www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Wednesday, January 29, 2014

တောင်ပံ မစုံတဲ့ငှက်


တောင်ပံ မစုံတဲ့ငှက်

သားတို့အမေ ၊ ကွယ်ခဲ့လေမှ
အဖေကျန်ခဲ့ ၊ အားလည်းယဲ့မိ
ပြာလဲ့မိုးယံ ၊ တက်မည်ကြံလည်း
တောင်ပံတစ်ဖက်တည်း ၊ ပျံဝဲဖို့ခက်
ငှက်ငယ်ပုံသို့ ဘ၀ချို့။

ပြုတ်ခဲ့တောင်ပံ ၊ တစ်ဖက်ကျန်ဖြင့်
ငှက်မာန်ကိုသွင်း ၊ ချွေးကိုရင်း၍
ထမင်းနပ်မှန် ၊ စားနိုင်ရန်တွက်
ရုန်းကန်လုပ်ကျွေး ၊ ဘ၀ပေးတည့်
ကြွေးသစ်ချခဲ့ပါသကား။

ရင်သွေးမျက်ရှု ၊ ရွှေနှယ်ဥသို့
ပုလုကွေးရွယ် ၊ ငယ်ကတည်းက
ချစ်ခဲ့ရသည်
အပျိုလူပျို ၊ ဖြစ်ပြီဆိုတော့
ကိုင်းကိုစုံကန် ၊ ငှက်နှယ်ပျံကြ
တောင်ပံတစ်စုံ ၊ မပြည့်စုံလည်း
စုပြုံနေပြီး ၊ ဖေ့မျက်မည်းကို
မညည်းမညူ ၊ ကျွေးခဲ့သူတည့်
တစ်လှည့်ကျွေးဟောင်း ၊ ဆပ်ခဲ့ကောင်းဟု
ငဲ့စောင်းတစ်ပြန် ၊ ကြည့်ကောင်းတန်ဟု
တစ်ရံအတိတ် ၊ တွေးရင်းထိတ်ရှင့်
မည်းချိပ်ညဥ့်ယံ ၊ ယောက်ယက်ဆန်ခဲ့
ပြန်ရက်နီးပါပြီတကား။  ။

အောင်ဆန်းသိန်း (ပခုက္ကူ)

( ၂၀၁၄ ခုနှစ် ဖေဖော်ဝါရီလ ငွေတာရီမဂ္ဂဇင်း ပါ ကဗျာကဏ္ဍမှ )


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger