်းများကိုသာ ဦးစားပေး တင်ပို့ရန် စီစဉ်ထားကြောင်း သိရှိရသည်။

ဆောင်းဦး

#Themyawadydaily
#မြ၀တီနေ့စဉ်

မြန်မာနိုင်ငံ လူကုန်ကူးမှု တားဆီးနှိမ်နင်းရေး တပ်ဖွဲ့အား အမေရိကန်နိုင်ငံ မှ ကူညီပေးရန် ကမ်းလှမ်း



ရန်ကုန် ၊ ၃၁-၁၂-၂၀၁၄

မြန်မာနိုင်ငံ လူကုန်ကူးမှု တားဆီး နှိမ်နင်းရေး တပ်ဖွဲ့အား အမေရိကန်နိုင်ငံမှ ကူညီ ဆောင်ရွက်ပေးရန် ကမ်းလှမ်းထားကြောင်း လူကုန်ကူးမှု တားဆီး နှိမ်နင်းရေး တပ်ဖွဲ့မှ တာဝန်ရှိ သူတစ်ဦး က ပြောသည်။

''လူကုန်ကူးမှု တိုက်ဖျက်ရေး အတွက် အမေရိကန်နိုင်ငံ က ကမ်းလှမ်းတာတွေ ရှိတယ်။ ဘာလိုအပ်လဲ၊ ဘယ်လို သင်တန်းမျိုး လိုချင်လဲဆိုပြီး ကမ်းလှမ်း တာပေါ့။ သင်တန်းသား တွေကို ဟိုကို ခေါ်ပြီး သင်တန်းပေးရင် အကျိုးရှိ သလား။ ဒါမှမဟုတ် သင်တန်းနည်းပြ လွှတ်ရမလား ဆိုပြီး အကူအညီ ပေးဖို့ ကမ်းလှမ်းလာ ပါတယ် ... '' ဟု လူကုန်ကူးမှု တားဆီး နှိမ်နင်းရေး တပ်ဖွဲ့မှ တာဝန်ရှိသူ တစ်ဦး က ပြောသည်။

အမေရိကန်နိုင်ငံ၏ ကမ်းလှမ်းချက်ကို ၂ဝ၁၅ ခုနှစ်အတွင်း ဆောင်ရွက်မည့် စီမံကိန်းတွင် ထည့်သွင်းထားပြီး လတ်တလော မြန်မာနိုင်ငံ ရဲတပ်ဖွဲ့ အနေဖြင့် မည်သို့ ပူးပေါင်း ဆောင်ရွက် မည်ကို အကြောင်းပြန် ထားခြင်း မရှိသေးကြောင်း သိရသည်။  လူကုန်ကူးမှု တားဆီး နှိမ်နင်းရေး တပ်ဖွဲ့ တစ်ခုတည်း မဟုက်ဘဲ အခြားတပ်ဖွဲ့ များ၏ ကိစ္စများကိုလည်း ညှိနှိုင်း ဆောင်ရွက်ရန် ကမ်းလှမ်းခြင်း ဖြစ်ကြောင်း သိရသည်။

မြန်မာနိုင်ငံ လူကုန်ကူးမှု တားဆီး နှိမ်နင်းရေးတပ်ဖွဲ့ ငါးနှစ်စီမံကိန်း တွင် ဆောင်ရွက်မည့် လုပ်ငန်းစဉ်များ နှင့် ပတ်သက်၍ ပူးပေါင်း ဆောင်ရွက်ရန် ရည်ရွယ်ထားကြောင်း၊ ၂ဝ၁၄ ခုနှစ် ဇန်နဝါရီလမှ အောက်တိုဘာလ အထိပြည်တွင်း၌ လူကုန်ကူးမှု ၁ဝ၈ မှု အထိ ရှိခဲ့ကြောင်း သိရသည်။ (၄၄၇)

#Themyawadydaily
#မြ၀တီနေ့စဉ်

ပြည်နယ်နှင့် တိုင်းဒေသကြီး အသီးသီးနှင့် သက်ဆိုင်သော Web Portal များ လွှင့်တင်ရန်စီစဉ်



ရန်ကုန် ၊ ၃၁-၁၂-၂၀၁၄

မြန်မာနိုင်ငံ၌ e-Government စနစ် အကောင် အထည်ဖော် ဆောင်ရွက်ရာတွင် တစ်ဖက် တစ်လမ်းမှ ပါဝင်သည့် အနေဖြင့် ပြည်နယ်နှင့် တိုင်းဒေသကြီး အသီးသီးနှင့် သက်ဆိုင်သော Web Portal များကို ပုံစံ တစ်ပြေးညီဖြင့် လွှင့်တင်နိုင်ရန် စီစဉ် ဆောင်ရွက်လျက် ရှိကြောင်း သိရသည်။

ထိုသို့ Web Portal များ လွှင့်တင်ခြင်းကို အကောင် အထည်ဖော်နိုင် ရန် သက်ဆိုင်ရာ ပြည်နယ်နှင့် တိုင်းဒေသကြီး များရှိ ကွန်ပျူတာ လုပ်ငန်းရှင် အသင်းများ နှင့် မြန်မာနိုင်ငံ ကွန်ပျူတာ အသင်းချုပ်တို့ ပူးပေါင်း ဆောင်ရွက်ကြမည် ဖြစ်သည်။ လက်ရှိတွင် ရန်ကုန်တိုင်း ဒေသကြီးနှင့် သက်ဆိုင်သော e-Yangon Web Portal ( www.http://eyangon.gov.mm/ )ကို လွှင့်တင်ထားပြီး ဧရာဝတီတိုင်း ဒေသကြီးနှင့် စစ်ကိုင်းတိုင်း ဒေသကြီး တို့တွင်လည်း ကိုယ်စားပြု Web Portal များ အကောင် အထည်ဖော် နိုင်ရန် စီစဉ်ဆောင်ရွက် နေပြီ ဖြစ်ကြောင်း သိရသည်။ 

အဆိုပါ တိုင်းဒေသကြီး များအပြင် ကျန် ပြည်နယ်နှင့် တိုင်းဒေသကြီး များတွင်လည်း ဆက်လက် အကောင် အထည်ဖော် သွားမည် ဖြစ်ပြီး Web Portal များအချင်းချင်း အလွယ်တကူ ချိတ်ဆက် ဆောင်ရွက်နိုင်ရန် တစ်ပြေးညီ ပုံစံဖြင့် လွှင့်တင်ရန် စီစဉ်ထားကြောင်း မြန်မာနိုင်ငံ ကွန်ပျူတာ အသင်းချုပ် မှ သိရသည်။

ဆောင်းဦး

#Themyawadydaily
#မြ၀တီနေ့စဉ်

အိပ်ရေးပျက်ခြင်း နှင့် သင့်ကျန်းမာရေး


အိပ်ရေးပျက်ခြင်း နှင့် သင့်ကျန်းမာရေး

ဒေါက်တာလွင်သန့် (ဆေး-၂)

နှစ်နှစ်ခြိုက်ခြိုက် အိပ်ပျော်ခြင်းသည် အာရုံကြောများ၊ ခန္ဓာကိုယ် နှင့် စိတ်တို့ကို အားအင်ပြည့်ဖြိုး စေပြီး နုပျိုလန်းဆန်း စေသည်။ အိပ်စက် နားနေသည့် အချိန် အနည်းအများ ထက် နှစ်နှစ်ခြိုက်ခြိုက် အိပ်ပျော်သွားရန် အရေးကြီးသည်။ အလွယ်တကူ အိပ်ပျော်စေရန် စိုးရိမ်သောက၊ အတွေးနှင့် အပူအပင် များကို ဖျောက်ဖျက်ပစ် ရမည်။ ခေတ်ပေါ် အိပ်ဆေးအချို့ သုံး၍ အိပ်စက်ပါက ကြာရှည်စွာ မှီဝဲလျှင် အန္တရာယ် ရှိနိုင်သည်။

အိပ်ပျော်နေစဉ် ခန္ဓာကိုယ်မှ ဦးနှောက်သို့ သွေးအရောက် နှေးပြီး ခြေထောက်သို့သာ သွေးအရောက်များ စေသည်။ အသက်ရှူနှုန်း၊ နှလုံးခုန်နှုန်း၊ သွေးခုန်နှုန်း နည်းလာသည်။ တစ်ကိုယ်လုံး ကြွက်သားများ ပြေလျော့ လာသည်။ သွေးဖိအား လျော့နည်းပြီး အခြေခံ ဇီဝဖြစ်စဉ် မှာလည်း နိုးနေစဉ်ထက် ငါးပုံတစ်ပုံ လျော့နည်း စေသည်။ ယင်း အချိန်တွင် အရေပြားရှိ သွေးကြောများ ကျယ်ပြန့်လျက် ရှိသည်။

အိပ်ပျော်နေချိန် အသက် ရှူထုတ်စဉ် လေ၌ပါလာသည့် ကာဗွန်ဒိုင် အောက်ဆိုက် ဓာတ်ငွေ့က နိုးနေစဉ် ပါဝင်နှုန်းထက် လျော့နည်းနေသည်။ အိပ်ပျော်နေစဉ် တွင် ခန္ဓာကိုယ်ရှိ တစ်ရှူးနှင့် အသားမျှင် တို့မှာ နိုးနေစဉ်လောက် အလုပ်မလုပ် ကြသဖြင့် ခန္ဓာကိုယ်မှ ထွက်လာသည့် အပူငွေ့ ထက်ဝက်မျှ လျော့သွား၍ ခန္ဓာကိုယ် အပူချိန်သည်လည်း လျော့ကျ နေမည်။ ပျမ်းမျှအားဖြင့် အိပ်စက်နေသူ တစ်ဦးသည် ၁ဝ မိနစ်တစ်ကြိမ် အနေအထား ပြောင်းလဲတတ်သည်။ အမျိုးသား များသည် အမျိုးသမီး များထက် အိပ်နေစဉ် ပိုမို လှုပ်ရှားတတ်သည်။ ခန္ဓာကိုယ်၏ အစိတ်အပိုင်း အသီးသီး အလှည့်ကျ အကြောလျှော့ ပေးနိုင်ရန် သာမန် တစ်ညတာ အိပ်စက်နေစဉ် အကြိမ်ပေါင်း ၃ဝ အထိ အနေအထား ပြောင်းလဲ တတ်သည်။

လူတစ်ဦးသည် တစ်နေ့လျှင် ၆ နာရီမှ ၈ နာရီ အထိ အိပ်သင့်သည်။ အသက် အပိုင်းအခြား အလိုက် အိပ်ချိန်လျော့ သွားတတ်သည်။ မွေးကင်းစ ကလေးဘဝမှာ ၁၂ နာရီမှ ၁၈ နာရီ အထိ၊ အသက် ၆ဝ ကျော်မှာ တစ်ည ၆ နာရီ အိပ်စက်သလို အချိန်ပြောင်းလဲ စေသည်။

အာရုံကြော ထိုင်းမှိုင်းလျှင်၊ ကျောက်ကပ် အားနည်းလျှင် အိပ်ချိန်များ တတ်သည်။ လူအချို့သည် အိပ်ချိန်နည်း တတ်သည်။ နောက်နေ့ အလုပ်အတွက် စိတ်စောနေ ခြင်းကြောင့် နှစ်နှစ်ခြိုက်ခြိုက် အိပ်မပျော်၊ စိတ်ပူပင်သောက များခြင်း၊ စိတ်လှုပ်ရှားခြင်း၊ ဦးနှောက် အနားမရခြင်း များသည် အိပ်မပျော်မှုကို ဖြစ်နိုင်သည်။ ထို့ကြောင့် ကော်ဖီ၊ လက်ဖက်ရည်၊ ဆေးလိပ်သောက်ခြင်း တို့ကို ရှောင်ကြဉ်ရမည်။

နေ့စဉ် နာရီဝက် အားကစား (အပြေး လမ်းလျှောက်၊ စက်ဘီးစီး) လုပ်ပေးသင့်သည်။ ကိုယ်လက် လှုပ်ရှားမှု နည်းခြင်း၊ ရာသီဥတု ပူလွန်းခြင်း၊ အေးလွန်းခြင်း တို့က အိပ်မပျော် ခြင်းကို ဖြစ်စေသည်။ သင့်လျော်သည့် အိပ်ဆေး၊ ဗေလီယံ တစ်ညတစ်လုံး သောက်နိုင်သည်။ နှစ်နှစ်ခြိုက်ခြိုက် အိပ်ပျော်ရန် စိတ်သောကများ ပယ်ဖျောက် ရမည်။ ဦးနှောက်ကို ပြင်းပြင်းထန်ထန် အလုပ်မပေး သင့်ပါ။ မအိပ်မီ ခန္ဓာကိုယ် အကြောအခြင် ဖြေလျော့ခြင်း၊ အိပ်ရာဝင်ခါနီး နွားနို့နွေးနွေး သောက်ခြင်းသည် နှစ်ခြိုက်စွာ အိပ်မောကျ စေသည်။ ညဘက် စာဖတ်သင့်သည်။ အိပ်ရာမှာ သက်သောင့် သက်သာ ရှိသင့်သည်။ မိမိ အိပ်ခန်းသည် တိတ်ဆိတ်ပြီး လေဝင်လေထွက် ကောင်းရမည်။ အလင်းရောင် မှိန်ထားရမည်။ ရေနွေးနှင့် ရေချိုးပြီး အကြောလျှော့ ပေးသင့်သည်။

#Themyawadydaily
#မြ၀တီနေ့စဉ်

ပြည်တွင်းဘုရားဖူး နှင့် နိုင်ငံခြားသား ဧည့်သည် လာရောက်မှု များပြားလာသဖြင့် ဆိုင်ကယ်နှင့် ဘက်ထရီစက်ဘီး ငှားရမ်းသည့် လုပ်ငန်း တွင်ကျယ်လာ



ညောင်ဦး ၊ ၃၁-၁၂-၂၀၁၄

ပုဂံ - ညောင်ဦး ဒေသသို့ ပြည်တွင်း ဘုရားဖူးနှင့် နိုင်ငံခြားသား ဧည့်သည် ဝင်ရောက်မှုမှာ တစ်နှစ်ထက် တစ်နှစ် ပိုမိုများပြား လာနေသဖြင့် ဆိုင်ကယ် နှင့် ဘက်ထရီစက်ဘီး ငှားရမ်းသည့် လုပ်ငန်းများ တွင်ကျယ် ခေတ်စား လာခဲ့ကြောင်း ဘုရားဖူး ခရီးသည်များနှင့် ဘုရားဖူး လုပ်ငန်း လုပ်ကိုင်သူများ ထံမှ သိရသည်။

၂ဝ၁၃ ခုနှစ် နိုဝင်ဘာလ က ပုဂံ - ညောင်ဦး ဒေသသို့ နိုင်ငံခြားသား ဧည့်သည် ၂၈၁၈၅ ဦး လာရောက် ခဲ့သဖြင့် နိုင်ငံခြားဝင်ငွေ အမေရိကန် ဒေါ်လာ ၄၂၂၇၇၅ ဒေါ်လာသာ ရရှိခဲ့ပြီး ယခုနှစ် နိုဝင်ဘာလတွင် နိုင်ငံခြားသား ဧည့်သည် ၃၄၆၄၆ ဦး လာရောက် ခဲ့သဖြင့် နိုင်ငံခြားဝင်ငွေ အမေရိကန် ဒေါ်လာ ၅၁၉၆၉ဝ ရရှိခဲ့သည်။ ထို့ကြောင့် ယခုနှစ် နိုဝင်ဘာလတွင် ယခင်နှစ် နိုဝင်ဘာလထက် နိုင်ငံခြားသား ဧည့်သည် ၆၄၈၈ ဦး ပိုမိုဝင်ရောက် လာသဖြင့် နိုင်ငံခြားဝင်ငွေ အမေရိကန် ဒေါ်လာ ၉၆၉၁၅ ဒေါ်လာပိုမို ရရှိခဲ့ကြောင်း ခရီးသွားလုပ်ငန်း များမှ သိရသည်။

ထို့အတူ ပြည်တွင်း ဘုရားဖူး များမှာလည်း ယခင်နှစ် ကထက် သိသိသာသာ တိုးတက်များပြား လာခဲ့သည်။ ပုဂံ - ညောင်ဦး ဒေသသို့ ရောက်ရှိ လာကြသည့် ပြည်တွင်း၊ ပြည်ပ ဧည့်သည်များသည် ယခင်က ပုဂံ - ညောင်းဦး၊ဘုရားဖူး လည်ပတ်ရာတွင် မြင်းလှည်း၊ ဆိုက်ကား နှင့်အငှားယာဉ် များကို ငှားရမ်းလည်ပတ် ခဲ့ကြ သော်လည်း အဆိုပါ ယာဉ်များမှာ လမ်းကျဉ်းများနှင့် လမ်းကြမ်းများ တွင် မောင်းနှင်ရန် မလွယ်ကူသော ကြောင့် မည်သည့် နေရာမဆို အလွယ်တကူ စီးနင်းသွားလာ နိုင်သည့် ဆိုင်ကယ်နှင့် ဘက်ထရီစက်ဘီး များကို ငှားရမ်းစီးနင်းကာ လည်ပတ်လာခဲ့ ကြသည်။ ဤသို့ဖြင့် ပုဂံ - ညောင်ဦး ဒေသတွင် ဆိုင်ကယ်နှင့် ဘက်ထရီစက်ဘီး ငှားရမ်းသည့် လုပ်ငန်းများ ခေတ်စားလာခဲ့ခြင်း ဖြစ်ကြောင်း သိရသည်။

အချို့ အငှားဆိုင်များမှာ ဧည့်သည်များ တည်းခို နေသည့် ဟိုတယ်အထိ လာရောက် ပေးပို့ကာ ဝန်ဆောင်မှုပေး ငှားရမ်း နေကြသည်။ လက်ရှိတွင် ဆိုင်ကယ်နှင့် ဘက်ထရီစက်ဘီး ငှားရမ်းခမှာ တစ်နာရီ ငွေကျပ် ၁ဝဝဝ၊ နံနက်ပိုင်း နေထွက်ချိန် ကြည့်လိုသူများ နှင့် မီးပုံပျံစီးနင်းမည့် သူများ၊ မီးပုံးပျံ ကြည့်လိုသူများ အတွက် နံနက် ၅ နာရီမှ ၉ နာရီအထိ ငွေကျပ် ၄ဝဝဝ ၊ တစ်နေကုန် ငှားရမ်းခ ငွေကျပ် ၇ဝဝဝ မှ ၈ဝဝဝ နှုန်းဖြစ်သည်။ ထိုသို့ ဆိုင်ကယ်နှင့် ဘက်ထရီစက်ဘီး ငှားရမ်းလည်ပတ်မှု ခေတ်စားလာသဖြင့် ဆိုက်ကား၊ မြင်းလှည်းနှင့် အငှားယာဉ် လုပ်ငန်းများမှာ သိသာစွာ ဝင်ငွေကျဆင်း နေကြောင်း သိရသည်။

#Yadanarpondaily
#ရတနာပုံနေ့စဉ်

အမျိုးသားရေးစိတ်ထားများဖြင့် နှစ်သစ်ကိုကြို


အမျိုးသားရေးစိတ်ထားများဖြင့် နှစ်သစ်ကိုကြို

နှစ်ဟောင်း လွန်မြောက်ပြီး နှစ်သစ်သို့ ကူးပြောင်း ရောက်ရှိ တော့မည် ဖြစ်သည်။ ၂ဝ၁၄ ခုနှစ် နှစ်ဟောင်းမှ ၂ဝ၁၅ ခုနှစ် နှစ်သစ်သို့ ကူးပြောင်းခြင်း အသိသည် ကျွန်ုပ်တို့၏ အနာဂတ် မျှော်လင့်ချက် များအတွက် စတင်ကြိုးပမ်း ကြရန် နှိုးဆော်လိုက်ခြင်း ဖြစ်သည်။

ထိုကဲ့သို့ နှစ်ဟောင်းမှသည် နှစ်သစ်ဆီသို့ ကူးပြောင်း ကြရာတွင် နှစ်ဟောင်းမှ မိမိတို့ ကြုံတွေ့ ဆောင်ရွက်ခဲ့ ကြသည့် ကြိုးပမ်း လုပ်ဆောင်မှု များအနက် လောက ကောင်းကျိုး၊ မိမိ ကိုယ်ကျိုးများ အတွက် မည်မျှ စွမ်းဆောင် နိုင်ခဲ့ကြ သည်ကို ပြန်လည် ဝေဖန်ဆန်းစစ် သုံးသပ် ကြည့်ရန် လိုသည်။

မိမိတို့၏ ဝန်းကျင် လောကနှင့် မိမိတို့ဘဝ များတွင် အောင်မြင်မှုများ၊ ရှုံးနိမ့်မှုများ၊ စိန်ခေါ်မှု များစွာတို့ ရှိခဲ့မည်ဖြစ်ရာ ထိုကဲ့သို့ ကြုံတွေ့ခဲ့ ရသော အကြောင်းရင်း များနှင့် ပတ်သက်၍ အားနည်းချက် များကို ပြင်ဆင်ပြီး အားသာချက် များကို ပိုမိုမြှင့်တင် ဆောင်ရွက်ကြရန် ဖြစ်သည်။

မြန်မာနိုင်ငံ အနေဖြင့် ၂ဝ၁၄ ခုနှစ်အတွင်း သမိုင်းထူ ရလောက်သည့် အောင်မြင်မှုများ မရှိခဲ့သော်လည်း နိုင်ငံတော်၏ မှန်ကန်သော ဦးဆောင်မှုနှင့် တိုင်းရင်းသား ပြည်သူ အားလုံးတို့၏ ညီညီ ညွတ်ညွတ် ပူးပေါင်း ဆောင်ရွက်မှု များဖြင့် နိုင်ငံတော် ဖွံ့ဖြိုးတိုးတက် ရေးအတွက် ရှေ့ဆက် လျှောက်လှမ်း နေကြဆဲ ဖြစ်သည်။

ထိုသို့ လျှောက်လှမ်း ကြရာတွင် တွေ့ကြုံ လာရနိုင်မည့် မတူညီမှုများ၊ ကွဲပြား ခြားနားမှု များကို ဖယ်ရှားပြီး ပြည်သူ တစ်ရပ်လုံးက တူညီမှုများနှင့် အတူတကွ ပေါင်းစပ်ကာ ညီညီ ညွတ်ညွတ် ဆက်လက် ဆောင်ရွက် သွားကြမည် ဆိုပါက ပြည်သူများ မျှော်မှန်းကြသည့် ပန်းတိုင်များ ဆီသို့ လှမ်းကိုင် နိုင်ကြမည် ဖြစ်သည်။

ထို့ကြောင့် ၂ဝ၁၄ ခုနှစ်မှ အောင်မြင်မှု မှတ်တိုင်များကို ၂ဝ၁၅ ခုနှစ်သို့ ဆက်လက် သယ်ဆောင်၍ ကျန်ရှိသော ဆောင်ရွက် ဖွယ်ရာများကို တူညီသော စိတ်ထားများဖြင့် ၂ဝ၁၅ ခုနှစ်တွင် ဆက်လက် ကြိုးပမ်း ဆောင်ရွက်ကြ ရမည် ဖြစ်သည်။

ထိုသို့ ကြိုးပမ်း ဆောင်ရွက်ကြ ရာတွင် မိမိတို့နိုင်ငံ၊ မိမိတို့ဒေသ၊ မိမိတို့ ဝန်းကျင် တည်ငြိမ် အေးချမ်းရေး သည် အခြေခံ အကျဆုံး အချက် ဖြစ်သည်ကို သတိချပ်ကြ ရမည်ဖြစ်သည်။ တည်ငြိမ် အေးချမ်းမှသာ နိုင်ငံဖွံ့ဖြိုး တိုးတက်ရေး လုပ်ငန်းများကို အားသွန် ခွန်စိုက် ကြိုးပမ်း ဆောင်ရွက် နိုင်မည်ဖြစ်သည်။

ပြီးခဲ့သည့် အချိန်ကာလ များက ကမ္ဘာ့နိုင်ငံ အချို့တွင် ကြုံတွေ့ နေရသည့် အသွင် ကူးရေးနှင့် မတည်ငြိမ်မှု များကို သင်ခန်းစာ  ယူပြီး မိမိတို့နိုင်ငံ အနေဖြင့် တည်ငြိမ် အေးချမ်းပြီး ဖွံ့ဖြိုးတိုးတက် သည့် နိုင်ငံ ဖြစ်စေရန် အတူတကွ လက်တွဲကြိုးပမ်း ဆောင်ရွက်ကြ ရမည် ဖြစ်သည်။

သို့ဖြစ်ရာ လာမည့် ၂ဝ၁၅ ခုနှစ်သည် မြန်မာနိုင်ငံ နှင့် နိုင်ငံသား အားလုံးအတွက် မျှော်လင့် ချက်များစွာ ထားရှိနိုင်သော နှစ်သစ် မင်္ဂလာ ဖြစ်သည်နှင့် အညီ ကောင်းခြင်း လက္ခဏာများ ကိုရရှိ ဆောင်ရွက် နိုင်စေရန် ၂ဝ၁၄ ခုနှစ်အတွင်း၌ ဆောင်ရွက် ခဲ့ကြသော အောင်မြင်မှု မှတ်တိုင်များကို ဆက်လက် ထိန်းသိမ်းကာ အမျိုးသားရေး စိတ်ထားများဖြင့် နှစ်သစ်ကို ကြိုဆိုကြ ရမည် ဖြစ်ပါကြောင်း တိုက်တွန်း ရေးသား လိုက်ရ ပေသည်။

( အယ်ဒီတာ့အာဘော် )

#Yadanarpondaily
#ရတနာပုံနေ့စဉ်

နှာစေး နှာပိတ်ရောဂါ သတိပြုစရာ


နှာစေး နှာပိတ်ရောဂါ သတိပြုစရာ

ကြည်မြင့်လွင် (မုဒြာ)

နှာစေးနှာပိတ် ရောဂါသည် အေးသော ဥတုတွင် အဖြစ်များသော ရောဂါဖြစ်သည်။ အေးသောရာသီမှ ဖြစ်သော ရောဂါသည် မပျောက်ကင်းဘဲ ပူသောဥတု အထိ ကူးသွားလျှင် ထိပ်ကပ်နာ အဆင့်အထိ ရောက်ရှိ သွားတတ် ပေသည်။ ထိပ်ကပ်နာ ဖြစ်လျှင် နာတာရှည် ဖြစ်ပြီး ကုသရ ခက်ခဲသဖြင့် အအေးပတ်လျှင် နှာစေးလျှင် သာမန်အဆင့် တွင်ပင် ပျောက်ကင်းအောင် ကုသသင့်သည်။

နှာစေးသည် ဆိုသည်မှာ အဆုတ်လေဝင် လေထွက် လေပြွန် လမ်းကြောင်းတွင် အအေးဓာတ် ဝင်အောင်း နေသဖြင့် လေပြွန်နံရံမှ အချွဲ အရည်များ ထွက်လာပြီး အသက်ပြန်ရှူ ထုတ်သောအခါ နှာရည်၊ နှပ်ရည်အဖြစ် ထွက်ကျလာခြင်း ဖြစ်သည်။ ထို နှပ်ရည်သည် ပထမ ပိုင်းတွင် အရည်ကျဲ ထွက်ရာမှ ကြာလာသော အခါ အရည်ပျစ်ပျစ် များ ထွက်လာသည်။ အထွက်များသော အခါ ရှေ့မှထွက်သော အရည်သည် ပျစ်ခဲပြီး ပိတ်နေလျှင် နောက်မှ ထွက်သော အရည်သည် ပိတ်ဆို့ ခံရသဖြင့် လေဝင်လေထွက် လမ်းပိတ်ပြီး အသက်ရှူ မဝသော ရောဂါ၊ ရင်ကျပ်ရောဂါများ ဖြစ်လာနိုင်သည်။

နှပ်ရည်ထွက် စေရန် ပြင်းထန်စွာ ညှစ်ထုတ်ခြင်း၊ နှာခေါင်း တစ်ဖက်ပေါက်ကို လက်ဖြင့် ညှစ်ပိတ်ပြီး ညှစ်အား ပြင်းပြင်းဖြင့် ညှစ်ထုတ်ရာမှ နှာရိုးရင်းတွင် ရှိသော သွေးကြောနှင့် အသားနုများ ရောင်တတ်သည်။ နှာခေါင်းတွင် နှာရိုးရင်းမှ အရွတ်နုရောင်ပြီး ဖောင်းလာကာ လေဝင်ပေါက်ကို ပိတ်သွား စေနိုင်သည်။ အချို့ သူများတွင် ဖုန်မှုန့်နှင့် မသန့်ရှင်းသော အမှုန်အမွှားများ၊ မှိုနှင့် မကောင်းသော အနံ့အသက်များ၊ ပိုးပါသော အညစ်အကြေးများ ဝင်ရောက်ရာမှ အတွင်း၌ ပြည်တည်ပြီး နှပ်ပုပ်များ ကျဆင်း လာတတ်သည်။ အနံ့ဆိုးများနှင့် သွေးစသွေးနများ ပါတတ်သည်။ ပက်လက်အိပ်လျှင် ထိုနှပ်ပုပ်ရည် များ အဆုတ် အတွင်းသို့ ပြန်ဝင်ပြီး ရင်ကျပ် လာသဖြင့် ညတွင် အိပ်မရဘဲ ငုတ်တုပ်ထိုင်နေမှ အသက်ရှူ မဝသည့် အခြေအနေသို့ ရောက်သွား တတ်သည်။

နှာစေးနှာပိတ် ရောဂါသည် ဦးခေါင်းငယ်ထိပ် အအေးပတ်ခြင်း ကြောင့်လည်း ဖြစ်နိုင်သည်။ နှင်းကျချိန်၊ မိုးကျချိန်တွင် ဦးထုပ် ခေါင်းဆောင်း မပါဘဲ အပြင်ထွက် သူများတွင် ဖြစ်လေ့ရှိသဖြင့် အေးသော ရာသီတွင် အပြင်ထွက်လျှင် ငယ်ထိပ်ကို လုံစေသော ဦးထုပ်၊ ဦးခေါင်း နှင့် နားရွက်ကို ဖုံးအုပ်နိုင်သော ဦးထုပ်မျိုး ဆောင်းထားခြင်းဖြင့် ကာကွယ်နိုင်သည်။

နှာစေးနှာပိတ် ရာမှ ခေါင်းကိုက် ရောဂါလည်း ဖြစ်နိုင်သည်။ ထိုသို့ဖြစ်လျှင် သက်သာ စေနိုင်သောနည်းမှာ ကွမ်းရွက်ကို မီးအပူ အနည်းငယ် ပြပြီး ပြားစေ့အရွယ်ခန့် အဝိုင်းဖဲ့ယူပြီး နားထင်နှစ်ဖက် တွင် ကပ်ပေးပါ။ ပရုတ်ဆီကို ကြွေပန်းကန်လုံး တွင်သုတ်ပြီး ရေနွေးအဖြူ ပူပူ လောင်းထည့်ပြီး အငွေ့ကို လက်နှစ်ဖက်ဖြင့် အုပ်၍ ရှူပေးပါ။

မှိုင်းရှူဆေးနည်းမှာ-
၁။ တြိကဋုတ်သုံးပါး ၁ကျပ်သားစီ
၂။ မိဿလင် ၁ကျပ်သား 
၃။ ယင်းပြား ၁ကျပ်သား
၎။ လက်ဖက်မြစ် ၁ကျပ်သား 
၅။ ကန့်ချုပ်နီ ၁ကျပ်သား
၆။ နံ့သာဖြူ ၁၅ကျပ်သား
(စုစုပေါင်းဆေးချိန် ၂၂ကျပ်သား)

အထက်ပါ ဆေးများကို အမှုန့်ပြုလုပ်ပါ။ နံ့သာဖြူကို လွှစာမှုန့် ကဲ့သို့ အမှုန့်ကြမ်း ထည့်ပါ။ စလောင်းဖုံး သန့်သန့်တွင် မီးခဲထည့်၍ ဆေးမှုန့်ကို ဖြူးပြီး တက်လာသော အငွေ့ကို ရှူပေးပါ။ နှာခေါင်းပေါက်မှ ငယ်ထိပ်အထိ ပေါက်အောင် နနွင်းမှိုင်း ရှူသကဲ့သို့ ရှူပေးပါ။ ရှင်နာဂသိန် ၏ေ ဆးပညာ ဥပဒေသကျမ်း မှ ဆေးနည်း ဖြစ်ပါသည်။

#Yadanarpondaily
#ရတနာပုံနေ့စဉ်

မြ၀တီနေ့စဉ်သတင်းစာ (၃၁-၁၂-၂၀၁၄) ဗုဒ္ဓဟူးနေ့


မြ၀တီနေ့စဉ်သတင်းစာ (၃၁-၁၂-၂၀၁၄) ဗုဒ္ဓဟူးနေ့
Download Links



Tuesday, December 30, 2014

၂၀၁၄ ခုနှစ်၏ ၀င်ငွေ အများဆုံးရရှိသည့် အနုပညာရှင် စာရင်းတွင် ဂျနီဖာလောရင့်စ် ထိပ်ဆုံးမှ ရပ်တည်


Jennifer Lawrence dubbed Forbes' highest grossing actor of 2014

လော့စ်အိန်ဂျလိစ် ၊ ၃၀-၁၂-၂၀၁၄

အော်စကာဆုရ မင်းသမီးချော ဂျနီဖာ လောရင့်စ်သည် Forbes မဂ္ဂဇင်းမှ ရွေးချယ်သော ၂ဝ၁၄ ခုနှစ်၏ ဝင်ငွေ အများဆုံး ရရှိသည့် အနုပညာရှင် စာရင်းတွင် နံပါတ် ၁ နေရာကို ရရှိခဲ့ကြောင်း သိရသည်။

ဂျနီဖာလောရင့်စ် သည် သူမပါဝင် သရုပ်ဆောင် ခဲ့သော The Hunger Games: Mockingjay ရုပ်ရှင်နှင့် X-Men: Days of Future Past ဇာတ်ကားတို့မှ အနုပညာကြေး စတာလင်ပေါင် သန်း ၉ဝဝ ရရှိခဲ့ပြီးနောက် ဝင်ငွေအများဆုံး ရရှိသည့် အနုပညာ ရှင်အဖြစ် ရွေးချယ် ခံရခြင်း ဖြစ်သည်။

ဝင်ငွေ အများဆုံး ရရှိသည့် အဆိုပါ အနုပညာရှင် စာရင်းတွင် ဟောလီးဝုဒ် မင်းသားချော ခရစ္စပတ်ထ် က ၄င်းပါဝင် သရုပ်ဆောင် ခဲ့သော Marvel ရုပ်ရှင်နှင့် The Lego Movie ဟာသရုပ်ရှင်ကား တို့မှ အနုပညာ
ကြေး စတာလင်ပေါင် ၇၇၁ သန်းဖြင့် နံပါတ် ၂ နေရာ ရရှိခဲ့သည်။

အလားတူ ဟောလီးဝုဒ် မင်းသမီးချော စကားလက် ဂျိုဟန်ဆန် က Captain America: The Winters Soldier ဇာတ်ကားမှ အနုပညာကြေး စတာလင်ပေါင် ၇၅၈ သန်း ရရှိခဲ့ပြီး အဆိုပါ စာရင်းတွင် နံပါတ် ၃ နေရာ ရရှိခဲ့သည်။

Transformers: Age Of Extinction ဇာတ်ကားတွင် ပါဝင် သရုပ်ဆောင် ခဲ့သည့် မင်းသား မာ့ခ်ဝါခ်ျဘာ့ဂ် က ယင်းဇာတ်ကား မှ စတာလင်ပေါင် ၆၄၂ သန်း ရရှိခြင်းဖြင့် ၄င်းစာရင်း၌ နံပါတ် ၄ နေရာကိုလည်းကောင်း၊ Captain America:The Winter Soldier ဇာတ်ကားတွင် စကားလက် ဂျိုဟန်ဆန် နှင့် ပူးတွဲ သရုပ်ဆောင် ခဲ့သူ မင်းသား ခရစ္စအီဗန်က ယင်းဇာတ်ကားမှ စတာလင်ပေါင် ၅၁၅ သန်း ရရှိခဲ့ပြီး နံပါတ် ၅ နေရာကို လည်းကောင်း အသီးသီး ရရှိခဲ့ကြောင်း သိရသည်။

#Themyawadydaily
#မြ၀တီနေ့စဉ်

အိမ်နီးချင်းနိုင်ငံတို့နှင့် ကုန်သွယ်မှု တိုးမြင့်လာစေရန် ဥပဒေနှင့် လုပ်ထုံးလုပ်နည်းများ ပြင်ဆင် သတ်မှတ်မည်


ထိုင်းနိုင်ငံနှင့် ကုန်သွယ်မှုပြုရာ မြ၀တီနယ်စပ်ကုန်သွယ်ရေးစခန်း

ရန်ကုန် ၊ ၃၀-၁၂-၂၀၁၄

မြန်မာနိုင်ငံ အနေဖြင့် အိမ်နီးချင်း နိုင်ငံတို့နှင့် ကုန်သွယ်မှုများ  လုပ်ဆောင်ရာတွင် ကုန်စည် စီးဆင်းမှု ပိုမိုလျင်မြန် လာစေရေးနှင့် ကုန်သွယ်မှု လုပ်ငန်းကို ယခင်ကထက် တိုးမြှင့်ဆောင်ရွက် လာစေရေးတို့ အတွက် ဥပဒေနှင့် လုပ်ထုံးလုပ်နည်း များကို လက်ရှိ ခေတ်ကာလ အခြေအနေနှင့် အညီ သင့်လျော်မှု ရှိရန် ပြင်ဆင် သတ်မှတ် သွားမည် ဖြစ်ကြောင်း စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနမှ တာဝန်ရှိသူ တစ်ဦး၏ ပြောကြားချက် အရ သိရသည်။

စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနသည် လက်ရှိတွင် အိမ်နီးချင်း နိုင်ငံများ သာမက အခြားသော ရေခြားမြေခြား နိုင်ငံတို့နှင့် ကုန်သွယ်ရေး လုပ်ငန်းများ ဆောင်ရွက်ရာတွင် နိုင်ငံတကာနှင့် ကိုက်ညီမည့် ကုန်သွယ်ရေး မူဝါဒများ၊ စည်းမျဉ်း စည်းကမ်းများ ချမှတ် ဆောင်ရွက်လျက် ရှိကြောင်း သိရသည်။

၎င်းအပြင် ပြည်တွင်းမှ ပို့ကုန်သွင်းကုန် လုပ်ငန်းရှင်များ အတွက်လည်း လက်ရှိ တင်ပို့နေသော ကုန်စည် အမယ်များ အပြင် ပို့ကုန်အမယ်သစ် များကိုလည်း တင်ပို့နိုင်ရန် ကုန်သွယ်မှု လုပ်ငန်းစဉ် ဆိုင်ရာ လုပ်ထုံးလုပ်နည်း ပိုင်းတွင် ဖြေလျှော့ သတ်မှတ် ပေးခဲ့ခြင်းများ ရှိကြောင်း သိရသည်။

ထိုကဲ့သို့ ပို့ကုန် အမယ်သစ်များ တိုးတက်တင်ပို့နိုင် စေရုံသာမက ဈေးကွက် စီးပွားရေး စနစ်အရ ကုန်သွယ်မှု မိတ်ဖက်နိုင်ငံ များနှင့် အပြန်အလှန် ကုန်သွယ် ရာတွင်လည်း ပို့ကုန်သွင်းကုန် လုပ်ငန်းများ တိုးချဲ့ ဆောင်ရွက်နိုင်ရန် ပြင်ဆင် သင့်သော ဥပဒေများနှင့် လုပ်ထုံးလုပ်နည်း များကို ပြန်လည်ပြင်ဆင် သတ်မှတ်ရန် စီစဉ်ထား ခြင်းဖြစ်သည်။

ထို့အပြင် စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန အနေဖြင့် တစ်နိုင်တစ်ပိုင် ကုန်သည်များနှင့် ကျေးလက်နေ စီးပွားရေး လုပ်ငန်းရှင်များ အဆင်ပြေစေရန် တစ်ဦးချင်း ကုန်သွယ်ခွင့်ကတ် (ITC) များ ထုတ်ပေးခြင်း၊ ကုန်သွယ်ရေး နှင့် စီးပွားရေး လုပ်ငန်းများ မြှင့်တင်ရေး အထူး လုပ်ငန်းအဖွဲ့ ဖွဲ့စည်း ဆောင်ရွက်ခြင်း တို့ကို လုပ်ဆောင် ခဲ့ကြောင်း သိရသည်။

မြန်မာနိုင်ငံရှိ နယ်စပ် ကုန်သွယ်ရေး စခန်းများ အနက် ရှမ်းပြည်နယ် (မြောက်ပိုင်း) ရှိ မူဆယ် ၁ဝ၅ မိုင် နယ်စပ် ကုန်သွယ်ရေး စခန်းသည် ပို့ကုန်သွင်းကုန် လုပ်ငန်းများကို အများဆုံး လုပ်ဆောင်လျက် ရှိရာ ကုန်သည်ကြီးများ သာမက တစ်နိုင်တစ်ပိုင် ကုန်သည်များ နှင့် ပို့ကုန် လုပ်ငန်းရှင် အများစု မှီခိုအားထား နေရသော နယ်စပ် ကုန်သွယ်ရေး စခန်းတစ်ခု ဖြစ်ကြောင်း စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနမှ သိရသည်။

ဆောင်းဦး

#Themyawadydaily
#မြ၀တီနေ့စဉ်

B.Sc(Sports) ဘွဲ့ရရှိပြီးပါက အားကစား နှင့် ကာယနည်းပြ ဆရာ ဆရာမများအဖြစ် ခန့်အပ်မည်


ရန်ကုန် ၊ ၃၀-၁၂-၂၀၁၄

မြန်မာနိုင်ငံရှိ တက္ကသိုလ် အချို့၌ စတင်ဖွင့်လှစ် သင်ကြားပို့ချ ပေးနေပြီ ဖြစ်သော အားကစားအထူးပြု ဘာသာရပ် ဘွဲ့ကြို သင်တန်းများ၌ တက်ရောက် နေကြသည့် ကျောင်းသား၊ ကျောင်းသူများ အနေဖြင့် B.Sc(Sport)အားကစားဘွဲ့ ရရှိပြီးသော အခါ မြန်မာနိုင်ငံ  တစ်ဝန်းရှိ အခြေခံပညာ ကျောင်းများ၌ အားကစားနှင့် ကာယနည်းပြ ဆရာ၊ ဆရာမများ အဖြစ် အမှုထမ်း လိုပါက သက်ဆိုင်ရာမှ ခန့်အပ်သွားရန် အစီအစဉ် ရှိကြောင်းအားကစား ဝန်ကြီးဌာန အားကစား နှင့် ကာယပညာ ဦးစီးဌာနမှ သိရသည်။

ယခုလက်ရှိတွင် အခြေခံပညာ ကျောင်းများ၌ အမှုထမ်း နေကြသော အားကစားနှင့် ကာယနည်းပြ ဆရာ၊ ဆရာမများသည် တက္ကသိုလ် တစ်ခုခုမှ ဘွဲ့ရရှိကြ ပြီးနောက် အားကစားမွမ်းမံ သင်တန်းများကို တက်ရောက်ခဲ့ကြသူများ ဖြစ်ပြီး မကြာမီ B.Sc(Sport) အားကစား ဘွဲ့ရများ ထွက်ပေါ် လာသည့်အခါ စိတ်ပါဝင်စား သူများကို အလားတူ အားကစားနှင့် ကာယနည်းပြ ဆရာ၊ ဆရာမ ရာထူးနေရာများ ပေး၍ ခန့်အပ်သွားမည် ဖြစ်ကြောင်း သိရသည်။

ထို့အပြင် ၄င်းတို့၏ အရည်အချင်း အပေါ် မူတည်၍ အားကစားအသင်း များ၌ အုပ်ချုပ်ရေးပိုင်း နှင့် နည်းပြပိုင်းကို တာဝန်ယူ ရသော အားကစား နည်းပြများ အဖြစ် ခန့်အပ်ခံ ရနိုင်သော အခွင့်အလမ်းများ ရှိကြောင်း၊ အားကစား တက္ကသိုလ်များ သီးသန့် ပေါ်ပေါက် လာသော အခါတွင် အဆိုပါ တက္ကသိုလ်များ၌ အားကစား အထူးပြု ဘာသာရပ် နည်းပြဆရာ၊ ဆရာမများ အဖြစ် ပြန်လည် တာဝန် ထမ်းဆောင် နိုင်မည် ဖြစ်ကြောင်း သိရသည်။

အားကစား အထူးပြု ဘာသာရပ်ဘွဲ့ သင်တန်းများကို ရန်ကုန်မြို့ရှိ ဒဂုံတက္ကသိုလ် နှင့် မန္တလေး တက္ကသိုလ် တို့၌ ၂ဝ၁၃ ခုနှစ် ဒီဇင်ဘာလမှ စတင်ဖွင့်လှစ် ခဲ့ခြင်းဖြစ်ပြီး သင်တန်းကာလ လေးနှစ် တက်ရောက်ရမည် ဖြစ်သည်။ 

အဆိုပါ သင်တန်းကာလ လေးနှစ်ကို အောင်မြင်စွာ တက်ရောက်ပြီးစီး ပါက နိုင်ငံတော်မှ ပေးအပ် ချီးမြှင့်မည့် B.Sc(Sport) အားကစားဘွဲ့ကို ရရှိမည်ဖြစ်ပြီး ၄င်းဘွဲ့ သင်တန်းကို အားကစား ဝန်ကြီးဌာနနှင့် ပညာရေး ဝန်ကြီးဌာနတို့ ပူးပေါင်းဖွင့်လှစ် ခဲ့ခြင်း ဖြစ်ကြောင်း သိရသည်။

သင်ကြားပို့ချသော ဘာသာရပ်များမှာ Sports Science ၊ Sports Administration ၊ Sports Psychology နှင့် Athletics စသည့် ဘာသာရပ်များ အပါအဝင် ဘာသာရပ် ၁၅ခုကို တက္ကသိုလ်များမှ နည်းပြဆရာ၊ ဆရာမများက သင်ကြားပေးလျက် ရှိသည့်အပြင် အိုလံပစ် အားကစားနည်း ခြောက်မျိုး ကိုလည်း သက်ဆိုင်ရာ အားကစား အဖွဲ့ချုပ်များမှ နည်းပြ များက စာတွေ့၊ လက်တွေ့ သင်ကြားပို့ချ ပေးလျက် ရှိကြောင်း သိရသည်။

ဆောင်းဦး

ပြည်ပသို့ ဆန်တန်ချိန် စုစုပေါင်း ကိုးသိန်းကျော် တင်ပို့ထား


ရန်ကုန် ၊ ၃၀-၁၂-၂၀၁၄

မြန်မာနိုင်ငံမှ ဆန်တင်ပို့လျက် ရှိသော နိုင်ငံပေါင်း ၅၈ နိုင်ငံအနက် တရုတ်နိုင်ငံသို့ ဆန်တန်ချိန် အများဆုံး တင်ပို့လျက် ရှိပြီး နယ်စပ် ကုန်သွယ်ရေးမှ ဆန်တန်ချိန် ခုနစ်သိန်းကျော် တင်ပို့ထားကာ ပင်လယ်ရေကြောင်း ကုန်သွယ်ရေးမှ ဆန်တန်ချိန် တစ်သောင်းကျော် တင်ပို့ ထားကြောင်း သိရသည်။

မြန်မာနိုင်ငံမှ ပြည်ပသို့ ဆန်တင်ပို့ရာတွင် ၂ဝ၁၄- ၂ဝ၁၅ ဘဏ္ဍာနှစ် အတွင်း ဧပြီ ၁ ရက်မှ ဒီဇင်ဘာ တတိယပတ် အထိ တရုတ်နိုင်ငံသို့ ဆန်တန်ချိန် ၇၂ဝဝဝဝ ကျော် တင်ပို့ထားပြီး အမေရိကန် ဒေါ်လာ ၂၇၃ သန်း ရရှိထားကြောင်း သိရသည်။ ဒုတိယ အများဆုံးအဖြစ် ရုရှားနိုင်ငံသို့ ဆန်တန်ချိန် ၂၃ဝဝဝ ကျော် တင်ပို့ထားပြီး အမေရိကန် ဒေါ်လာ ၁ဝ သန်း ရရှိထားကာ ပေါင်းဆန်များကို အဓိကထား တင်ပို့လျက် ရှိကြောင်း သိရသည်။

အာရှနိုင်ငံများအနက် ဘင်္ဂလားဒေ့ရှ် နိုင်ငံသို့ ဆန်တန်ချိန် ၆၃ဝဝ ကျော် တင်ပို့ထားပြီး အမေရိကန် ဒေါ်လာ နှစ်သန်းကျော် ရရှိထားသည်။ ထိုင်းနိုင်ငံသို့ ဆန်တန်ချိန် ၂၇ဝဝ ကျော် တင်ပို့ထားပြီး အမေရိကန် ဒေါ်လာတစ်သန်းကျော် ရရှိထားကြောင်း သိရသည်။ အာရှ ဒေသတွင်း နိုင်ငံများ ဖြစ်သည့် အင်ဒိုနီးရှား၊ အိန္ဒိယ၊ စင်ကာပူ၊ အရှေ့အလယ်ပိုင်း နိုင်ငံ ဆော်ဒီအာရေဗျ၊ ဥရောပမှ ဆွီဒင် စသည့် နိုင်ငံတို့သို့ ဆန်တန်ချိန် တစ်သောင်းကျော် စီ တင်ပို့ထားပြီး ပိုလန်၊ ဘူဂေးရီးယား၊ ဗီယက်နမ်နှင့် သီရိလင်္ကာနိုင်ငံ တို့သို့ ဆန်တန်ချိန် ၅ဝဝဝ ကျော်စီ တင်ပို့ ထားကြောင်း သိရသည်။

ထို့အပြင် ဆန်ကွဲကို နိုင်ငံပေါင်း ၃၇ နိုင်ငံသို့ တင်ပို့လျက် ရှိပြီး ဆန်ကွဲတန်ချိန် ၁၉ဝဝဝဝ ကျော် တင်ပို့ထားကာ အမေရိကန် ဒေါ်လာသန်း ၆ဝ ကျော် ရရှိထားသည်။

တရုတ်နိုင်ငံသို့ ဆန်ကွဲတန်ချိန် ၉၈ဝဝဝ ကျော် အများဆုံး တင်ပို့ထားပြီး အမေရိကန် ဒေါ်လာ ၃၂ သန်း ရရှိထားသည်။ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန ၏ ကုန်သွယ်ရေး စာရင်းများအရ ပြည်ပသို့ ဆန်တန်ချိန် စုစုပေါင်း ကိုးသိန်းကျော် တင်ပို့ထားရာ အမေရိကန် ဒေါ်လာ ၃၄၂ သန်း ကျော် ရရှိထားပြီး ၂ဝ၁၄- ၂ဝ၁၅ ဘဏ္ဍာ နှစ်တွင် ပြည်ပသို့  ဆန်တင်ပို့မှုမှ အမေရိကန် ဒေါ်လာ သန်း ၅ဝဝ ခန့်ရရှိရန် မျှော်မှန်း ထားကြောင်း သိရသည်။(၄၄၇)

#Themyawadydaily
#မြ၀တီနေ့စဉ်

မိုးသောက်ပန်းဂျာနယ် အတွဲ(၁၈) အမှတ်(၁၇)


မိုးသောက်ပန်းဂျာနယ် အတွဲ(၁၈) အမှတ်(၁၇)

( ၃၀-၁၂-၂၀၁၄ ရက်ထုတ် ဂျာနယ်အား Download ရယူနိုင်ပါသည်။ )
Download Links



ရုရှားနိုင်ငံတကာ ခရီးသွားလုပ်ငန်းပြပွဲတွင် မြန်မာနိုင်ငံမှ ပထမဆုံးအကြိမ် ပါဝင်ပြသမည်



ရန်ကုန် ၊ ၃၀-၁၂-၂၀၁၄

ရုရှားနိုင်ငံ မော်စကိုမြို့၌ ကျင်းပမည့် နိုင်ငံတကာ ခရီးသွား လုပ်ငန်းပြပွဲ (Moscow International Travel & Tourism Exhibition 2015 - MITT) ကို ၂ဝ၁၅ ခုနှစ် မတ် ၁၈ ရက်မှ ၂၁ ရက်အထိ ကျင်းပမည် ဖြစ်ရာ မြန်မာနိုင်ငံမှ ပထမဆုံးအကြိမ် ပါဝင်ပြသရန် စီစဉ်ထားကြောင်း မြန်မာနိုင်ငံ ခရီးသွား လုပ်ငန်းရှင်များ အသင်းမှ တာဝန်ရှိသူ တစ်ဦးက ပြောသည်။ 

မြန်မာနိုင်ငံမှ ခရီးသွား လုပ်ငန်းရှင် များနှင့် ကုမ္ပဏီများ အနေဖြင့် ၄င်းတို့၏ ခရီးသွား ဝန်ဆောင်မှု လုပ်ငန်း များကို နိုင်ငံတကာမှ သိရှိစေရန် ရည်ရွယ်၍ ယင်းပြပွဲတွင် ပါဝင်ပြသရန် စီစဉ် ဆောင်ရွက်ခြင်း ဖြစ်ကြောင်း သိရသည်။

အဆိုပါ ခရီးသွားလုပ်ငန်း ပြပွဲသည် ရုရှားနိုင်ငံ မော်စကိုမြို့၌ နှစ်စဉ် ကျင်းပသော နိုင်ငံတကာ ခရီးသွားလုပ်ငန်း ပြပွဲကြီး တစ်ခုဖြစ်ပြီး နိုင်ငံပေါင်း ၂ဝဝ ကျော်မှ ခရီးသွား လုပ်ငန်းပေါင်း ၂ဝဝဝ နီးပါး ပါဝင်ပြသလေ့ ရှိသည်။ 

မြန်မာနိုင်ငံ မှလည်း ယင်းပြပွဲသို့ သွားရောက် ပြသရန် ခရီးသွား လုပ်ငန်း ကုမ္ပဏီငါးခု က စာရင်းပေးသွင်း ထားပြီး နောက်ထပ် ကုမ္ပဏီများလည်း ပါဝင်လာဖွယ် ရှိကြောင်း သိရသည်။

မြန်မာနိုင်ငံသို့ နိုင်ငံတကာမှ ကမ္ဘာလှည့် ခရီးသွား ဧည့်သည်များ ပိုမို ဝင်ရောက်လာ စေရန် နိုင်ငံတော်မှ ခရီးသွား လုပ်ငန်း ပြပွဲများကို အလျဉ်းသင့် သလို ကျင်းပခြင်း၊ ဂျာမနီ၊ ဂျပန်၊ ဗြိတိသျှ၊ ဗီယက်နမ် နှင့် ထိုင်း အစရှိသော နိုင်ငံတို့၌ ကျင်းပသော အပြည်ပြည် ဆိုင်ရာ ခရီးသွားလုပ်ငန်း ပြပွဲများတွင် ပါဝင်ပြသခြင်း များကို လုပ်ဆောင်လျက် ရှိရာ၂ဝ၁၅ ခုနှစ် ဇန်နဝါရီလ တွင်လည်း အာဆီယံ ခရီးသွားလုပ်ငန်း ဖိုရမ်ကို မြန်မာနိုင်ငံ၌ အိမ်ရှင်အဖြစ် ပထမဆုံး အကြိမ် လက်ခံ ကျင်းပရန် စီစဉ် ထားကြောင်း သိရသည်။

ဆောင်းဦး

#Themyawadydaily
#မြ၀တီနေ့စဉ်

(၆၇)နှစ်မြောက် လွတ်လပ်ရေးနေ့ အထိမ်းအမှတ် စာပို့တံဆိပ်ခေါင်းသစ်များ ရောင်းချမည်





နေပြည်တော် ၊ ၃၀-၁၂-၂၀၁၄

ဆက်သွယ်ရေးနှင့် သတင်း အချက်အလက် နည်းပညာ ဝန်ကြီးဌာန၊ မြန်မာ့ ဆက်သွယ်ရေး လုပ်ငန်းမှ (၆၇)နှစ်မြောက် လွတ်လပ်ရေးနေ့ အထိမ်းအမှတ် စာပို့ တံဆိပ်ခေါင်းသစ် ၂ဝဝိ/ -တန် တစ်မျိုးနှင့် ၁ဝဝိ/-တန် နှစ်မျိုးကို ၂ဝ၁၅ ခုနှစ် ဇန်နဝါရီ ၄ ရက် တနင်္ဂနွေနေ့ နံနက် ၉ နာရီခွဲမှ စတင်၍ တိုင်းဒေသကြီး၊ ပြည်နယ် ဆက်သွယ်ရေး စခန်း (စာတိုက်) များ၌ ရောင်းချမည် ဖြစ်သည်။

အထူး အစီအစဉ် တစ်ရပ်အနေဖြင့် နေပြည်တော် ဗဟို စာတိုက်ကြီး၊ ရန်ကုန် စာတိုက်ကြီးနှင့် မန္တလေး စာတိုက်ကြီး တို့တွင် ၂ဝ၁၅ ခုနှစ် ဇန်နဝါရီ ၄ ရက် ဝယ်ယူသော စာပို့ တံဆိပ်ခေါင်း များပေါ်တွင် နေ့စွဲ အမှတ်အသား တံဆိပ်ရိုက်နှိပ် ပေးမည် ဖြစ်ကြောင်း သိရသည်။

#Themyawadydaily
#မြ၀တီနေ့စဉ်

ခရီးသွားလုပ်ငန်းဖွံ့ဖြိုး ၀င်ငွေတိုး


ခရီးသွားလုပ်ငန်းဖွံ့ဖြိုး ၀င်ငွေတိုး

လူသားတို့ ကိုယ်ပိုင် အားလပ်ချိန် ပိုရသည် သာမက သုံးစွဲနိုင်သည့် ငွေကြေး အတိုင်းအတာ ပိုလျှံ လာသောအခါ မိမိနေထိုင်ရာ ဒေသမှ အခြား တစ်ရပ်တစ်ကျေး သို့ ခြေဆန့်၍ စူးစမ်းလာ ကြသည်။ ကမ္ဘာကြီး တိုးတက် လာသည်နှင့် အမျှ ပို့ဆောင်ရေး ဆိုင်ရာ ယာဉ်အမျိုးမျိုး လည်း ခရီးသွား လာရေးကို အထောက်အကူ ပေးလာသော အခါ တစ်နေရာမှ တစ်နေရာသို့ သွားလာရန် အဆင်ပြေ လာသည်။

ထိုအခါ ခရီးသွားလာမှု များပြားလာပြီး ခရီးသွား ဝန်ဆောင်မှုသည် စီးပွားရေး လုပ်ငန်းတစ်ခု အဖြစ် ပြောင်းလဲ ဖြစ်ပေါ် လာသည်။ ထို့ကြောင့် နိုင်ငံတော် အစိုးရများ ကလည်း ဝင်ငွေကောင်းသော ခရီးသွား လုပ်ငန်းကို အားပေး အလေးထား လာကြသည်။ နိုင်ငံအလိုက် ခရီးသွား လုပ်ငန်းကို အပြိုင် လုပ်ကိုင် လာကြသည်။

ခရီးသွား ဝန်ဆောင်မှု လုပ်ငန်းများ ကလည်း စီးပွားရေး ဈေးကွက်တွင် အကောင်းဆုံး ကြိုးစား ဆောင်ရွက် လာကြသည်။ ဧည့်ဝတ် ကျေပွန်စွာ လက်ခံခြင်း၊ ဧည့်သည်တို့၏ သိလို စိတ်ဆန္ဒကို ဖြည့်စွမ်း ပေးနိုင်သည့် စိတ်ဝင်စား ဖွယ်ရာ ယဉ်ကျေးမှု၊ ဓလေ့ထုံးစံ၊ တောတောင် ရေမြေ တိရစ္ဆာန် ပိုးမွှားငယ်များ တည်ရှိနေသည့် နိုင်ငံ၏ ခရီးသွား လုပ်ငန်းသည် ပို၍ အောင်မြင် ကြသည်။

ခရီးသွား လုပ်ငန်းသည် စီးပွားရေး အသွင်ဖြင့် ၁၉ ရာစုအကုန်တွင် တစ်ဟုန်ထိုး တိုးတက်လာသည်။ မြန်မာနိုင်ငံ တွင်လည်း ခရီးသွားလုပ်ငန်း ကို တိုးတက်လုပ်ကိုင် လာနိုင်ခဲ့သည်။ မြန်မာနိုင်ငံ တွင် ခရီးသွားတို့ စိတ်ဝင်တစား လေ့လာလိုသည့် ရာသီဥတု၊ တောတောင်ရေမြေ၊ သားရဲတိရစ္ဆာန် မှ ပိုးမွှားအထိ အပြည့်အစုံ ရှိသော်လည်း ခရီးသွားတို့ သွားလာရာတွင် အဆင်ပြေသည့် ဝန်ဆောင်မှုမျိုး လိုအပ်နေဆဲ ဖြစ်သည်။

တစ်နေရာမှ အခြား တစ်နေရာသို့ အပန်းဖြေ ခရီးစဉ်၊ ဗဟုသုတ ရှာဖွေရေး ခရီးစဉ်အတွက် စိုက်ထုတ်ရမည့် လိုအပ်ချက်များမှာ ပို့ဆောင် ဆက်သွယ်ရေး၊ တည်းခို နေရာချထားရေး၊ စားသောက်ရေး၊ လှည့်လည် ပြသရေး၊ ဖျော်ဖြေရေး စသည့် ခရီးသွားတို့ စိတ်ဝင်စားမည့် အရာများ ဖြစ်သည်။

ထိုအရာများကို ပိုမို ကောင်းမွန်ရန် နှင့် ဆွဲဆောင်နိုင်မှု ရှိရန်အတွက် ဟိုတယ်များ အလုံအလောက် ရှိရန်၊ ဧည့်လမ်းညွှန် ကောင်းများ အလုံအလောက် ရှိရန်၊ ပို့ဆောင်ပေးမည့် ယာဉ် အလုံ အလောက် ရှိရန် ရှေးဟောင်း ပြတိုက် ပြခန်းများ ရှိရန်အတွက် နိုင်ငံတော်နှင့် ပုဂ္ဂလိက  လုပ်ငန်းရှင် များက ကြိုးစားလျက် ရှိသည်။

သို့ဖြစ်ရာ ကမ္ဘာလှည့် ခရီးသွားတို့ စိတ်ဝင်စားဖွယ်ရာ လေ့လာစရာများ ပြည့်စုံပြီး လည်ပတ်၍ မကုန်အောင် ဆွဲဆောင်မှု အပြည့်ရှိသော မြန်မာပြည်သို့ ခရီးသွားတို့ လာရောက် လည်ပတ်ရာတွင် အဆင်ပြေ စေမည့် ခရီးသွား ဝန်ဆောင်မှု လုပ်ငန်းများ၏ စွမ်းရည်နှင့် လိုအပ်ချက် များကို အဆင့်မီ ဖြည့်ဆည်း သွားခြင်းဖြင့် ခရီးသွား လုပ်ငန်း ဖွံ့ဖြိုးလာပြီး နိုင်ငံနှင့် လူမျိုးအတွက် ခရီးသွား လုပ်ငန်းမှ ဝင်ငွေတိုးတက် လာစေမည် ဖြစ်ပါကြောင်း ရေးသား လိုက်ရ ပေသည်။

( အယ်ဒီတာ့အာဘော် )

#Yadanarpondaily
#ရတနာပုံနေ့စဉ်

မြ၀တီနေ့စဉ်သတင်းစာ (၃၀-၁၂-၂၀၁၄) အင်္ဂါနေ့


မြ၀တီနေ့စဉ်သတင်းစာ (၃၀-၁၂-၂၀၁၄) အင်္ဂါနေ့
Download Links



Monday, December 29, 2014

သံပုံးထဲမှ ဘ၀များ


သံပုံးထဲမှ ဘ၀များ

မဒါလေး

နေပူ ကျဲကျဲအောက် လမ်းမထက်မှာ ခြေလှမ်း မြန်မြန်ဖြင့် ပြေးလွှား နေသော လူတစ်ယောက် နဖူးမှချွေးများ တစ်စက်စက် ကျနေသည့်တိုင် လှမ်းလိုက်တိုင်း ခြေလှမ်းများ က ပေါ့ပါး သွက်လက် နေသည်။ အင်္ကျီအကွက် ခပ်နွမ်းနွမ်းနှင့် လုံချည်တို့က အရောင် သိပ်မထွက်တော့။ ဆောင်းထားသော နှီးဦးထုပ် ကလည်း အနားများ ဖွာလျက် မြင်လိုက်သည်နှင့် သနားစရာ ဘဝက အထင်းသား ပေါ်လွင်လွန်း လှသည်။ ပခုံးအထက် လည်ပင်းပေါ်တွင် ရစ်ပတ်ထားသော တဘက် အစိမ်းရောင်မှာ ချွေးတို့ဖြင့် ရွှဲရွှဲစိုလျက် ရှိသည်။ လက်ထဲတွင် မြေပဲလှော်၊ ဝေဖာ၊ နေကြာစေ့၊ ခေါက်မုန့်နှင့် အခြား စားစရာများ။ ထိုအထဲတွင် စိတ်ဝင်စားစရာ အကောင်းဆုံး မှာ သူ၏ ပခုံးထက်၌ လွယ်ထားသော သံပုံးဖြူဖြူ ဖြစ်သည်။ ဆယ်ပိဿာ ဆီပုံးအလွတ်ကို အပေါ်မှ ဖွင့်ထားပြီး အဖုံးလေးပါ လုပ်ထားသည်။ ဘေးနားတွင် ခါးပတ်ကွင်း ပုံသဏ္ဌာန် သံကွင်းလေးများ အထက်- အောက် တပ်ထားကာ ကြိုးအနက်ကို ထိုကွင်းလေးများ ထဲထည့်ရန် လွယ်ကြိုး ပြုလုပ် ထားသည်။ နေရောင် တောက်တောက် အောက်တွင် ထိုပုံးပြောင်ပြောင် ကပင် သူ့ကိုလူများ သတိထား မိသည့် အကြောင်းတစ်ခု ဖြစ်မည် ထင်သည်။

ထိုပုံးထဲတွင် သကြားလုံး အစ ကွမ်းယာ၊ ဆေးလိပ်၊ ပီကေ၊ တစ်ရှူး အဆုံး အခြား ရောင်းချစရာ များစွာ ထည့်ထားသည်။ ကျန် လက်တစ်ဖက် က ရေသန့်ဘူး သုံးလေးဘူး ခန့် ဆွဲထားသည်။ မီးပွိုင့်တွင် လာရပ်သော ကားတန်း ရှည်ကြီး ရှေ့နောက် ပြေးလွှားကာ မမောနိုင် မပန်းနိုင် တကြော်ကြော် အော်ရောင်း နေတော့သည်။ ကားတန်း တစ်ခုနှင့် တစ်ခု ကူးသွား ရာတွင်လည်း အတူ ယှဉ်ရောင်းသော လူငယ်များထက် ထိုသူက ရှေ့ရောက် နေတတ်သည်။ တစ်ခါတစ်ရံ ဂျာနယ် ရောင်းသော ကလေးများ ကိုလည်း အားမလို အားမရ ဖြစ်ကာ မြန်မြန်သွားရန် အော်ဟစ် ပြောဆို တတ်သေးသည်။ ကားရှင်းချိန်တွင် လမ်းဘေး ပလက်ဖောင်း နားမှ သစ်ပင် အောက်တွင် ငွေများကို ရေတွက်ကာ ပစ္စည်းများကို စီနေ တတ်သည်။

ထိုသူ့ထံတွင် မောပန်းခြင်း မရှိဘဲ နေပူပူတွင် ဘာကြောင့် ဒီလို လှုပ်ရှား သွားလာကာ အော်ဟစ် နေနိုင်သည်ကို သိချင်စိတ်များ ဖြစ်ပေါ် လာသည်။ ကားစောင့်ရင်း ပင် ထိုလူအနား တစ်ရှူးတစ်ထုပ် ဝယ်ကာ သိချင်တာများ မေးကြည့် မိသည်။ အစပိုင်းတွင် ဘာသဘော နှင့် မေးတာလဲ ဆိုသည့် အကဲခတ်သည့် မျက်လုံးများ နှင့် ကြည့်နေသည်။ ပြီးမှ နဖူးမှ စီးကျနေသော ချွေးများကို တဘက်အစိမ်း နှင့် အကြမ်း ပွတ်သုတ်လျက် ပုံးထဲကို ဖွင့်ကြည့်ပါဟု ပြောသည်။ ကျွန်မ တွေ့ရသည်က ကွမ်းယာထုပ်များ၊ ဆေးလိပ်ဘူးများ၊ သကြားလုံး၊ ပီကေ အစုံပါပဲ။ ပုံးစ ဖွင့်ဖွင့်ချင်းတွင် ကွမ်းနှင့် ဆေးလိပ်တို့မှ ရသည့် စူးရှသော အနံ့များကြောင့် မျက်နှာ ရှုံ့မိတော့ ကျွန်မကို ကြည့်လျက် ရယ်နေသည်။ သူဘာများ ပြောချင်တာ ပါလိမ့်။ မြင်ရသမျှကို ပြောတော့ ပိုတောင် ရယ်နေသေးသည်။

ဒီလို လူတစ်ယောက်က ကျွန်မကို ကြည့်ကာ ရယ်နေသည် ဆိုတော့ နည်းနည်းစိတ်တို မိသည်။ ဒီလိုမေးလို့များ မသိရ ကောင်းလား ဆိုသည့် သဘောဖြင့် လှောင်ရယ် လေသည်လား။ ဒါမှမဟုတ် မေးတာကို မဖြေချင် လို့များ လှောင်ရယ် လေသလား ဇဝေဇဝါ ဖြစ်ကာ ရှက်ကိုး ရှက်ကန်း ဖြစ်မိသည်။

သူ့မျက်နှာကို ကြည့်သော ကျွန်မကို ''မြင်လား'' ဟု ထပ်မေးပြန်သည်။ ဘာကို ဆိုလိုတာ ပါလိမ့်။ ''မမြင်ဘူးလား သေချာကြည့်ပါ'' ဟု ပြောပြန်သည်။ ဘယ်လိုမျှ မတတ်သာသည့် အဆုံး ''ဦးလေးပြောတာ ကျွန်မ မမြင်ဘူး''။ ''ဦးလေး မဖြေချင်လဲ ကျွန်မ သွားတော့မယ်'' ဟု ပြောလိုက် မိသည်။

ထိုခဏ သူ၏ မျက်လုံးများ အရောင် ပြောင်းသွားသည် ကို တွေ့လိုက်ရသည်။ ''ဘဝတွေ ရှိတယ် ကလေးမရဲ့ ဘဝတွေ'' သူ့စကားကို နားမလည် သကဲ့သို့ ကြည့်နေသော ကျွန်မကို ''ဦးလေးကို မှီခိုနေတဲ့ မိန်းမနဲ့ ကလေး သုံးယောက် တစ်ယောက်ချင်း စီရဲ့ဘဝတွေကို ဦးလေး ဒီထဲမှာ လွယ်ထားတယ်''ဟု ပြောပြသည်။

ထို့နောက် သူ့ဇနီးမှာ သူတို့နေသော ပျံကျရပ်ကွက် တွင် အကြော်ရောင်းကာ မိသားစုတာဝန်ကို တစ်ဖက်တစ်လမ်း မှ နိုင်သလောက် ဝိုင်းယူကြောင်း၊ ကလေး သုံးယောက်အနက် အကြီးနှစ်ယောက် မှာ ကျောင်းနေပြီး အငယ်ဆုံး ကလေးမှာ မူကြိုအရွယ်သာ ရှိသေးကြောင်း၊ အကြီး နှစ်ယောက် ကျောင်းအပ်ခ အတွက် ကျောင်းဝင်ကြေး ကင်းလွတ်ခွင့် ရသဖြင့် မပူပင် ရသော်လည်း အငယ်လေးကိုမူ နေ့ကလေးထိန်း ကျောင်းပို့ရန် ခက်ခဲသည့် အတွက် မပို့နိုင်ကြောင်း ထို့ကြောင့် ဇနီးဖြစ်သူ က အလုပ်တစ်ဖက်၊ ကလေးတစ်ဖက်ဖြင့် အိမ်တာဝန်ကို နိုင်သည့်ဘက်မှ ယူကြောင်း၊ မိသားစု တစ်နေ့ဝင်ငွေ ငွေကျပ် ရှစ်ထောင်နှင့် တစ်သောင်းခန့် ရှိသော်လည်း နေစရိတ်၊ စားစရိတ် နှင့် ကလေးများ အထက်တန်း တက်လျှင် အဆင်ပြေရန် စုဆောင်းနေပုံ များကို ပြောပြသည်။ မိမိ၏ သားနှင့် သမီးအကြီး နှစ်ယောက်မှာလည်း ကျောင်းမှ ပြန်လာလျှင် တစ်ခါတစ်ရံ အကြော်များကို ရပ်ကွက်အတွင်း လှည့်ရောင်းကာ တစ်ဖက်တစ်လမ်း မှကူညီ လုပ်ကိုင်ပေးကြ ကြောင်း၊ ပညာရေးတွင် လည်း အဆင့်တစ် မှ တစ်ဆယ်အတွင်း ၀င်သည့် ကလေးများ ဖြစ်သည့်အတွက် ဖခင် တစ်ယောက် အနေနှင့် အတန်းကြီး လာချိန်အတွက် အဆင်ပြေရန် ယခု ကတည်းက ပိုမိုကြိုးစား လုပ်ကိုင်ရကြောင်း ပြောပြသည်။ 

မမောမပန်းနိုင် ပြောပြအပြီး မှာတော့ သစ်ပင်အောက် ချထားသော အိတ်ထဲမှ ရေသန့်ဘူးကို ထုတ်ကာ သောက်လိုက်သည်။ အနည်းငယ် ညစ်ပေနေသောရေသန့်ဘူးကို အကြည့်မှာတော့ ''ကိုယ်သောက်ဖို့ ရေက အိမ်က ထည့်လာတာ၊ ရေသန့်က နီးရာစတိုးဆိုင်က အေးပြီးသားကို သုံးလေးဘူး တစ်ခါကုန်ရင် တစ်ခါ ယူပြီးရောင်းတာ '' ဟု ထပ် ရှင်းပြသည်။

ယခုကဲ့သို့ ဘဝကို အားတက်သရော ရုန်းကန် နေကြသည်ကို မြင်ရချိန်မှာ အလုပ်မလုပ်ဘဲ ခင်ပွန်းသည် လုပ်ခလစာကိုသာ မျှော်လင့်နေသော ဇနီးမယားများ၊ မိဘများကို ကူညီရန် မပြောနှင့် မုန့်ဖိုးမှန်မှန် မပေးလျှင် ပင် အပြစ်မြင် စိတ်ကောက် တတ်သော ကလေးများ၊ အလုပ်ရွေးကာ ဘဝအရေး စိတ်မအေး ရသူများကို မျက်လုံးထဲ ကွက်ကွက်ကွင်းကွင်း မြင်ယောင် မိသည်။ ထို အသိအမြင်ကြောင့် သူ့ကို ကျေးဇူးတင်မိ သလို အိတ်ထဲမှ ပိုက်ဆံထုတ်ကာ ရေသန့်ဘူးနှင့် အခြားမုန့်များ ကိုထပ် ဝယ်ယူ လိုက်သည်။ခ ဏအကြာ မီးပွိုင့်အနီး ကားများ ပိတ်ချိန်မှာတော့ သံပုံးကို ကောက်လွယ်ကာ တက်ကြွသော ခြေလှမ်းများဖြင့် ထွက်သွား တော့သည်။

ပြန်မအမ်းရန် ပြောသော်လည်း ပြန်အမ်းသွားသော ငွေအကြွေ လေးများကို ပြန်အထည့် ကျွန်မ လွယ်ထားသော ခေတ်ပေါ် အိတ်ထဲမှာတော့ အလှပြင်ရန်ဘီး၊ နှုတ်ခမ်းနီနှင့် ဖုန်းတစ်လုံး ကလွဲပြီး ဘာမျှ မပါတာကို သတိထားမိကာ ကျွန်မကိုယ် ကျွန်မ ရှက်မိ ပါတော့သည်။

#Yadanarpondaily
#ရတနာပုံနေ့စဉ်

အားလပ်ရက် ပါတီပွဲများနှင့် လှပသော ကိုယ်ခန္ဓာကို ထိန်းထားလိုသည့် ပျိုမေတို့ ဆင်ခြင်နိုင်ဖို့ အချက် ၇ ချက်


အားလပ်ရက် ပါတီပွဲများနှင့် လှပသော ကိုယ်ခန္ဓာကို ထိန်းထားလိုသည့် ပျိုမေတို့ ဆင်ခြင်နိုင်ဖို့ အချက် ၇ ချက်

ခိုင်စပယ်ဖူး

ဒီဇင်ဘာနှင့် ဇန်နဝါရီလ အားလပ်ရက်များတွင် ပြုလုပ်လေ့ ရှိသော ကော့တေးပါတီ၊ အားလပ်ရက် ပါတီနှင့် နှစ်သစ်ကူး ပါတီပွဲများသို့ တက်ရောက်မည့် ပျိုမေများ အနေဖြင့် ရုတ်တရက် ကိုယ်အလေးချိန် မြင့်တက် လာစရာ အကြောင်း များစွာ ရှိသည်။ ထို့ကြောင့် ယခုကဲ့သို့ ပွဲတော်ရက် များနှင့် ပြည့်နှက်နေသည့် ကာလမျိုးတွင် ပျိုမေများ အစားအသောက် ဆင်ခြင်နိုင်ရန် အချက် ခုနစ်ချက် ကို ဖော်ပြလိုက် ပါသည်-

၁။ အဆာခံနိုင်သော အစားအစာများကို

နံနက် ကတည်းက စားထားပါ။ ပါတီပွဲ အများစုဟာ ညဘက်မှာ ကျင်းပ ကြတာမို့ အဆာခံ နိုင်တဲ့ အစားအစာ တွေကို နံနက်စာ စားကတည်း က စားထားမယ် ဆိုရင် အလွန်အကျွံ စားတာမျိုးတွေ မဖြစ်နိုင်တော့ ပါဘူး။ ဥပမာ- မြေပဲနဲ့ မြေပဲထောပတ် တွေ စားထားရင် ၁၂ နာရီလောက် အဆာခံ နိုင်တယ်လို့ ဗြိတိသျှ အာဟာရ ဂျာနယ်ရဲ့ လေ့လာချက် က ဖော်ပြထား ပါတယ်။ အဲဒီလို စားထားရင် ညပါတီပွဲမှာ ကယ်လိုရီ များတဲ့ အစာတွေကို မစားချင် လောက်အောင် ဗိုက်ပြည့် နေမှာ ဖြစ်ပါတယ်။

၂။ စိတ်လှုပ်ရှားပြီးစားတဲ့ပုံစံကိုရှောင်ပါ

အားလပ်ရက် ကာလတွေဟာ ပျော်စရာ ကောင်းပေမယ့် စိတ်ဖိစီးမှု အများဆုံး အချိန်တွေလည်း ဖြစ်နိုင်ပါတယ်။ ဒီလို အချိန်မျိုးမှာ စိတ်လှုပ်ရှားပြီး စားတဲ့ ပုံစံမျိုးတွေ ဖြစ်လာနိုင်တဲ့ အတွက် ဒယ်လာဝဲ တက္ကသိုလ် က တွဲဖက်ပါမောက္ခ Meryl Gardner ရဲ့ သတိပေးချက်ကို ထည့်သွင်း စဉ်းစားသင့် ပါတယ်။ သူ့ရဲ့ လေ့လာချက် အရ စိတ်ကောင်းဝင် နေတဲ့အခါမှာ လူတွေက စားကောင်းပြီး အရသာ ရှိတာထက် ကျန်းမာရေးနဲ့ ညီညွတ်တဲ့ အစားအစာ တွေကို ရွေးပြီးစားတတ် ပါတယ်။ စိတ်လှုပ်ရှားမှုဟာ အစားအသောက် ရွေးချယ်မှု အပေါ် လွှမ်းမိုးမှု ရှိတယ်လို့ ဆိုပါတယ်။ စိတ်ညစ်နေတဲ့ အခါမှာ လူတွေက စားကောင်းပြီး အရသာရှိ တာကိုသာ ရွေးကြတဲ့ အလေ့အကျင့်ကို တွေ့ပါတယ်။

၃။ ပါတီမသွားခင်အပန်းဖြေပါ

ကျန်းမာရေးနဲ့ မညီညွတ်တဲ့ အစားအစာ တွေကို ရွေးချယ်မိတဲ့ ဖြစ်ရပ်ရဲ့ နောက်ကွယ်မှာ ဆုံးဖြတ်ရတာ ပင်ပန်းတဲ့အပေါ် မူတည် နေတယ်လို့ Dartmouth College ရဲ့ စစ်တမ်းတစ်ခုမှာ ဖော်ပြထား ပါတယ်။ သုတေသန ပညာရှင်တွေက အမျိုးသမီး ၃၃ ဦးကို အဖွဲ့နှစ်ဖွဲ့ ခွဲပြီး မတူညီတဲ့ လုပ်ရပ်နှစ်ခုကို လုပ်ဆောင် စေပါတယ်။ ပထမ အုပ်စုကို ခုနစ်မိနစ်ကြာ စာတန်းထိုး ဗီဒီယိုတစ်ခုကို ကြည့်ရှု စေပါတယ်။ ဒုတိယအဖွဲ့ ကိုတော့ စာတန်းထိုးကို မဖတ်ဖို့ ညွှန်ကြားပြီး ကြည့်ရှု စေပါတယ်။ ဗီဒီယိုကိုကြည့် စေပြီးတဲ့နောက် အစားအသောက် ပုံတွေကိုပြပြီး အမျိုးအစား ခွဲခြားစေတဲ့ အခါမှာ စာမဖတ်တဲ့ အမျိုးသမီးတွေက အစားအသောက် များများကို ပိုလိုချင်ကြ တာကိုတွေ့ ရပါတယ်။ ဖျော်ဖြေရေး ကြောင့် စိတ်ဓာတ် အင်အား ပိုကောင်းတဲ့ အခြေအနေမှာ အစားအသောက် တွေဟာ ပိုပြီး နှစ်လိုဖွယ်ရာ ဖြစ်နေတာကြောင့် ပါတီ မသွားခင် နားနေပြီး ဦးနှောက်ကို အပန်းဖြေ ပေးဖို့ လိုအပ်ပါတယ်။

၎။ ညစာအတူစားဖို့ မိတ်ဆွေကို ဉာဏ်နဲ့ယှဉ်ပြီး ရွေးပါ

အားလပ်ရက် ကာလတွေမှာ မိတ်ဆွေတွေနဲ့ ပိုပြီး ထိတွေ့ရတဲ့ အချိန် ဖြစ်သလို အစားအသောက် တွေကို အတူတူစားဖို့ ကောင်းတဲ့ အချိန်လည်း ဖြစ်ပါတယ်။ စားသောက်ဆိုင် တွေမှာ အတူတူ လာစားကြတဲ့ မိတ်ဆွေပေါင်း ၁၄၅၉ ဦးကို လေ့လာရေး လုပ်နေကြောင်း မသိစေဘဲ မှာယူတဲ့ အစားအသောက် တွေကို လေ့လာခဲ့တာ ဖြစ်ပါတယ်။ အများစုဟာ အတူတူစား နေကြ အစားအသောက် ကိုပဲမှာကြ တာကို တွေ့ခဲ့ရ ပါတယ်။ မိတ်ဆွေတွေ များလာရင်လည်း အများစု မှာတာကိုပဲ မှာစားကြပြီး ကျေနပ်တာများ ပါတယ်။ ဒါကြောင့် ကိုယ်နဲ့ အတူစားမယ့် လူရဲ့ စားသောက်မှု ပုံစံကိုပိုပြီး အလေးပေး ဂရုစိုက်သင့်တယ်လို့ ဆိုပါတယ်။

၅။ အစားများများစားမယ့် အချိန်အတွက် ကြိုတင် ပြင်ဆင်ထားပါ

အစာစားချင်တဲ့ အချိန်ဟာ အများအားဖြင့် ည ၈ နာရီအချိန် ဖြစ်တာကို တွေ့ရ ပါလိမ့်မယ်။ အဲဒီအချိန်မှာ လူတွေဟာ အချို၊ အငန် နဲ့ ကစီဓာတ် များတာတွေကို စားချင်ကြတယ်လို့ Obesity ဂျာနယ်ရဲ့ လေ့လာရေး စာတမ်းမှာ ဖော်ပြထား ပါတယ်။ ကိုယ်ခန္ဓာရဲ့ ဇီဝဓာတ် လှည့်ပတ်မှု အရ ညအမှောင် ရောက်လာရင် အစားပိုစားချင် လာကြတယ်။ ဆောင်းတွင်း ရောက်ရင် အစားအသောက် ကောင်းကောင်းကို ပိုပြီးစားချင် လာကြတယ်လို့ ဆိုပါတယ်။ ဒါကြောင့် ည ၈ နာရီဝန်းကျင်မှာ အဆာပြေ စားစရာ ကို အသင့်ပြင် ထားသင့်တယ်။

၆။ အရက်သောက်ရာမှာ သတိရှိဖို့လိုတယ်

ဒီလို အားလပ်ရက် ရာသီမှာ ချောကလက် ပူပူထဲကို အရက်ရော သောက်တာလည်း ရှိပါတယ်။ ဘာကြောင့်လည်း ဆိုတော့ အဲဒါက ဒီလို အေးမြတဲ့ ဆောင်းရာသီနဲ့ လိုက်ဖက်တဲ့ သောက်စရာ တစ်မျိုးပဲလေ။ အရေးကြီးတာက ဘယ်လို အရက်မျိုး ရွေးမလဲ၊ အကြိမ် ဘယ်လောက် သောက်သလဲ၊ အလွန်အမင်း ဝတာနဲ့ အရက်သောက်တာ ဆက်စပ်မှု စတာတွေကို ဉာဏ်နဲ့သတိ ရှိဖို့ပဲလိုပါတယ်။ အရက်သောက် တတ်သူ ၈ဝဝဝ ကို ပြီးခဲ့တဲ့ ရက်သတ္တပတ် ကလေ့လာမှုအရ အရက်သောက်သူ အမျိုးသမီးတွေမှာ တစ်ရက်ကို ကယ်လိုရီ ၃၈၂ တိုးစေပြီး အဲဒီ ပမာဏဟာ တစ်နေ့တာ စားသုံးမှုရဲ့ ၁၉ ရာခိုင်နှုန်း အထိ ရှိတာကို တွေ့ရပါတယ်။ အမျိုးသားတွေ မှာတော့ ၆၇၇ ကယ်လိုရီ အထိတိုးစေပြီး အဲဒီ ပမာဏဟာ တစ်နေ့တာ စားသုံးမှုရဲ့ ၂၇ ရာခိုင်နှုန်း အထိရှိတာကို တွေ့ရတယ်လို့ ဆိုပါတယ်။ အရက်လုံးဝ မသောက်ဖို့ မဆိုလိုပေမယ့် အရက်ထဲမှာ ပါဝင်နေတဲ့ ကယ်လိုရီ ပမာဏကြောင့် အဝလွန် မလာအောင် ထိန်းသိမ်းဖို့လို ပါတယ်။

၇။ အစာစားရန် ခက်ခဲစေမယ့် အတားအဆီး အချို့ထားရှိပါ

အစာမစား ဖြစ်အောင် သို့မဟုတ် အစာစားဖို့ ခက်ခဲအောင် အတားအဆီး အချို့ ထားရှိပါက အနည်းငယ်သာ စားဖြစ် လိမ့်မယ်လို့ Appetite ဂျာနယ် စစ်တမ်း တစ်စောင်က ဖော်ပြထား ပါတယ်။ အားလပ်ရက် ရာသီမှာ အများဆုံး စားတတ်ကြတဲ့ ချောကလက်နဲ့ အသီးခြောက် တွေကို ခဲပတ် ဒါမှမဟုတ် ပါကင်ထုပ် ထားတာနဲ့ ပါကင် ထုပ်မထားတာတွေ ချထားပေးပြီး စမ်းသပ်ခဲ့ရာမှာ အထုပ်ဖြေပြီး စားရတာနဲ့ ဒီအတိုင်း လွယ်လွယ် စားရတာမှာ ၃ဝ ရာခိုင်နှုန်း အထိ စားသောက်နှုန်း လျော့ကျတာကို တွေ့ရတယ်လို့ သိရပါတယ်။

#Themyawadydaily
#မြ၀တီနေ့စဉ်

ရန်ကုန်မြို့တော် အတွင်းရှိ ခွင့်ပြုချက်မဲ့ အဆောက်အအုံ ၂၀၀၀ ကျော်ကို တရားစွဲဆိုထားပြီး အဆောက်အအုံ ၃၇ လုံးကို ပြန်လည် ဖျက်သိမ်းထား



ရန်ကုန် ၊ ၂၉-၁၂-၂၀၁၄

ရန်ကုန်မြို့တော် အတွင်းရှိ ခရိုင်လေးခု အတွင်း ခွင့်ပြုချက်မဲ့ အဆောက်အအုံ ၂ဝဝဝ ကျော်ကို ရန်ကုန်မြို့တော် စည်ပင် သာယာရေး ကော်မတီက တရားစွဲဆို ထားပြီး အဆောက်အအုံ ၃၇ လုံးကို ပြန်လည် ဖျက်သိမ်း ထားကြောင်း ရန်ကုန်မြို့တော် စည်ပင် သာယာရေးကော်မတီ အင်ဂျင်နီယာ ဌာန (အဆောက်အအုံ) ဌာနမှူး ဦးသန်းဌေး က ပြောသည်။

