ရန်ကုန် ၊ ၃၀-၁-၂၀၁၃
စင်ကာပူ နိုင်ငံတွင် ကျင်းပ ပြုလုပ်မည့်
SINGAPORE INTERNATIONAL JEWELLERY EXPO 2013 ပြပွဲကို ၂၀၁၃ ခုနှစ် ၊ ဇူလိုင်လ ၄ ရက်မှ ၇ ရက်နေ့အထိ ကျင်းပ ပြုလုပ်မည်
ဖြစ်ပြီး အဆိုပါ ပြပွဲတွင် ပါဝင် ပြသရန် မြန်မာနိုင်ငံ မှ ကျောက်မျက် ရတနာ လုပ်ငန်းရှင်
များနှင့် စီးပွားရေး လုပ်ငန်းရှင် များအား ဖိတ်ကြား ထားကြောင်း သိရသည်။
အဆိုပါ ပြပွဲသို့ သွားရောက် ပြသခြင်း
ဖြင့် ဖက်ရှင် အလှဆင် လုပ်ငန်း ၊ ကျောက်မျက် ရတနာ နှင့် ပတ်သက်သော ဒီဇိုင်း အမျိုးမျိုး
နှင့် လက်မှု ထွက်ကုန် ပစ္စည်း အမျိုးမျိုး ဆိုင်ရာ လေ့လာခွင့်များ ရရှိနိုင်မည် ဖြစ်ပြီး
နှစ်နိုင်ငံ ကုန်သွယ်မှု လုပ်ငန်းများ တိုးတက် ဆောင်ရွက် နိုင်မည် ဖြစ်ကြောင်း သိရသည်။
သွားရောက် ပြသရန် ဆန္ဒ ရှိပါက မိမိစရိတ်ဖြင့် တက်ရောက် ရမည် ဖြစ်ကြောင်း ၊ ပါဝင် ပြသလို
သူများသည် ကုမ္ပဏီ စာရင်းနှင့် ပါဝင် ပြသမည့် ပုဂ္ဂိုလ်များ၏ အမည်အား ကုန်သွယ်ရေး ညွှန်ကြားမှု
ဦးစီးဌာနသို့ အချိန်မီ ပေးပို့ ရမည် ဖြစ်ပြီး ပါဝင်ပြသ မည့် စာရင်းအား ပြည်ထောင်စု
သမ္မတ မြန်မာနိုင်ငံ ကုန်သည်များ နှင့် စက်မှုလက်မှု လုပ်ငန်းရှင်များ အသင်းချုပ် သို့
၂၀၁၃ ခုနှစ် ၊ ဖေဖော်ဝါရီ ၂၀ ရက်နေ့ နောက်ဆုံး ထား၍ ပေးပို့ကြ ရမည် ဖြစ်ကြောင်း သိရှိရသည်။
.jpg)
No comments:
Post a Comment