www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Monday, January 27, 2014

၂၀၁၃ ခုနှစ် မြန်မာအထူး စီးပွားရေးဇုန် ဥပဒေ လက်တွေ့ဖော်ဆောင်


၂၀၁၃ ခုနှစ် မြန်မာအထူး စီးပွားရေးဇုန် ဥပဒေ လက်တွေ့ဖော်ဆောင်

အယ်ဒီတာ့အာဘော်
( ၂၇-၁-၂၀၁၄ )

ကမ္ဘာ့ နိုင်ငံများသည်  ကုလသမဂ္ဂ ထောင်စုနှစ်သစ် ရည်မှန်းချက်များ အောင်မြင်စွာ ဖော်ဆောင် နိုင်ရေး ကြိုးပမ်း နေချိန်နှင့် တစ်ပြိုင်တည်း တွင် မိမိတို့ နိုင်ငံ၏ စီးပွားရေး အင်အား တောင့်တင်း ခိုင်မာရေး ကိုပါ ကြိုးပမ်း နေကြရသည်။ 

စက်မှုဖွံ့ဖြိုးပြီး နိုင်ငံများ ( G 20 ) အဖွဲ့ဝင် အီတလီနိုင်ငံ သည် လွန်ခဲ့သော ဆယ်စုနှစ်မှ စ၍ စီးပွားရေး တိုးတက်မှုနှုန်း အနှေးကွေးဆုံး နိုင်ငံ ဖြစ်လာခဲ့ပြီး နိုင်ငံသား များ၏ အလုပ် လက်မဲ့နှုန်း မြင့်တက် လာခဲ့သည်။ အစိုးရ အသုံးစရိတ် များကိုလည်း လျှော့ချခဲ့ ရသည်။ ၂ဝ၁၃ ခုနှစ်အတွင်း နိုင်ငံတော် ဘတ်ဂျက် အတွက် လိုငွေသည် ဂျီဒီပီ ၏   ၃ ဒသမ သုည ရာခိုင်နှုန်း ရှိခဲ့သည်။ တွေ့ကြုံ နေရသော စီးပွားရေး အကျပ်အတည်း ကို ဖြေရှင်းနိုင်ရန် နိုင်ငံအတွင်း ရှိ သမိုင်း အမွေအနှစ် နေရာများကို ရောင်းချရန် စီစဉ်လျက် ရှိကြောင်း Press TV ထုတ်ပြန် ကြေညာချက် အရ သိရသည်။ ရောင်းချမည့် သမိုင်း အမွေအနှစ် များတွင် မီလန်မြို့ အနီးရှိ ၁၈ ရာစုခေတ်က တည်ဆောက် ခဲ့သော ဗီလာမီရာ ဘယ်ကို နန်းတော်နှင့် ရောမမြို့မှ ၂၇ မိုင် ကွာဝေးသော ဘရာစီယာနိုမြို့ ရှိ အော်စီနီ အော်ဒက်စကော်ချီ ရှေးဟောင်း အဆောက်အအုံ အပါအဝင် စုစုပေါင်း သမိုင်း အမွေအနှစ် ၅ဝ ကျော်ကို အီတလီ အစိုးရက ရောင်းချရန် စီစဉ်ခဲ့ခြင်း ဖြစ်သည်။ 

ယနေ့ ကမ္ဘာ့နိုင်ငံ များ၏ စီးပွားရေး အခြေအနေ သည် ဖွံ့ဖြိုးပြီး နိုင်ငံများ အပါအဝင် ဖွံ့ဖြိုးဆဲ နိုင်ငံများ ၊ ဖွံ့ဖြိုးစ နိုင်ငံများနှင့် ဖွံ့ဖြိုးမှု နောက်ကျ နေသော နိုင်ငံများ အားလုံးက စိုးရိမ် နေကြရသည့် အခြေအနေ ရှိသည်။ ဖွံ့ဖြိုးမှု နောက်ကျ နေသော မြန်မာနိုင်ငံ သည် စီးပွားရေး ဖွံ့ဖြိုး တိုးတက်ရန် ကာလတို ၊ ကာလရှည် စီမံကိန်းများ ချမှတ် ဆောင်ရွက်လျက် ရှိရာ ၂ဝ၁၃ ခုနှစ် မြန်မာ အထူး စီးပွားရေးဇုန် ဥပဒေကို ၂ဝ၁၄ ခုနှစ် ပြည်ထောင်စု လွှတ်တော် ဥပဒေ အမှတ် (၁)အဖြစ် ၂ဝ၁၄ ခုနှစ် ဇန်နဝါရီ ၂၃ ရက်တွင် ပြဋ္ဌာန်း ခဲ့သည်။ 