အဆိုပါ တရားစွဲဆို ခံရသော ခွင့်ပြုချက်မဲ့ အဆောက်အအုံများမှာ ရန်ကုန် အရှေ့ပိုင်းခ ရိုင်၌ ၉၅၄ လုံး၊ အနောက်ပိုင်း ခရိုင်၌ ၆၂ လုံး၊ တောင်ပိုင်းခရိုင် ၌ ၁၅၉ လုံးနှင့် မြောက်ပိုင်း ခရိုင်၌ ၉၂၆ လုံးတို့ ဖြစ်သည်။

တရားစွဲဆို ခံရမှု အများဆုံး မြို့နယ်များမှာ သင်္ဃန်းကျွန်း၊ လှိုင်နှင့် မရမ်းကုန်း မြို့နယ်တို့ ဖြစ်ကြောင်း ရန်ကုန်မြို့တော် စည်ပင် သာယာရေး ကော်မတီ အင်ဂျင်နီယာဌာန (အဆောက်အအုံ) ၏ စာရင်းများ အရ သိရသည်။

စည်ပင်သာယာရေး ကော်မတီ၏ ခွင့်ပြုချက် မရရှိဘဲ ဆောက်လုပ်သည့် အဆောက်အအုံ ၃၇ လုံးကို အောက်တိုဘာလ နှင့် နိုဝင်ဘာလ အတွင်းက ဖျက်သိမ်း ခဲ့ကြောင်း သိရသည်။ ဆောက်လုပ်ဆဲ အဆောက်အအုံ ဖျက်သိမ်းခံ ရသည့် မြို့နယ်များမှာ သင်္ဃန်းကျွန်း၊ မင်္ဂလာဒုံ၊ လှိုင်သာယာ၊ ပုဇွန်တောင်၊ မြောက်ဥက္ကလာပ၊ တောင်ဥက္ကလာပ၊ စမ်းချောင်း၊ မရမ်းကုန်းနှင့် ကမာရွတ်မြို့နယ် တို့ဖြစ်ကြောင်း သိရသည်။

''ခွင့်ပြုချက်မဲ့ ဆိုတာက အိမ်ဆောက်လုပ်ခွင့် တင်ထားပြီး ခွင့်ပြုချက် မရမီ ဆောက်လိုက်တာကို ဆိုလိုတာပါ။ ဘယ် နှစ်ခုနှစ်အတွင်း တရားစွဲတာလဲ ဆိုတာက အချို့ပယ်တာ၊ ထပ်ဝင်တာတွေနဲ့ ဆိုတော့ ပြောဖို့ခက် ပါတယ်''ဟု ၄င်းက ဆက်လက် ပြောသည်။

#Themyawadydaily
#မြ၀တီနေ့စဉ်

လာမည့် ဘဏ္ဍာနှစ်တွင် ရာသီဥတုဒဏ် ခံနိုင်သောလမ်းများကို လမ်းအဆင့် ပေါ်မူတည်ပြီး ပြုပြင်ထိန်းသိမ်းမှုများ ပြုလုပ်မည်



ရန်ကုန် ၊ ၂၉-၁၂-၂ဝ၁၄

လာမည့် ဘဏ္ဍာနှစ်တွင် ရာသီဥတု ဒဏ်ခံနိုင်သော လမ်းများကို လမ်းပိုင်းများ အဆင့်ခွဲခြားကာ လမ်းအဆင့်ပေါ် မူတည်ပြီး ပြုပြင် ထိန်းသိမ်းမှုများ ပြုလုပ် သွားမည် ဖြစ်ကြောင်း ရန်ကုန်မြို့တော် စည်ပင် သာယာရေး ကော်မတီ လမ်း၊ တံတားဌာနမှ တာဝန်ရှိသူ တစ်ဦး၏ ပြောကြားချက် အရ သိရသည်။

ရန်ကုန်မြို့ပြ ဖွံ့ဖြိုးရေး မဟာဗျူဟာ စီမံကိန်းအရ မြို့သစ် မြို့နယ်များနှင့် ချိတ်ဆက် ထားသည့် မြို့တွင်း ပတ်လမ်းများ ကောင်းမွန်ရန် ပြုလုပ် သွားမည် ဖြစ်ကြောင်း သိရသည်။ မြို့ပတ်လမ်း၌ ကမ်းနားလမ်း၊ ဗိုလ်တထောင် ဈေးလမ်း၊ အနော်ရထာလမ်း၊ အောက် ပုဇွန်တောင်လမ်း၊ အထက် ပုဇွန်တောင်လမ်း၊ ဝေဇယန္တာလမ်း၊ သုဓမ္မာလမ်း၊ ခရေပင်လမ်း၊ အောက် မင်္ဂလာဒုံလမ်း၊ ဘုရင့်နောင်လမ်း နှင့် ကြည့်မြင်တိုင် ကမ်းနားလမ်း စသည့်လမ်းများ ပါရှိမည် ဖြစ်ကြောင်း သိရသည်။

၂ဝ၁၄- ၂ဝ၁၅ ဘဏ္ဍာနှစ်တွင် ရန်ကုန်မြို့တော် စည်ပင် သာယာရေး ကော်မတီ နယ်နိမိတ် အတွင်း လမ်းခင်းခြင်း လုပ်ငန်းများ အတွက် ငွေကျပ် ၅ဝ ဘီလီယံကျော် အသုံးပြုမည် ဖြစ်ပြီး ကတ္တရာလမ်း များထက် ကွန်ကရစ်လမ်း များကိုသာ ဦးစားပေး ခင်းကျင်း နေကြောင်း သိရသည်။

၂ဝ၁၅- ၂ဝ၁၆ ဘဏ္ဍာနှစ်တွင် လမ်းခင်းခြင်း လုပ်ငန်းများ အတွက် ငွေကျပ် ၇၇ ဒသမ ၁၆၂ ဘီလီယံ အပြင် တံတား တည်ဆောက်ခြင်း လုပ်ငန်းများ အတွက် ငွေကျပ် ၉ ဒသမ ၄၄၆ ဘီလီယံ အသုံးပြု သွားရန်
လျာထားကြောင်း သိရသည်။ လက်ရှိတွင် ကွန်ကရစ်လမ်း များအဖြစ် ရန်ကုန်မြို့ ရှိ အထက် ပုဇွန်တောင်လမ်း နှင့် အောက် မင်္ဂလာဒုံ လမ်းမကြီး တို့ကို ပြောင်းလဲ ခင်းကျင်းလျက် ရှိကြောင်း သိရသည်။

အဆိုပါ လမ်းပိုင်းများ ပြုပြင် ထိန်းသိမ်း ရာတွင် အဓိကအားဖြင့် ရာသီဥတု ဒဏ်ခံနိုင်ရန် ကွန်ကရစ်လမ်းများ ခင်းသွားမည် ဖြစ်ပြီး ပြည်လမ်းနှင့် ကမ္ဘာအေး ဘုရားလမ်း အစရှိသည့် အဓိက လမ်းများကို ကတ္တရာလမ်း
အဖြစ် ထိန်းသိမ်း ပြုပြင်မည် ဖြစ်ကြောင်း သိရသည်။

မိုးရာသီ ကာလများ အတွင်း ရေတင်ကျန်မှု ရှိသော လမ်းများ၌ လမ်းပျက်စီး နိုင်မှုနည်းသော ကွန်ကရစ် လမ်းခင်းခြင်းများ ကိုသာ ဦးစားပေး လုပ်ဆောင် သွားမည်ဖြစ်သည်။ အဆိုပါ အဆင့်မြင့်လမ်း အဖြစ် လုပ်ဆောင်ရာတွင် လမ်း၊ တံတား လုပ်ငန်း ၁၁၆ ခုပါဝင် မည်ဖြစ်ကြောင်း သိရသည်။

စိုးမိုး

#Themyawadydaily
#မြ၀တီနေ့စဉ်

အိန္ဒိယနိုင်ငံတွင် အအေးလှိုင်းဖြတ်မှုကြောင့် လူ ၂ဝ ကျော်သေဆုံး




Agra recorded the lowest minimum of the season at 0.1 degrees Celsius on Friday morning.

လက်ခ်နောင်း ၊ ၂၉-၁၂-၂၀၁၄

အိန္ဒိယနိုင်ငံ အွတ်တာပရာဒက်ရှ် ပြည်နယ်တွင် ဒီဇင်ဘာ ၂၇ ရက်က အအေးလှိုင်း ဖြတ်မှုကြောင့် မြူနှင်းများ အုံ့ဆိုင်း၍ လေအေးများ ပြင်းထန်စွာ တိုက်ခတ်ခဲ့ကြောင်း သိရသည်။

အဆိုပါ ပြည်နယ်ရှိ နေရာဒေသ အတော် များများတွင် မြူနှင်းများ အုံ့ဆိုင်းမှုကြောင့် ပတ်ဝန်းကျင် အမြင်များ မှုန်ဝါးသွားခဲ့ပြီး ကုန်းလမ်း သယ်ယူ ပို့ဆောင်ရေး လုပ်ငန်းများ နှောင့်နှေးခဲ့ ရကြောင်း သိရသည်။ ယင်းကဲ့သို့ ရာသီဥတု အခြေအနေ လွန်စွာ ဆိုးရွားမှုကြောင့် ပြည်နယ် တစ်ဝန်းတွင် လူပေါင်း ၂ဝ ကျော် သေဆုံးခဲ့ပြီး သေဆုံးသူ ဦးရေမှာ ၁ဝဝ ထိ မြင့်တက်နိုင်ဖွယ် ရှိကြောင်း သိရသည်။

ပြည်နယ်အရှေ့ပိုင်း ပူးဝါးဗန်ချာလ် ဒေသသည် အအေးလှိုင်း ရိုက်ခတ်မှုဒဏ် အဆိုးရွားဆုံး ခံခဲ့ရပြီး လူ ၁၆ ဦး သေဆုံး ခဲ့ကြောင်း၊ ကန်ပါ ဒေသတွင် သုံးဦး သေဆုံး ခဲ့ပြီး မီရွတ်ဒေသ တွင် တစ်ဦးသေဆုံး ခဲ့ကြောင်း သိရသည်။ ထို့ကြောင့် ပြည်နယ် အစိုးရအဖွဲ့သည် အအေးလှိုင်းဒဏ် ခံရသည့် ဒေသမှ ဆင်းရဲသူများနှင့် ခိုကိုးရာမဲ့ ဖြစ်သူများအတွက် ယာယီ ကယ်ဆယ်ရေး စခန်းများနှင့် မီးပုံများကို စီစဉ်ပေးရန် ညွှန်ကြား ခဲ့ကြောင်း သိရသည်။

၎င်းအပြင် တီရာဘီ ဒေသတွင်လည်း လာမည့်ရက် အနည်းငယ်အတွင်း အအေးလှိုင်း ရိုက်ခတ်နိုင်ဖွယ် ရှိပြီး အေဂရာမြို့တွင် အနိမ့်ဆုံး အပူချိန် ၃ ဒသမ ၃ ဒီဂရီဆဲစီးယက် နှင့် လက်ခ်နောင်းမြို့တွင် အနိမ့်ဆုံး အပူချိန် ၆ ဒီဂရီဆဲစီးယက် ထိ ကျဆင်းနိုင်ကြောင်း ဒေသတွင်း မိုးလေဝသဌာနမှ ခန့်မှန်း ပြောကြား ထားသည်။

Cold wave prevails in North India, Agra records lowest minimum temperature

#Themyawadydaily
#မြ၀တီနေ့စဉ်

အသံဝင်ခြင်း


အသံဝင်ခြင်း

ဒေါက်တာလွင်သန့် (ဆေး-၂)


အသံဝင်ခြင်း၊ အသံပျက်ခြင်း မှာ အသံအိုးနှင့် ဆိုင်သော ရောဂါ အမျိုးမျိုးကြောင့် ဖြစ်သည်။ အလွန် အားနည်းခြင်း၊ အာဟာရ ဓာတ်ချို့တဲ့ခြင်း နှင့် ပြင်းထန်သော သွေးအားနည်းခြင်း တို့ကြောင့် အသံပျက်လေ့ ရှိသည်။ 

အသံကို လွန်ကဲစွာ အသုံးမပြုဘဲ အသံဝင်၊ အသံပျက် လာလျှင်၊ ရုတ်တရက် အသံဝင် လာလျှင်၊ မကြာခဏ အသံဝင် တတ်လျှင်၊ ရက်ကြာမြင့်စွာ အသံဝင် အသံပျက် နေလျှင် ယင်းတို့၏ နောက်ကွယ်တွင် အကြောင်းရင်းခံ ရောဂါဆိုးများ ရှိနေတတ် သည်ကို သတိပြု သင့်သည်။ အသံဝင်ခြင်း သဘောမှာ စာကြည့်များလျှင် မျက်စိညောင်း လာသည်။ လမ်းလျှောက်များလျှင် ခြေထောက် ညောင်းလာသည်။ စကားပြောဖန် များလျှင်၊ ကျယ်လောင်စွာ အော်ဟစ်လာ လျှင် အသံဝင်လာမည် ဖြစ်သည်။

သဘာဝ = အသံဝင်ခြင်း ၊ အသံပျက်ခြင်း မှာ အသံနှင့် ဆိုင်သော ရောဂါအမျိုးမျိုး ကြောင့်ဖြစ်သည်။ အကြောင်း အမျိုးမျိုးကြောင့် ဖြစ်နိုင်သော အသံအိုး ရောင်ခြင်း အမျိုးမျိုး၊ အသံအိုးတွင် အဆုတ်ရောဂါ ပိုးဝင်ခြင်း၊ ကာလသား ရောဂါကြောင့် အသံအိုးတွင် အသားပို၊ အနာဖြစ်ခြင်း၊ ဝက်သက်ရောဂါ၊ ဆုံဆို့နာ၊ အသံအိုး အကျိတ်လုံး နှင့် ကင်ဆာ ရောဂါ တို့ဖြစ်သည်။ အသံအိုး ထိခိုက်၍ လည်း အသံဝင် နိုင်သည်။

သိုင်းရွိုက်ကလင်း ချို့ယွင်းမှု လွန်ကဲခြင်း၊ ခန္ဓာကိုယ် တစ်ကိုယ်လုံးရှိ ကြွက်သားများ အားနည်းခြင်း၊ အရက်စွဲခြင်း၊ မေးခိုင်ရောဂါ နှင့် တခြား ကြွက်သားများ တက်တတ်သည့် ဝေဒနာ များကြောင့်လည်း အသံဝင် နိုင်သည်။

ဦးနှောက်အကျိတ် ချို့ယွင်းမှုကြောင့်  ဖြစ်သော ခန္ဓာကိုယ် အဆမတန် မူမမှန် ကြီးထွားသည့် ရောဂါတွင် အသံပျက် နိုင်သည်။ အလွန် အားနည်းခြင်း၊ အာဟာရ ချို့တဲ့ခြင်း၊ ပြင်းထန်သော သွေးအား နည်းခြင်း၊ လေဖြတ်ခြင်း တို့တွင် အသံပျက်လေ့ ရှိသည်။ အသံမဝင် ရအောင် အသံဝင်ခြင်း မဖြစ်စေ ရန် အလွန်အမင်း ဟစ်အော် ပြောဆိုခြင်း၊ မရပ်မနား အချိန် ကြာမြင့်စွာ စကားပြောခြင်း၊ သီချင်း ဟစ်ကြွေးခြင်း တို့ကို ဆင်ခြင် သင့်သည်။ အစားမှန်၊ အနေမှန်ရန် လိုအပ်သည်။ အသံဖြင့် အဓိက နာမည်ကြီး သူများ (အဆိုတော်များ၊ ဗုဒ္ဓဘာသာဝင် ဘုန်းကြီးများသည် တစ်လလျှင် သုံး၊ လေးရက်ခန့် သီချင်းမဆို၊ တရား မဟောဘဲ အနားပေး ခြင်းဖြင့် အသံဝင်ခြင်း
ကို ကာကွယ် နိုင်သည်။)

အကယ်၍ အသံ လွန်ကဲစွာ အသုံးမပြုဘဲ အသံဝင် အသံပျက်လျှင်၊ ရုတ်တရက် အသံဝင် လာလျှင်၊ မကြာခဏ အသံဝင် တတ်လျှင်၊ ရက်ကြာမြင့်စွာ အသံဝင်၊ အသံပျက် နေလျှင် စသော သဘာဝ မကျသည့် အသံဝင်ခြင်း မျိုးတို့၏ နောက်ဆက်တွဲ အကြောင်းရင်း ရောဂါများ ရှိတတ်၍ ယင်းတို့ ဖြစ်ပေါ်ပါက နီးစပ်ရာ ဆရာဝန် သို့မဟုတ် နား၊ နှာခေါင်း၊ လည်ချောင်း အထူးကု ဆရာဝန်ထံ အချိန်မီ သွားရောက်ပြသ တိုင်ပင်၍ ထိရောက်သော ဆေးကုသမှုကို စောစီးစွာ ခံယူသင့်သည်။

ဓာတ်စာ = နို့နှင့် နို့ထွက်ပစ္စည်း များသည် အဆုတ်၌ ချွဲ၊ သလိပ် ဖြစ်ပေါ်မှု ပိုများလာ သဖြင့် အသံဝင်တာ မသက်သာခြင်း ဖြစ်သည်။ သကြားနှင့် သကြားဓာတ် ပိုသည့် အစားအစာ များ ရှောင်ရမည်။ အဆီများသော အစားအစား၊ အသင့် အမြန်စား အစားအစာ (ဟမ်ဘာဂါ၊ စနပ်၊ ပီဇာ) မုန့်များ ရှောင်ရမည်။ စိတ်ဖိစီးမှု လျှော့ချ ရမည်။ အသံအိုး နာနေသဖြင့် စကားပြော ခြင်းမှ အနားယူ ရမည်။ အချဉ်များ သည့် အစာ စားသင့်သည်။

