www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, January 31, 2013

မန္တလေးမြို့ နှင့် အိန္ဒိယနိုင်ငံ မဏိပူရ ပြည်နယ် အင်ဖာမြို့ သို့ ဘတ်စ်ကားလိုင်း ပြေးဆွဲမည်


ရန်ကုန် ၊ ၃၁-၁-၂၀၁၃

ပြည်ထောင်စု သမ္မတ မြန်မာနိုင်ငံ မန္တလေးမြို့ နှင့် အိန္ဒိယနိုင်ငံ ၊ မဏိပူရ ပြည်နယ် ၊ အင်ဖာမြို့ သို့ ပြေးဆွဲ ပေးမည့် ဘတ်စ်ကား လိုင်းကို လာမည့် မတ်လမှ စတင်၍ ပြေးဆွဲ ပေးတော့မည် ဖြစ်ကြောင်း သိရသည်။ အဆိုပါ ခရီးစဉ်ကို တစ်ပတ်လျှင် တစ်ကြိမ် ခေါက်ပြန် ပြေးဆွဲ ပေးမည် ဖြစ်သည်။ ခရီး မိုင်ပေါင်း ၅၀၀ ကျော် ကွာဝေးသည့် ဘတ်စ်ကား ပြေးဆွဲရေး အတွက် ကားလမ်း ဖောက်လုပ်ရေး စီမံကိန်းများ ပြီးစီး နေပြီ ဖြစ်ကြောင်း သိရသည်။ မိုရေးမြို့ ကုန်သွယ်ရေး ဌာနတွင် လူဝင်မှု ကြီးကြပ်ရေး ရုံးကို ဖွင့်လှစ် သွားမည် ဖြစ်ပြီး ဂိတ်အမှတ် (၂) ကုန်စုံဈေး အနီး ပူးပေါင်း စစ်ဆေးရေး ဂိတ်တစ်ခု မကြာမီ ဆောက်လုပ် ပြီးစီးမည် ဖြစ်ကြောင်း သိရသည်။

တရားဝင် နှစ်နိုင်ငံ ကုန်သွယ်ခွင့် ပြုသည့် ပစ္စည်း ၆၂ မျိုးရှိရာ ၄င်းစာရင်းတွင် မြန်မာနိုင်ငံမှ ထွက်ရှိသော ကျွန်းသစ်အား ထည့်သွင်း နိုင်ရန် မဏိပူရ ပြည်နယ် အစိုးရမှ လုပ်ဆောင် လျက်ရှိကြောင်း သိရသည်။ စစ်ကိုင်းတိုင်း ဒေသကြီး ၊ ကလေးဝမြို့ မှ မဏိပူရ ပြည်နယ် ၊ မိုရေးမြို့ အထိ ၉၉ မိုင် ရှည်လျားသည့် တမူး - မိုရေး ကားလမ်း ကို အိန္ဒိယ အစိုးရမှ ဖောက်လုပ် ပေးခဲ့ပြီး ၂၀၀၁ ခုနှစ်တွင် ဖွင့်လှစ် ပေးခဲ့ပြီး နှစ်နိုင်ငံ အချက်အချာ ကုန်သွယ်ရေး လမ်းကြောင်း ဖြစ်လာခဲ့ကြောင်း သိရှိရသည်။

No comments:

Post a Comment

Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page

Powered By Blogger