၂ဝ၁၃ ခုနှစ် မြန်မာ အထူး စီးပွားရေးဇုန် ဥပဒေကို အခန်း(၁၈)ခန်းဖြင့် ပြဋ္ဌာန်း ထားရာ အခန်း(၂) ပါ ရည်ရွယ်ချက် (၆)ရပ်မှာ ပြည်သူများ အလုပ်အကိုင် အခွင့်အလမ်းများ ရရှိရေး ၊ နိုင်ငံတော် စီးပွားရေး ဖွံ့ဖြိုး တိုးတက်ရေး တို့ကို ရည်ရွယ်ကြောင်း တွေ့ရသည်။ ရင်းနှီးမြှုပ်နှံသူ ၏ တာဝန်နှင့် ကင်းလွတ်ခွင့် များကို အခန်း (၇၊ ၈၊ ၉၊ ၁ဝ) တုိ့တွင် ပြဋ္ဌာန်း ထားပြီး အလုပ်သမား ရေးရာ ကိစ္စများကို အခန်း(၁၆) တွင် ပြဋ္ဌာန်း ထားသည်ကို တိကျစွာ လိုက်နာ ကြပါက အလုပ်ရှင် နှင့် အလုပ်သမား ပြဿနာ မရှိစေရန် ကြိုတင် သတ်မှတ်ချက်များ ဖြစ်သည်။ အထူး စီးပွားရေးဇုန် များ ဖွံ့ဖြိုးရေးသည် ရင်းနှီးမြှုပ်နှံသူ နှင့် လုပ်သားများ အတွက် နှစ်ဦးနှစ်ဖက် အကျိုးရှိသည့် အပြင် နိုင်ငံတော် အတွက်ပါ အကျိုးရှိသော ကဏ္ဍဖြစ်သည်။  ဤသို့ သုံးဦး သုံးဖလှယ် အကျိုးစီးပွား ဆောင်သော လုပ်ငန်းများ အတွက် နမူနာ ယူဖွယ် တစ်ခုမှာ အင်းဝခေတ် စာဆို ရှင်မဟာ ရဋ္ဌသာရ ဖွဲ့ဆိုခဲ့သော သံဝရပျို့တွင် '' ပျားလူးမြက်ကို ၊ နေ့ရက် ရှည်လျား ၊  စားစများသော် ၊ ကပ်လှာယှဉ်လွယ် ၊ သမင်နှယ်သို့ ''ဟူ၍ ဖြစ်သည်။ လေကဲ့သို့ လျင်မြန်သော ဝါတာမိဂ သမင် သည် လူကိုမြင်သော် တောတွင်းသို့ ပြေး၍ ခုနစ်ရက် ပုန်းနေလေ့ ရှိသော်လည်း ထိုသမင် သည်ပင် ပျားရည်လူးသော မြက်ကို စားရဖန် များသော် ယဉ်ပါးလာပြီး လူအနားသို့ ကပ်လာ တတ်ကြောင်း ဥပမာ တင်စား ဖွဲ့ဆိုခဲ့ခြင်း ဖြစ်သည်။ 

သို့ဖြစ်၍ ၂ဝ၁၃ ခုနှစ် မြန်မာ အထူး စီးပွားရေးဇုန် များ ဖွံ့ဖြိုးရေး အတွက် သက်ဆိုင်သူ အားလုံး တို့သည် ပြဋ္ဌာန်း ထားသော ဥပဒေနှင့် အညီ လိုက်နာ ဆောင်ရွက် ကြကာ အတ္တနှင့် ပရမျှတ စွာဖြင့် ချိုမြိန်သော အကျိုးခံစား နိုင်ရေး ဝိုင်းဝန်း ကြိုးပမ်း ကြပါရန် တိုက်တွန်း နှိုးဆော် လိုက်ရ ပါသည်။    ။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger