www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Tuesday, November 26, 2013

စည်းကမ်းလိုက်နာမှု ဖြင့် နိုင်ငံဂုဏ်ကို မြှင့်တင်


စည်းကမ်းလိုက်နာမှု ဖြင့် နိုင်ငံဂုဏ်ကို မြှင့်တင်

အယ်ဒီတာ့အာဘော်
( ၂၆-၁၁-၂၀၁၃ )

(၂၇)ကြိမ်မြောက် အရှေ့တောင် အာရှ အားကစား ပြိုင်ပွဲကြီးကို မြန်မာနိုင်ငံ က အိမ်ရှင်အဖြစ် လက်ခံ ကျင်းပတော့ မည်မှာ ရက်ပိုင်း မျှသာ လိုတော့သည်။ ပြိုင်ပွဲကြီးသို့ အရှေ့တောင် အာရှ နိုင်ငံများ နှင့် အခြားဒေသ များမှ ဧည့်သည်များ ၊ လာရောက် ကြည့်ရှု အားပေး လေ့လာသူ များနှင့် သတင်း မီဒီယာများ ရောက်လာ ကြမည် ဖြစ်သည်။ ထိုအချိန်တွင် အိမ်ရှင် မြန်မာတို့ အနေဖြင့် ယာဉ်စည်းကမ်း ၊ လမ်းစည်းကမ်း ၊ လူစည်းကမ်း ကျင့်ဝတ် တို့ကို ပို၍ စောင့်ထိန်း လိုက်နာ ကြရမည် ဖြစ်သည်။

မြန်မာနိုင်ငံ သည် ထေရဝါဒ ဗုဒ္ဓဘာသာ ထွန်းကားသော နိုင်ငံ ဖြစ်ပြီး မြန်မာနိုင်ငံ အတွင်း နေထိုင်ကြသော မြန်မာ ပြည်သူ တို့သည် ရိုးသား ဖော်ရွေကြပြီး ချစ်ခင် စာနာတတ်သူ များ ဖြစ်ကြောင်း လက်တွေ့ ပြသ ကြရပေ လိမ့်မည်။ ရှေးဟောင်း ယဉ်ကျေးမှု အမွေအနှစ် စေတီပုထိုး ပေါများပြီး သဘာဝ ရှုခင်းများနှင့် ပြည့်စုံသော နိုင်ငံဖြစ်ခြင်း ကြောင့် ကမ္ဘာလှည့် ခရီးသွား များအား  ဆွဲဆောင်မှု ရှိသော နိုင်ငံဖြစ်ကြောင်း ကမ္ဘာ့ နိုင်ငံများက အသိအမှတ် ပြုထားပြီး ဖြစ်သည်။ ထို့ကြောင့် ပြည်သူတို့ စည်းကမ်း ရှိကြဖို့နှင့် ပတ်ဝန်းကျင် ညစ်ညမ်းမှု မရှိစေရန် အထူးဂရုပြု ကြရန် လိုအပ်သည်။

အထူးသဖြင့် ရန်ကုန်မြို့ကြီး တွင် မြို့ပတ်ရထား ပြေးဆွဲသော ဘူတာရုံများ နှင့် ရထားလမ်း တစ်လျှောက် အမှိုက်များ ပိုမိုတွေ့ ရသည်။ ရန်ကုန်မြို့ပတ် ရထား လမ်းကြောင်းသည် ခရီး တစ်ပတ်လျှင် ၂၉ မိုင် ကွာဝေးပြီး ဘူတာပေါင်း ၄၀ ခန့် ရှိသည်။ ဘူတာ ၀န်ထမ်းများ နှင့် ဘူတာ သန့်ရှင်းရေး လုပ်သားများ သည် သန့်ရှင်းရေး နေ့စဉ် ဆောင်ရွက် ကြသော်လည်း အမှိုက်များမှာ ခဏသာ ရှင်းသွားပြီး မကြာမီ
ပြန်ရှုပ် နေကြောင်း တွေ့ရ ပြန်သည်။

ရန်ကုန်မြို့ပတ် ရထားသည် တစ်နေ့လျှင် ခေါက်ရေပေါင်း ၂ဝဝ ပြေးဆွဲလျက် ရှိပြီး မြို့ပတ် ရထားစီး ခရီးသည်မှာ တစ်နေ့လျှင် တစ်သိန်း ၀န်းကျင်ရှိကြောင်း သိရသည်။ ဘူတာ ပတ်ဝန်းကျင် တွင် နေထိုင်သူများ နှင့် ခရီးသွား ပြည်သူတို့က တစ်ဦးချင်း အသိစိတ်ဖြင့် အမှိုက် မရှုပ်ရအောင် ဝိုင်းဝန်း ထိန်းသိမ်း ကြရမည် ဖြစ်သည်။ ဘူတာ ဝန်းကျင်နှင့် မြို့ပတ် ရထားလမ်း တစ်လျှောက် အမှိုက်များ ရှိနေခြင်းသည် မြို့တော် အင်္ဂါရပ်နှင့် မညီညွတ် သည့်အတွက် နိုင်ငံခြားသား ခရီးသွား ဧည့်သည်များ တွေ့မြင်ပါက နိုင်ငံနှင့် လူမျိုး ဂုဏ်သိက္ခာကို ထိခိုက် နိုင်သည်။

ယခုအချိန်တွင် ရန်ကုန်မြို့ပတ် ရထားလမ်း တစ်လျှောက် သန့်ရှင်း သာယာရေး မြန်မာ့ မီးရထားက အစွမ်းကုန် ကြိုးပမ်း ဆောင်ရွက် နေပါသဖြင့် မိဘပြည်သူ များအားလုံး ၀ိုင်းဝန်း ကူညီ ကြရမည့် အချိန် ဖြစ်ကြောင်း ပညာပေး စာတန်းများ ရေးဆွဲထားရန် လိုအပ်မည် ဖြစ်သည်။

စည်းကမ်းသည် လူ၏ တန်ဖိုး ဖြစ်သည်။ မိမိမြို့ရွာ သန့်ရှင်း သာယာရေး တစ်ဦးချင်း အသိတရား ဖြင့် သတိထား ကြရမည် ဖြစ်သည်။ ဘူတာ နှင့် ရထားလမ်း ပတ်ဝန်းကျင် ၌ နေထိုင် သူတို့သည် လည်းကောင်း ၊ ခရီးသွား ပြည်သူတို့ သည် လည်းကောင်း အမှိုက် စွန့်ပစ်ရန် သတ်မှတ် ထားသည့် နေရာ သို့မဟုတ် အမှိုက်ပုံးများ စွန့်ပစ်ခြင်း ဖြင့် သန့်ရှင်း သာယာ လှပရေးကို ကူညီကြ ရမည် ဖြစ်ပေသည်။ ။


No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger