ဘ၀အတွက်တာ အတွေ့အကြုံ လေ့လာမှတ်သားမှု နှင့် တီထွင်ကြံဆမှု
ယနေ့ ၂၁ ရာစု ခေတ်ကြီးသည် စိန်ခေါ်မှု များစွာကို ကမ္ဘာ ပြည်သူများ ရင်ဆိုင် နေရသကဲ့သို့ ယှဉ်ပြိုင်မှု များစွာ ကိုလည်း တစ်ပြိုင်တည်း ကြုံတွေ့ နေကြ ရသည်။ အင်္ဂလိပ် စာဆိုတော်ကြီး ဝီလီယံ ရှိတ်စပီးယား (၁၅၆၄- ၁၆၁၆) က လောက လူသားတို့သည် ဘဝ ဇာတ်ဆရာ အလိုကျ ကပြ နေကြရသည် ( The World is Play ) ဟု ဆိုခဲ့သည်မှာ ယနေ့အထိ သဘာဝ ကျသော အဆိုအမိန့် တစ်ခုပင် ဖြစ်သည်။
ရှိတ်စပီးယား သည် သဘင်အလုပ် ကိုသာ လုပ်ကိုင်ဖူး သော်လည်း လေ့လာ မှတ်သားမှု အားကောင်းသူ ဖြစ်ခြင်းကြောင့် ဗဟုသုတ ပြည့်စုံသူ တစ်ဦး ဖြစ်သည်။ ရှိတ်စပီးယား ရေးသားသည့် ဝတ္ထုများမှာ ဇာတ်ကောင်များသည် ခြေသလုံး အိမ်တိုင် ခါးပိုက်နှိုက် မှစ၍ ရှင်ဘုရင် အထိ ပါဝင်သည်။ သက်ဆိုင်သူ တို့၏ ပြောပြချက် များကို သေချာစွာ မှတ်သားပြီး မိမိ မှတ်သား နားလည် ထားသမျှကို နေရာတကျ ပြန်လည် အသုံးပြု တတ်သည့် ထူးခြားသော ဉာဏ်ကြောင့် ရှိတ်စပီးယား သည် ပညာရပ် ဆိုင်ရာ ဝေါဟာရ တို့တွင် ကျွမ်းကျင် ပိုင်နိုင်စွာ ရေးသား နိုင်ခြင်း ဖြစ်သည်။ ရှိတ်စပီးယား သည် လောက သဘာဝနှင့် လူတို့၏ သဘောကို အလွန် သိနားလည်သူ ဖြစ်သဖြင့် လူတန်းစား အမျိုးမျိုးမှ လူတစ်ဦး တစ်ယောက်၌ ဖြစ်ပေါ်မည့် စိတ်ဓာတ်၊ ပြောဆိုမည့်စ ကား၊ ပြုလုပ်မည့် အပြုအမူ များကို သဘာဝကျကျ ရေးသား နိုင်ခဲ့သဖြင့် တစ်ကမ္ဘာလုံး က ချီးကျူး ဂုဏ်ပြုကြ ရသူ ဖြစ်သည်။
မြန်မာ့သမိုင်း ကုန်းဘောင်ခေတ် တွင် ကင်းဝန် မင်းကြီးသည် ဇာတ်ကြီး နေမိဇာတ် ကို ရကန်အဖြစ် ဖွဲ့ဆို ခဲ့သည်မှာ ယနေ့အထိ ဂန္တဝင်စာပေ အဖြစ် ထင်ရှားနေဆဲ ဖြစ်သည်။ နေမိရကန် ပိုဒ်ရေ (၆)တွင် မာတလိ နတ်သား သည် နေမိမင်းအား နတ်ပြည်သို့ ခေါ်ဆောင် သွားရန် ရထားဖြင့် နန်းတွင်း ရောက်လာ သည်ကို နန်းတွင်းသူတို့ မြင်လိုက်သော အခါ ထိတ်လန့် တကြား ဖြစ်ပုံကို စိတ်ကူးဖြင့် ဖော်ပြသီကုံး ထားသည်။ ဤအဖွဲ့တွင် နန်းတွင်းသူ တို့၏ ဖြီးလိမ်း ဝတ်စားပုံ၊ ပြောဆိုပုံ၊ မိန်းမသားတို့ အမူအရာ နှင့် အတွင်း စိတ်ဓာတ် သဘောထား တို့ကို ပေါ်လွင်အောင် ရေးစပ် နိုင်ခဲ့သည်။ ဤသို့ ရေးစပ်နိုင်စွမ်း ရှိခြင်းကြောင့် ''မောင်ကောင်း သည် လူပုံ ကြည့်တော့ မတုန်မလှုပ် ဣနြေ္ဒကြီး နှင့် ရေးလိုက်တဲ့ စာများကျတော့ နန်းတွင်းသူများ အမူအရာကို ဘယ်တုံးက များ မြင်ပါလိမ့်'' ဟု အရှင် နန်းမတော်ကြီး က အံ့သြစကား ဆိုခဲ့သည်။
ဘဝအတွက် အတွေ့အကြုံ နှင့် လေ့လာ မှတ်သားမှု တို့သည် အရေးပါကြောင်း အင်္ဂလိပ် စာဆိုတော်ကြီး ဝီလီယံ ရှိတ်စပီးယား နှင့် ကင်းဝန် မင်းကြီး ဦးကောင်း တို့အပြင် ကမ္ဘာ့သမိုင်း နှင့် မြန်မာ့သမိုင်း တို့တွင် စံပြုလောက် သော ပုဂ္ဂိုလ်များစွာ ရှိခဲ့ပြီး မျက်မှောက် ခေတ်တွင်လည်း နေရာဌာန အလိုက် ရှိကြ သကဲ့သို့ အနာဂတ်တွင် လည်း ပေါ်ထွန်းကြဦး မည်သာ ဖြစ်သည်။
မိမိ ပတ်ဝန်းကျင်၊ မိမိရပ်ရွာ၊ မိမိဒေသ နှင့် မိမိနိုင်ငံ ဖွံ့ဖြိုး တိုးတက်ရန် ပညာသည် အရေးကြီး ကြောင်း၊ မန္တလေးတိုင်း ဒေသကြီး ရမည်းသင်း မြို့နယ် လျှော်ဖြူကိုင်း ကျေးရွာနှင့် အိုင်ဘုတ် ကျေးရွာတို့မှ အခြေခံ ပညာ အလယ်တန်း ကျောင်း(ခွဲ) များ အဆင့် တိုးမြှင့်ခြင်း အခမ်းအနားများ ကျင်းပသည့် အောက်တိုဘာ ၂၆ ရက်တွင် အမျိုးသား လွှတ်တော် ဥက္ကဋ္ဌ ဦးခင်အောင်မြင့် တက်ရောက်အမှာစကား ပြောကြားစဉ် ထည့်သွင်း ပြောကြား ခဲ့သည်။ အမျိုးသား လွှတ်တော် ဥက္ကဋ္ဌ က ယနေ့ခေတ် ကာလ ရောက်ရှိ လာသည့်အခါ ကျောင်းနေသူ များသည် ဘွဲ့တစ်ခုခု ရရှိပြီး အစိုးရ အလုပ်ရရန် ဆိုသည့် ခံယူချက်များ မှားယွင်းစွာ ရှိနေသည်ကို တွေ့ရ ပါကြောင်း၊ ယနေ့ သိပ္ပံနှင့် နည်းပညာသည် အချိန်နှင့် အမျှ ပြောင်းလဲ တိုးတက် နေသည့်အတွက် အမီ လိုက်နိုင်ရန် တီထွင်ကြံဆ ဉာဏ်ရှိရန် လိုအပ် ပါကြောင်း ... '' ဖြင့် ထည့်သွင်း ပြောကြား ခဲ့သည်။
သို့ဖြစ်၍ ဘဝဇာတ်ဆရာ အလိုကျ ကပြ နေကြရသော လူသားတို့သည် မိမိ ဘဝအတွက်၊ နိုင်ငံတော်နှင့် နိုင်ငံသားတို့ အတွက် ဖွံ့ဖြိုး တိုးတက်မှု ရရှိရန်မှာ နိုင်ငံသား တစ်ဦးချင်းစီ အနေဖြင့် အတွေ့အကြုံ နှင့် လေ့လာ မှတ်သားမှု တို့မှ တစ်ဆင့်တက်၍ တီထွင်ကြံဆမှု ရှိကြရမည် ဖြစ်ပေသည်။
( အယ်ဒီတာ့အာဘော် )
#Themyawadydaily
#မြ၀တီနေ့စဉ်
.jpg)
No comments:
Post a Comment