ဆေးစားခြင်း = လေပြွန် ရောင်ရမ်းနာ ကုသခြင်း၊ တီဘီရောဂါ အတွက် တီဘီဆေး (DOTS) ဖြင့် ခြောက်လ သို့မဟုတ် ရှစ်လ ပြီးပြတ်အောင် ကုသခြင်း လုပ်ဆောင် နိုင်ပြီး ဆရာဝန်၏ လမ်းညွှန်မှု နှင့် ကုသမှု များကိုခံယူသင့် ပါသည်။ ။

#Themyawadydaily
#မြ၀တီနေ့စဉ်

မလိုလားအပ်သော မာန်မာနများ ဖယ်ရှားစေလို


မလိုလားအပ်သော မာန်မာနများ ဖယ်ရှားစေလို

အောင်ခန့်ဖြိုးဝေ ( တောင်ငူ )

စာရေးသူတို့၏ လူနေမှု ဘဝတွင် အမှား တွေ့နေလျှင် အမှန်ပြင် ရမည်ကို လူတိုင်းလိုလို သိနေကြ သော်လည်း ထိုအမှားကို အမှန်တကယ် ပြုပြင် ရတော့မည် ဆိုလျှင် များသော အားဖြင့် ဝန်လေးနေတတ် ကြသည်။ ပျက်စရာရှိလျှင် ပျက်ချင်ချင် တည်းဆိုသလို ဆက်၍ ဆက်၍ ပျက်နေတတ် ကြသည်။

မိမိဘက်က အနည်းငယ် လျှော့လိုက်၊ တိုးလိုက်ရုံ မျှဖြင့် ကိစ္စပြေလည် သွားမည်ကို သိလျက်နှင့် တင်းခံနေတတ် ကြသည်။ ယင်းသို့ လျှော့လိုက်၊ တိုးလိုက် ခြင်းဖြင့် မိမိဘက်မှ သိက္ခာကျဆင်း သွားမည်ဟု အထင် ရောက်တတ် ကြသည်။ သို့ဖြစ်၍ မိမိ၌ရှိသော ''မလိုလား အပ်သော မာန်မာန'' ကို အရင် ဖယ်လိုက်ခြင်း အားဖြင့် မိမိ တည်ဆောက် နေသော ဘဝကို အလျှော့အတင်း လုပ်နိုင်ကြောင်း လူအများ သတိမူမိ ကြရန် လိုအပ် ပေသည်။

မြန်မာ့ရိုးရာ ပုံပြင်များတွင် ကျီးနှင့်ဘုတ် ပုံပြင်သည် ဤသဘော ဖော်ဆောင် ထားသည်ကို တွေ့ရမည် ဖြစ်သည်။ အစဉ်အလာအရ အမျိုး အချင်းချင်း ရန်သူများ ဖြစ်ခဲ့ကြ သော်လည်း တစ်ဦးအပေါ် တစ်ဦး အလျှော့အတင်း လုပ်ကာ အလွန်တရာ ချစ်ကြည် ရင်းနှီးသော မိတ်ဆွေများ ဖြစ်လာ ကြသည်။ ကျီးဘက်မှ ရန်လိုမှုကို လျှော့၍ ချစ်ကြည် ရင်းနှီးမှု မေတ္တာကို တိုး၍ လည်းကောင်း၊ ဘုတ် ဘက်မှလည်း ရန်လိုမှု များကို လျှော့၍ ချစ်ကြည် ရင်းနှီးမှု မေတ္တာကို တိုး၍ လည်းကောင်း ရေရှည်ခိုင်မာ မြဲမြံသော မိတ်ဆွေများ အဖြစ် တက်လှမ်း နိုင်ခဲ့ကြသည် သာမက ''ကျီးကို ဘုတ်ရိုသေ၊ ဘုတ်ကို ကျီးရိုသေ'' ဆိုသည့် ပေါင်းသင်း ဆက်ဆံရေး ပုံစံတစ်ခုကို အခိုင်အမာ ချပေးနိုင်ခဲ့ ကြပေသည်။ 

ကန်တော်မင်းကျောင်း ဆရာတော် က လူမှုကိစ္စများ ပြုမူ ဆောင်ရွက်သည့် အခါတွင် ''မပေါ့မသေး၊ မနှေးမလျင်၊ ရွှေချိန်ခွင် သို့၊ မတင်းမလျော့၊ လှေပေါင်ဖော့ သို့၊ မလျှော့ပညာ၊ တံငါလုလင်၊ မျှားကြိုးငင် သို့'' ဟု ဥပမာများနှင့် ဖော်ပြ ထားသည်။ လူမှုရေးရာ ပြုမူ ဆောင်ရွက်ချက် များတွင် အစွန်း ရောက်သော အပြုအမူ  လုပ်ဆောင်ချက် များ ဖြစ်မသွားအောင် ဘဝလမ်းညွှန်များ အဖြစ်ခံယူ တည်ဆောက် သွားသင့်ကြ ပေသည်။

မင်းတုန်းမင်း နှင့် ညီတော် ကနောင်မင်းသား တို့သည် အိမ်ရှေ့မင်းသား ခန့်အပ်ရေး တစ်ဖက်နှင့် တစ်ဖက် တင်းမာ နေကြရာ ညီလာခံကို ရက်အတန်ကြာ မတက်ဘဲ ကနောင်မင်းသား သည် နောင်တော် အပေါ် မကျေနပ် ကြောင်း ပြသ ခဲ့သည်။ ဤ အခြေအနေကို သိသော မင်းတုန်းမင်း သည် ပညာရှိ စာဆို ဦးပုညအား ခေါ်ယူ၍ နောင်တော်နှင့် ညီတော် နှစ်ဦး စိတ် အခန့်မသင့် ဖြစ်နေမှုကို ကျေအေး ပြေပျောက် သွားစေမည့် ပြဇာတ်တစ်ပုဒ် ကို ရေးစေပြီး သဘင်ဆောင်တွင် ကပြရန် တာဝန် ပေးခဲ့သည်။ ဦးပုည ကလည်း သွေးအရင်း ခေါက်ခေါက် ညီအစ်ကိုရင်း ပင် မဆိုထားနှင့် သွေးမတော် သားမစပ်သူ သူစိမ်း တစ်ရံဆံ တစ်ယောက်ကိုပင် အိမ်ရှေ့အရာ ပေးဝံ့သူ ဥဒ္ဒယကုမ္မာ မင်းကြီး အကြောင်း ပါသည့် ဂင်္ဂါမာလ ဇာတ်တော်ခေါ် ရေသည်ပြဇာတ် ကိုရေး၍ သဘင်ဆောင် တွင် တင်ဆက် ကပြ စေခဲ့သည်။ ထိုပြဇာတ်ကို မင်းတုန်းမင်း နှင့် ကနောင်မင်းသား တို့ကြည့်ရှုပြီး သည့်နောက် တွင် ယခင်က ရှိခဲ့သော မကျေလည်မှု များသည် ကင်းစင် ပပျောက် အေးငြိမ်းသွားကာ ညီနောင်နှစ်ဦး ချစ်ကြည်စွာ ဆက်လက် နေထိုင် ခဲ့ကြကြောင်း မြန်မာ့ သမိုင်းစဉ်တွင် ပြောစမှတ် ကျန်ခဲ့သော ဖြစ်ရပ်တစ်ခု ရှိခဲ့သည်။ ဤသည်မှာ မင်းတုန်းမင်း ဘက်မှ ညီတော်အပေါ် သည်းခံ ခွင့်လွှတ်ပြီး မာန်မာန ကိုလျှော့၊ မေတ္တာကို တိုးလိုက်ခြင်းဖြင့် စိတ်ချမ်းမြေ့ ဖွယ်ပြေလည် ငြိမ်းအေးမှုကို ရယူဖန်တီး တည်ဆောက် နိုင်ခဲ့ကြောင်း ဖော်ပြခြင်းပင် ဖြစ်ပေသည်။

ဆင်ခြင် စဉ်းစားမှု၊ ကိုယ်ချင်း စာနာမှု၊ အကျိုးကို လိုလားမှု၊ ခွင့်လွှတ် သည်းခံမှု စသော စိတ်ထားကောင်း များကို အခြေခံထားပြီးမှ သာလျှင် ကောင်းသော မာန၊ မှန်ကန်သော မာန တို့သည် ဖြစ်တည် လာနိုင်သည်။ ထိုမာနမျိုး ဖြင့်သာလျှင် တစ်ဦးအပေါ် တစ်ဦး အလျှော့ အတင်း၊ အတိုးအဆုတ် လုပ်ကာ ငြိမ်းအေး သာယာစွာ အတူတကွ နေထိုင်နိုင် ကြမည်မှာ အမှန်မလွဲ ပါကြောင်း ရေးသား တင်ပြလိုက် ပါသည်။ ။

#Themyawadydaily
#မြ၀တီနေ့စဉ်

အွန်လိုင်း ဆိုက်ရောက်ဗီဇာစနစ်ကြောင့် ဗုဒ္ဓဂယာဘုရားဖူး အရေအတွက် တိုးလာနိုင်



ရန်ကုန် ၊ ၂၉-၁၂-၂၀၁၄

မြန်မာနိုင်ငံ အပါအဝင် နိုင်ငံပေါင်း ၄၃ နိုင်ငံမှ ခရီးသွား ဧည့်သည်များအား ယခုလလယ်မှ စတင်၍ အိန္ဒိယ ဆိုက်ရောက် ဗီဇာကို အွန်လိုင်းမှ တစ်ဆင့် လျှောက်ထား နိုင်ပြီဖြစ်ရာ ယင်းစနစ်ကြောင့် မြန်မာနိုင်ငံမှ ဗုဒ္ဓဂယာသို့ သွားရောက် ဖူးမြော်မည့် ဘုရားဖူး အရေအတွက် တိုးလာနိုင်ကြောင်း ဗုဒ္ဓဂယာ ဘုရားဖူး လုပ်ငန်း ကော်မတီမှ တာဝန်ရှိသူ တစ်ဦး၏ ပြောကြားချက် အရ သိရသည်။

အိန္ဒိယ ဆိုက်ရောက်ဗီဇာ ကို အွန်လိုင်းမှ တစ်ဆင့် လျှောက်ထားရာတွင် တစ်နှစ်လျှင် နှစ်ကြိမ် လျှောက်ထားနိုင်ပြီး တစ်ကြိမ်လျှင် ရက်ပေါင်း ၃ဝ သာ ရရှိကြောင်း၊ အွန်လိုင်းဗီဇာ ကို ၇၂ နာရီအတွင်း အီးမေးလ်ဖြင့် လျှောက်ထားနိုင်ပြီး ထိုကဲ့သို့ လျှောက်ထား ရာတွင် အီးမေးလ်မှ ပြန်လည် ပေးပို့သော ခွင့်ပြုချက်ကို ပုံနှိပ်၍ အိန္ဒိယနိုင်ငံ၏ နိုင်ငံတကာ လေဆိပ် ကိုးခုမှ ဝင်ရောက် နိုင်မည် ဖြစ်ကြောင်း သိရသည်။

အဆိုပါစနစ်ကို သုံးစွဲရာတွင် အဆင်ပြေ ပါက ဗုဒ္ဓဂယာသို့ ဘုရားဖူး သွားရောက်မည့် အရေအတွက်မှာ ယခုထက် ပိုမိုတိုးတက် လာနိုင်မည် ဖြစ်ကြောင်း သိရသည်။ ယခုကျင့်သုံး နေသောစနစ်မှာ ဗီဇာရရှိရန် အချိန်တစ်လခွဲ ခန့်ယူပြီး တစ်ရက်လျှင် ခရီးသွား ကုမ္ပဏီ တစ်ခုမှ လူဦးရေ ၁ဝ ဦးသာ လက်ခံလျက် ရှိကြောင်း သိရသည်။ 

နေနေ

#Themyawadydaily
#မြ၀တီနေ့စဉ်

အမျိုးသားေးရးအားမာန်


အမျိုးသားေးရးအားမာန်

နယ်ချဲ့လက်အောက် ကျွန်သပေါက် ဘဝသို့ ကျရောက်ခဲ့ ရသည့် ကမ္ဘာပေါ်ရှိ နိုင်ငံများသည် သူ့ကျွန်ဘဝမှ လွတ်မြောက်အောင် ရုန်းထွက်ကြ ရာ၌ ထိုနိုင်ငံတို့ရှိ ပြည်သူတို့၏ အသက် သွေး၊ ချွေး ပေါင်း မြောက်မြားစွာ ပေးဆပ်ပြီး မှသာ လွတ်လပ်သော နိုင်ငံအဖြစ်သို့ ရရှိခဲ့ကြ ရသည်။

ထိုသို့ နိုင်ငံ လွတ်လပ်ရေး ရရှိအောင် ကြိုးပမ်း ရုန်းကန်ရာ၌ နှစ်ပေါင်းများစွာ အားထုတ်ခဲ့ ကြရပြီး ထိုနိုင်ငံ အနေဖြင့် သူ့ကျွန်ဘဝ ရောက်ရှိရခြင်း မှာလည်း စည်းလုံး ညီညွတ်မှု ပြိုကွဲခြင်း၊ အမျိုးသားရေး စိတ်ဓာတ် လျော့နည်း လာခြင်း တို့ကြောင့် ဖြစ်သည်။

ထို့အတူ မြန်မာနိုင်ငံ၏ သမိုင်းကြောင်းကို ပြန်ကြည့်လျှင် လည်း နယ်ချဲ့ လက်အောက် ကျွန်သပေါက် ဘဝ၌ နှစ်ပေါင်း တစ်ရာကျော်တိုင် ခါးသီးစွာ နေထိုင်ခဲ့ကြ ရပြီးနောက် ၁၉၄၈ ခုနှစ် ဇန်နဝါရီ ၄ ရက်တွင် လုံးဝ လွတ်လပ်သော မြန်မာနိုင်ငံ အဖြစ်သို့ ပြန်လည် ရရှိခဲ့သည်။ ထိုကဲ့သို့ လွတ်လပ်ရေး ရရှိခဲ့ခြင်းမှာ အမျိုးသား စည်းလုံး ညီညွတ်မှုကို ပြန်လည် တည်ဆောက် နိုင်ခြင်း၊ လုံးဝ လွတ်လပ်သော နိုင်ငံအဖြစ်သို့ ပြန်လည် ရရှိလိုသော ထက်သန် ပြင်းပြသည့် အမျိုးသားရေး အားမာန် များ တိုးပွားလာခြင်း တို့ကြောင့် ဖြစ်သည်။

မြန်မာနိုင်ငံ၏ လွတ်လပ်ရေး အတွက် မြန်မာ တစ်မျိုးသားလုံး၏ အမျိုးသားရေး အားမာန် အထက်သန် အပြင်းပြဆုံး သော အချိန်မှာ ၁၉၄၂ ခုနှစ်တွင် ''သခင်မျိုးဟေ့ ဒို့ဗမာ'' ဟု လက်ခမောင်းခတ် ကြွေးကြော် ခဲ့ကြသော အချိန်ကာလ ဖြစ်သည်။ ထို ကြွေးကြော်သံ နှင့်အတူ မျိုးချစ်စိတ်ဓာတ် ရှိသူ လူငယ်၊ လူရွယ်အားလုံး မြန်မာ့ လွတ်လပ်ရေး အတွက် တိုက်ပွဲဝင် ခဲ့ကြသည်။

ထို့အတူ တိုင်းရင်းသား စည်းလုံး ညီညွတ်မှုကို အခြေခံသည့် နိုးကြား တက်ကြွသော အမျိုးသားရေး အားမာန်များ၊ ပြည်သူလူထု တစ်ရပ်လုံးတွင် ပေါက်ဖွား လာပြီး ပြင်းပြသည့် အမျိုးသားရေး စိတ်ဓာတ်များ ထက်သန် လာသည်။

ထို့ကြောင့် မျိုးချစ် တပ်မတော်တွင် လူတန်းစား အလွှာစုံမှ မြန်မာ တစ်မျိုးသား လုံးပါဝင် အားဖြည့် သွေးသစ်လောင်း ခဲ့ပြီး ရဲဘော်သုံးကျိပ် ဦးဆောင်သည့် ဗမာ့ လွတ်လပ်ရေး တပ်မတော် နှင့်အတူ ကျူးကျော်သူ နယ်ချဲ့တို့ကို အမြစ်ပါ မကျန် တွန်းလှန်ချေမှုန်း နိုင်ခဲ့သည်။

သို့ဖြစ်ရာ ထိုကဲ့သို့ အဖွဲ့အစည်း အသီးသီး၊ လူတန်းစား အလွှာအသီးသီး တို့အနေဖြင့် အမျိုးသားရေး အားမာန် အပြည့်ထားကာ အမျိုးသားရေး တာဝန်  တစ်ရပ်ကို အောင်မြင်စွာ ပူးပေါင်း အကောင် အထည်ဖော် နိုင်ခဲ့ခြင်းသည် ရှေ့ဆက်ရမည့် ခရီးလမ်း အတွက် ခွန်အားသစ်များ ဖြစ်သောကြောင့် ထိုအမျိုးသား ညီညွတ်ရေး စိတ်ဓာတ်များဖြင့် ငြိမ်းချမ်း သာယာသော ခေတ် တစ်ခေတ်ကို ဆက်လက် တည်ဆောက် ကြရန် တိုက်တွန်း ရေးသား လိုက်ရ ပေသည်။

( အယ်ဒီတာ့အာဘော် )

#Yadanarpondaily
#ရတနာပုံနေ့စဉ်

မြ၀တီနေ့စဉ်သတင်းစာ (၂၉-၁၂-၂၀၁၄) တနင်္လာနေ့


မြ၀တီနေ့စဉ်သတင်းစာ (၂၉-၁၂-၂၀၁၄) တနင်္လာနေ့
Download Links



Sunday, December 28, 2014

တိရစ္ဆာန် အစာသန့်ထုတ်လုပ်သည့် စက်ရုံများ ဂျပန်နိုင်ငံမှ လာရောက်တည်ဆောက်မည်


ရန်ကုန် ၊ ၂၈-၁၂-၂၀၁၄

ဂျပန်နိုင်ငံမှ မွေးမြူရေး လုပ်ငန်း လုပ်ကိုင်သူများ နှင့် အစာတောင့် ထုတ်လုပ်သည့် လုပ်ငန်း လုပ်ကိုင် သူများက မြန်မာနိုင်ငံ၌ ရေထွက်ကုန် မွေးမြူရေး လုပ်ငန်းများ လာရောက် လုပ်ကိုင်ရန် နှင့် တိရစ္ဆာန် အစာသန့်ထုတ်လုပ်သည့် စက်ရုံများ လာရောက် တည်ဆောက်ရန် ကမ်းလှမ်းလျက် ရှိကြောင်း မြန်မာနိုင်ငံ ငါး ပုစွန်အစာ ထုတ်လုပ် ရောင်းဝယ်သူများ အသင်းမှ သိရသည်။

