www.themyawadydaily.blogspot.com . . . www.facebook.com/themyawadydaily . . . https://twitter.com/Themyawadydaily

Thursday, April 12, 2018

၁၁ နှစ်တာ ကာလအတွင်း ဖြစ်ပွားခဲ့သော မီးလောင်မှု ဖြစ်စဉ်များတွင် ပေါ့ဆမီးနှင့် မီးဖိုမီးတို့ကြောင့် အများဆုံး ဖြစ်ပွားခဲ့ရ



မကွေး ၁၂-၄-၂ဝ၁၈

မကွေးတိုင်း ဒေသကြီးအတွင်း ဖြစ်ပွားခဲ့သော မီးလောင်မှု ဖြစ်စဉ်များတွင် ပေါ့ဆမီးနှင့် မီးဖိုမီးတို့ကြောင့် အများဆုံး ဖြစ်ပွားခဲ့ရပြီး ၂ဝဝ၇ ခုနှစ်မှ ၂ဝ၁၇ ခုနှစ်ထိ ၁၁ နှစ် တာကာလအတွင်း ပေါ့ဆမှုကြောင့် မီးလောင်ကျွမ်းမှု ၄၆၆ ကြိမ်၊ မီးဖိုမီးကြောင့် ၃၃၂ ကြိမ် ဖြစ်ပွားခဲ့ကြောင်း မကွေးတိုင်း ဒေသကြီး မီးသတ်ဦးစီးဌာနမှ သိရသည်။

၁၁ နှစ်တာကာလအတွင်း မီးလောင်မှု ဖြစ်စဉ်များတွင် မီးဖိုမီးကြောင့် ၃၃၂ ကြိမ်၊ ပေါ့ဆမီး ၄၆၆ ကြိမ်၊ လျှပ်စစ်မီး ၁၄၁ ကြိမ်၊ မသမာသူရှို့မီး ၁၂၅ ကြိမ်၊တောမီး ၆၂ ကြိမ်၊ အလိုအလျောက်မီး ၁၄ ကြိမ်၊ မိုးကြိုးပစ်မီး တစ်ကြိမ်တို့ဖြစ်ပွားခဲ့ပြီး ပေါ့ဆမီးနှင့် မီးဖိုမီးတို့ အများဆုံးဖြစ်ကြောင်း တိုင်းဒေသကြီး မီးသတ်ဦးစီးဌာန မှတ်တမ်းများအရ သိရသည်။

မကွေးတိုင်းဒေသကြီးတွင် ၂ဝဝ၇ခုနှစ်မှ ၂ဝ၁၇ခုနှစ်ထိ ၁၁ နှစ် တာကာလအတွင်း မီးလောင်မှု ၁၁၄၁ ကြိမ်ဖြစ်ပွားခဲ့ပြီး မီးဘေးသင့်ပြည်သူ ၂ဝ၂၃၃ဦး၊ ဒဏ်ရာရသူ ၂ဝ၂ဦး၊ လူသေဆုံး ၁၅၆ဦး၊ တိရစ္ဆာန်သေဆုံး ၁၁ဝ၇ ကောင်၊ဆုံးရှုံးမှု တန်ဖိုးငွေကျပ် ၁၅ဝ၆၄ သိန်းကျော်ရှိခဲ့ကြောင်း တိုင်းဒေသကြီး မီးသတ်ဦးစီးဌာန မှတ်တမ်းများအရ သိရသည်။

ယခုနှစ် ဇန်နဝါရီလမှ မတ်လကုန်ထိ မီးဖိုမီး ၁၆ ကြိမ်၊ လျှပ်စစ်မီး ၁၁ ကြိမ်၊ ပေါ့ဆမီး၂၅ ကြိမ်၊တောမီး ၁၂ ကြိမ်၊ ရှို့မီးကိုးကြိမ် စုစုပေါင်းမီး ၇၃ ကြိမ်လောင်ကျွမ်းမှု ဖြစ်ပွားသဖြင့် လူတစ်ဦး၊ တိရစ္ဆာန်၄၉၃ ကောင်သေဆုံး ခဲ့ပြီးအိမ်ခြေ ၂၇လုံးမီးလောင်ကျွမ်း၍ ပြည်သူ ၁၂၁၇ဦး မီးဘေးသင့်ဒုက္ခ ခံစားခဲ့ရကြောင်း သိရသည်။

#Themyawadydaily

ထိုင်းနိုင်ငံ ရေလုပ်ငန်း၊ ရေထွက်ပစ္စည်းစက်ရုံများတွင် လုပ်ကိုင်နေသော မြန်မာလုပ်သားဦးရေ ၁၄ဝဝဝဝ ကျော်ထိ ရှိနေ



နေပြည်တော် ၁၂-၄-၂ဝ၁၈

ထိုင်းနိုင်ငံ ရေလုပ်ငန်း၊ ရေထွက်ပစ္စည်း စက်ရုံများတွင် သွားရောက်လုပ်ကိုင် နေကြသည့် မြန်မာရေလုပ်သား ဦးရေ ၁၄ဝဝဝဝ ကျော်ထိ ရှိနေကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန သတင်းများအရ သိရသည်။

ယခုအခါမြန်မာ နိုင်ငံမှအလုပ်သမား အနေဖြင့် ပြည်ပနိုင်ငံများသို့ သွားရောက်လုပ်ကိုင်မှု တိုးတက်များပြား လျက်ရှိသည်။ မြန်မာလုပ်သားများ အနေဖြင့် ပြည်ပနိုင်ငံများသို့ သွားရောက်လုပ်ကိုင်ရာတွင် အာဆီယံဒေသ တွင်းနိုင်ငံများနှင့် အာရှဒေသ နိုင်ငံများသို့ အများဆုံး သွားရောက်လုပ်ကိုင် နေကြခြင်းဖြစ်ကြောင်း၊ အထူးသဖြင့် သွားလာမှု လွယ်ကူသည့် အိမ်နီးချင်း ထိုင်းနိုင်ငံသို့ အများဆုံးသွားရောက် လုပ်ကိုင်နေကြခြင်း ဖြစ်ကြောင်း သိရသည်။

ထိုသို့ ထိုင်းနိုင်ငံသို့ သွားရောက်လုပ်ကိုင် ကြရာတွင် စက်ရုံ၊ အလုပ်ရုံများနှင့် လုပ်ငန်းအသီးသီးတွင် လုပ်ကိုင်နေကြသကဲ့သို့ ရေလုပ်ငန်းများ၊ ရေလုပ်ငန်းနှင့် ဆက်စပ်လုပ်ငန်းများ၊ ရေထွက်ပစ္စည်း စက်ရုံများတွင် သွားရောက်လုပ်ကိုင်မှုများလည်း ရှိနေသည်။

လက်ရှိတွင် ထိုင်းနိုင်ငံ ရေလုပ်ငန်းများ၌ လုပ်ကိုင်ဆောင်ရွက် နေကြသည့် မြန်မာရေလုပ်သား ဦးရေလေးသောင်း တစ်ထောင်ကျော် ရှိပြီး ရေလုပ်ငန်းနှင့် ဆက်စပ်လုပ်ငန်း များတွင် လုပ်ကိုင်ဆောင်ရွက် နေကြသည့် မြန်မာလုပ်သား ဦးရေ လေးသောင်းကျော်နှင့် ရေထွက်ပစ္စည်း စက်ရုံများတွင် လုပ်ကိုင်ဆောင်ရွက် နေကြသည့် မြန်မာလုပ်သားဦးရေ ခြောက်သောင်းခန့် စုစုပေါင်းထိုင်းနိုင်ငံတွင် သွားရောက်လုပ်ကိုင် နေကြသည့် မြန်မာရေလုပ်သားဦးရေ တစ်သိန်းလေးသောင်းကျော် ထိရှိနေကြောင်း သိရသည်။

ထို့ကြောင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီး ဌာနအနေဖြင့် ထိုင်းနိုင်ငံသို့ ရေလုပ်သားများ စေလွှတ်နိုင်ရန် နှစ်နိုင်ငံမူအားဖြင့် သဘောတူထားပြီး ဖြစ်၍ ရေလုပ်သားများ ထပ်မံစေလွှတ်နိုင်ရေးဆောင်ရွက်လျက်ရှိကြောင်း သိရသည်။

#Themyawadydaily

စက်မှုလယ်ယာ စနစ်ကို စိတ်ဝင်စားမှုကြောင့် တောင်သူများ ထွန်စက်နှင့် ရိတ်သိမ်းခြွေလှေ့ စက်များ ဝယ်ယူမှုများပြားလာ



နေပြည်တော် ၁၂-၄-၂ဝ၁၈

စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနက အကောင်အထည်ဖော် ဆောင်ရွက်နေသည့် လက်မှုလယ်ယာစနစ်မှ စက်မှုလယ်ယာစနစ်သို့ ကူးပြောင်းဆောင်ရွက် နေမှုကို တောင်သူများ အနေဖြင့် စိတ်ဝင်စားမှု မြင့်တက်လာကာ ဝန်ကြီးဌာနမှ အရစ်ကျစနစ်ဖြင့် ဖြန့်ချိရောင်းချပေးနေသည့် ထွန်စက်ကြီးများနှင့် ရိတ်သိမ်းခြွေလှေ့ စက်များကို ဝယ်ယူမှုများပြား လာနေကြောင်း စက်မှုလယ်ယာ ဦးစီးဌာနမှ သိရသည်။

စက်မှုလယ်ယာ ဦးစီးဌာန အနေဖြင့် ၂ဝ၁၇-၂ဝ၁၈ ဘဏ္ဍာနှစ်အတွင်း လက်တွန်းထွန်စက် ၁၅၃ဝ၆ စီး၊ ထွန်စက်ကြီး ၃၆၃ စီးတို့ကို နှစ်နှစ် သုံးရစ်ဆပ် အရစ်ကျစနစ် ဖြင့်လည်းကောင်း၊ သုံးနှစ် ခုနစ်ရစ် ဆပ်စနစ်အရ စက်တန်ဖိုး၏ ၁ဝ ရာခိုင်နှုန်းကို ပထမအရစ် ပေးသွင်းပြီး စက်ရယူကာ ကျန် ၉ဝ ရာခိုင်နှုန်းကို ခြောက်လတစ်ဖြတ် ၁၅ ရာခိုင်နှုန်းဖြင့် ခြောက်ကြိမ်ခွဲ၍ ပြန်လည်ပေးသွင်းခြင်း ဖြင့်လည်းကောင်း ထွန်စက်ကြီး ၁၃၈၅စီးနှင့်
ရိတ်သိမ်း ခြွေလှေ့စက် ၅၉စီးတို့ကို တောင်သူများ၏ လိုအပ်ချက်အရ ဖြန့်ဖြူးပေးနိုင်ခဲ့ကြောင်း၊ ထို့ပြင်စက်သက်တမ်း ၁၅နှစ်မှ ၅၅နှစ်ထိ ထွန်စက်ဟောင်း တစ်စီးလျှင်ငွေကျပ် သိန်း ၂ဝခန့်၊ လက်ငင်း၊ အရစ်ကျစနစ်ဖြင့် ထွန်စက်ဟောင်း ၃၉၅စီး ရောင်းချပေးခဲ့ပြီးဖြစ်ကြောင်း သိရသည်။

"အခုဆိုရင် ဝန်ကြီးဌာနက အကောင်အထည် ဖော်နေတဲ့ စက်မှုလယ်ယာစနစ်ကို တောင်သူတွေ ကိုယ်တိုင်ကလဲ စိတ်ဝင်တစား ရင်းနှီးမြှုပ်နှံလာတဲ့အတွက် စက်မှု လယ်ယာစနစ်ကို ပီပီပြင်ပြင် စတင်ဖော်ဆောင် နေပါတယ်။ ရိုးရှင်းလွယ်ကူစွာ တည်ဆောက်ထားတဲ့၊ ဈေးနှုန်းချိုသာတဲ့ လယ်ယာသုံး စက်ကိရိယာတွေ တိုးတက် ထုတ်လုပ်ပေးဖို့ လိုအပ်တယ်။ နိုင်ငံတကာက နည်းပညာသစ်တွေကို သက်ဆိုင်ရာဌာနရဲ့ သုတေသန ရလဒ်တွေနဲ့ပေါင်းစပ်ပြီး သုံးစွဲသူတောင်သူတွေရဲ့ တောင်းဆိုချက်နဲ့ ရေ၊ မြေ၊ ရာသီဥတုနဲ့ သီးနှံအလိုက် အသုံးပြုနိုင်တဲ့၊ အရည်အသွေး မြင့်မားတဲ့ စက်ကိရိယာလိုအပ်ချက်တွေကို ဖြည့်ဆည်းပေးနိုင်ဖို့ အားထုတ်ကြိုးပမ်းကြဖို့ လိုအပ်တယ်လို့ ဧပြီ ၉ ရက်က ပျဉ်းမနားမြို့ အမှတ် (၁) အလတ်စားလယ်ယာသုံး စက်ကိရိယာ ပြင်ဆင်ရေးနှင့် ထုတ်လုပ်ရေးစက်ရုံမှာ ဝန်ကြီးကိုယ်တိုင် မှာကြားထားပါတယ်"ဟု စက်မှုလယ်ယာဦးစီးဌာန၊ လယ်ယာ
မြေဖော်ထုတ်ရေး ဌာနခွဲမှ ညွှန်ကြားရေးမှူး ဦးနိုင်ဝင်းက ပြောပြ၍ သိရသည်။

#Themyawadydaily

မန္တလေးမြို့တော် မဟာသင်္ကြန်မဏ္ဍပ် ဖွင့်ပွဲအခမ်းအနား ဝတ်စုံပြည့် အစမ်းလေ့ကျင့် ခြင်းကျင်းပ



မန္တလေး ၁၂-၄-၂ဝ၁၈

၁၃၇၉ ခုနှစ် ခရစ်နှစ် ၂ဝ၁၈ မြန်မာ့ရိုးရာ ယဉ်ကျေးမှု မဟာသင်္ကြန်ပွဲတော်နှင့် မန္တလေးမြို့တော် မဟာသင်္ကြန် မဏ္ဍပ်ဖွင့်ပွဲ အခမ်းအနား ဝတ်စုံပြည့် အစမ်းလေ့ကျင့်ခြင်းကို ယနေ့နံနက်ပိုင်းက မန္တလေးမြို့ ကျုံးတောင်ဘက်၂၆ လမ်းရှိ မဏ္ဍပ်တွင် ကျင်းပ ပြုလုပ်ခဲ့သည်။

အဆိုပါဝတ်စုံပြည့် ဖွင့်ပွဲအခမ်းအနား အစမ်းလေ့ကျင့်ရာသို့ မန္တလေးမြို့တော်ဝန် စည်ပင်သာယာရေး ဝန်ကြီးဌာန ဝန်ကြီးဒေါက်တာရဲလွင်နှင့် အတွင်းရေးမှူး၊ တွဲဖက်အတွင်းရေးမှူးနှင့် ကော်မတီဝင်များ အပါအဝင် တာဝန်ရှိသူများ၊ ဖိတ်ကြားထားသူများ တက်ရောက် ခဲ့ကြသည်။

အစမ်းလေ့ကျင့်ခြင်း အခမ်းအနားတွင် ဆေးတက္ကသိုလ်(မန္တလေး) ပါမောက္ခချုပ် ဒေါက်တာခင်မောင်လွင်၊ မန္တလေးနည်းပညာ တက္ကသိုလ် ပါမောက္ခချုပ် ဒေါက်တာဆန်းဆင့်၊ ပန်းချီဆရာကိုကိုကြီး၊ ကဗျာဆရာ တက္ကသိုလ် မောင်ထွန်းဝေနှင့် တာဝန်ရှိသူများက မန္တလေးမြို့တော် မဟာသင်္ကြန်မဏ္ဍပ်ကို ဖဲကြိုးဖြတ် ဖွင့်လှစ်ပေးပြီး ငြိမ်းချမ်းရေးအမှတ် အဖြူရောင်ချိုးငှက်ပုံပါ အပြာရောင် မိုးပျံဘောလုံးများ လွှတ်တင်ကြသည်။

ထို့နောက် မန်းစည်ပင်ယိမ်းအဖွဲ့နှင့် ကျောင်းသူ ယိမ်းအဖွဲ့ဝင် ဦးရေ ၅ဝဝ တို့က အစမ်းလေ့ကျင့် ကပြဖျော်ဖြေခဲ့ကြရာ သင်္ကြန်ချစ်သူ ပြည်သူများက လာရောက်အားပေး ကြည့်ရှုခဲ့ကြသည်။

ဆက်လက်၍ သင်္ကြန်သီချင်းများ ဖြင့်ဖျော်ဖြေခဲ့ကြပြီး မဏ္ဍပ်အပေါ်နှင့်အောက် အပြန်အလှန်ယိမ်းအက အစမ်းလေကျင့်ခြင်းများ ပြုလုပ်ခဲ့ကြကြောင်း သိရသည်။

#Themyawadydaily
Related Posts Plugin for WordPress, Blogger...

တင်ပြီးသမျှ သတင်းများ

 

Follow on Twitter

Networkblog

FB Like page