ယခုအချိန်တွင် တောင်ကိုရီးယား၊ ထိုင်း နှင့် တရုတ် အစရှိသည့် နိုင်ငံတို့မှ မွေးမြူရေး အစာတောင့် ထုတ်လုပ်သည့် လုပ်ငန်း လုပ်ကိုင် သူများက မြန်မာနိုင်ငံ၌ အစာသန့် စက်ရုံများ တည်ဆောက်၍ လုပ်ကိုင်လျက် ရှိပြီး မကြာမီ ကာလတွင် ဂျပန်နိုင်ငံမှ လုပ်ငန်းရှင်များ ကလည်း အစာတောင့် ထုတ်လုပ်သည့် စက်ရုံကို လာရောက် တည်ဆောက်မည် ဖြစ်ကြောင်း ငါး ပုစွန်အစာ ထုတ်လုပ် ရောင်းဝယ်သူများအသင်း ဥက္ကဋ္ဌ ဒေါက်တာ သက်မှူး က ပြောသည်။

ပြည်တွင်းရှိ တိရစ္ဆာန် အစာတောင့် ထုတ်လုပ်သည့် စက်ရုံများ အနေဖြင့် ရာနှုန်းပြည့် လည်ပတ်နိုင်ခြင်း မရှိသည်မှာ ကုန်ကြမ်း ရရှိမှု နည်းပါးနေခြင်း နှင့် ဆယ့်နှစ်လ ရာသီပတ်လုံး ကုန်ကြမ်းရရှိမှု မရှိခြင်း တို့ကြောင့် ဖြစ်ပြီး ကုန်ကြမ်း ပေါပေါများများ ရရှိသည့် အချိန်မှသာလျှင် ဝယ်ယူ စုဆောင်း၍ စက်ရုံများ လည်ပတ်နေ ရကြောင်း တိရစ္ဆာန် အစာတောင့် ထုတ်လုပ်သည့် လုပ်ငန်းရှင်များ ထံမှ သိရသည်။

ထက်နေ

#Themyawadydaily
#မြ၀တီနေ့စဉ်

နိုင်ငံခြားသို့ မြန်မာ့သရက်သီး မျိုးရင်းများ ပိုမိုတင်ပို့လာနိုင်စေရန် ပြည်တွင်းပြည်ပ မှ ပညာရှင်များက အကူအညီပေးမည်



ရန်ကုန် ၊ ၂၈-၁၂-၂၀၁၄

မြန်မာနိုင်ငံမှ ထွက်ရှိသော သရက်သီး မျိုးရင်းများကို အရည်အသွေး မြင့်လာအောင် ဆောင်ရွက်ပြီး နောက် နိုင်ငံခြား တိုင်းပြည်များ သို့ မြန်မာ့မျိုးရင်း သရက်သီးများ ပိုမိုတင်ပို့ လာနိုင်စေရန် သရက် သုတေသန စင်တာမှ ကူညီဆောင်ရွက် ပေးသွားမည် ဖြစ်ကြောင်း မြန်မာနိုင်ငံ သစ်သီးဝလံ ပန်းမန် အသင်းမှ တာဝန်ရှိသူ တစ်ဦးက ပြောသည်။

မြန်မာနိုင်ငံတွင် ယခင်က စာရင်းပြုစု ခဲ့သော သရက် အမျိုးအစား များမှာ စုစုပေါင်း ၂ဝဝ ကျော် ရှိသော်လည်း ယခုအခါ အချို့မှာ မျိုးသုဉ်း ပျောက်ကွယ် သွားပြီး အချို့သရက် မျိုးရင်းများ မှာလည်း မျိုးသုဉ်းလု နီးပါးရှားပါး လာသည့်အတွက် မကြာသေးခင်က နိုင်ငံတစ်ဝန်း တွင် မြန်မာ့သရက် မျိုးရင်းများ ပြည်လည် စာရင်းကောက် ရာတွင် အမျိုးအစား ပေါင်း ၁ဝဝ ခန့်သာ စိုက်ပျိုးဖြစ်ထွန်း တော့ကြောင်း သိရသည်။

ထိုသို့ ဆောင်ရွက်ရာတွင် သရက်ပြတိုက် အတွင်း၌ မြန်မာ့သရက် မျိုးရင်းများကို နည်းပညာ မြှင့်၍ ပြုစုစိုက်ပျိုး ထားပြီး သရက်သီးများ သီးလာသောအခါ သရက်သီး တစ်မျိုးစီ၏ အချိုဓာတ် ပါဝင်မှု၊ အမျှင်ဓာတ် ပါဝင်မှုတို့ကို မှတ်တမ်းတင်ကာ သုတေသန လုပ်ဆောင် ပြီးနောက် အသီးလိုက် ပြည်ပ တင်ပို့နိုင်သော သရက် အမျိုးအစား၊ သရက်သီးခြောက်၊ သရက်ပျဉ် ထုတ်လုပ် နိုင်သော သရက် အမျိုးအစား စသည်ဖြင့် ခွဲခြားကာ တောင်သူများအား အသိပညာ ပေးသွားမည် ဖြစ်ကြောင်း သိရသည်။

ထို့အပြင် အရေအတွက် နှင့် အရည်အသွေး ပြည့်ဝသော သရက် မျိုးရင်းများ ရှင်သန်လာ နိုင်စေရန် အတွက်လည်း စိုက်ပျိုးရာတွင် လိုက်နာရမည့် ဆောင်ရန်၊ ရှောင်ရန် အချက်များနှင့် ခေတ်မီနည်းပညာ များကိုပါ သင်ကြားပို့ချ သွားမည်ဖြစ်ပြီး အဆိုပါ စီမံကိန်းတွင် အမေရိကန်နိုင်ငံ မှ စိုက်ပျိုးရေး အဖွဲ့အစည်း တစ်ခုကလည်း မြန်မာနိုင်ငံ အတွက် နည်းပညာ အထောက်အပံ့များ ပံ့ပိုးကူညီ သွားမည် ဖြစ်ကြောင်း သိရသည်။

ဆောင်းဦး

#Themyawadydaily
#မြ၀တီနေ့စဉ်

ဒြပ်မဲ့ ယဉ်ကျေးမှုအမွေအနှစ် များထဲမှ တိုင်းရင်းသား လူမျိုးများ အသုံးပြုသော တူရိယာပညာများကို ကမ္ဘာ့အမွေအနှစ် စာရင်း တင်သွင်းမည်



ရန်ကုန် ၊ ၂၈-၁၂-၂၀၁၄

မြန်မာနိုင်ငံရှိ တိုင်းရင်းသား လူမျိုးများ အသုံးပြုသည့် တူရိယာ ပညာများကို ကမ္ဘာ့ အမွေအနှစ် စာရင်း တင်သွင်းနိုင်ရန် စီစဉ် လုပ်ဆောင်နေပြီး အဆိုပါပစ္စည်း များကို ကမ္ဘာ့ အမွေအနှစ် စာရင်း တင်သွင်းရာတွင် " ဒြပ်မဲ့ ယဉ်ကျေးမှု " အဖြစ် စာရင်းတင်သွင်း သွားမည် ဖြစ်ကြောင်း ယဉ်ကျေးမှု ဝန်ကြီးဌာနမှ သိရသည်။

ကမ္ဘာ့ အမွေအနှစ် စာရင်း တင်သွင်းရာတွင် တိုင်းရင်းသား လူမျိုးစု ၁ဝဝ ကျော်၏ တူရိယာပညာ များကို ဒြပ်မဲ့ယဉ်ကျေးမှု အဖြစ် တင်သွင်း သွားမည်ဖြစ်ပြီး လက်ရှိ အချိန်တွင် စာရင်းတင်သွင်း နိုင်ရန် မြန်မာ တိုင်းရင်းသား တို့၏ အနုပညာ တူရိယာများ စုဆောင်း၍ သုတေသန ပြုလုပ်လျက် ရှိရာ တူရိယာ ၃ဝဝ ခန့်ကို စမ်းသပ် လုပ်ဆောင်နေပြီ ဖြစ်ကြောင်း သိရသည်။

ဒြပ်မဲ့ယဉ်ကျေးမှု အဖြစ် သုတေသန လုပ်ငန်းများကို နှစ်ပေါင်း ကြာမြင့်စွာ လုပ်ကိုင်ဆောင်ရွက် ခဲ့သော်လည်း လက်ရှိ လုပ်ဆောင်နေသည့် ပုံစံမှာ စီမံကိန်းတစ်ခု အဆင့်အနေ ဖြင့်သာ လုပ်ဆောင်နေခြင်း ဖြစ်သည်။ စမ်းသပ် နေသည့် တိုင်းရင်းသား များ၏ တူရိယာများ အပြင် လက်ရှိ အသုံးပြု နေသည့် တူရိယာ များကိုပါ ဆက်လက် စုဆောင်းကာ လေ့လာ သုတေသန ပြုသွားမည် ဖြစ်ကြောင်း သိရသည်။

ဒြပ်မဲ့ယဉ်ကျေးမှု များကို ကမ္ဘာ့ အမွေအနှစ် စာရင်းဝင်ရန် လုပ်ဆောင် ရာတွင်လည်း ၄င်းတို့ သတ်မှတ်ထားသည့် စံနှုန်းများကို သိရှိရန် လိုအပ်သည့် အတွက် ယဉ်ကျေးမှု ဝန်ကြီးဌာနမှ အဆိုပြုလွှာ တင်သွင်းမည့် ဝန်ထမ်း များအား ယူနက်စကိုမှ သင်တန်းများ ပို့ချသွားမည် ဖြစ်ကြောင်း သိရသည်။

''ဒီလို လုပ်ဆောင် တာက ကောင်းတဲ့ ရလဒ်တစ်ခုပဲ။ တိုင်းရင်းသား တွေရဲ့ ရိုးရာယဉ်ကျေးမှု တူရိယာ တွေကို ထိန်းသိမ်းပြီးသား ဖြစ်သလို နိုင်ငံတကာ အနေနဲ့လည်း မြန်မာနိုင်ငံက တိုင်းရင်းသားတွေ အသုံးပြု တဲ့ တူရိယာ တွေကို သိရှိ သွားတာပေါ့။ အခုဆိုရင် မြန်မာနိုင်ငံမှာက အနောက်တိုင်း တူရိယာတွေ လွှမ်းမိုးနေတဲ့ အချိန်လည်း ဖြစ်တယ်။ ဒီလို အချိန်မျိုးမှာ ကိုယ့်နိုင်ငံက တိုင်းရင်းသား တွေရဲ့ ကိုယ်ပိုင် တူရိယာ ပစ္စည်းတွေကို ဖော်ထုတ်တဲ့ အနေနဲ့ လုပ်တာဆိုတော့ ပြောစရာ မရှိအောင်ကို ကောင်းမွန်တဲ့ လုပ်ဆောင်ချက် တစ်ခုလည်း ဖြစ်ပါတယ် ... '' ဟု ပညာရှင် တစ်ဦးက ပြောသည်။

မြန်မာနိုင်ငံ အနေဖြင့် ပျူမြို့ဟောင်း သုံးမြို့ ကမ္ဘာ့ အမွေအနှစ် စာရင်းဝင်ပြီး နောက်ပိုင်း ကာလများတွင် ပုဂံဒေသနှင့် အခြားသော ယဉ်ကျေးမှု နယ်မြေများ ကိုလည်း ကမ္ဘာ့ အမွေအနှစ် စာရင်းဝင်ရန် လုပ်ဆောင်လျက် ရှိသည့်အပြင် ထိတွေ့ ကိုင်တွယ်၍ မရသော ဒြပ်မဲ့ ယဉ်ကျေးမှု များကို ထိန်းသိမ်း နိုင်ရေးနှင့် အဆိုပြုလွှာ တင်သွင်းရန် လုပ်ဆောင် နေခြင်း ဖြစ်ကြောင်း သိရသည်။ (၄၄၈)

#Themyawadydaily
#မြ၀တီနေ့စဉ်

နှစ်သစ်ကို အားသစ်ဖြင့် စည်ပင်စေ


နှစ်သစ်ကို အားသစ်ဖြင့် စည်ပင်စေ

၂ဝ၁၄ ခုနှစ်ဆိုသည့် ခရစ်နှစ် တစ်နှစ်သည် မကြာမီ ကုန်ဆုံးတော့မည် ဖြစ်သည်။ ကုန်ဆုံးသွားသော နှစ်တစ်နှစ် အတွင်း လုပ်ကိုင် ဆောင်ရွက် ခဲ့သော လုပ်ငန်း အဖြာဖြာ တို့သည် မည်ရွေ့မည်မျှ တိုးတက်ခဲ့ ပါသနည်း ဆိုသည်ကို လူတိုင်း စဉ်းစား သင့်သည်။ နှစ်တစ်နှစ် ကူးပြောင်း သွားလျှင် အသက်တစ်နှစ် ကြီးသွားရုံမျိုး မဟုတ်ဘဲ ဘဝ တိုးတက်မှု တစ်ဆင့်တိုး သွားမှုမျိုး ဖြစ်သင့်သည်။

နှစ်တစ်နှစ် ကုန်တိုင်း လူသည် အသက်ကြီး လာသကဲ့သို့ တိုးတက် ပြောင်းလဲမှု များလည်း ရှိရန် လိုသည်။ အသက် တစ်နှစ်ပြီး တစ်နှစ် ကြီးသွားပြီး ဘာတစ်ခုမျှ တိုးတက်မှု မရှိလျှင် ''အသက်ကြီး ပြီး အချိန် မစီးဘူး'' ဟူသော စကားသည် ကိုယ့်အတွက် ဖြစ်လာမည်ကို စဉ်းစားရန် လိုသည်။

လူတစ်ဦး တစ်ယောက် အနေဖြင့် နှစ်တစ်နှစ် ကုန်တိုင်း တိုးတက်မှု တစ်ခုခု ရရန်လိုသည်။ တစ်နှစ်တာ အတွင်း မည်သည့် အလုပ်တို့ကို မည်သည့် အဆင့်ထိ ရောက်အောင် လုပ်နိုင် ခဲ့သည်။ မည်သည့် ပညာရပ်များ သင်ယူ တတ်မြောက် ခဲ့သည်။ မည်သည့် အကျိုး စီးပွားများ ရရှိခဲ့သည်။ စသည်ဖြင့် မိမိကိုယ် မိမိ ဝေဖန်သုံးသပ် သင့်သည်။ အားနည်းချက် များကို ပြုပြင်ပြီး အားသာချက် များကို မြှင့်တင် ဆောင်ရွက်၍ ဘဝတိုးတက်မှုကို ဖန်တီးကြ ရမည် ဖြစ်သည်။

အချို့သူ များက တစ်နှစ်အတွင်း မည်မျှ အောင်မြင်အောင် လုပ်မည်ဟု ဆုံးဖြတ်၍ အမှန်တကယ် အောင်မြင်အောင် လုပ်ကြသည်။ ထိုလူမျိုးသည် ဘဝ၌ ထိပ်တန်း နေရာများ၌ ရှိနေသည် ကို မည်သူမျှ ငြင်း၍ မရပေ။ အချို့ကား လုပ်မည်ဟုသာ ပြောနေပြီး အမှန်တကယ် အောင်မြင် ပြီးမြောက်အောင် မဆောင်ရွက် ကြ၍ အောင်မြင်မှု မရကြဘဲ ရှိနေသည်။

လူ့ဘဝ သက်တမ်းသည် နှစ်တစ်ရာဟု ဆိုသည်။ မိမိဘဝ၊ မိမိ မိသားစု၏ အကျိုး၊ အများအကျိုး တစ်ခုခု အကျိုးရှိစွာ တိုးတက် အောင်မြင်အောင် စွမ်းဆောင်နိုင်ခြင်း မရှိလျှင် အသက်ရှည် ခြင်းမှာ အချည်းနှီးသာ ဖြစ်ပေမည်။

နှစ်သစ် တစ်နှစ်သို့ ကူးပြောင်းတိုင်း နှစ်သစ်ကူးပွဲ များကို တခမ်းတနား ပြုလုပ်ကြသည်။ ထို နှစ်သစ်ကူးပွဲ များသည် ပျော်ပွဲရွှင်ပွဲများ အဖြစ်သာ လမ်းဆုံးနေသည် ကိုတွေ့ရသည်။ အမှန်မှာ ထိုသို့မဟုတ် အသိတရား၊ သတိတရား နှင့် လာမည့်နှစ်သစ် ကို ပျော်ရွှင်မှု များဖြင့် ဖြတ်သန်းနိုင်ရန် အားသစ်မွေးသည့် ပွဲသာ ဖြစ်သည်။

သို့ဖြစ်ရာ နှစ်တစ်နှစ် ကုန်တိုင်း၊ နှစ်တစ်နှစ် ကူးတိုင်း အောင်မြင်မှု၊ တိုးတက်မှု၊ ကြိုးစား လုံ့လပြု အားထုတ်မှု တို့ဖြင့် မိမိနှင့်မိမိ ပတ်ဝန်းကျင်ကို ကောင်းကျိုး များဖြင့် စည်ပင်သာယာ ဝပြောစေရန် အားသစ်ဖြင့် ကြိုးပမ်း ဆောင်ရွက် သွားရမည် ဖြစ်ပါကြောင်း အသိပေး တိုက်တွန်း ရေးသား လိုက်ရပေသည်။

( အယ်ဒီတာ့အာဘော် )

#Yadanarpondaily
#ရတနာပုံနေ့စဉ်
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page